Tagged: 澳牛

0

【侍應圍攻疑似遊客 網民力撐澳牛真漢子】食焦

估唔到一張澳牛黑白相po咗上網,竟然可以引嚟咁大反應!話說有網民po咗一張澳牛場內人頭湧湧嘅相,仲要係黑白嘅,見到嘅畫面似係有堆侍應圍住一啲人咁啦,內容係咁嘅:「澳牛飯後甜點 話說貌似遊客的玩命男,於店內阻塞通道,被侍應哥哥提點後竟敢駁嘴;最後被全店侍怒X娘親,落荒而逃。」 所謂有反應,唔係因為呢單侍應圍攻疑似遊客事件喎,而係網友紛紛對澳牛作出不同嘅結論同分析喎!按常理係點呢?通常都各打五十大板,一係就更多人會鬧爆侍應咁樣待客之道真係唔掂之類之類啦……點知呢次網民嘅反應係一面倒力撐澳牛喎,仲講返晒澳牛往事咁滯,話澳牛侍應係真漢子同鐵漢柔情! 最多例子就係話澳牛侍應有火氣係事實,但對住大肚婆客人就即刻變綿羊,仲好細心服務週到唔使排隊就有位坐呢,仲有唔少人講返自己嘅親身經歷出嚟,話大肚嗰陣都受過呢班鐵漢嘅柔情對待咁話! 有網友仲列咗自創嘅澳牛守則出嚟,「澳牛規則:一,諗好食咩(炒蛋煎蛋多士麵包通粉意粉牛肉火腿叉燒除非你叫快餐或MENU)二,食到咁上下先叫野飲;三,唔好䌓忙時段以為自己飲afternoon tea慢慢嘆(人地賣點係快靚正)基本上做到以上,澳牛的哥哥一般都好客氣!利申:由係阿媽個肚的時候食到宜家!」嘩,睇嚟真係好多澳牛專家咁喎!

0

【澳牛第三代】聯發茶餐廳

「澳牛的黃昏」呢篇高登潮文中,舉世聞名的「光速常餐」,相傳由入座到埋單,只需要六百秒,十分鐘,已經感受到狂風掃落葉既快感,所以引無數顧客慕名而來。但原來澳牛第三代成員另起爐灶,開設聯發茶餐廳,不但保留「光速餐」的傳統味道,但同時間多左一份悠閒既感覺! 內裡裝潢都跟澳牛七、八成相似,唔知入面食物既質素又會唔會青出於藍呢?正所謂「早起的鳥兒有蟲吃」,有一個好既早餐先叫GOOD MORNING! 早餐 ($38) 包括火腿通粉,偽‧澳牛炒蛋加熱辣辣多士一份,最後梗係就茶或咖啡架啦。 火腿通粉被封「早餐界龍頭大佬」美食都係不無道理,清淡的通粉配上火腿絲,令口淡淡既你即胃口大開。 之後重頭戲黎啦,就係偽‧澳牛炒蛋加上「巧多事」。多士鬆軟,加上牛油的香味,而炒蛋就係依間餐廳既招牌,一入口依舊香滑,滿足左作為炒蛋控小編既要求。 一個完美早餐既最後,一定要有杯濃滑奶茶做作結。 聯發茶餐廳 地址:九龍城侯王道2-4號地下1號舖 營業時間:星期一至日 07:00-22:30