Tagged: #消滯

0

【過年食到腸都塞 即煮木瓜甜品消滯】懶健康貼士

過年後嘅通病都係食到肚滿腸肥,跟住就要食得清啲通吓腸要減吓肥喇!今次就介紹木瓜同合桃嘅快速甜品組合,幫大家通返條腸啦! 木瓜 —— 含有嘅木瓜蛋白酶可以將脂肪轉為脂肪酸;另外亦含有一種蛋白質分解酶「木瓜酵素」,可以分解肉類中嘅蛋白質,減退飽脹不適嘅感覺。 合桃 —— 有豐富纖維,促進腸胃蠕動、消化同排便。合桃仲有豐富嘅次亞麻油酸,屬於omega-3形式嘅脂肪酸,對降低血脂同膽固醇相當有效,啱晒大魚大肉之後食。合桃可以生食,當零食食都得。 黃金缽缽 材料: 木瓜 1個 粟米粒 3湯匙 提子乾 適量 合桃 適量 芝麻 適量 1. 將木瓜開半後去籽。 2. 放上適量粟米粒一起蒸10-20分鐘(視乎木瓜嘅成熟程度)。 3. 灑上適量合桃、芝麻及提子乾,食得!*鍾意黑醋嘅朋友可以淋少少喺面再食。 還原靚靚腰,肥美節唔使怕。

0

【新年暴食急救法 營養師教你「5多」消滯】懶健康貼士

就到新年喇,為咗準備一輪徹底嘅食慾大解放,要參加Party、食自助餐、打邊爐等等Non-­‐Stop吸收卡路里嘅節目,梗係唔可以飽飽滯滯冇晒胃口啦!依家就等NUTRILICIOUS創辦人同首席營養師Michelle Lau話俾大家知,究竟每餐暴食過後,食咩可以「急救」,避免腸胃受苦! 1. 多飲熱檸水 檸茶檸水都有助消化,檸檬含豐富維他命C,除可預防節日後夜瞓兼大吃大喝而累病外,因為酸味食物可刺激胃酸分泌,幫助消化;怕酸嘅話改用代糖或可以加少少鹽,同時做到消炎潤喉功能;如果本身經常胃痛或有胃病嘅人,就應避免食太多酸味食物,以免刺激胃部。 2. 多食水果 好多水果都含有對消化有益嘅天然酵素,其中木瓜含木瓜蛋白酶、菠蘿嘅菠蘿酵素及奇異果嘅Actindin,都有助加速分解蛋白質,幫助腸胃消化肉類食物,而其中嘅纖維更可促進腸道蠕動。成人每日只要一日食相當於兩個成人拳頭大小的分量,即可幫助消化兼刺激食慾。 3. 多飲茶 綠茶、煎茶等含有抗氧化物兒茶素同時美肌防痘,而其中嘅單寧酸和咖啡因均可有效刺激胃酸分泌,幫助消化;另外,飲茶還可幫助消除腸胃氣,利水排尿、減輕水腫;烏龍茶更有消口氣作用;薄荷茶也可幫助膽汁分泌,分解油脂。 4. 多食乳酪 服用乳酪、乳酸飲品含有豐富益生菌,可幫助平衡腸道內嘅益菌及害菌,促進腸道蠕動幫助消化過程,加快排清宿便,紓緩肚脹感覺或消化不良情況,但要記得選擇低糖低脂乳酪產品! 5. 多食高纖食物 高纖維食物包括綠色蔬菜如西芹、秋葵及西蘭花,或連皮食蘋果或梨等含豐富膳食纖維,有效促進腸道蠕動,促進排便,有助消化。比一般蔬果含有更多水溶性纖維,可有效降低飽和脂肪形成嘅膽固醇。   Michelle Lau 營養諮詢公司NUTRILICIOUS創辦人及首席營養師(加拿大人類營養學碩士)。專注範疇包括運動營養學、體重管理、兒童和婦女營養學。致力推廣均衡營養飲食概念,為多間機構提供營養飲食服務及為顧客提供度身訂造的飲食計劃 。作為一個熱愛跑步和烹飪者,她深信 “Life is so endlessly delicious.” Follow her on ig/fb@nutriliciousss