Tagged: #新年

0

【4大開運盆菜最後召集! 送埋Le Creuset琺瑯鑄鐵鍋】大家樂、叙福樓金閣、忠誠盆菜館、大官廳

盆菜有十幾款餸,要矜貴嘅有、要傳統口味又有,最重要係唔使辛苦媽媽或老婆大掃除之後仲要煮一大餐。小編精選咗四間唔同級別嘅四至六人份盆菜,由抵食、老字號酒家、傳統圍村味、到送Le Creuset高級廚具都有,睇吓想揀邊款團年同開年啦!   經濟又方便 大家樂 大家樂咁多間分店,隨時屋企樓下就有,論方便程度真係冇得輸!如果用信用卡網上訂購仲有優惠添,好似6位用嘅原粒瑤柱福袋盆菜(原價HKD688/6位用),用DBS信用卡只需要HKD548(約八折),其他信用卡就HKD578(約八四折)。呢個盆菜包含19味餸,有原粒日本宗谷瑤柱(6粒)、黃金褔袋(6個)、茄汁中蝦(6隻)、日本蠔豉、玫瑰豉油雞、燒鴨、花菇、南乳炆蓮藕、炸魚蛋、沙嗲豬皮、沙嗲魷魚、蠔菇、鴨掌、芋頭、蘿蔔同西蘭花等等。集矜貴、傳統食材同好意頭於一身㗎。 如果訂完盆菜仲想加料,可以睇吓呢幾味追加菜式啱唔啱你: 組合一(HKD236):外層金黃鬆脆,內裡爽口彈牙,用蝦膠整成嘅百花釀蟹鉗(2客共12隻)。 組合二(HKD316):福祿原隻蠔皇鮑魚(6隻)以蠔皇汁熬製,味道鮮甜;再配百花釀蟹鉗(6隻)。 組合三(HKD296):橫財就手(10件)係用南乳炆到滑腍又有膠質嘅豬手;再配順德巧手家鄉菜順德煎釀鯪魚(2磅),味道甘香又寓意年年有餘添。   大家樂 查詢電話: 2601 8484 網上訂購:cny.cafedecoralfastfood.com (亦可以到各分店訂購)   老字號酒家 叙福樓金閣 叙福樓集團話晒都係老字號酒家之一,出品一定有保證。今年集團旗下嘅叙福樓金閣、御苑皇宴同御苑都有呢個手工滿盆(滿足價:HKD838/6位用,原價:HKD1,238),有花膠、蠔豉、瑤柱、遼參、虎蝦、北菇、圓蹄、燒腩、燒鴨、切雞、髮菜、芋頭、蓮藕、雞髀菇同蘿蔔等十幾款材料。如果想再食得豪氣啲,可以改訂鮑魚手工滿盆 (滿足價:HKD1,038/6位用,原價:HKD1,538),咁就有埋原隻8頭鮑魚。如果有食多幾隻,仲可以用HKD38/隻逐隻追加添,不過記得提前一日預訂盆菜呀。   叙福樓金閣 地址: 天水圍天華路33號T Town North1樓N106-109號舖 電話: 2528 1798 營業時間:星期一至日:06:30-23:00 御苑皇宴 地址:尖沙咀麼地道68號帝國中心1樓 電話: 3962 1188...

0

【2019賀年糕點最後召集!精選4大新口味素糕都有】明閣、帝京酒店、奇華餅家、Green Common

踏入2019年好快又要辨年貨啦,因為仲有半個月左右就到豬年喇,時間真係快到嚇死人。過年必食嘅梗係各式賀年糕點啦,唔食過點似過年呀!為咗幫大家慳返啲時間,小編幫你做埋功課,睇吓呢幾款新口味嘅賀年糕點啱唔啱你啦! 米芝蓮粵菜食府 明閣 新年一定要好意頭,明閣今年嘅富貴金桔馬蹄糕(HKD268/1斤2両)淨係個名已經夠大吉大利。加入金桔整呢款馬蹄糕,味道更加清甜甘香,配上口感爽脆嘅馬蹄片,不論咬口、味道同意頭都攞滿分。   明閣 地址:旺角上海街555號香港康得思酒店6樓 電話:3552 3028 營業時間:星期一至日:11:00-22:30   貴氣之選 帝京酒店 蘿蔔糕可以話係賀年糕點嘅必食膽拖之一,用帝京酒店嘅松茸蠔豉蓮藕糕(HKD268/900g)送禮仲好有派頭添。大廚選用矝貴嘅松茸,令蘿蔔糕散發濃厚嘅菇菌香氣,加埋超級食物之一嘅藜麥,混入蠔豉、蓮藕同雞髀菇等食材,甘香同脆口嘅感覺食唔停口啦。1月21日或之前訂購仲有得平呀,只係HKD241,不過記得最少提前3日預訂呀。   帝京酒店 地址:香港九龍太子道西193號 電話:2622 6256 營業時間:星期一至日:24小時   老字號 奇華餅家 仲有奇華餅家推出新款滋補嘅香菇蟲草花素蘿蔔糕(HKD105/530g)。用大大粒香菇、新鮮蘿蔔條、清香爽口嘅蟲草花、爽脆嘅木耳同甘香鬆脆嘅腰果整成,仲用埋素食蠔油調味。講到素食糕點唔止佢有,Green Common都有㗎!   奇華餅家 地址:元朗安寧路2-6號2樓 電話:2476 9888 營業時間:從缺   潮食素糕 Green Common...

