Tagged: 新口味

0

【2019端午糭新味吹養生風 6大靚糭優惠Last Call!】翠亨邨、奇華餅家、尚鮑、帝京酒店、鴻福堂、東海飲食集團

下星期就係端午節喇,點都要食返隻糭應吓節嘅,包唔切就睇吓小編精選幾款新口味嘅糭啱唔啱你啦!啲糭要經濟有經濟,要矜貴就好矜貴,今年仲特別多走健康趨勢嘅素糭添,有變又唔怕食濟添。   翠亨邨:兩款全新素糭 養生姬松茸×黃金柑桔 翠亨邨今年新推出呢款養生姬松茸百味糭(優惠價HKD98)以健康養生為主,用咗三色藜麥、栗子、鷹嘴豆呢啲健康食材嚟整,再加入姬松茸、蟲草花、昆布同海帶,用料好豐富㗎。 想食鹼水糭嘅話,不如試吓黃金柑桔糭(優惠價HKD53)。呢款獨創口味係以糖柑桔同埋自家製柑桔蓉整成鹼水糭,食落有淡淡柑桔果香添,蘸埋佢哋嘅蜜味柑桔醬一齊食就更開胃喇!   銷售點:翠亨邨全線分店 銷售日期:即日起現貨發售   奇華餅家:全推梅菜紅燒肉糭 創意口味突破傳統 奇華餅家新推兩款糭有鹹有甜,左邊嘅梅菜紅燒肉糭(HKD62)就將平時食開嘅家常菜同糭crossover,糭入面嘅肉以紅燒汁燉煮,加埋梅菜夠晒入味,呢款糭創新之餘又有一種熟悉嘅感覺喎。而右邊嘅蜜棗栗子麥米素糭(HKD58)放咗蜜棗同原粒栗子,味道清甜又有咬口,健康又飽肚。   銷售點:奇華餅家全線分店(北角港鐵站、海洋公園及香港國際機場分店除外) 銷售日期:即日起至6月7日   尚鮑:孝敬之選 60克南非鮑魚入「糭 」 鮑魚專門店尚鮑推出嘅糭當然以鮑魚做主角啦!佢哋嘅尚鮑南非鮑魚瑤柱上海糉(HKD498)選用60克南非鮑魚,慢煮後香軟易咬。呢款糭有傳統糯米同新出嘅紫米俾你揀,想吸收多啲纖維健康啲就試吓紫米啦。限量500隻咋,想食就快啲去預訂喇!   銷售點:尚鮑 地址:中環威靈頓街60號地舖 電話: 營業時間:   帝京酒店:三色素糭新組合 帝京酒店嘅三色養生糭(原價HKD148;5月31日或之前預訂HKD118)系列除咗有纖維豐富嘅黑松露雪蓮五穀糭同香甜嘅桂花藜麥甜豆糭之外,今年仲有新登場嘅松茸桂圓薏仁糭,用咗雲南松茸配搭桂圓、薏仁呢啲咁養生嘅食材,食多啲都唔驚膩啦。   銷售點:帝京餅店 地址:香港九龍太子道西193號帝京酒店一樓 電話:2622 6256...

0

【品味尊貴雪糕】MÖVENPICK®

相信鍾意食雪糕嘅朋友對MÖVENPICK®一定唔會陌生。今個夏天,MÖVENPICK®全新推出焦糖味CARAMELITA 家庭裝(500ml)及法式焦糖燉蛋味CRÈME BRÛLÉE 迷你裝(175ml),等大家可以喺屋企慢慢嘆! 今次推出嘅全新焦糖CARAMELITA口味,雪糕入面除咗有香濃幼滑嘅焦糖醬之外,仲有手製嘅瑞士焦糖脆粒,令人回味無窮。另外,法式焦糖燉蛋CRÈME BRÛLÉE味,亦將法式焦糖燉蛋之中香濃細膩嘅焦糖味同埋蛋味完美展現,鍾意食法式焦糖燉蛋嘅你點可以錯過呢? 小編本身係一個雪糕友,食過覺得MÖVENPICK®嘅雪糕質感非常幼滑,原來雪糕入面加咗瑞士忌廉,令到每一啖都好軟滑,推介比所有鍾意食雪糕嘅朋友!