Tagged: 棉花糖

0

【棉花糖壽喜燒!甜蜜衝擊】牛気 Nabe Urawa

雖然這個冬天不太冷,但係唔少朋友嘅心底仲懶!一到冬天,最易諗到同朋友食咩梗係打邊爐,最好地方就腳,食物選擇多又高質,咁先至食得梳乎!大家行開尖沙咀,可以去試試The ONE牛氣,同朋友仔一齊涮餐勁! 餐廳環境整潔。食材除咗新鮮之外,補充得亦都好快,甚少會出現「糧食短缺」嘅問題。蔬菜種類多又夠新鮮,日式火鍋必備大蔥、腐皮、南瓜都好新鮮,連黑木耳都有。 醬料備有6種,大家可以自己配搭味碗。加分位係佢連芝麻醬都有,鍾意牛肉配芝麻醬嘅朋友真係加爆佢分! 壽喜燒湯底加上棉花糖(HKD20)感覺非常夢幻,白色一團白色泡泡好可愛!店員仲會喺你面前將壽喜燒湯底慢慢倒落棉花糖度,睇住棉花糖慢慢融入湯底同埋消失,真係唔捨得呀! 放題限食90分鐘,最高級享受就係呢款極上澳洲和牛放題套餐(成人HKD398,小童/長者HKD318),套餐包括極上澳洲和牛、極上美國牛小排、極上美國牛頸肉、日本帆立貝、日本廣島蠔、紐西蘭青口、日本魷魚、加拿大翡翠螺、精選巴西雞腿肉、特級美國豚腩肉、挪威三文魚刺身。 極上澳洲和牛脂肪分佈平均,雪花非常細緻!入口一啲都唔肥膩,牛肉味好香濃,沾上雞蛋食仲出奇順滑添,再加埋棉花糖壽喜燒湯底真係好甜好滑呀! 除咗牛肉品質高之外,鍾意食海鮮嘅朋友亦好有口福。多種海鮮樣樣都好鮮甜好味。其中日本帆立貝同大蝦最令人印象深刻,入口非常鮮甜,蝦肉仲好爽口! 烚下烚下等緊食材熟透果陣,最幸福就係食返塊三文魚刺身等佢一陣。食落完全無雪味,肥美嘅三文魚非常飽滿,充滿油香。 雪櫃入面,唔止飲品,仲有各式甜品可以任食。 甜品必試香芒黑燸米,芒果帶有香甜果味,黑燸米煮到腍腍地,入口軟滑香甜! 仲有人氣大熱Mövenpick雪糕可以慢慢食!另外仲有自助軟雪糕機,有雲呢拿味同抹茶味可以自助斟! 食完雪糕都唔夠喉?仲有棉花糖機可以比你轉轉轉,慢慢玩轉棉花糖添! 牛気 Nabe Urawa 地址:尖沙咀彌敦道100號The ONE 4樓L404-405號舖 電話:2295 1833 營業時間:星期一至日:11:30-23:00 地址:旺角彌敦道639號雅蘭中心1樓118號舖 電話:2866 8876 營業時間:星期一至日:11:30-02:00

0

【英式製法!手工棉花糖】Prep Time Marshmallow

質感軟綿綿、入口甜絲絲嘅棉花糖,好多朋友都好鍾意食。再加上佢外形多變,顏色夢幻,更加令棉花糖成為派對不可或缺嘅甜品,又可以做裝飾,又可以食!Prep Time嘅棉花糖工房設於元朗,以全人手新鮮製造,更加係香港首間用英式方法手製棉花糖嘅專門店。 Prep Time製作棉花糖嘅方法源於1個已經有200年嘅傳統英國老配方,係始創人喺英國升學時嘅監護人身上學到。其後喺香港以全人手新鮮製造,材料選自英國、新西蘭、澳洲及意大利。由於係全人手製作,比起一般棉花糖更加柔軟濕潤,亦無添加防腐劑,所以更好食、更健康! Prep Time喺甜品設計同品牌領域已經有超過10年經驗,除咗一般嘅供應之外,仲可以按照客人要求度身訂造甜品同埋包裝設計,務求客人唔需要頂級甜品師傅都體驗到獨特嘅甜品魅力。如果大家有派對需要訂造棉花糖就要留意啦! Prep Time 手工訂做,價錢另議。 電話:35830130 / 91981234 電郵: info@prep-time.com

0

鬧市神秘出擊!真 ‧ 香港搵食手機APP

今個12月,Too Full For Food除咗為大家帶嚟全新真.香港搵食手機 APP – BOGO HK,等大家可以親身體驗遍佈全港九新界,超過600個買一送一嘅餐飲禮遇之外,仲為你準備咗好多豐富節目,為你呢一年更添豐盛!Too Full For Food好開心終於可以走入鬧市街頭,喺網上平台以外見到大家!有Too Full For Food喺度,梗係會送美食比大家啦!嚟緊我地會同Prep Time合作,喺12月11日(星期日)嘅旺角,12月17日(星期六)尖沙咀同埋12月18日(星期日)喺旺角鬧市送出軟綿綿甜絲絲嘅即製棉花糖!大家見到我地記得同我地打招呼。 除咗送棉花糖之外,12月18日(星期日)仲會有神秘節目添呀!到時仲會派發《太飽喇!菜後報告》創刊號比大家,成本搵食指南喺手,搵食梗係更就手啦!好期待同大家見面呀,快啲過嚟搵我地啦! 太飽喇!Too Full For Food x Prep Time Roadshow 日期: 2016年12月10日(星期六)、12月11日(星期日) 時間:15:00-19:00 地點:旺角 送比你:即製棉花糖 日期:12月17日(星期六) 時間:15:00-19:00 地點:尖沙咀 送比你:即製棉花糖 日期:12月18日(星期日)...

