Tagged: 月餅

0

【精選6大特色月餅推介 2020早鳥優惠慳家合集】月餅

八月十五愈來愈近,中秋節實要食月餅應節啦!小編搜集咗6大特色月餅推介俾大家。除咗有傳統月餅之外,流心月餅、純素月餅款式有伯爵茶、黑芝麻等多款創新口味添;有啲仲配埋曲奇烘焙套裝、飛行棋俾大家玩,真係創意無限呀!中秋就算要Stay home都唔怕冇節目。快啲襯依家有早鳥優惠訂定啱心水嘅月餅啦!

0

【2019新口味月餅鹹甜素樣樣齊 破格Fusion中法日食材】月餅

一年容易又中秋,2019年嘅月餅新口味層出不窮,將慕絲、拉米蘇、燒鵝、香辣雞絲、焙茶粉、貓山王、川椒、蓮藕整成各式月餅,仲有圓碌碌嘅月亮造型添。想知有幾特別同有咩優惠就睇埋落去啦!   1. crostini 法式伴月 鍾意食cake又想應吓節,不如試吓crostini嘅法式伴月(HKD288),呢個禮盒將香港傳統月餅文化融入英式High Tea元素㗎。為咗營造七星伴月嘅感覺,以七款唔同口味嘅人氣慕絲蛋糕,芒果熱情果栗子慕絲、車厘子雲喱拿、芒果乳酪慕絲、荔枝玫瑰慕絲、紅桑子番石榴慕絲、咖啡奶油慕絲同綠茶柚子配上中心月餅外形嘅白桃慕絲組合成法式月餅,甜度恰到好處唔會太膩。 優惠:即日起可以喺全線門市同網上預訂,8月31日前訂購會有8折優先訂購優惠(折後HKD230)。   crostini 地址:尖沙咀河內道18號K11第三層Kiosk No.51 電話:2816 9888 營業時間:星期一至日:11:30-20:30   2. 太興茶餐廳 滿燻燒鵝果仁叉燒月餅   繼果仁叉燒月餅之後,太興茶餐廳今年大嚟創意爆棚嘅滿燻燒鵝果仁叉燒月餅(HKD218/4個裝),將王牌蜜汁叉燒配上用五種香燻料秘製嘅「滿燻燒鵝」,一打開就聞到好香嘅煙燻味,入口鹹甜比例調配得好爽;加埋香脆嘅榛子、合桃、腰果等果仁,一啲都唔覺得油膩,口感層次仲好豐富添。 優惠:9月8日或之前購買更可享優先價(HKD198);另外,購買任何太興月餅更即送總值HKD160嘅晚市及滿燻燒鵝優惠券。若購買20張月餅券或以上,可致電查詢大量訂購優惠。   太興茶餐廳 地址:全線餐廳 大量訂購:2558 6808 營業時間:星期一至五:09:00-18:00   3. KFC 香辣雞絲果仁月餅 今個中秋KFC推出KFC「全桶」月餅(HKD275),即日起以月餅劵形式喺全線香港肯德基餐廳發售(香港大球場、馬場及亞洲國際博覽館分店除外)。除咗有兩種配搭俾大家揀之外,「全桶」仲可以著燈變燈籠㗎! 1. ...

