Tagged: #早餐

0

【麥記走塑凍檸茶冇飲管 網民質疑:選擇性走塑!】食焦

環保環保,好多人都話要環保,近年仲有唔少餐廳食肆大鑼大鼓咁話要響應,紛紛都話要走塑,麥記喺平安夜開始就坐言起行唔走數喇,全面走飲管,有埋slogan叫「麥麥走飲管」㗎!講到環保咁大個題目,講真唔會有人反對㗎喎,不過可能啱啱開始,搞到有唔少食客都有怨言囉! 有網友就喺香港討論區度開po,話麥記為走塑而走塑喎,事主好日都唔去麥記食早餐,咁啱去食個早餐配個凍檸茶,冇!飲!管!「後來,服務員都唔好意思,周圍搵,咩都搵唔到,唔知係咪早過頭啦,講咗幾次唔好意思,最後畀佢搵到一支軟拉拉嘅膠棒仔,有支飲管都話可以用飲管篤。連飲管都冇,點篤?最後,畀多一套刀叉我叫我自己篤。」 有唔少網友得出嘅結論係,膠棒仔、刀叉其實都係膠喎,點解要判咗膠飲管先係有罪仲要死刑冇得再出現,反而膠刀膠叉膠杯膠蓋膠棒又冇罪?全部都仲生存緊喎,於是有好多網友都話麥記根本就係選擇性走塑,有網友仲話「走塑就唔好有開心樂園餐啲公仔」添,好笑,又啱喎! 要大家響應環保都要有過程適應吓嘅,亦有網友話啱啱走塑大家仲未習慣啫!依家全面走飲管就有網民話點解唔俾紙飲管人飲?不過有網友提供另外例子,話之前去海洋公園飲飄雪冰,已經係用紙飲管,但係用嚟飲呢啲思樂冰類嘅飲品真係好唔方便囉!講返轉頭,麥記喺專頁度公佈走塑,係有講到「所有飲管箱會清空,亦唔會主動派發飲管,而需要攪拌的飲品則會使用木攪拌棒取代以往的塑膠攪拌棒……其他飲品如需飲管,請向職員索取!」咁事主其實可以開聲要返支飲管喎!

0

【全日能量靠晒佢 活力早餐要食啲咩?】懶健康貼士

由細聽到大話「一日之計在於晨」,阿媽成日都話早睡早起先會頭腦清醒,醫生又提醒大家一日嘅能量係來自早餐,可想而知早餐對身心係幾咁有益!不過最近就有調查發現,逾兩成港人放棄食早餐,原因係想減肥Keep fit喎。 其實,食早餐食得有營,唔止可以有效控制體重,更加可以預防低血糖同心臟病,甚至患胃癌風險添!今次我就教大家點樣食早餐可以食出活力同健康嘅體魄啦!早餐嘅組合中,碳水化合物同蛋白質都要有,而且最好食複合性嘅碳水化合物,例如全麥麵包同燕麥片等,血糖比較穩定。   點先係活力早餐? 蔬果 + 奶類製品 + 穀類 水果蔬菜提供足夠嘅維他命同纖維,減少便秘嘅現象;而奶類製品就含有豐富蛋白質、穀類就含有豐富碳水化合物,有助於脂肪燃燒。如果買早餐,要盡量選擇全麥多士、全麥芝土蛋飛碟、全穀漢堡,例如:      健康活力A餐:全麥芝土蕃茄蛋飛碟+無糖或低糖黑豆漿      健康活力B餐:全穀水煮蛋牛油果多士+脫脂奶咖啡   小貼士 1. 早餐前最好先飲一杯暖水,可以補充水分仲有清理腸道作用。 2. 食早餐切忌邊走邊食,造成消化同吸收障礙。 3. 早餐熱量不宜過多,攝取量依本身體型、年齡不同會有啲差異,不過建議約400-500大卡係比較適當嘅,約佔一天需要量嘅四分之一。 4. 避免油炸、油煎、油炒同重口味油脂過多等食物做早餐,例如:薯餅、蔥油餅同炒麵等,以免造成胃腸有太大負擔、增加血脂過高嘅危險。   Michelle Lau 營養諮詢公司NUTRILICIOUS創辦人及首席營養師(加拿大人類營養學碩士)。專注範疇包括運動營養學、體重管理、兒童和婦女營養學。致力推廣均衡營養飲食概念,為多間機構提供營養飲食服務及為顧客提供度身訂造的飲食計劃 。作為一個熱愛跑步和烹飪者,她深信 “Life is so endlessly...

0

【返工眼瞓勁頭痕 醒目避開高升糖早餐】懶健康貼士

一到冬天就想冬眠?食完早餐暖笠笠都仲想入返被竇?可能你食錯嘢喎! 凍咗就自然想食啲暖身食物,飯同粉麵都會食多少少,就算你仍然keep住食穀物早餐或水果,諗住light啲都可能中招,因為每種食物嘅升糖指數(GI)都唔同,GI指數愈高,食物就需要愈多能量去消化。Energy分薄咗,自然會易啲攰啦。 升糖指數(GI)係咩? 進食50克碳水化合物嘅食物同50克葡萄糖,喺2小時在體內血糖反應水平嘅百分比,用嚟量度進食各類含碳水化合物後對血糖影響程度嘅數值。高GI嘅食物容易轉成葡萄糖,對血糖嘅影響快啲又大啲;低GI嘅食物轉化速度慢啲,血糖升幅就低啲。 食物嘅GI可能因應唔同食物來源地而有所不同,不過都參考吓啦: 米飯 高GI (70或以上):糯米飯、白飯 中GI (56-69):紅米飯、糙米飯 低GI (55或以下):糙米、黑米 穀物早餐 高GI (70或以上):栗米片、卜卜米、可可米 中GI (56-69):提子麥維栗米片 (Raisin Bram) 、Special K 低GI (55或以下):全維麥 (All bran)、瑞士營養麥 (Alpen Muesli)、燕麥糠 (Oat bran) 麵包 高GI (70或以上):白麵包、饅頭 中GI (56-69):比得包...