Tagged: 日本和牛

0

【日本肉料理大師傳授燒肉秘技 推純血日本和牛限定餐單】JFOODO

和牛係日本嘅高級食材,當地人亦以100%統血和牛招呼重要嘅人同聚會,因為佢哋嚟講係最高級別嘅款待方式之一。咁我哋喺香港可以去邊食到真正100%純血和牛?JFOODO就同逾50間餐廳合作推出以「和牛100% 款待100%」為主題嘅100%純血和牛限定餐單,仲請嚟日本燒肉大師田邊晉太郎先生分享烹煮日本和牛嘅最佳方法添,即刻睇吓有咩秘技同邊度可以食到最純正嘅和牛啦! 唔少人都鍾意食燒肉,但燒得靚真係好講技巧。日本燒肉大師田邊晉太郎先生話想避免啲肉痴住個網,好似西冷呢啲多油脂又厚切嘅部位,燒嘅時候要夾住嚿肉一吓一吓去掂網面,慢慢迫出油脂後先放喺網面慢慢燒,避免直接放喺網上燒令肉塊痴網。 如果薄切嘅和牛就慢火烤,大火會容易令肉片過熟,見到肉片轉成淺粉紅色都已經可以食用。 燒到咁上下好易令油脂凝結喺網面,呢個時候可以將隨燒肉附上嘅檸檬喺網面來回摩擦,以後記住唧完檸檬汁落肉度都唔好咁快掉咗塊檸檬喇。 知道小技巧梗係去搵食啦,依家就睇吓合作餐廳之一嘅298 Nikuya Kitchen有咩好食啦!和牛盛合(HKD358)燒肉拼盤有西冷、肩里脊肉、牛肋條同腿肉。 和牛涮涮鍋(HKD358)配以牛肩肉同七式蔬菜盤,味道清香又冇咁膩。 和牛壽喜燒(HKD358)湯汁相對濃味啲,令牛肩肉嘅肉味更濃郁。將煮好嘅肉蘸落生雞蛋,口感會更滑溜。 參與「和牛100% 款待100%」統血和牛限定餐單餐廳如下,每間都會推出唔同菜式㗎! 298 Nikuya Kitchen 肉料理 廣 溫野菜 太古店 牛角 香港仔店 牛涮鍋 粉嶺店 溫野菜 尖沙咀店 牛角 銅鑼灣店 牛涮鍋 九龍灣店 S2 鐵板燒 牛角 黃埔店 牛涮鍋...

0

【嚴選4大熱石燒牛扒店 親民價歎高質靚牛扒】野郎Stone、Tiger San、牛極、御品·千之味

全港有咁多間熱石燒牛扒店,究竟點揀好呢?今次小編就嚴選咗四間性價比高嘅餐廳俾大家,等大家用貼地價錢食到高質靚牛!尖沙咀嘅野郎Stone有唔同稀有牛肉部位揀,仲有出色嘅秘製牛扒醬汁添;青衣嘅Tiger San新出「火石燒套餐」,最平HKD88有交易;而近期喺旺角開新分店嘅牛極食日本和牛都係百幾蚊啫;最後有深水埗嘅御品·千之味可以一個價錢食勻熱石和牛、刺身同串燒。講多無謂,碌埋落去睇真啲邊間啱你啦! 野郎Stone秘製醬汁有驚喜 尖沙咀嘅野郎Stone以親民價就食到高質靚牛,呢度嘅牛肉種類都幾多,有A4和牛肩胛肉眼、A4和牛三角牛腩、牛柳等等,而稀有啲同最平嘅係牛面肉(HKD78起);仲有神秘A4黑毛和牛部位(HKD188起),每日唔同款㗎! 想食得精啲可以揀稀有部位骨付牛小排(HKD98/200g),油花均勻,肉質又夠嫩。呢度嗌任何扒類加錢可以轉套餐(+HKD30),咁就任食配菜同包一罐汽水喇。 餐廳仲有特製醬汁俾你蘸牛扒,記得試勻自家製白松露蒜蓉醬、自家製辣味噌同埋柚子味酸汁!   野郎Stone 地址:尖沙咀厚福街7A號地下E舖 電話:5114 2429 營業時間:星期一至日:12:00-23:00   Tiger San新推平價套餐 青衣嘅Tiger San最近新出「火石燒套餐」系列,青衣人唔使出到咁遠都歎到喇!五款套餐最抵又啖啖肉嘅係牛肩扒(HKD88),另外有和牛、薄牛肉、牛脷同雞扒可以揀。 呢款燒牛脷(HKD98)唔太油,肉質幾爽口,仲有芽菜可以吸埋肉汁添。如果轉套餐(+HKD30)就包一碗麵豉湯、沙律同白飯。   Tiger San 地址:青衣青敬路33號青衣城2期2樓226號舖 電話:2619 1018 營業時間:星期一至日:11:30-22:00   牛極百幾蚊歎日本和牛 要搵CP值高嘅牛扒店,點可以唔提啱啱喺旺角開新分店嘅牛極呢?五款牛部位價錢夠晒貼地,每款仲有三個分量俾大家揀。最平係牛肩肉眼扒(HKD80),豪氣啲食和牛都係百幾蚊有交易。 日本和牛(HKD170/200g)都有咁上下厚度,跟扒包埋嘅沙律、白飯同麵豉湯仲係任食添,抵到暈啦!   牛極 地址:旺角通菜街78號地舖 電話:6388 8002...

