Tagged: 期間限定

0

【週末2人日式下午茶 靜岡蜜瓜甜點×極上壽司】帝都酒店櫻田日本餐廳

週末放鬆吓,不如歎個Tea啦!主打和食嘅帝都酒店櫻田日本餐廳推出咗靜岡蜜瓜日式下午茶(HKD448),甜點配極上壽司,仲附送2杯手調製作嘅蒸餾咖啡或柚子茶,人均二百幾蚊就食到。想解思鄉情就book位試吓啦!

0

【復活節在家歎多國料理 外賣送上門抵食精選】復活節2020

復活節假期放咁多日,未必一定要出街先食到好嘢嘅,其實人少少留喺屋企慶祝都幾warm呀。好多餐廳近期都推出限定外賣套餐同優惠,唔使出門都可以九折食到天吉屋嘅三款限定天婦羅丼;買AMMO嘅意菜材料包返屋企簡單煮出高級西餐嘅滋味;仲可以訂616牛肉火鍋專門店嘅外賣專屬套餐安心在家打邊爐,所以話喺屋企食都有好多選擇,快啲睇埋落去,揀定Book咩食啦!   天婦羅丼復活節及外賣優惠 留喺屋企都食到天吉屋嘅天婦羅丼!4月開始,天吉屋嘅天吉丼、All Star丼同埋香港限定嘅軟殼蟹丼都有得外賣喇,到店外賣自取或喺外賣平台下單都有9折優惠添。 另外喺復活節(10-13/4)期間,只要出示有效身分証明文件,而姓名一欄集有指定「EASTER」英文字母,更可享有低至9折優惠添。   天吉屋 地址:旺角朗豪坊11樓25-29號舖 電話:3105 0986 營業時間:星期日至四:12:30-22:00,星期五、六:12:30-22:30   616新推外賣專屬套餐 火鍋癮起又唔敢出街食?616牛肉火鍋專門店就推出咗外賣專屬套餐俾你喺屋企安心慢慢打邊爐喇。如果想自私食一人鍋,就可以用優惠價HKD128點一人套餐(價值HKD225),包埋一人份牛肉拼盤(內含牛橫隔肌、五花趾同牛駝峰)、鮮蔬、小食、麵食同飲品各一份。而想同另一半撐枱腳,就可以點HKD288嘅二人抵食套餐(價值HKD400)喇!除咗食材打孖上之外,兩人牛肉拼盤更帶有牛橫隔肌、五花趾、牛駝峰同匙柄各一碟㗎。   616牛肉火鍋專門店 外賣下單:可按此處   牛角外賣自取精選美食低至5折 喺屋企食好啲,牛角都有好多選擇㗎!咖喱豚肉飯、咖喱牛肉飯、蒲燒鰻魚飯同牛角燒肉4人前燒肉套餐E呢4款精選美食做緊半價優惠呀,有興趣可以睇吓推廣餐目詳情。如果想要埋德國寶光波燒烤爐KQB300(價值$1800)一部,就可以訂呢個「帶回家」燒肉券套裝(HKD3500),期間限定至4月13日咋,要買趁早喇!   牛角日本燒肉專門店 網上訂餐:可按此處   意菜材料包送上門 為咗俾大家喺屋企都食到高級意菜,由米芝蓮星級大廚主理嘅意菜餐廳AMMO最近都推出外賣材料包。材料包入面有齊已經處理好嘅食材同醬汁,只要簡簡單單將佢哋翻熱,咁就食到製法複雜如燉牛肋骨、紅蝦明太子意粉、鱸魚檸檬意大利飯等等嘅精緻意菜㗎喇!而且外賣仲有分2人同4人餐,除咗包含前菜、主菜同飲品之外,4人餐更有一枝紅酒或白酒添。只要訂滿HKD300就可享外送服務,港島同九龍區都送㗎。   AMMO 地址:金鐘正義道9號亞洲協會香港中心低層 電話:2537 9888 (預訂及查詢) 營業時間:星期日至四:12:00-21:00、星期五、六:12:00-22:00...

