Tagged: 抹茶

0

【京都抹茶甜品店進駐灣仔碼頭 必食濃滑抹茶芝士蛋糕】VIA TOKYO

抹茶甜品店之中,VIA TOKYO都幾受大家歡迎,因為佢用京都宇治抹茶整嘅蛋糕同雪糕都好濃味。最近佢哋喺灣仔碼頭開新舖,坐住食又得,買做搭船吹住海風食又得。 店內走和風設計,仲有各式關於抹茶同咖啡店嘅甜品書俾你邊食邊睇。 蛋糕類入面,宇治抹茶芝士蛋糕(HKD48)就夠晒香濃幼滑喇。Creamy嘅口感食晒又唔會好膩。 抹茶卷(HKD40)就有爆餡嘅抹茶忌廉,入口鬆軟綿密。味道相對冇芝士蛋糕咁香濃,感覺清新啲。 蕨餅雪糕(HKD56)可以揀純抹茶雪糕,或混合牛奶味,質感幾厚實,一份兩個人share都會好滿足。加上紅豆、栗子同抹茶蕨餅做配料,口感層次再豐富啲,最好嘅係加埋雪糕一齊食都唔覺甜膩。 節日限定(HKD48)嘅抹茶雪糕筒上加咗士多啤梨味脆皮同野莓乾,初入口酸酸甜甜,但會俾抹茶雪糕中和返,味道同口感層次豐富。 想飲嘢就推介你飲抹茶拿鐵(HKD43/熱)或焙茶拿鐵(HKD40/熱),兩款嘅味道都算突出,滑身得嚟又唔會奶味過重,配蛋糕都幾夾㗎。   VIA TOKYO 地址:灣仔碼頭1樓W3-5號舖 電話:4610 3188 營業時間:星期一至五:08:00-21:00,星期六、日及公眾假期:11:00-21:00

0

【曼谷5大精選網紅飲品店 朱古力+抹茶大行其道】Frank cake bar、Sarath N. Chocolatier、CPS Coffee、Ditto Modern Tea、和 ピース Peace Oriental Teahouse

曼谷除咗多邪惡美食之外,邪惡飲品店都特別多,而且仲勁吸睛添!今次小編精選5間喺曼谷新興嘅網紅飲品店俾大家,有小清新style嘅漸層朱古力、精緻嘅鳥蛋焦糖朱古力、食得嘅咖啡杯、豬仔造型嘅珍奶同高質嘅日式茶室,快啲睇吓下次飛試邊間啦!   1. 特濃漸層朱古力 喺曼谷Ari嘅BTS車站行十分鐘左右,就會見到呢間行簡約風嘅小清新街頭飲品店。Frank Cake Bar係曼谷嘅網紅集中地,主打一系列漸層朱古力飲品,飲品除咗賣相夠靚之外,仲強調低糖! 招牌純朱古力奶(約HKD17)選用70%濃度嘅黑朱古力,有濃郁嘅可可甘香,唔嗜甜嘅朋友仔都啱飲㗎。睇住店員唧勁多黑朱古力醬,真係流晒口水呀!除咗朱古力奶,仲有焦糖朱古力、薄荷朱古力同黑朱古力泰式奶茶等唔同口味俾你揀。不過記得飲之前要將朱古力醬同鮮奶搖勻,味道就會啱啱好喇。   Frank Cake Bar 地址:46 soi Ari 1, Phaholyothin road,, Samsen Nai, Phaya Thai, Bangkok 電話:+66 88 577 0502 營業時間:星期一至五:08:30-19:00,星期六、日:09:30-18:30   2. 有機朱古力店 咁classic嘅門面就同啱啱介紹嘅小清新飲品店感覺完全唔同,走貴氣典雅路線。佢就係朱古力控唔可以錯過嘅朱古力專賣店Sarath N. Chocolatier,呢度兩款朱古力飲品除咗特別精緻,仲係用上店舖主打嘅有機朱古力添!...