0

【新開熱石燒牛扒店CP值爆燈 激抵和牛扒任食配菜】牛極

想食CP值高嘅牛極熱石燒牛扒唔使淨係去深水埗喇,佢哋啱啱喺旺角開分店,五款牛部位價錢夠晒貼地,每款仲有三個分量俾大家揀。最平嘅牛肩肉眼扒HKD80就食到,豪氣啲食和牛都係百幾蚊有交易。跟扒包埋嘅沙律、白飯同麵豉湯仲係任食㗎,包你食到飽呀! 店面招牌咁當眼,各位食肉獸實唔會搵錯啦。 點餐係用門口呢部自助點餐機,揀好食邊款牛扒就直接落單俾錢,幾方便喎。 落咗單就去點餐機背面嘅自助區啦,可以自取任飲任食嘅沙律、白飯同麵豉湯食住先。 牛扒會先燒到大約一成熟,落少少鹽同黑椒調味,再放喺預熱到300度高溫嘅火山石板度上枱。切開牛扒後利用石板嘅熱力,再煎至你要嘅熟度!呢款牛肩肉眼(HKD80/180g)係抵食首選,啱晒要求性價比高嘅食肉獸! 港人鍾意嘅西冷牛扒(HKD130/200g)都有得食。 想食得高級啲可以試吓日本和牛(HKD170/200g),睇見啲雪花紋就流晒口水喇! 提埋大家,餐廳試業一排調整咗價錢,呢幅圖係最新資料呀。   牛極 地址:旺角通菜街78號地舖 電話:6388 8002 營業時間:星期一至日:12:00-23:00

0

【鹿兒島頂級燒肉店襲港 豪食「4%奇跡之牛」】Beefar’s

近排好多過江龍日式燒肉店相繼攻港,即係小編嘅脂肪比例又再度提高啫(唔想係真囉)!不過話時話,A4和牛大家就食得多,但A5級別嘅牛可能就少啲機會食到喇(好貴呀,又唔知有咩分別)!今次就帶大家嚟到呢間專提供A4等級或以上和牛嘅鹿兒島過江名店Beefar’s,試吓嬴過日本和牛大賽嘅和牛係咪真係咁好食先! Beefar’s所賣嘅薩摩牛被譽為「4%奇跡和牛」,真係聽到個名都嚇一嚇,心諗:「有冇咁勁呀?」。不過再聽餐廳經理講,原來鹿兒島每年生產嘅13000隻薩摩牛入面只有大約500隻能夠成功入選,又真係好矜貴咁喎!好,小編決定試吓佢哋嘅Beefar’s全牛盛合(HKD848),一次試勻薩摩牛嘅牛柳扒、牛肋肉、牛赤肉、頂級西冷、頂級牛小排、上等牛舌、和牛面頰肉同埋頂級安格斯側腹橫肌牛肉。經理話呢個set係4人分量嘅,望落去肉上嘅紋路都好靚,除返開每人200左右食到晒唔同部位嘅靚牛肉,其實價位合理嘅 ! 師傅建議燒嘅時候盡量唔好well done佢,半生熟就perfect喇!入口超嫩滑,嚿肉幾乎喺口入面融化咁滯呀!就咁易沾少少盬同wasabi就食得,師傅話咁樣食係最原汁原味嘅,當然店內亦有提供燒肉專用醬汁,可因應個人喜好選取。 如果食完和牛盛合覺得唔夠喉,可以再追加呢個4%奇跡之牛極上牛肩肉(HKD238)。呢個牛肩肉唔喺和牛盛入面嘅,因為呢個奇跡之牛肩肉屬於A5級別,霜降程度達10級或以上呀!其實食牛食到A5真係唔係咁多機會,所以呢,食嘅時候記得嗒真啲喇!師傅都係建議大家唔好燒得太熟,見到肉上面有啲格仔坑紋就夠㗎喇!入口真係超有牛味,直頭可以話喺小編食過最好食嘅燒肉,「奇跡之牛」浪不虛名呀! 呢個和牛海膽壽司&和牛甜梨卷(HKD118)亦都係Beefar’s嘅特色菜式嚟。小編唔太習慣食「和牛刺身」,不過食落口又ok。和牛上嘅海膽好新鮮,鍾意食海膽嘅朋友一定啱!不過小編最鍾意都係呢個甜梨卷,和牛嘅油膩感喺咬落口嘅一瞬間被梨嘅甜味中和,好好味呀!呢個甜梨卷好有驚喜! 如果嫌晚市套餐都係有啲貴嘅話,可以試吓佢哋嘅午市套餐,極上烤肉午餐(HKD298)亦分別有4%奇跡之牛極上牛肩肉同牛肩眼肉㗎,咁就可以用平啲嘅價錢試吓4%奇跡之牛喇!另外仲有定食添喎,食材同樣係頂級嘅薩摩牛,會有師傅幫你燒好再送上,Lunch time想食好西冇難度啦!   Beefar’s 鹿兒島燒肉 地址:尖沙咀金馬倫道8號Otto酒店2/F 電話:2557 6286 營業時間:星期一至五:11:30-15:00;18:00-01:00;星期六至日:11:30-01:00