Tagged: 涼麵

0

【20蚊12粒小雲吞 皮薄餡靚好抵食】平霸

平霸今次搵到呢間津津好好味,其實之前已經聽過佢嘅大名,由之前只係做外賣,做到依家有位坐做生意,確實唔容易㗎!主打都係重慶小雲呑同涼麵,款式唔算多,但一樣引來唔少捧場客,開業唔夠一年已算站穩住腳啦! 雲吞(HKD20)雖然細細碗但就有成12粒咁多,可以俾你揀大、中、小辣。小編食嘅係小辣,辣度完全可以接受,而且雲吞粒粒都皮薄餡靚,好足料! 入面係豬肉餡同木耳,細碗都好飽肚喇! 涼麵(HKD12)又係細細碗,12蚊有一碗涼麵真係唔知仲可以喺邊度搵?涼麵除咗靠個麵底,醬汁都係靈魂,呢個辣汁就令人好頂癮好開胃喇! 食落酸酸甜甜,分量仲要唔細添! 平霸小評:食到呢間頗為出名嘅小店,碗雲吞的確又平又好食!希望香港多啲呢種小店,小編力撐呀! 津津好好味 地址:太子長沙灣道51號地下 營業時間:星期一至六:10:30-21:30(星期日休息) 《平霸》平食四方,歡迎各界報料。