Tagged: #煲仔飯

0

【煲仔飯玩花臣】《太飽喇!》網上雜誌

講到脆口嘅飯焦,韓國有石鍋飯,日本有釜飯,香港就有煲仔飯!以前要去廟街或者大排檔,食用炭火燒出嚟嘅煲仔飯先最有風味。不過依家新餐廳難攞炭燒牌照,加上餸料嘅配搭愈來愈追上潮流,今期一於帶大家去「點煲」同「砂煲兄弟」食新派煲仔飯啦!

0

【週末揸車玩轉大埔 滑草打卡歎老字號蟹粥】Local自駕遊

放假唔一定要去外地嘅,留喺香港都有大把好玩好食嘅選擇,週末短短哋嚟個本地一日遊都夠晒充實㗎。今次就喺大埔瘋狂打卡食嘢,再殺入沙頭角滑草,保證大家玩到唔捨得走,即刻出發! 活化打卡熱點 綠匯學苑前身係舊大埔警署,呢個一級歷史建築物活化之後成為文化保育中心,亦還原咗唔少舊警署昔日嘅面貌。報案室、羈留室、槍房等唔止可以參觀,有啲位仲可以打卡添,鍾意懷舊風嘅一定要嚟喇。呢度間中會舉辦導賞團或工作坊,有興趣就留意佢哋官網啦。 綠匯學苑 地址:大埔運頭角里11號 電話:2996 2800 開放時間:星期一至日:10:00-17:00 [最後登記入場時間:16:30](星期二休館) 費用:全免   午逅星馬菜 都算區內新店嘅果子Life Café主打新加坡同馬來西亞菜,有得食經典嘅海鮮喇沙(HKD66)同埋肉骨茶(HKD88),味道突出之餘分量都幾多㗎。 果子Life Café 地址:太和汀角路11-13號啟昌樓地下13號舖 電話:2812 6038 營業時間:星期一至日:11:30-22:00   四驅滑草 食完晏可以揸大約30分鐘去禾田喜山種植園,入面有70米滑草道俾你風馳草道嘅滋味,大人細路都玩得㗎! 呢度仲有得餵羊仔、玩高卡車、泡泡足球等等添,買全日(HKD120/位)或半日套票(HKD90/位)就可以任玩園區設施。不過呢度冇得wallk in,想去就要預約喇。 禾田喜山種植園 地址:沙頭角塘肚村 電話:6010 5978 / 5118 1740 營業時間:星期五至日:10:30-16:30,星期一至四休息 停車場:HKD80/日泊(園區內)...

0

【Fusion煲仔飯破格配搭 蟹肉×海膽啖啖鮮味】砂煲兄弟

煲仔飯要歷久常新都要玩多啲花款,主打煲仔菜嘅砂煲兄弟啱啱喺荃灣開分店,仲推出新款fusion煲仔飯俾大家試吓添。依家試業階段只供應午餐同晚餐,即刻睇吓有咩特別啦! 先仲介兩款西日fusion嘅煲仔飯,鰻魚牛蒡煲仔飯(HKD88)喺飯面鋪上烤過嘅厚身日本鰻魚同鮮牛蒡,魚油令口感更滑溜,又聞到牛蒡淡香嘅味道,感覺冇咁膩。 另一款係黑松露蟹肉海膽煲仔飯(HKD168),甘香嘅海膽加上鮮甜蟹肉同黑松露醬,係難得味道偏清香嘅煲仔飯。 西式啲嘅有慢煮鵝肝慢煮牛柳煲仔飯(HKD138),嫩滑嘅牛柳加上充滿油香嘅鵝肝,仲唔係食肉獸首選?! 馬莎拉雜菜黃薑煲仔飯(HKD78)加咗黃薑粉喺飯底,餸料用咗多款蔬菜,啱鍾意食得健康嘅捧場客。 中式嘅有川味黃鱔煲仔飯(HKD82),辣味滲入鱔肉,又唔會蓋過黃鱔本身嘅鮮味,都開胃喎。 想叫邪惡小食又有芝士蝦煲仔煎麵(HKD92),可以揀公仔麵或米粉。煎到脆口嘅麵餅淋上芝士汁,令人好回味囉。   砂煲兄弟 地址:荃灣荃華街3號悅來酒店悅來坊地庫一層B119A號舖 電話:從缺 營業時間:星期一至日:08:00-22:00