0

【覓食在台北微風南山 五大海外店萬勿錯過】微風南山

近期去台北嘅朋友千祈唔好錯過今年年頭開幕嘅微風南山商場,雖然附近已經有唔少百貨公司,但係呢間新商場一開幕就非常矚目,樓高48層,有成二百幾個品牌進駐,唔少係海外店添。小編就精選咗五間海外食店俾大家,由甜品、輕食到正餐都有㗎。 微風南山同日本百貨品牌atré 合作,將商場2至4樓三層劃分為atré 區域,難怪引嚟唔少海外品牌啦,唔少仲係第一次喺台灣開分店添。Shopping緊要,醫肚都好重要,即刻去覓食先。 人氣爆燈嘅龍蝦堡專門店Luke’s Lobster喺度開海外旗艦店,用料都幾高級㗎,因為用咗龍蝦肉最甜美嘅龍蝦螯,絕對唔會將貨就價。 當然都有蟹肉堡、龍蝦堡同白蝦堡俾大家揀,全部都落足料,夠晒豐富!   Luke’s Lobster 地址:微風南山1樓 電話:+886 02 2758 1758 營業時間:星期日至三:11:00-21:30,星期四至六及假日前夕:11:00-22:00   好多地方都用現成嘅朱古力粉或朱古力漿沖朱古力飲品,但係講究起嚟可以好似沖咖啡咁。Dandelion Chocolate嚴選單一產區嘅可可豆,再自行烘焙、研磨,沖製出濃郁甘香嘅朱古力。佢哋仲有唔同嘅朱古力製品,朱古力控一定要嚟呀!   Dandelion Chocolate 地址:微風南山atré 百貨2樓 電話:從缺 營業時間:星期日至三:11:00-21:30,星期四至六及假日前夕:11:00-22:00   來自日本東京嘅9 Palette Parlor喺度開咗第一間海外店,色彩繽紛嘅鮮果三文治同鮮榨果汁都大受歡迎㗎!買完嘢食,仲有開放式座位俾你坐住歎添。 佢哋啲水果三文治全部都會見到好靚嘅水果切面,未食已經俾佢個賣相吸引住喇!   9 Palette...

0

【熱賣人氣黃金拔絲蛋糕 15蚊3件拉絲誘惑食上癮】平霸

鍾意周圍搵好嘢食嘅平霸今次巡到去深水埗,發現咗呢間榮家糕點烘培店,熱賣台灣同內地都超火紅嘅人氣黃金拔絲蛋糕,見到張Poster已經覺得好吸引喇! 開頭平霸都唔知咩係黃金拔絲蛋糕,問咗店員先知原來即係將蛋糕同肉鬆mix埋一齊,就會有一個拉絲效果,好邪惡㗎! 除咗主打拔絲蛋糕,仲有全港首創嘅冰鎮砵仔糕賣,價錢都好親民,平霸決定幫大家試吓味! 黃金拔絲蛋糕(HKD15/三件),口味都幾多選擇,有大熱嘅抹茶、鹹蛋黃、紫薯、芝士同朱古力等,總共有七款口味,款款都好吸引咁喎!當日店員推薦咗三款口味俾平霸,分別係抹茶、芝士同朱古力味,呢三款係最受客人歡迎嘅! 先講抹茶口味,雖然聞落抹茶味道唔算太突出,不過入口茶味先至開始濃郁,鬆軟口感加上有肉鬆拉絲效果,估唔到肉鬆同抹茶可以咁夾喎,令人有驚艷嘅感覺,同平時食開嘅蛋糕好唔同呢! 芝士口味簡直係邪惡之物,就算加咗芝士,入口都唔會話覺得好膩,反而仲食到芝士本身淡淡嘅鹹香,好滋味啫! 朱古力味道最香濃,熱辣辣咁食真係好正,而且蛋糕用低糖製作,入口甜而不膩,大人細路都啱食! 冰鎮砵仔糕(HKD9/一件)同樣有多款味道選擇,平霸就揀咗石榴味同玫瑰花味。 石榴味道嘅甜品好少見,一打開已經聞到好清香嘅石榴味,入口唔會死甜。口感同傳統砵仔糕有好大分別,唔係軟腍腍嘅,質感反而好Q彈,睇落好似啫喱咁,食落去其實係蒟蒻嘅口感,煙煙韌韌幾有咬口。 玫瑰花味都唔差喎,食落有淡淡花香,味道一啲都唔假,值得一試。   平霸小評:黃金拔絲蛋糕聽到已經覺得好吸引,估唔到食落真係有驚喜!成日都好羨慕台灣有咁多好味嘅糕點,依家香港終於有呢間食到台灣咁hit嘅糕點喇,價錢平平哋,一家大細都啱食,口痕買返幾件嚟頂癮啱晒! 榮家糕點烘培店 地址:深水埗桂林街50A號地下2號舖 電話:6698 0228 《平霸》平食四方,歡迎各界報料。

