Tagged: #水腫

0

【點解水腫減唔到? 高鈉食物要睇真啲】懶健康貼士

食得鹽分高、重口味嘅朋友好難減水腫,但係你係咪真係食得清淡,有冇中伏?會唔會一直都食緊高鈉食物呢? 食物安全中心表示,餐桌鹽每100g含鈉38,758mg,岩鹽每100g含鈉38,177mg,海鹽則每100g含鈉37,034mg。如果以每日最多攝取2,000mg鈉計算,每日只可以食用大約5.1g餐桌鹽、5.2g岩鹽或5.5g海鹽。 點先叫高鈉食物?即刻睇吓大家有冇跌入陷阱啦! 下列提到嘅食物最終鈉含量視乎品牌有別,資料只作參考。 白麵包 白麵包食起嚟好似冇咩味,但每100g就有約400-600mg嘅鈉含量。   燕麥粥 有親燕麥呢個字都好似好健康咁,但唔睇標籤真係會呃咗好多人。製造商好多時為咗令即沖食品好味啲,會加多啲調味料。以為過緊健康人生,其實食咗好多鈉落肚。   烏冬 經常加入鹽分提味、韌勁同防腐效果,不過急凍烏冬會比未經煮過嘅麵條烏冬低鈉。上圖實例供參考,但都要睇標籤同分量決定,有啲一人分量就已經接近1,000mg鈉㗎喇!   食香蕉幫助排走鈉質 香蕉含有鉀質,所以可幫助排走鈉質;另外,飲多啲水都可以稀釋體內鹽分,經小便排出體外。 鹽分仲會令身體更易水腫,想知多啲可以睇返【食得鹹搞到水腫? 7大高鉀食物強效去水】

0

【食得鹹搞到水腫? 7大高鉀食物強效去水】懶健康貼士

好多人以為水腫係因為飲得水多,其實啱啱相反!飲唔夠水就排唔走身體內嘅廢物,再加上飯餸偏鹹會加劇水腫問題。小編都食得重口味,唔想戒鹽可以點?原來吸收足夠嘅鉀可以幫助排走鹽份,變相減輕水腫問題。 美國DRI(營養參考攝取量)對成人每日的鉀建議攝取量為4700mg,下面就介紹7大高鉀食物俾大家啦! *過量嘅鉀經由腎臟調節排出體外,而腎病患者或腎功能欠佳嘅朋友未必能夠調節到,有機會出現「鉀血症」,所以飲食事項要聽返醫生意見呀。 龍眼乾鉀含量:1300mg/100g 龍眼乾有補血功效,可以改善更年期嘅心煩多疑,出汗不止嘅症狀。 開心果鉀含量:979mg/100g 開心果都係滋補食材,有溫腎暖脾、補益虛損同調中順氣嘅功效,減輕浮腫、貧血等問題。 花生鉀含量:940mg/100g 花生含有豐富嘅不飽和脂肪酸,可以促進體內膽固醇嘅代謝同轉化,增強排瀉能力。 無花果鉀含量:898mg/100g 無花果含有豐富嘅酶類,以蛋白質分解酶最多,其次係脂肪酶,可以幫助消化同潤腸通便。  黑朱古力鉀含量:757mg/100g 黑朱古力有抗氧化功效,但脂肪含量都相對比其他朱古力高。 黑棗鉀含量:600mg/100g 棗含有鈣同鐵等微量元素,可以預防骨質疏鬆。 紅棗鉀含量:597mg/100g 紅棗含有蛋白質、脂肪、胡蘿蔔素、維他命C、維他命P等等,有效降低血清膽固醇,提高血清白蛋白,保護肝臟。