0

【香港故事縮影展延長至25/3 限定推出懷舊香江餐點】1881公館

有冇聽過微縮模型呢?喺1881公館舉辦嘅「富衛保險:惜於微時 — 香港故事縮影展」以昔日香港做主題,用咗本地嘅傳統節慶、地道文化同社區面貌作為藍本,透過的骰嘅微縮模型呈現出大坑舞火龍、鵝頸橋打小人、港式舊茶樓呢啲香港面貌。呢個香港故事縮影展最近更宣佈延長到3月25日添,而1881公館Café Parlour長廊咖啡廳同埋富悅軒分別推出嘅懷舊香江主題下午茶同餐點就供應到3月31日,想去又未去嘅朋友仔就要把握機會喇! 全個展覽共有5個懷舊場景,有成21件微縮模型展出,好似將香港濃縮晒喺度咁呀! 講到香港傳統文化,梗係唔少得本地嘅傳統節慶啦。雖然今年取消咗太平清醮,冇得睇飄色巡遊同搶包山,唯有睇住呢個微縮模型頂吓癮先啦! 睇舞火龍又唔一定要等到中秋節喺大坑先睇到嘅,嚟呢度都有得睇!呢個模型就將代表性嘅大坑舞火龍以微縮方式呈現出嚟,精細到連火龍嘅構造都相當像真添。 「鵝頸橋打小人」咁有地道特色,當然成為呢個展覽嘅一部分啦!除咗睇微縮模型展出之外,呢度仲有模擬打小人嘅場景俾大家打卡呃Like㗎。 除咗睇展覽之外,你亦可以參加呢度嘅互動工作坊,有得動動手試吓整微縮下午茶模型、手寫小巴牌等等,好好玩㗎!不過呢啲工作坊都要額外收費,亦有人數限制嘅,有興趣就上官網睇詳情喇。   「富衛保險:惜於微時 — 香港故事縮影展」 展覽日期:即日起至2020年3月25日 11:00-21:00 展覽地點:尖沙咀1881公館 (地址:尖沙咀廣東道2A號) 費用:全免 詳情可以瀏覽活動網址或致電3988 0000查詢。   懷舊香江主題餐點 玩到攰攰哋,不如去附近歎返個下午茶啦!同樣喺1881公館入面嘅Café Parlour長廊咖啡廳為咗配合呢個展覽,都推出呢款期間限定嘅長廊懷舊香江下午茶(HKD630/兩位用),由即日起至3月31日14:30-17:30供應。入面嘅紅豆椰子慕絲杯以港式飲品紅豆冰做靈感,仲有臘腸叉燒蔥油卷、傳統蝦多士等茶點,真係有港式風味喎。   Café Parlour長廊咖啡廳 地址:1881公館主樓地下 電話:3988 0088 營業時間:星期一至日:12:00-22:00   公館內嘅中菜廳富悅軒同樣推出舊香港主題嘅限定菜式,以「舊菜新做」嘅方式整出一系列6款懷舊砵仔菜。有客家鯪魚煎釀豆腐(HKD68)、流心芝士炸蟹肉球(HKD98)等等,夠晒懷舊呀。供應期同樣由即日開始至3月31日,要食就快喇!  ...

