Tagged: 星巴克

0

【東南亞6大特色Starbucks 旅行必去打卡留影】Starbucks

無講你鍾唔鍾意飲咖啡,世界各地嘅Starbucks都充滿特色,即使唔飲返杯都好啱打卡留倩影。今次小編搜羅東南亞6間各具特色嘅Starbucks,等你去到當地都唔會錯過打卡靚景,分分鐘影到批特輯相添。   1. 花蓮洄瀾門市 亞洲首間貨櫃屋門市 上年九月開幕嘅花蓮貨櫃屋洄瀾門市唔只係Starbucks全球最大嘅貨櫃屋門市(DRIVE THROUGH),同時亦係亞洲第一間貨櫃屋星巴克門市,除咗可以喺室內享用咖啡,直接揸車嚟快速點餐帶走都得。呢度以純白色貨櫃做建築素材,再用鮮艷嘅馬賽克點綴牆面,店內外仲注入阿美族原住民風格,係花蓮嘅一大景點之一。   花蓮貨櫃屋洄瀾門市 地址:台灣花蓮縣吉安鄉南濱路一段505號 電話:+886 03-8420014 營業時間:星期日至四:09:00-21:00,星期五、六:09:00-22:00   2. 上海星巴克臻选 全球最大星巴克烘焙工坊     星巴克臻選上海烘焙工坊係全球最大嘅Starbucks烘培工坊,比西雅圖嘅烘培工坊大一倍添!外面用大理石設計出中西合壁嘅建築,入面嘅感覺就好似咖啡博物館咁。店內工坊就用「景區」劃分為「十景」。大型烘焙咖啡裝置同填滿牆上嘅茶葉、咖啡豆等都係必影位置。   星巴克臻選上海烘焙工坊 地址:上海市静安區南京西路789號 電話:+86 21 2226 2878 營業時間:星期一至日:09:00-23:00   3. 清邁Kad Farang 蘭納式建築  ...

0

【排隊互毆 網上炒價急升 大陸瘋搶星巴克「貓爪杯」】食焦

喺偉大嘅強國土地,真係乜都有可能發生,更荒謬更離奇嘅事幾乎每天上演!今次係為咗一隻杯就搞到要大打出手又搶又爭喇,不過呢隻杯仔又確係幾得人歡心嘅,係抵爭嘅,不過唔使出埋拳頭囉!乜嘢杯咁巴閉搞到全城瘋搶?就係中國星巴克,咪即係STARBUCKS啱啱出咗呢隻「貓爪杯」搞到咁囉! 話說呢隻「貓爪杯」,係STARBUCKS為就快到嘅櫻花季節而推出嘅櫻花杯系列,中國星巴克呢,就喺26號推出咗呢款「櫻花貓爪杯」,喺官方微博一公佈啫,即刻引來轟動,有人仲漏夜搭埋露營帳篷喺店外霸定位排隊,由於每間分店貨量唔多,所以好多人都預咗要爭崩頭㗎喇! 結果一出就斷貨,連喺現場排隊買嘅人都群情洶湧,有網民直擊咗現場情況放上網,見到喺其中一間分店就出現人龍大打出手爭杯嘅畫面,由最初得兩個人互搶,打打吓變咗成堆人喺度圍毆,仲將店內貨架上成排STARBUCKS杯推冧晒喎! 呢隻「櫻花貓爪杯」官方售價係199人仔(約$233港銀),杯身係透明粉色嘅雙層耐熱玻璃,杯中間仲有cute爆「貓肉球」,如果倒啲嘢飲落去,「貓肉球」嘅形狀更加出,好難唔愛上佢啦!依家搞到一杯難求,益咗邊個?梗係班網上炒家啦,有網友話呢隻「貓爪杯」炒家炒高十幾倍都有,曾經出現3000人仔高價!真夠誇張!