0

【$148大歎抹茶自助餐 甜點鹹食好芝味】諾富特東薈城酒店

一講到抹茶乜乜乜,相信都好難有人唔鍾意,唔知點解,抹茶及同綠茶好似有種魔力咁,有啲咩只要加咗佢哋,就總可以引嚟一陣熱潮。小編都唔例外,絕對係抹茶嘅忠實粉絲呀!依家諾富特東薈城酒店推出咗「抹茶及綠茶週末下午茶自助餐」,星期六及日每位(HKD148),公眾假期每位(HKD168),由依家至4月15日逢星期六、日及公眾假期供應,咁就可以一家親食住抹茶享受family day啦! 自助餐入面嘅甜品同鹹食款款都好吸引,好似呢個抹茶流心芝士撻,一講到話芝士撻已經好殺食,仲要加埋抹茶口味,絶對係人氣首選。鬆脆帶有牛油香嘅撻皮裝住滿滿嘅流心忌廉芝士,最後灑上抹茶粉,點忍到口呀?食足三個都唔過份。 另外有抹茶意大利芝士蛋糕,傳統意大利芝士蛋糕大家都食過,但係Matchamisu又有冇試過呢?混入抹茶嘅軟滑芝士蛋糕夾住口感香脆嘅曲奇,咁嘅配搭想引死人咩! 綠茶香酥排骨就比較特別,排骨充滿綠茶味仲炸至金黃香脆,咬開熱辣辣仲流出唔少肉汁,肉質外脆內軟又唔油膩,好味喎! 仲有呢個鮮蝦綠茶冷麵,以綠茶為主要材料嘅蕎麥冷麵,配上鮮蝦同蟹籽提鮮,味道相對冇咁濃郁但又帶有陣陣茶香,好清新! 諾富特東薈城酒店 地址:香港東涌文東路 51號諾富特東薈城酒店大堂 電話:3602 8808 供應日期:即日至4月15日期間內,逢星期六、日及公眾假期供應 供應時間︰14:45-17:00

0

【號稱地上最強 爆汁肉香黑豚肩燒丼】和氣食堂

當大家仲著迷食海鮮丼之際,位於黃大仙新開張幾個月嘅和氣食堂已經超前有埋燒丼,號稱地上最強燒丼飯令人心動想去試試係咪真係咁勁。經小編試探後發現除咗燒丼飯夠吸引,自家製雪糕都係餐廳大熱之選,一於同小編去試下啦! 餐廳座位寬闊,仲設有梳化位。食物種類選擇多,而且頗新潮。食餐飯最緊要就係食得滋味又坐得舒適啦。 號稱地上最強燒丼飯,點可以錯過。黑豚肩燒丼(HKD72) (附泡菜),日本鹿兒島直運到港嘅豚肉。配上自家製醬汁,再高溫烤熟,可以鎖住肉汁,令肉味好濃郁。入口甘香而不油膩,脂肪分佈均勻。另配小泡菜,更加醒胃。小編食到津津有味,非常滿足! 想食刺身嘅朋友唔洗擔心,呢度依然有海鮮丼滿足你。珍寶赤蝦海鮮丼(HKD98)有成7款唔同嘅海鮮,小編都心大心細唔知食邊樣先。超巨型赤蝦,蝦肉晶凝通透;厚切三文魚色澤飽滿,海膽更是入口即溶。仲有印有餐廳名嘅玉子,色彩繽紛令小編都要相機食先。 雞翼食得多,但冷製雞翼都係第一次食。電擊雞翼(HKD48)將雞中翼一分爲二,可以避免雞翼成日卡肉喺骨同骨之間嘅問題喇。冰凍雞翼唔單止唔油膩仲酸甜適中又開胃,外層似搽咗蜜糖甜甜地 ,做前菜好開胃。 呢度仲有自家製雪糕,宇治抹茶芭菲(HKD52)特選日本頂級宇治抹茶粉,抹茶味濃郁而不苦澀,香滑有實感。配合清淡蕨餅同團子煙韌,增加口感層次。底層仲有脆片, 令整杯雪糕更豐富。 和氣食堂 電話:2641 8829 地址:黃大仙正德街103號黃大仙中心南館地下G12A號舖 營業時間:星期一至日11:00-22:15

