Tagged: 檸檬撻

0

【法式檸檬撻簡易入門版 微酸清香夏日最Fresh】mui mui家政課

新手烘焙唔想整來整去都係蛋糕仔同曲奇餅?試吓呢款檸檬撻啦,見得人之餘味道仲好特別!檸檬嘅微酸啱晒唔鍾意食太甜嘅朋友,加上賣相咁搶眼,個個都想食返啖!今次mui mui就教大家一個簡易方法,等大家可以一齊製作呢款咁fresh嘅甜品啦! 材料與分量: 無鹽牛油 – 2湯匙 雞蛋 (打散) – 2隻 檸檬 – 1個(磨檸檬皮茸,只用黃色部份) 鮮榨檸檬汁 – 40 毫升 幼砂糖 – 50克 朱古力碎 – 適量(裝飾用) 工具: 焗撻模型 6個 (5cm直徑) 撻皮做法: 1. 牛油隔熱水坐溶。把消化餅壓碎,倒入溶牛油拌勻。 2. 把牛油餅碎倒進撻模中,用細匙按壓餅碎直至完全貼服於撻模邊。 3. 放入已預熱180度之焗爐焗5分鐘,取出並重新按壓一次,以確保撻底取出時不會散開,放涼備用。...

0

【五星級廚師坐陣 天后輕鬆熊bearbear cafe】 JL Cafe.Kitchen

去到cafe想尋找溫馨窩心嘅感覺,親切嘅店員係其中一個好重要嘅因素。位於天后嘅JL Cafe.Kitchen,店員非常親切,食物同咖啡都好有水準,而且仲不時有新菜式推出。原來cafe老闆同員工關係非常好,給予店員非常高嘅自由度創作菜式,亦給予一個好好地方廚師學好一門手藝,希望餐廳同員工一齊共同成長。返工返得咁開心,唔怪得個個店員咁friendly! 餐廳門口擺住一隻特大熊bearbear,坐定定喺度、得正正喺度同你say Hello! 餐廳裝潢想帶出一種「家」嘅感覺,傢俱帶少少Vintage味道再加上大大小小嘅熊bearbear做裝飾,窩心又有質感。 香煎美國有骨豬鞍(HKD245) 慢煮出嚟嘅豬鞍,早一晚以秘製醬汁先醃製一晚,再以慢火煎香兩邊,食落鬆化唔會韌。所用嘅燒汁都經過悉心烹調,要預先熬製一星期先會使用,醬汁味道食落香甜惹味,果然用心。 BBQ汁烤焗豬肋骨配洋蔥圈(HKD220)豬肋骨配上自家調配BBQ醬,再放入焗爐快烤大約5分鐘,令表面近乎有焦糖嘅感覺,非常惹味香甜!洋蔥圈使用2種啤酒混和蛋漿再炸,食落極之脆身,每啖都脆卜卜又鮮甜,仲會食到淡淡酒香添! 法式檸檬撻(HKD34)檸檬撻用咗法國曲奇餅皮,食落唔會好似酥皮咁油膩,口感較結實而不失鬆化。檸檬味道清香,甜味唔會好濃,味道屬於比較清甜易入口。 綠茶心太軟(HKD50)使用京都綠茶製作,茶味香濃,再配合自家烹調紅豆,味道香甜中和綠茶微微澀味。心太軟外脆而流心,將心太軟、紅豆同雪糕混和一齊食,味道更香甜。 JL Cafe.Kitchen 電話:3106 0949 地址:天后清風街1A-1B號地舖 營業時間:星期一至日:11:00-23:00