0

【本地星級大廚八道盛宴 鮑魚和牛炮製限定餐牌 】Test Kitchen×Butler

間唔中想食餐好?依家機會嚟喇!Test Kitchen同Butler聯手推出一連三日嘅八道菜晚宴以「追憶・尋回最初的味道」為主題,兩位大廚親自炮製八道精緻好味又有故事性嘅菜式,啱晒識食嘅你啦。一次過食到用多款矜貴食材,究竟將鮑魚、鵝肝、M7和牛等整成咩菜式?小編喺度率先同大家介紹其中幾道菜先! 炮製今次盛宴嘅兩位本地星級大廚原來都大有來頭㗎,Test Kitchen主廚Devon Hou(圖左)入廚15年,已經喺唔同嘅米芝蓮星級餐廳任廚,尤其擅長於西班牙菜。而Butler大廚Ray Choi(圖右)同樣有十多年入廚經驗,曾到訪日本大阪嘅La Cime學藝,所整嘅料理充滿個人風格。 平時食香煎鵝肝通常都會好油膩,但呢道鰹魚配鵝肝就唔同喇,除咗將鵝肝煎香,更加入鰹魚、意大利五花肉湯;配合酸瓜同日本生薑,減退油膩感仲增加味道層次添。 杏鮑菇雞肉配鮑魚呢道菜式集三種和而不同嘅口感,加上魚肝醬,令成道菜嘅鮮味更加提升呀! 清淡嘅娃娃菜都可以做主角?呢款紅椒堅果醬配娃娃菜喺娃娃菜加上鹹檸醋同杏仁碎,配合自家製西班牙紅椒堅果醬,兩者味道相輔相成又醒胃。 以「雙蝦」炮製嘅意大利餃子自然鮮味十足啦!餃子加入紅蝦之外,再以日本櫻花蝦、羅勒油提味。 Fine dining又點少得精緻嘅甜品呢?其中一款就係茶味蕨餅配麵包雪糕,加入脆皮酥嘅麵包雪糕同蕨餅,質感豐富。另外,仲有蔥油帶子同黑蒜M7都一樣好惹味㗎,想試就咪錯過今次嘅限定menu喇!   “If We were in Charge”盛宴 地址:西環西營盤干諾道西 158A 號地下3號舖 舉辦時間:2020年2月27-29日 19:00 / 20:30 價錢:HKD1180/八道菜 (HKD480配搭紅白餐酒;HKD380配搭非酒精飲品) 購買門票:https://www.testkitchen.com.hk/devonray  

0

【情人節精選8間西日葷素餐廳 浪漫晚餐×甜蜜下午茶】2020情人節

情人節食咩好?甜品下午茶、西餐、日本菜甚至自己煮都唔緊要,其實都係想同另一半過個溫馨浪漫嘅晚上啫。不如睇吓小編精選嘅8間餐廳邊間啱feel啦!   1. Camellia 想喺花海過情人節,可以去尖沙咀嘅Camellia喎。依家凡預訂即日至2月16日嘅紅寶石朱古力下午茶套餐(HKD398/2人),就會送你Too Faced螢光閃耀唇膏旅行妝一枝。喺粉紅玫瑰花牆嘅浪漫打卡環境,食住以紅寶石朱古力做主題嘅甜品,女朋友一定甜入心啦!   Camellia 地址:尖沙咀梳士巴利道18號Victoria Dockside K11 Musea 地下033號舖 電話:2885 2320 營業時間:星期一至五:12:00-22:00,星期六、星期日及公衆假期:11:00-22:30 2. Alibi – Wine Dine Be Social 今年日本嘅櫻花會早啲開,如果唔想外遊可以先食旺角香港康得思酒店Alibi – Wine Dine Be Social嘅「奇幻旅程下午茶: 東京賞櫻篇」(HKD488/2人)止癮,不過每日供應10份咋。呢份下午茶有清酒鮑魚伴海膽沙巴翁、三文魚伴紫蘇及柚子醬、燒汁手撕OBE草飼草牛肋骨法包、味噌黑鱈魚伴牛油果蓉同烤果仁香菇鹹批做惹味鹹點之外,仲有櫻花士多啤梨卷蛋、綠茶紅豆歌劇院蛋糕、黑芝麻意式奶凍、沖繩紫薯撻、傳統英式焗鬆餅伴奶油忌廉及焙茶蘋果醬做甜品,款式夠晒豐富;配埋兩杯「櫻花綻放」雞尾酒同免費令枱一隻嘅「PAPINEE小貓菲利思動物玩偶」,仲唔係又食又拎?! 「奇幻旅程下午茶: 東京賞櫻篇」 供應日期:即日至3月31日 供應時間:15:00-17:30...

