Tagged: 有機

0

【韓國過江有機麵包重秤足料 椰子蕃薯包最受歡迎】Tardemah

韓國過江嘅有機麵包Tardemah唙尖沙咀開業一陣,令你一落K11 MUSEA B2樓層就聞到陣陣麵包香。佢哋暫時帶咗十幾款全有機麵包口味嚟香港,拎上手都幾重磅㗎,即刻睇吓有咩選擇啦! 想堂食都有位俾你坐㗎,亦可以帶外來飲品,不過記得自己清潔返。 因為店內冇自設工場,所以每款包都係賣晒就等第二日喇。艾草年糕方包(HKD78)係香港最受歡迎嘅口味,一推出就好快賣晒,店員話最好兩點前嚟買就比較有機會。不過睇見有咁多年糕、紅豆同栗子,小編都會想買囉。 椰子蕃薯布莉歐方包(HKD89)就係韓國暢通No.1,淡淡嘅椰香配上大大粒嘅栗子,口感一流! 所以最多嘅係有芝士入饡嘅口味,好似有咁大粒芝士嘅栗子忌廉芝士方包(HKD78/左)同南瓜忌廉芝士方包(HKD78/右),加熱食令芝士有半溶嘅口感仲正,亦更加香口。 想口感滑啲就有帶果香嘅野莓忌廉芝士方包(HKD71/左)同藍莓忌廉芝士方包(HKD71/右),但係呢兩款唔可以加熱。 鮮忌廉芝士雲石(HKD70/左)同朱古力雲石(HKD70/右)就係香甜啲嘅口味,亦比較接近平時食麵包嘅感覺,不過有機麵包煙韌好多! 想入口清新啲就有伯爵茶蔓越莓方包(HKD72/左)同優質公州栗子方包(HKD89/右)。唔止見到勁多粒蔓越莓,原來一個優質公州栗子方包有大約廿粒栗子㗎! 特別啲嘅有三款蘸醬麵包,蟹與蝦方包(HKD83/左)配泰式醬;拱佐諾拉蜜糖芝士方包(HKD84/中)配蜜糖;辣肉腸方包(HKD84)就配洋蔥醬。 買包送飲品嘅新開張優惠隨時會完,想順便飲埋香蕉奶或其他口味就快啲去喇。   Tardemah 地址:尖沙咀梳士巴利道18號Victoria Dockside K11 Musea B2樓223號舖 電話:從缺 營業時間:星期一至日:11:00-21:00

0

【疑過期菊花沖出30幾條蟲 網友驚呼:好恐怖好嘔心!】食焦

想沖返杯菊花茶飲吓,點知沖出來發現有好多條蟲,你會有咩反應呢?有網友諗住買包有機菊花以為夠晒健康啦,仲要標榜係無任何農藥喎,用保溫杯焗咗5個鐘,預備飲嘅時候就發現好多條狀物體咁浮吓浮吓,驚現30幾條蟲生勾勾咁郁郁吓,畫面好嚇人呀! 呢包嘢原來係網友購自有機商店點點綠嘅「特級杭白菊(無農藥)」,網友開po咁講:「好驚⋯ 差啲飲到成肚蟲⋯話就(說)今日焗左杯菊花枸子蜜飲下⋯ 用保溫杯焗左5個鐘,倒落杯到想飲果陣,發現有好多雪白色嘅條狀物體係到浮浮下!再倒落隻碟到就睇得好清楚⋯ 有紋里,頭有黑點⋯ 原來係蟲,最小有30條⋯ ⋯ 好嘔心! 好彩睇到⋯ 」 網友仲話喺好多棵菊花芯入面都發現有蟲,「眼力差啲都中伏!」最後就開名曲線讚「點點綠~ 比個讚你! 真係無農藥!」有片又有圖,的確見到有好多條毛毛蟲喺度,其他網友就回覆話同樣覺得嘔心,但亦有唔少網友話證明起碼真係無落到農藥喎,有啲仲覺得事主大驚小怪添,話佢食蟲好過食農藥喎! 有人問事主係咪買咗好耐,但係事主就答覆話係剛剛買返來就沖,即係唔係擺咗好耐先搞到咁啦!不過事件曝光之後,點點綠回應傳媒嗰陣就話從相片睇就係舊包裝,而呢款包裝嘅生產日期係2016年7月,食用期為一年,即係話已經過咗成年半有多喎,仲話即時檢查過現貨都冇發現任何蟲類物體,亦冇收到任何相關投訴。都係嗰句啦,以後記得要睇清楚包裝上嘅每粒字呀,無謂口同鼻拗喇!

0

【真正本地農場!有機、環保又健康!】Farm Direct

追求健康除咗要每日爭取時間做運動之外,飲食亦都非常重要!本土企業Farm Direct,喺香港擁有3個水耕菜種植場,出產蔬菜係真真正正香港人自家種植。Farm Direct注重環保,利用天然陽光種植,唔額外消耗電力,仲會利用水耕種植為求節約用水。企業一直堅持理念,務求生產及管理高質量、高營養同埋味道極佳嘅蔬果比香港人享用,啱晒關注品牌理念同注重健康嘅你。 店內放滿新鮮蔬果,入面連種籽都有得賣㗎! 第一樣介紹係羽衣甘藍+蘋果+蜜瓜(HKD35)鮮榨果汁,可能大家對羽衣甘藍有啲陌生,其實羽衣甘藍係非常健康嘅食材,除咗可以排毒之外,仲可以有助抗癌、預防糖尿病同心臟病等等。羽衣甘藍加上水蜜桃同蜜瓜,甜蜜得嚟帶點清新。唔係間間分店有㗎,遇到一定買返杯試下! 所有Farm Direct菜水耕種植,安全衛生,而且0農藥香港自家種植,無論品質都絕對有保證,其中紅牛油生菜(HKD35)極受港人歡迎,味道甘甜,口感豐富,無苦澀味。 除咗自家種植嘅蔬菜外,Farm Direct店舖內嘅農產品都經過嚴選,大家可以放心購買。 全素嘅生菜麵(HKD30)你食過未呢?佢除咗係全素之外,仲不含防腐劑、色素同香料,而且內含豐富纖維,可以作為三餐健康主食之選。 意大利頂級欖橄油(Left Coratina HKD65/ Right Peranzara HKD75) 油酸低(發煙點高),帶有杏仁、菊苣、蕃茄及蘋果味,煮菜或者拌沙律都非常適合。 有機蘋果李子醋(HKD80) 功用甚多,能穩定血壓,預防肥胖,抗衰老等等,無論作飲用或做汁料都絕對相宜。 Farm Direct 1 銅鑼灣 概念店 香港灣仔駱克道429號地鋪 星期一至四 上午12:00 至 晚上9:00 星期五至日 上午11:00 至 晚上8:00 電話: 2431...