0

【新口味月餅有鹹有甜 早鳥優惠最後召集】月餅

一年容易又中秋,再唔買月餅就miss晒啲優惠喇!今年唔少品牌都推出新口味搶灘,好似今次為你介紹嘅法式甜品店、韓國雪糕品牌、傳統老字號同手工小店等分別推出咗11款鹹、甜月餅,有果味、軟心忌廉奶皇、朱古力味同咖啡味等等。就算唔為應節,都好應該買盒獎勵吓自己同身邊人,甜甜蜜蜜過中秋啦!   法式甜品店 PAUL LAFAYET 講開PAUL LAFAYET就會諗起佢嘅法式焦糖燉蛋同馬卡龍,但原來法國人喺喜慶日子或親友聚會都會整新鮮水果餡餅或應節嘅批餅,所以今年佢哋嘅法式月餅靈感就來自“Tartelette”(法文解餡餅或批)。 PAUL LAFAYET秋月法式月餅禮盒(HKD320/4件)全人手烘焙,鬆化嘅批餅包住手工製作嘅新鮮餡,經過複雜工序再風乾24小時先有得食㗎!一盒有四款口味,睇吓邊款啱你: 左上:清香玫瑰荔枝用法國荔枝做內餡,面頭再灑上可食用嘅玫瑰花瓣,兩種唔同嘅清香,令舌尖有淡淡香甜。 左下:醇香抹茶揀咗日本靜岡縣高海拔地段嘅抹茶粉,因為日照時間短啲令茶葉甘而不澀,茶香都醇厚啲,抹茶控要搶住食啦! 右上:濃香榛子朱古力嘅榛子同朱古力都係法國進口㗎。脆口榛子配上質感幼滑朱古力已經好誘人。面頭塗一層牛奶朱古力,再灑埋餅乾脆脆,口感層次由內到外變變變! 右下:甜香杏仁黑櫻米以人手將黑櫻米混合杏仁碎,再喺紅色餅皮灑上金黃色嘅桂花,令果甜增添一份清香氣味。唔知呢個配搭係咪參考咗桂花糕呢? 月餅禮盒全線PAUL LAFAYET分店發售,由即日至9月5日期間購買禮券或現貨仲有9折優惠添。   韓國雪糕店 百味堂 百味堂出名嘅係雪糕,但咪以為佢出雪糕月餅喎。今次參考香港人鍾意嘅口味,推出限量軟心忌廉奶皇月餅呀! 限量推出600盒嘅軟心忌廉奶皇月餅(HKD498/6件)新鮮手製,包裝盒同餅皮壓上品牌代表嘅「百」字。月餅奶黃餡特別加入由韓國直送嘅忌廉,質感幾幼滑。8月31日或之前,去希慎廣場、海港城店買餅禮盒都有85折優惠。   40年老字號 翠亨邨 翠亨村係香港自設餅房嘅老字號,雖然佢嘅雙黃白蓮蓉月餅年年都熱賣,不過都搞搞新意思,首度推出冬薑紅蓮蓉蛋黃迷你月餅,搭配過往受客人喜愛嘅有機黑白芝麻蓉蛋黃迷你月餅組合成「花好月圓」雙口味迷你月餅(HKD328/共8個裝)。 冬薑紅蓮蓉蛋黃迷你月餅味道清甜中帶啲辛辣,感覺暖胃啲;有機黑白芝麻蓉蛋黃迷你月餅用有機Tahini白芝麻油同自家炒製嘅黑芝麻醬作餡料,即使兩款口味都內藏金黃香滑嘅蛋黃都好似健康少少。8月31日前喺網站預購低至接近65折,9月19日前預購就接近75折,過咗就變返正價喇。   本土Cafe HABITŪ HABITŪ呢個本土品牌喺過去14年致力塑造咖啡潮流,今個中秋仲宣揚公平貿易同本地女性平等工作機會添。HABITŪ 首次同「細味公平」合作,以公平貿易原材料製作獨家口味中秋月餅;而製作月餅嘅「師傅」好特別,係一班葵青區街坊婦女呀!佢哋咁有心,你又支唔支持呢?   細味公平月餅禮盒(HKD268/4件)有兩種味,左邊台灣八卦山土鳳梨月餅首次採用台灣八卦山嘅土鳳梨做餡料,香甜味美;右邊係「細味公平」獨創新口味健營紅菜頭咖啡月餅,用兩款公平貿易原材料:有機咖啡同巴拉圭原蔗糖焗製。8月31日或之前網上預購就有85折,詳情留意佢哋Facebook專頁啦。   本土手工朱古力 Patelly Patelly由一位90後Pathon創立嘅本地手工朱古力品牌,開業一年首次挑戰做朱古力月餅,三款口味有鹹有甜。Pathon唔單止喺味道上花心思,面頭嘅花樣設計仲參考梵高嘅 The Starry Night 《星夜》畫,再加入花好月圓嘅概念人手畫喺面,每個月餅都獨一無二㗎!雖然佢冇早鳥優惠,但都限時訂購!只接受網上或電話預訂,最後預訂日期延長至9月10日,詳情可以留意佢嘅Facebook專頁。凡買任何三盒或以上可送貨上門,唔夠就會同你預約交收攞貨。...