0

【過年食到腸都塞 即煮木瓜甜品消滯】懶健康貼士

過年後嘅通病都係食到肚滿腸肥,跟住就要食得清啲通吓腸要減吓肥喇!今次就介紹木瓜同合桃嘅快速甜品組合,幫大家通返條腸啦! 木瓜 —— 含有嘅木瓜蛋白酶可以將脂肪轉為脂肪酸;另外亦含有一種蛋白質分解酶「木瓜酵素」,可以分解肉類中嘅蛋白質,減退飽脹不適嘅感覺。 合桃 —— 有豐富纖維,促進腸胃蠕動、消化同排便。合桃仲有豐富嘅次亞麻油酸,屬於omega-3形式嘅脂肪酸,對降低血脂同膽固醇相當有效,啱晒大魚大肉之後食。合桃可以生食,當零食食都得。 黃金缽缽 材料: 木瓜 1個 粟米粒 3湯匙 提子乾 適量 合桃 適量 芝麻 適量 1. 將木瓜開半後去籽。 2. 放上適量粟米粒一起蒸10-20分鐘(視乎木瓜嘅成熟程度)。 3. 灑上適量合桃、芝麻及提子乾,食得!*鍾意黑醋嘅朋友可以淋少少喺面再食。 還原靚靚腰,肥美節唔使怕。

0

【打邊爐都有得撈起 開年飯福袋好意頭】四季文昌 Coco Kitchen

無論公司定朋友之間嘅開年飯,一定要食啲意頭嘢嘅!火鍋店四季文昌就有一系列開年食品同大家一齊慶祝,撈起、和牛拼盤、黑松露福袋等等美食,俾大家打邊爐都多啲新意。 文昌賀年齊撈起(HKD268)鮮味十足,以每日新鮮直送嘅挪威三文魚刺身做主角,肉質細嫩鮮美;仲有海鮑片絲、哈蜜瓜絲、青瓜絲、甘荀絲、薄脆、魚仔同炸花生,8款食材寓意風生水起、年年有餘! 黑松露鮮蝦福袋(HKD88)以日本油揚做皮(即是炸腐皮豆腐),混合黑松露同鮮蝦肉後釀入福袋。咬開福袋會有一股黑松露香氣湧上嚟,爽口多汁嘅蝦肉令人更加開胃。 七彩芝士流心丸(HKD108)係全人手打嘅新鮮丸子,分別用上墨魚、士多啤梨、黑松露、墨汁、芒果、紫薯同斑蘭做成,裡面再釀入香濃芝士粒,爆芝嘅美味係芝士控唔可以錯過㗎! 過節點都有樣豐富啲嘅食物先夠開心,和牛獻瑞拼盤(HKD398)有齊日本同澳洲嘅高質和牛!拼盤有油花較豐富嘅日本佐賀和牛牛肩肉、嫩滑無比澳洲M9和牛牛肩肉、有嚼口嘅安格斯牛頸脊、加拿大牛舌粒同安格斯牛粒5款咁多,一次滿足愛牛人士嘅「肉」望! 黃金滿屋(HKD68)係賀年限定推介火鍋配料,將即叫即炸嘅油炸鬼釀入每日以新鮮蝦肉打製嘅蝦滑,面頭再鋪滿橙黃色嘅飛魚子,集香脆同彈牙於一身,又係好滋味!   四季文昌 Coco Kitchen 地址:旺角荔枝角道33號百匯軒地下及1樓全層 電話:2499 2700 營業時間:星期一至日:11:30-00:00 尖沙咀分店 地址:尖沙咀金巴利道35號金巴利中心地下A及B舖 電話:2778 7955 營業時間:星期一至日:11:30-00:00