0

【芒果燕窩下午茶載譽回歸 平歎十款矜貴鹹甜點】Angel & Devil

芒果係唔少人至愛,加埋養顏嘅名貴燕窩就更加難以抗拒呀!觀塘Angel & Devil人氣爆燈嘅「嚐芒﹒暮燕下午茶」終於再度登場。三層下午茶中嘅酥點都用咗鮮甜芒果同燕窩入饌,仲有加入黑松露、法國鵝肝等高級食材嘅鹹點,性價比夠晒高。呢個Tea Set聽日就正式推出,仲供應到4月尾添,仲唔book定位同情人、朋友歎下午茶?! 「嚐芒﹒暮燕下午茶」(HKD268/兩位用)喺三層架上都有成十款以芒果同燕窩做主題嘅鹹甜點,全部都一式兩份,仲配埋兩杯特飲,咁就唔使爭啦! 頂層之中嘅燕窩朱古力金寶焦糖燉蛋係Tea Set嘅一大賣點,咁多燕窩喺上面真係夠晒矜貴呀!軟滑嘅焦糖燉蛋加埋脆口嘅朱古力金寶,一啖入口食到豐富嘅口感層次。 中層集合咗四款賣相吸引嘅鹹甜點,有朵「菊花」喺面頭做點綴嘅芒果燕窩蘆薈椰子奶凍(左)層次分明,上面白色嘅係椰子奶凍,下面淡黃色嗰層當然係芒果味啦,兩者加埋都幾夾。而即叫即烘嘅芒果龍蝦意大利多士(前),面頭鋪滿芒果龍蝦沙律,龍蝦肉鮮嫩彈牙,連埋脆卜卜嘅多士一齊食就份外滿足喇。另外,仲有香煎法國鵝肝多士配芒果及燕窩,鵝肝煎到表面微脆,內裡軟滑,配埋芒果同燕窩食落清新唔膩;而芒果英式鬆餅配蜜糖香甜清新,都幾有特色喎。 除咗有燕窩之外,底層嘅黑松露燕窩露荀芝士撻仲加入咗濃香嘅黑松露,配合新鮮焗出嚟嘅芝士撻,呢款鹹點精緻不膩。同層仲有龍蝦春卷同雞肉芒果米紙卷添。 下午茶包埋兩杯自選特飲(念念不芒/樂而芒返),以芒果、菠蘿汁、辣椒、糖漿等特別調製而成,味道清新中帶點輕微嘅辣味,幾刺激喎。   「嚐芒‧慕燕下午茶」 供應日期:2月1日至4月30日 供應時間:星期一至日: 15:00-17:30 價錢:HKD268/兩位用 (另收加一服務費) Angel & Devil 地址:觀塘駿業街58號4樓Club East洞天 電話:3103 3808 營業時間:星期一至四、日:11:30-00:00,星期五:11:30-01:00,星期六:12:00-01:00

0

【精選3間粵菜食府冬至飯 必食鮑參名菜+片皮鴨】家上海、逸東軒、Mott 32

冬大過年,無論點都要同屋企人齊齊整整食餐飯嘅。要照顧家中長輩嘅口味,梗係去粵菜食府啦,小編精選3間中菜俾大家,入屋啲嘅有、米芝蓮質素又有,甚至新派啲都有! 1. 上海菜 主打傳統家常滬菜嘅上海小館家上海,店內設計走中式餐館風格,仲可以邊食邊睇到廚房即製熱辣辣嘅美食添。佢哋嘅YOHO同奧海城分店喺今個冬至推出四至十二位用嘅冬至套餐(HKD1,680起),當中有好受歡迎嘅金牌小籠包、 上海煙燻脆皮雞、流沙奶黃千層酥等菜式。 不過大家要留意,YOHO店同奧海城店嘅菜單有啲唔同㗎:   家上海 地址:元朗元龍街9號形點一期1樓1058號舖 電話:2602 2218 營業時間:星期一至日:11:30-23:00   2. 米芝蓮食府 如果要大魚大肉,梗係搵間有名氣啲先有信心保證啦。米芝蓮一星中菜廳逸東軒就有四至十二位用嘅逸東冬至慶團圓套餐(HKD3,288起),有蟹肉燴蒸窩、鮮蘆筍炒乳龍蝦球、十八頭鮑魚扣遼參等名貴海鮮菜式。 如果想單點菜式都一樣有暖笠笠嘅時令菜式㗎,好似南安油鴨脾鴛鴦腸煲仔飯、生炒臘味糯米飯、馬友鹹魚肉餅煲仔飯、芙蓉乳龍蝦球等等。想睇真啲就望埋菜單啦: 逸東軒   地址:九龍彌敦道380號Eaton HK B2樓層 電話:2710 1093 營業時間:星期一至五:11:00-15:00,18:00-23:00,星期六、日及公眾假期:10:00-15:00,18:00-23:00   3. 與時並進廣東菜 除咗鮑參翅肚,片皮鴨都係大時大節經常出動嘅菜式。雖然Mott 32今年冇出冬至套餐,但佢用蘋果木燒嘅42天飼養北京片皮鴨(HKD750/隻)都係好吸引人㗎!片皮鴨最少要提前一日預訂,記得訂枱嗰時訂埋呀。而且呢度晚市除咗小菜,都有燒味、小量點心同Cocktail供應,啱晒老老嫩嫩一齊嚟食啦! Mott 32 地址:中環德輔道中4-4A號渣打銀行大廈地庫 電話:2885 8688 營業時間:星期一至日:12:00-15:00,18:00-00:00