0

【雪雪出完曲奇再推月餅 搶訂必食奶黃加新口味】風花雪玥

依家咩都要搶先,就連盧覓雪(Michelle)都唔例外,佢嘅自家品牌覓食傳承嗰頭出咗曲奇冇耐,呢頭「風花雪玥」月餅系列就開始網上預售喇!月餅系列係迷你款式,五種口味傳統同創意兼備,實行大包圍食晒佢呀!雪雪踩過界玩埋整餅,我哋《太飽喇!》雜誌梗係要搵佢傾吓偈啦!想知更多雪雪點樣重整舊日嘅曲奇味道,同點解要玩蒙眼試食?記得留意我哋Facebook喇! 不嬲雪雪食嘢都貴精不貴多,迷你款兩、三啖就食完一個,咁咪有quota試其他味囉。佢仲話:「食嘢要享受!」,所以對包裝都一絲不苟,個「雪」字係咪好開心又識笑咁呢?呢款迷你奶皇月餅(HKD318/一盒八個)係一定要有,因為今次皇玥餅藝派出團隊靈魂人物、即半島奶皇月餅創始人葉永華師傅一齊研究配方。年年半島嘅奶皇月餅都爭崩頭,今年大家可以試吓呢款比較吓喇! 迷你精選月餅(HKD318/一盒八個)有4種口味,分別係傳統餅皮嘅伍仁月餅(左上)、力保原色嘅朱古力月餅(右上)、低溫烘焙保留營養嘅紫薯月餅(左下)同用意大利頂級芝士整嘅芝士月餅(右下)。 睇吓裡面係點先:   覓食傳承「風花雪玥」 預售連結:https://goo.gl/ww9LLS

0

【健康傳統手藝月餅】Farm Direct

話咁快又到中秋,月餅真係五花八門,愈出愈多,種類多得令人眼花瞭亂,大家年輕人都比較喜歡冰皮月餅或者雪糕月餅,原因係傳統月餅對他們來說又甜又油膩,但係今次Farm Direct出左一款低糖雙黃白蓮蓉月餅,不但啱曬年輕人低糖口味,而且又可以孝順父母,真係一舉兩得。如果仲未諗到買咩月餅既話,不妨諗下Farm Direct既月餅。 除左月餅之外,Farm Direct本身供應安全高品質食品,而且支持本土農業,自家生產高質量高營養蔬果,對佢地黎講,最緊要令客人食得健康。 想食返啲傳統月餅,但又想健康,低糖雙黃白蓮蓉月餅(HKD228)就係一個唔錯既選擇,食落去油而不膩,平時可能食八份一件就食唔落去,今次食左一個之後,完全沒有飽滯既感覺。 如果想食其他口味,都可以試下健康迷你月餅(HKD208),內含三款月餅(黑芝麻、紅棗杞子及藜麥果仁),好食得黎又健康,真係老土咁講句,送福自用兩相宜。依家兩款月餅一齊買,仲可以以優惠價(HKD368)帶曬返屋企,襯中秋前最後幾日,不妨去睇下。 Farm Direct 九龍旺角通菜街148號地鋪 上午10:00 至 晚上10:00 電話: 2431 6266