0

【抹茶控注意!食住雪糕遊世界】Kafulin Gallery

你喜歡旅行嗎?想逃離香港嗎?相信大家無時無刻都會有去旅行嘅打算。小編喺灣仔見到一間以旅行為主題嘅雪糕店,店舖內外都有店主周遊列國嘅相片和擺設。小編見到之後,十分羨慕店主有咁多咁美好嘅回憶。據說成日去旅行嘅店主仲親身到日本拜師學藝,所以店內主打日本雪糕,雪糕味道比坊間更加正宗! 單單喺店舖外就已經知店主熱愛旅行,玻璃窗貼上世界大地圖,非常搶眼。每個人都好想去曬地球上每一個地方,小編都唔例外,依間店舖真係望梅止渴,充滿旅行感覺。 牆上掛滿店主喺唔同國家影過嘅照片,顧客嚟到可以置身於唔同國家感覺之中,慢慢享受美味嘅雪糕。佢地仲會不時轉下主題,而家呢期係日本軍艦島,嚟到就可以睇下軍艦島有咩靚相啦! 日本京都宇治抹茶阿法奇朵(HKD36) 首先,抹茶雪糕嘅質感細滑。要做到依種效果,相信需要下唔少嘅苦功,再倒上熱嘅抹茶Latte,冷熱同時喺口腔交織。抹茶豐層次感,味道更為突出。 宇治抹茶軟雪糕筒 Premium Cone (HKD43) 雪糕用咗日本京都宇治抹茶做成,加上日本白玉丸子、十勝紅豆、蕨餅及自家製的抹茶曲奇,配上香脆窩夫雪糕筒。抹茶雪糕香濃軟滑,紅豆香稔加上煙韌白玉丸子,口感非常豐富。 草泥馬芭菲(HKD42) 以秘魯草泥馬為主題,牛奶軟雪糕雪糕上加上一塊草泥馬造型藜麥曲奇,可愛得嚟又非常健康。自家製黑糖蛋糕粒同楓糖焗南美藜麥,口味獨特之餘帶點異國風情。蛋糕嘅綿密、雪糕嘅軟滑同藜麥嘅香脆,入口後真係點食都唔夠喉。 京都宇治焙茶拿鐵 (HKD30/Hot) 香濃日本焙茶加上奶泡,細滑之餘又保留到濃郁嘅茶味,絕對係雪糕之外又一好選擇。 紫薯拿鐵(HKD30/熱) 未飲已經聞到紫薯香味四散,入口之後濃濃紫薯香氣更留於口腔縈繞,紫薯控應該會好鍾意! Kafulin Gallery 地址:灣仔巴路士街17-21號樂景大樓地下4號舖 電話:3709 8434 營業時間:星期一至五:12:30-22:00;星期六、日及公眾假期:12:00-22:00

0

【動漫珍藏陪住食 天后特色爐端燒!】玩具屋

每個人有自己嘅專屬童年,感覺深刻而令人無法忘懷。小編作為90後,童年都係睇住數碼暴龍同比卡超長大,呢間店舖嘅擺設就以大家童年動漫回憶為主打,啱晒70後80後嘅朋友!門口飾櫃擺滿模型,包括:叮噹、小雲及龍珠等等,仲有星矢、黃金戰士、鐵甲萬能俠、巨靈神等等懷舊超合金同多種模型,令顧客彷如置身於玩具世界之中,回想起童年時嘅回憶。 店內食嘅係傳統爐端燒,格局以傳統酒屋為基礎。店內食物都由日本各地直送,保證新鮮。大家可以喺枱吧前慢慢揀自己鐘意嘅食物,揀完之後再交由廚師即場燒烤,原汁原味!而且呢度仲會按照爐端燒餐廳傳統,料理師傅會用木漿(掘返べら)將燒好咗菜式遞比客人,真係好有特色! 餐廳內仲有一個自成一角嘅小型個室(掘りごたつ),免卻咗其他人嘅騷擾。人客可以一邊食野,一邊飲酒傾計,度過一個開心嘅晚上。 粒貝壺焼(HKD190)內有日本粒貝,十分鮮甜。製造過程相當複雜,要先起肉去內臟,再放回貝殼內加湯燒。食嘅時候,建議先吃肉然後再飲湯,湯水吸收咗貝柱嘅味道,鮮味無窮。 甲羅焼(HKD138)先將松葉蟹肉放喺蟹蓋上面燒,再加上日本生蛋同蟹籽,最後配上法包。日本生蛋不但突出蟹嘅鮮味,而且令到整個口感更為嫩滑。法包經過烘焗,香脆可口,同蟹肉配搭的確天衣無縫。甜蕃薯配抹茶忌廉(HKD52)用料十分講究,選用日本紫心蕃薯配上自家製抹茶忌廉,係大熱之選!一凍一熱,衝擊味覺。甜度適中,食落唔膩,啱晒女仔! 玩具屋 地址:天后銀幕街16號地舖 電話:2348 7800 營業時間:星期一至日: 18:00-01:00

