Tagged: 抗氧化

0

【排毒降脂抗氧化 彩虹卷捲出3個願望】懶健康貼士

依家咩都講高效,食彩色蔬菜就可以多元化令腸道更健康。彩色啫,唔係真係嗒彩虹,間唔中食齊紅、黃、綠燈籠椒就搞掂啦。原來唔同色嘅燈籠椒有唔同功效,孖住一齊就好似Kinder出奇蛋咁滿足你三個願望! 紅燈籠椒 —— 含有大量辣椒紅素,比胡蘿蔔素更具抗氧化功效。紅燈籠椒比綠燈籠椒多5倍維他命E同2倍維化命C,呢兩種維化命都係抗氧化劑。維他命E有助防止多元不飽和脂肪酸同磷脂值被氧化;維他命C可以減輕抗壞血酸過氧化物酶基底嘅氧化。 黃燈籠椒 —— 辣椒素加快脂肪嘅新陳代謝,防止體內脂肪積存,有利降脂減肥,小朋友都啱食。 綠燈籠椒 —— 含有豐富嘅葉綠素,幫助排便順暢,加促廢物嘅排泄,對改善便秘好有幫助。 彩虹米紙卷可以一次捲晒咁多種燈籠椒,如果有小朋友,仲可以一齊整添,親子樂之餘多啲顏色又食得開心,氹佢哋食多啲蔬菜都易啲啦。 彩虹米紙卷 材料: 米紙 隨意 燈籠椒 紅、黃、綠各一隻 粟米芯 5-7條 粉絲 一扎 芫荽 少許 蝦 6-8 隻 魚露 1湯匙 辣椒 2隻 青檸 半個 胡椒 隨意 鹽 隨意 1. 燈籠椒及粟米芯切條;浸發粉絲;蝦切件並用鹽及胡椒醃好; 2. 灼熟蝦、粉絲、燈籠椒同粟米芯; 3. 米紙濕水幾秒後鋪平,灑上芫荽碎,鋪上食材包好; 4. 攪勻魚露、辣椒粒、青檸汁做成醬汁,食得。 營養均勻有肉食,瘦得精神迷死人。

0

【6款逆齡水果 拯救乾燥暗啞皮膚】懶健康貼士

依家成日流傳美魔女食嘢有幾健康,只要你明白食咩可以針對改善你想要嘅功效,做美魔女就指日可待喇! 想要逆齡或凍齡,一定要提高抗氧化能力,而花青素係一種天然抗氧化物質,可以喺顏色由紅至藍之間嘅蔬果揾到。花青素嘅抗氧化能力係維他命E嘅50倍,維他命C嘅20倍!認住下面呢6款水果,就話咁易幫你抗氧化對抗自由基。 藍莓——花青素含量最高嘅部位係紫色果皮,可以令細胞更有活力,改善循環系統,對消除眼部疲勞都好有益。藍莓糖分低,減肥都食得。 桑莓——除咗含有豐富嘅花青素之外,仲有豐富維他命同氨基酸。桑莓可以提高免疫力,改善皮膚嘅血液循環,明目烏髮,係女性非常好嘅美容食品。 紫葡萄——花青素含量僅次於藍莓,佢所含有嘅類黃酮都有強力抗氧化功效,係抗衰老絕佳食物。 紅心火龍果——經常食紅心火龍果嘅人,皮膚水潤度會比較高。佢仲有其他水果少有嘅植物性蛋白,幫助排出毒素。 車厘子——除咗有花青素,花色素同維他命E都同樣豐富,可以促進血液循環同提亮膚色。另外對排解尿酸,舒緩痛風都有幫助。 士多啤梨——本身含有豐富維他命C,配合埋花青素,可以保持皮膚彈性、淡化暗黃膚色。

0

【抗衰老start 80後注意!】南非國寶茶

唔好以為80後得26-30歲講抗衰老,係太早呀!少年你太年輕了,其實25歲開始皮膚、新陳代謝都會更新得較慢 ,而衰老就開始加快啦!唔想去到30歲時,肌齡好似40歲咁先後悔! 已經踏入2x歲的小編,都開始成日上網睇用咩眼霜好,點樣keep,其實從生活飲食習慣著手係最重要!基本係要做足防曬、飲多幾杯水、要有做運動習慣,最近返工開始飲朋友送的南非國寶茶 Rooibos Tea,原來可以對抗加速老化的自由基,估唔到連飲茶都幫到手! 查返資料,原來茶葉經過發酵,能保留到更多抗氧化素!而且用有機優質茶葉的尖端最頂級細嫩部分,夠甘香純正,啱晒鍾意飲茶又貪靚的小編!高山南非國寶茶(20包獨立包裝HKD88),近日推出全新雲呢拿口味,下次要試試先!買埋畀媽咪飲岩晒,兩母女一齊靚! 仲有仲有,今次仲可以做善事,如到香港或澳門購買任何高山南非國寶茶產品,每件產品所得收益中的$10,更會撥捐非洲阿彌陀佛關懷中心作慈善用途,非常有意義! 可以去以下銷售點買: 華潤堂/Green Common/源生坊/香港教育專業人員協會/ 綠盈坊/崇光超市/有機生活 查詢:2887 5175