0

【韓式賀年菜應吓節 食完煎餅嗒返杯米酒】SSAL BORI SSAL

聽日就大年初一喇,喺韓國「年糕湯」係韓國人嘅賀年意頭菜式,主打韓國米酒 (Makgeolli)嘅韓式餐廳SSAL BORI SSAL,仲有全新韓國菜式同首次推出全港獨有嘅韓國米酒拼盤,真係聽到都覺得吸引呀,韓食迷唔好錯過喇! 韓國煎餅拼盤 (HKD198)煎餅係其中一款喺韓國常見嘅賀年菜式。韓國人會製作體積較細嘅煎餅,方便大家分享。SSAL BORI SSAL就跟返呢個傳統,集合6款韓國招牌煎餅,組成拼盤,分別有原條青椒煎餅、韭菜煎餅、韓式牛蒡煎餅、泡菜煎餅、綠豆煎餅同特別為香港新年製作嘅鮮蝦煎餅,代表「哈哈大笑」嘅意思。 炸原隻人參雞(HKD189)人參雞湯就飲得多,炸人參雞又食過未?將傳統韓國人參雞同韓式炸雞合併,用預先浸好咗嘅糯米、人參片、紅棗同少量嘅蒜放入原隻雞中,再用真空低溫嘅方式煮6個鐘;之後再將人參雞原隻放入油中炸到個皮脆卜卜。上菜用燒熱嘅鐵板裝住,撕開雞腔,糯米飯同湯汁慢慢流出,口水都流埋! 辣豬肋骨湯鍋 (HKD230)睇落好簡單但做法都幾複雜㗎!要將豬肋骨肉浸凍水約1個鐘,再將豬肉骨連洋蔥、胡椒粒、大蒜同月桂葉喺沸水煮約30分鐘,咁樣可以有助去除豬肉嘅臊味;之後再將豬骨、馬鈴薯、洋蔥、招牌醬汁、青蔥同韓國紫蘇籽一齊熬煮30分鐘,最後加埋韓國芝麻葉就完成,味道當然唔使多講,超級正呀! 最後點少得重頭戲韓國米酒拼盤 (HKD138)韓國Makgeolli主要分為「生」同「熟」米酒兩大類。兩者再分為「有味」同「純味」兩種。「生」嘅韓國米酒保存期只有一個月;而今次SSAL BORI SSAL首度推出呢個韓國米酒拼盤,等客人可以一次過品嚐到6款唔同款式同口味嘅韓國米酒,機會非常難得。 SSAL BORI SSAL 地址:尖沙咀金巴利道78號金輝閣地下B舖 電話:2736 8444 營業時間:星期一至四:12:00-15:00;17:30-23:00;星期五至六:12:00-15:00;17:30-01:00(星期日休息)

0

【新年暴食急救法 營養師教你「5多」消滯】懶健康貼士

就到新年喇,為咗準備一輪徹底嘅食慾大解放,要參加Party、食自助餐、打邊爐等等Non-­‐Stop吸收卡路里嘅節目,梗係唔可以飽飽滯滯冇晒胃口啦!依家就等NUTRILICIOUS創辦人同首席營養師Michelle Lau話俾大家知,究竟每餐暴食過後,食咩可以「急救」,避免腸胃受苦! 1. 多飲熱檸水 檸茶檸水都有助消化,檸檬含豐富維他命C,除可預防節日後夜瞓兼大吃大喝而累病外,因為酸味食物可刺激胃酸分泌,幫助消化;怕酸嘅話改用代糖或可以加少少鹽,同時做到消炎潤喉功能;如果本身經常胃痛或有胃病嘅人,就應避免食太多酸味食物,以免刺激胃部。 2. 多食水果 好多水果都含有對消化有益嘅天然酵素,其中木瓜含木瓜蛋白酶、菠蘿嘅菠蘿酵素及奇異果嘅Actindin,都有助加速分解蛋白質,幫助腸胃消化肉類食物,而其中嘅纖維更可促進腸道蠕動。成人每日只要一日食相當於兩個成人拳頭大小的分量,即可幫助消化兼刺激食慾。 3. 多飲茶 綠茶、煎茶等含有抗氧化物兒茶素同時美肌防痘,而其中嘅單寧酸和咖啡因均可有效刺激胃酸分泌,幫助消化;另外,飲茶還可幫助消除腸胃氣,利水排尿、減輕水腫;烏龍茶更有消口氣作用;薄荷茶也可幫助膽汁分泌,分解油脂。 4. 多食乳酪 服用乳酪、乳酸飲品含有豐富益生菌,可幫助平衡腸道內嘅益菌及害菌,促進腸道蠕動幫助消化過程,加快排清宿便,紓緩肚脹感覺或消化不良情況,但要記得選擇低糖低脂乳酪產品! 5. 多食高纖食物 高纖維食物包括綠色蔬菜如西芹、秋葵及西蘭花,或連皮食蘋果或梨等含豐富膳食纖維,有效促進腸道蠕動,促進排便,有助消化。比一般蔬果含有更多水溶性纖維,可有效降低飽和脂肪形成嘅膽固醇。   Michelle Lau 營養諮詢公司NUTRILICIOUS創辦人及首席營養師(加拿大人類營養學碩士)。專注範疇包括運動營養學、體重管理、兒童和婦女營養學。致力推廣均衡營養飲食概念,為多間機構提供營養飲食服務及為顧客提供度身訂造的飲食計劃 。作為一個熱愛跑步和烹飪者,她深信 “Life is so endlessly delicious.” Follow her on ig/fb@nutriliciousss