0

【Mr. Steak生蠔和牛自助餐 聖誕升級加推傳統美食】Mr. Steak

食開Buffet都知,銅鑼灣嘅Mr. Steak Buffet à la minute有生蠔、多款海鮮、韓美日牛肉壽喜燒同鐵板燒,仲有即製心太軟,CP值夠晒高。嚟緊由12月16日起至12月31日,更特別推出一系列聖誕主題食物,聖誕烤火雞、蜂蜜煙燻烤火腿呢啲傳統應節食物就梗係唔少得啦,仲有大量聖誕甜品俾你歎呀 ! 自助餐必食嘅生蠔同海鮮喺12月當然會有啦,呢度通常會提供兩款即開生蠔,而海鮮山就有波士頓龍蝦、長腳蟹、紐西蘭青口、藍青口、翡翠螺、花蟹、鮮蝦等,選擇夠晒豐富。 自助餐另一焦點就係任食韓美靚牛壽喜燒喇,另外喺第二節嘅晚市自助餐同星期六、日午市自助餐仲有同和牛鐵板燒添,簡直係食肉獸嘅雙重享受呀! 除咗自助餐本身嘅招牌菜之外,仲會由12月16日開始加入聖誕元素。慶祝聖誕節梗係要有聖誕烤火雞食啦,除此之外,仲有古羅馬式烤乳豬、普羅旺斯烤羊架、美國安格斯帶骨燒牛肉同蜂蜜煙燻烤火腿4款切肉俾你揀,充滿聖誕氣氛又啱晒食肉獸啦。 去到甜品時間喇!餐廳為今年聖誕節設計咗一系列聖誕主題蛋糕、甜品,最具標誌性嘅就有朱古力樹頭蛋糕、用泡芙推砌嘅飄雪泡芙山,仲有萬眾期待嘅火焰雪山添。 當然唔少得招牌嘅即焗Warm Chocolate Cake,仲可以請師傅幫你寫上心意句子,自訂啱你心水嘅甜品。 聖誕自助餐由今個月16日開始,12月31日更會增設Super Buffet(22:30-01:00),俾大家食住自助餐倒數迎接新一年。有興趣嘅朋友仔可以留意返上面嘅12月自助餐價目表,mark定日子就即刻訂位啦!   Mr. Steak Buffet à la minute 地址:銅鑼灣告士打道280號世貿中心6樓 電話:2881 5757 營業時間:星期一至日:12:00-14:30、17:00-22:00