0

【邪惡甜品大激鬥】S’more

有無人同小編一樣,食飽飯要食埋甜品先叫滿足!講到甜食界,最最最邪惡既,一定係肥死人不償命的S’more,當然少食是多滋味!今次小編豁出去,走勻多間甜品店,發掘唔同S’more,甜到你漏! 第一站:I’s Land Cafe 天花掛滿綠色植物,好有森林小清新feel,餐廳面積算幾大,環境舒服,好岩同朋友聚腳! 今日主角一定係佢啦!黑森林溫泉泡泡(HKD63配花茶),棉花糖燒到表面脆脆入面軟棉棉,底有朱古力醬! 小編自己都食左半個份量,揀左檸檬草花茶解膩,真係幸福的下午! 環境:★★★★ 味道:★★★★★ 抵食:★★★ I’s Land Cafe 地址:觀塘開源道62號駱駝漆大廈1座6樓A舖 第二站:Cafe Bauhinia 以S’more buffet聞名的Cafe Bauhinia,今次黎到雖然buffet已暫停供應,但見到都有唔少S’more的選擇!好似S’more Tart 都幾吸引,唔使怕甜到濟! 今次簡單點來個S’more Dip(HKD128),用小型鑊把棉花糖烘得金黃,個樣夠晒靚,一口放進嘴裏,份量較mini,邪惡度起碼無咁高,小編一個都可以KO! 見仲有胃口,試埋個S’more Tart(HKD38),喜歡花的店主,愛以花作裝飾,見全部女仔都相機食先,表層布滿棉花糖,內餡是花生醬和黑朱古力餅底,黑朱古力濃度達7成,正好中和棉花糖的甜度!仲可以點Blue Butterfly Pea Vanilla Milk (HKD38/單點;跟餐免費),baby blue顏色好靚,食完飲飽,小編已經too full for S’more! 環境:★★★★★...

0

【韓系雪糕新態度】L’attitude

有新韓系雪糕店進駐尖沙咀,TFFF當然唔執輸,率先同大家介紹有咩正野!舖頭名字叫L’attitude,個”L”字係代表Lifestyle同Laid back,老闆理念係想將一種輕鬆輕食新態度介紹俾各位。希望做到「相機食先」呢個效果之餘,食品水準都要夠高,所以餐牌上面每一項食品同飲品同經過精心嚴選,絕不馬乎! 首先推介當然係喺海外已經有過百分店嘅韓系Ruimilk軟雪糕啦!雪糕base係老闆同營運經理親自去到Ruimilk學師,然後再fine tune到滿意先決定推出,好認真。必試款式非呢個烏雲軟雪糕 (HKD42)莫屬。上面嘅薄荷味棉花糖之所以係灰色全因為落左墨魚汁,唔係食用色素黎嫁! 店長當日親身教路,點食先係最正!佢建議先食半個棉花糖,然後就將餘下棉花糖壓落個牛奶雪糕度一同食用。個牛奶雪糕上面本身有一堆爆炸糖,全部加埋一齊食果然係另外一個境界啊,記住喇! 擁有10多年餐飲經驗,中大酒店管理系畢業嘅營運經理Edmund表示,就連點樣去幫個棉花糖做shaping都係開舖前特登去學,保證每個細節做到盡善盡美。 相中製作緊個雪糕嘅人就係Edmund喇,睇佢幾認真! 然後出場就係俘虜所有少女嘅粉紅蓬蓬裙(HKD48),牛奶同黑朱古力軟雪糕再加上脫水莓果粒粒,朱古力味非常突出,但亦唔會蓋過牛奶味!朱古力迷必試,千萬不可錯過! Tiramisu軟雪糕(HKD42)賣相未算最吸引目光,但雪糕分層鋪左沾上咖啡嘅手指餅同牛奶餅乾碎,層層分明,味道同真正tiramisu有得揮,小編至愛! 夏威夷海灘(HKD42)上面撒上椰子粉同藍柑醬,充滿夏日風情! 餐廳款色好多,沙冰都有,同樣做到賣相100%!老闆咁心思細密又點會忘記一班抹茶控呢。呢個用韓國抹茶做成嘅忌廉冰沙(HKD46)上面都有棉花糖,牛奶味軟雪糕同脫水莓果粒,可以解渴又滿足到食軟雪糕嘅慾望! 除左個雪糕品牌之外,L’attitude同時crossover本地新進精品咖啡sensory ZERO,將有質素嘅咖啡帶入餐廳俾大家享用!駐場店長拉花有一手,咖啡拉花會有驚喜啊。熱Caffee Mocha (HKD42) 紫薯Latte(HKD38)都有埋,問你服未!試問仲會有咩理由唔去try try? L’attitude 地址:尖沙咀金馬倫道 19A 預計今個禮拜5或6(8月26/27日)正式開始試業,試業期間開3:00p.m. – 11:00p.m. 9月頭正式開張營業時間就會改為12:00p.m. – 11:00p.m. **密切留意佢地facebook啦 https://www.facebook.com/lattitudehk/