0

【來佬餐館x Green Monday 新推素肉餅煲仔飯色香味】素學堂

冬天點少得食煲仔飯呀!今次素學堂帶大家去到灣仔來佬餐館,以為淨係得鬼佬西餐食?其實來佬一樣有無肉餐單,最近同Green Monday合作,專登為素人設計咗時令煲仔飯餐單,啱晒依家食啦! 首先登場係梅菜素肉餅煲仔飯(HKD88),即係近來好hit嘅全素肉餅潮流喇!用咗新豬肉Omnipork純植物肉碎(Plant-based minced meat)取代豬肉。用素蠔油同梅菜粒醃新豬肉再蒸,用傳統砂鍋連埋生米一齊煲好,最後淋上餐廳自家秘製煲仔飯甜豉油,食落質感同味道,同真嘅肉幾乎冇分別喎,就算肉食者都包你滿意㗎! 另外一味係松露野菌素肉餅煲仔飯(HKD88)!新豬肉裡面有炒過嘅磨菇、雞髀菇同秀珍菇,食落好有層次感,當一開蓋嘅時候,松露香味已經散發出嚟,而且煲仔飯底唔少得出色嘅飯焦,真係好味又暖入心! 選用咗泰國米嘅黑松露炒飯(HKD118)充滿松露香味,再加入翠玉瓜同甘筍粒等,唔只炒嘅時候落黑松露醬,師傅最後仲喺炒飯面頭大手筆加咗成羹黑松露醬,真材實料! 唔知大家平時下午茶會食咩呢?可以試吓呢個素公司三文治配薯條(HKD82)喎!三文治餡料用麵筋做嘅素肉片同素叉燒,而素叉燒係經過餐廳燒味部嘅師傅精心製作,用素醬汁醃製而且仲做到脆皮效果添! 食完煲仔飯,飲返杯嘢潤吓喉啦!呢兩杯飲品都係師傅每日用新鮮材料煲出嚟,限量供應㗎!小編就鍾意呢杯竹庶茅根薏米水(HKD42/跟餐價HKD18),清甜解膩,除咗薏米分量十足,仲真係有兩條竹庶喺度喎,咬返幾啖先。 另一杯雪梨生薑圓肉茶(HKD42/跟餐價HKD18)係餐廳本月推介,凡喺今個月內跟餐價只需加HKD10咋,啱哂冬天補暖,而雪梨同圓肉嘅甜味平衡咗生薑嘅辣味,味道幾夾㗎!   來佬餐館 地址:香港灣仔杜老誌道5號1樓 電話:3125 3000 營業時間 :星期一至日:12:00- 23:00

0

【飯粒濕笠笠飯焦兩三粒 廟街 四季煲仔飯跌晒watt】伏務台

呢兩個星期天氣凍凍哋,食返個暖笠笠煲仔飯就啱晒喇!講到煲仔飯,熱門之一可以話係廟街嘅四季煲仔飯!長期排晒長龍咁,本地人內地人外國人都有,好似好受歡迎咁款! 咁受歡迎嘅都係伏?無錯,事關早兩日小編抵住冷風排咗大半個鐘,食完之後深深覺得自己中伏了。 食煲仔飯最重要係有一陣淡淡嘅炭香同埋焦香味,尤其是呢間四季主打炭爐煲仔飯,所以小編對佢嘅期望真係幾高㗎!點知…… 滑雞排骨炭爐煲仔飯(HKD64)一嚟到其實正正常常,個瓦煲蓋熱辣辣幾有feel!不過一打開發覺竟然冇乜飯香味,雖然滑雞同埋排骨料都幾足嘅! 一潷落去就知出事喇!通常靚仔嘅煲仔飯不外乎三個條件:飯粒分明、有飯焦,同食落有咬口!點知呢煲飯啲飯濕笠笠,食落連飯香都冇乜。係,係有少少炭香味,但一煲有炭香味嘅濕飯真係唔係咁好食囉! 挖吓個底諗住睇吓啲飯焦會唔會有啲驚喜啦,挖極都唔係好搵到飯焦類嘅物體。終於食到差唔多最尾,先潷到兩粒焦黑色嘅飯焦。一食入口,苦嘅。   小編伏氣:作為一個煲仔飯,飯粒濕笠笠、飯焦苦到喊,連豉油都救唔到佢呀!可能因為太多人幫襯廚房做唔切,水準先會跌晒watt啩!不過作為煲仔飯界嘅名牌,真係令人失望喇! 四季煲仔飯地址:油麻地鴉打街46-58號電話:從缺營業時間:星期一至日:15:30-00:30  

0

【金芽米比白米維他命高 即煮大蝦煲仔飯試米香】懶健康貼士

澳洲註冊營養師李淑玶指出:「唔少人認為碳水化合物係減肥嘅天敵,於是食少啲飯或麵包等食品嚟限制碳水化合物嘅攝取量,但碳水化合物對健康其實好重要!穀物除咗提供營養同運動所需嘅能量,亦有助維持最佳嘅新陳代謝率以控制體重,加上本身脂肪含量低,係保持健康體態嘅良伴。由於碳水化合物可以幫助身體製造一種有舒緩、穩定情緒功能嘅神經傳導物『血清素』,所以有『開心食物』之稱。」 營養師講到咁,當然要揀隻靚米食啦。日本新出咗一隻名為「金芽米」嘅金芽去蠟白米同金芽去蠟糙米,用一項獲專利嘅創新科技去打磨米粒。 傳統嘅大米打磨工序中,會完全去除集中喺亞糊粉層(sub-aleurone layer)嘅營養。 而金芽米工序就只去除穀粒防水、難以消化嘅蠟層,保留亞糊粉層令穀粒嘅維他命B1、B6、E、B3(菸鹼酸)同葉酸都同時保留落嚟。(金芽去蠟白米及金芽去蠟糙米的工序各有不同) 同傳統白米相比,金芽去蠟白米(左)會多1.8倍膳食纖維、7倍維他命B1同6倍脂多糖。脂多糖係一種天然嘅免疫力增強劑。咁勁當然要煮個快速大蝦冬菇煲仔飯試吓啦,飯香加上吸收晒大蝦嘅精華,鮮味十足。 大蝦冬菇煲仔飯(2-4 人分量) 材料 金芽去蠟白米 1½ 杯(225 克) 大蝦 6-8 隻 鮮冬菇(厚切) 3隻 蒜頭(切蓉) 3瓣 蔥(切粒) 2條 水 375毫升 醃料 鹽 1茶匙 白胡椒粉 ½茶匙 紹興酒 1湯匙 油 ½湯匙 煲仔飯豉油...