0

【聖誕Chill遊赤柱吹海風 12月限定兩大聖誕市集】Local自駕遊

一到12月就梗係期待一年一度嘅聖誕節啦!想感受濃厚嘅聖誕氣氛就可以揸車入赤柱,呢度有兩大限定市集俾你食、玩、買一take過。行完市集仲可以喺度食埋聖誕大餐,Chill住過聖誕!   赤柱廣場「實驗室」主題大型聖誕市集 12月限定嘅赤柱大型聖誕市集又嚟喇!由嚟緊呢個星期開始,一連三個周末喺赤柱廣場舉辦嘅「赤柱聖誕市集」突破傳統以「科學實驗室」做主題,有好多繽紛嘅互動聖誕科學裝置喺度,同場有50個攤檔俾你慢慢行,想感受濃厚嘅聖誕氣氛就唔好錯過喇。而且市集今年更同PayMe合作,只要喺場內消費滿HKD150並用PayMe付款,就會有HKD15回贈! 市場限定嘅「快樂實驗室」內有得俾你自製屬於自己嘅棉花糖。 「赤柱聖誕市集」 地址:赤柱佳美道23號赤柱廣場 開放時間:2019年12月7-8、14-15、21-22日 12:00-21:00   赤柱名物必食西多士 一場嚟到,就要試埋赤柱必食嘅名物喇。老字號泗益出名呢份唔使落糖漿嘅西多士(HKD30),特製嘅西多士入口有一陣類似蜂蜜嘅清甜,再加入牛油香,唔係一般嘅西多可以比得上,唔怪得咁多年都有咁多人嚟朝聖啦! 切開入面仲有微微流心嘅咖央同牛油餡,超邪惡呀!   泗益 地址:赤柱市場道2號 電話:2813 0507 營業時間:星期一至日:06:00-14:00 (逢星期二休息)   美利樓「又到聖誕市集」 行到去赤柱美利樓,都有聖誕市集俾你尋寶。Market Free-M3一連四個周末兼聖誕假期三日嘅限定市集「又到聖誕市集」,雖然呢個市集比較小型,但都有22個攤檔賣唔同風格、類型嘅商品,例如精品首飾、服裝、聖誕特色食品等等,喺度揀定聖誕禮物俾親友或者自己喇喂。另外,亦有市集限定嘅小袋子工作坊,俾你發揮創意,自己DIY獨一無二嘅手作袋仔。只要Like佢哋嘅Facebook / IG,就可以喺指定時間免費參加呢個工作坊㗎喇。   「又到聖誕市集」 地址:赤柱赤柱大街96號(赤柱美利樓地下市集場地) 開放時間:2019年12月7-8、14-15、21-22、24-26、28-29日 12:00-19:00   Beef &...

0

【日式食堂平價拉絲玉子燒 吉列豬扒飯皮脆肉厚】平霸

日式料理就一定貴?平霸話你知唔係呀!屯門新開嘅黑山食堂主打平價日式飯食同玉子燒,價錢又幾抵喎,入去試吓先! 小店牆身用唔少日式海報做裝飾,成個環境真係十足十日本屋台(路邊攤),唔講仲以為去咗日本呀。呢度座位唔多,得一列吧枱位同一啲摺枱,望入去就見到個開放式廚房,師傅同客人得閒就可以傾吓偈,都幾開心喎。 呢度每日會推出三款玉子燒,其中兩款係期間限定嘅,大約一個星期就會轉唔同口味,保持新鮮感咁話喎。呢款黑山玉子燒(HKD22)就每日都有,雖然入面冇餡料,但面頭有微微燒過嘅焦糖。入口有少少甜甜哋,但因為玉子本身只係放咗少少鰹魚汁調味,味道偏淡又唔會好膩。 其中一款期間限定口味係蟹籽蟹柳玉子燒(HKD24),蟹柳夾喺玉子入面一齊捲起。除咗玉子燒面頭放咗唔少蟹籽之外,仲有啲蟹籽撈咗落蛋漿度,食落口感就更特別喇。 試咗三款玉子燒,size都有啲唔同。呢款芝士拉絲玉子燒(HKD24)size細啲,但同樣相當足料。玉子內藏大量芝士,一夾起就會有拉絲效果,不過用水牛芝士整出嚟嘅拉絲芝士味道比較淡。聽店主講舖頭仲有一款芝士味濃郁啲嘅流心芝士玉子燒都係期間限定,想食嘅朋友仔就可以間唔中去碰吓運氣。 除咗玉子燒之外,今次仲試埋佢哋嘅滑蛋吉列豬柳飯(HKD39),即叫即整,分量勁多,真係胃口細啲都食唔晒!塊吉列豬扒幾乎有碗口直徑咁大塊,同啲滑蛋一齊鋪滿飯面。40蚊唔使就食到飽一飽,性價比都幾高。 唔止分量足,質素都唔hea㗎!吉列豬扒肉厚,粉漿都尚算薄,食起上嚟啖啖肉。而滑蛋名副其實夠滑溜,加埋炒香咗嘅洋蔥,餸飯食一流呀!   黑山食堂 地址:屯門青翠徑7號金邦大廈地下高層7號舖 電話:6072 0900 營業時間:星期一至五:12:00-14:00、18:00-00:00,星期六、日:18:00-00:00