Tagged: 曲奇

0

【$4起平食傳統糖餅 鬆化酥脆蝴蝶酥×杏仁條】平霸

今次平霸帶大家去試吓平盡大圍全區嘅老馮餅家,佢哋大部分嘅唐餅都係平民價HKD4件咋。朝早9點鬆啲就去到佢地喺顯俓嘅分店,都有唔少街坊幫襯㗎,店員仲話熱賣嘅嘢假期會好快賣晒,想食要早啲去買喇。 佢哋門市大大隻字寫明「本店只用日本麵粉」,今次真係食平啲又食好啲喇。買嚟當早餐、下午茶仲可以慳返唔少錢添。 英式鬆餅(HKD4/右)size比平常見嘅大1倍。佢外層幾鬆脆,內層就濕潤啲。不過牛油味唔係好突出,不過提子乾就大粒又香喎。 老婆餅(HKD4)嘅酥皮焗到金黃色,包裹住軟綿綿嘅冬瓜蓉,賣相都幾靚,入口鬆軟。內餡仲有啲杏仁片增加口感,成個餅食落甜甜哋唔會膩。 新鮮出爐嘅蛋撻(HKD5)分別有牛油皮同酥皮,牛油皮食落香脆啲,酥皮就鬆化啲,蛋味都幾明顯。如果買半打會再平少少,而且兩款可以任意配搭㗎。 小編覺得最有驚喜係蝴蝶酥同杏仁條(各HKD50/半磅),睇落有少少貴,但其實分量都幾多㗎。蝴蝶酥足足有成23塊,即係HKD2.2一件。而杏仁條都有18條,即係HKD2.8一條,都好抵食!不過食唔到咁多可以買細包裝(HKD10)過吓口癮。呢兩款都標榜手製225層薄脆酥皮,睇吓層次幾豐富! 蝴蝶酥食落好香脆,仲有糖粒集中喺餅邊,甜度適中唔油膩。而杏仁條食落鬆化酥脆,牛油香十足呀,食到尾仲有陣杏仁香,真係食唔停口囉! 招牌脆口曲奇(HKD32/半磅)有4種口味,包括由左至右嘅核桃、伯爵茶果仁、牛奶朱古力杏仁同埋特濃朱古力。唔好以為佢細細盒,數吓有成32塊,即係一蚊一塊咋!小編覺得茶味香濃嘅伯爵茶果仁就最吸引喇。   老馮餅家 地址:沙田大圍顯徑邨街市M25號舖 電話:從缺 營業時間:星期一至日:07:30-19:30

0

【花生醬點止淨係搽麵包 整曲奇變沙律一樣掂】mui mui家政課

花生醬係唔少人屋企嘅必備食材,不過大部分人通常都係用嚟搽麵包。有無諗過,其實花生醬都可以變出好多唔同美食呢?4種材料就整到花生醬曲奇?花生醬變沙律汁又係咩感覺?一於跟住mui mui用花生醬整另類美食啦! 花生醬曲奇(約20塊) 材料與分量: 花生醬 – 220克 糖 – 30克 蛋 – 1隻 麵粉 – 15克 做法: 1. 花生醬、糖、蛋拌勻。 2. 加入麵粉拌勻。 3. 拿適量麵團, 用手搓成圓球, 放上焗盤,用叉將麵團輕壓紋。 4. 放入已預熱180度的焗爐焗12分鐘。放涼,完成! 花生醬香煎魚柳沙律 材料與分量: 比目魚柳 (或任何魚柳皆可) – 1件 混合沙律菜...

0

【曲奇進化!整你個樣】Cookie’s Tale

有冇諗過自己個樣都可以整落曲奇度,唔係講笑!其實係小編星期六、日行市集的驚喜發現,見到攤檔放咗超巨型羅拔唐尼曲奇,逼真得吸引到唔少人,一問之下原來係真 ‧ 曲奇!其實係網上小店Cookie’s Tale的客製服務,把客人的說話容貌都可以轉化曲奇!店主Jae向小編透露,每次接訂單都會製作客人的餅模,有時圖案複雜更要多次試驗先成功,而每個餅模會保留幾個月,真係花盡心思! 客人提供相片訂製,小朋友樣曲奇好可愛,真係靚到唔捨得食! 係咪好熟面口,佢就係傳說中既iron man,逼真度110%! 有客人訂制手掌咁大塊既iron man,店主指餅乾的面積愈大愈難保持薄身而又不碎,真係好考功夫!所以會根據款式圖案的複雜程度,有不同收費! 想講咩都可以印落去,籍着曲奇說愛你! 可以整人樣、心意字句,適合慶祝生日或者表白,有心意又夠晒特別!呢款四方帽曲奇,造型都好可愛,送畀畢業的朋友就啱晒! 小編都好鍾意花語曲奇(單款口味15塊一盒HKD200、加字HKD238),最重要係所有花味無添加,以純天然花瓣製作,共玫瑰、百合、洛神花、紅棗、桂花杞子五款囗味。 呢款一樣可訂制,背面印自己或者朋友個名上去,送女朋友一定冧! 小編拎上手試食時,已有陣陣花香味,襯埋花形,店主真係擊中少女心,又靚又好食!首推既一定係紅棗味,餅乾完全吸收紅棗精華,夠健康天然,又保持到曲奇脆身的口感,會令人忍唔住食多幾件! 花語曲奇系列受歡迎,唔好以為得女仔鍾意,小編於現場見到唔少男仔試食,因曲奇可根據自己口味喜好選擇,店主又會細心幫大家介紹,及提供試食。試過幾款曲奇都夠鬆化,牛油味亦恰到好處,花香味唔會過濃,特別洛神花較少見到,味道雖然較酸但又幾fresh,適合夏天食! Cookie’s Tale 售賣點:Facebook專頁Cookie’s Tale https://www.facebook.com/cookiestale.hk/