0

【跑馬地小巴黎 感受法國慢活情懷 】Saint Germain

如果你工作壓力大到想逃離下,可以去轉跑馬地尋找另一片寧靜。French Creations 旗下位於跑馬地中心地段嘅Saint Germain,遠離鬧市煩囂,格外舒適親和。再加上馬場嘅景色,喺度同朋友談心聚舊最適合不過。  最近Saint Germain仲推出全新法式晚市經典menu,加入多款傳統法國菜式。 鍾意食牛嘅朋友望過黎,呢道法式燉小牛肉Veal Blanquette(HKD208) 份量十足。嫩滑小牛肉,配上鮮甜紅蘿蔔同蔬菜,浸係濃濃忌廉汁內,絕對可以令你一試難忘。 古麥米牛肝菌意大利飯Épeautre & Porcino Mushroom “Risotto” (HKD168) 古麥同牛肝菌配合得天衣無薘,牛肝菌更含有好高營養價值,加上牛肉湯一齊煮至濃厚,最後加入大量巴馬臣芝士。 鱈魚因為刺少,且含有豐富維生素,所以深受大家喜愛。香煎大西洋鱈魚Roasted Atlantic Cod(HKD198) 口感甜滑、入口即化,配上新鮮蒸煮的蔬菜和番紅花醬,為味蕾帶來衝激! 扁豆沙律Green Lentil Salad(HKD88) 配上新鮮蕃茄、紅蔥頭、些利酒醋(Xeres vinegar )、九芽菜及合桃醬汁。 Saint Germain 地址:跑馬地黃泥涌道1A地下 電話:2836 6131 營業時間:星期一至日,中午11時至晚上12時

0

【大滿足! 啖啖肉龍蝦盛宴】Master Kama

香港掀起一股龍蝦狂熱潮,似乎吃貨們都對龍蝦食物著迷。當中以龍蝦包、龍蝦湯作招徠嘅Master Kama,更獲不少吃貨稱讚。令小編都開始好奇究竟有幾吸引。餐廳位於鬧市銅鑼灣,裝潢以簡約風爲主,藍白色設計配上淺色木桌同湖水色梳化,令人感覺更舒適自在。小編仲發現餐廳多個小角落都有龍蝦公仔,相當可愛。 龍蝦匯(HKD428)嘅威力令小編覺得係必點食物之一。套餐包括有龍蝦包、炸蒜蓉牛油龍蝦同龍蝦海鮮石鍋湯烏冬,賣相相當吸引! 龍蝦包同烤蒜蓉牛油龍蝦(Half Size) 龍蝦包吸睛不在話下,仲要係足料上檯。龍蝦包包身十分軟熟又有陣陣牛油香味且口感香脆,包入面嘅龍蝦肉鮮甜彈牙又肥美 ,入口啖啖肉滿足感爆登!烤蒜蓉牛油龍蝦蝦肉帶鮮味,肉質唔會太乾,蒜蓉味道濃郁,鍾意食龍蝦嘅朋友實會愛上。另外一籃薯條,入口脆卜卜,小編食到停唔到口。 龍蝦什錦海鮮石鍋湯烏冬用石鍋上可以Keep住熱辣辣!仲可以自由選擇配湯飯或是湯烏冬。金黃色湯底配上大大隻龍蝦鉗,好震撼呀!龍蝦湯底味道香氣撲鼻。除咗有龍蝦仲有其他海鮮鮮,有青口、蜆肉同魷魚等,咁多海鮮匯集令湯底更鮮甜。 龍蝦玉子燒(HKD88)内有乾坤,輕輕切開蛋卷會見到蝦肉。玉子燒嘅蛋身香滑,甜味較重。 黑魚子龍蝦多士(HKD68)蝦多士人人都食過,龍蝦多士真係少見啦!龍蝦多士咬落極之酥脆,入口龍蝦味道鮮甜,配上黑魚子海鮮味道更覺香濃! 相機食先必備Master Magic Soda(HKD48)趣味十足,原先上檯時呈藍色,當倒入檸檬汁攪拌後,就會變咗紫色。好似變魔術咁神奇!味道清涼醒神。 茶町屋系列——屋(HKD78) 抹茶三重奏,有晶瑩剔透嘅水滴餠,口感煙韌嘅抹茶蕨餠,再配上香濃幼滑抹茶雪糕。抹茶味嘅蕨餅上面沾咗少許黃豆粉,味道頗特別。 Master Kama 地址:銅鑼灣謝斐道500號維安商業大廈3樓 電話:3421 2129 營業時間:星期日至四: 12:00-22:00 星期五至六及公眾假期: 12:00-23:00 Day and Nite by Master Kama 地址:旺角山東街50號1-2樓 電話:3106 0900