Tagged: 瘦身

0

【營養師:益生菌幫助瘦身 4類天然食品含「菌」量高】懶健康貼士

身型肥瘦同腸道嘅菌有關?嗱,唔係講生蟲嗰啲菌呀,而係講緊益生菌。人一出世腸道就有益生菌,但種類非常多形成菌群,有啲可以抗炎,有啲可以幫助消化。但隨著飲食同作息變化,有益嘅菌會減少,而有害嘅菌有機會增加,導致便秘、肚痾、肥胖、免疫力下降等問題。天氣開始熱喇,梗係請營養師Moses講吓缺乏益生菌同肥胖嘅關係,等大家揾多一個方法keep fit迎夏日啦! 腸道菌群同肥胖有關? 「喺1980年代已經有研究指出,實驗嘅無菌老鼠比野生嘅老鼠需要更多熱量去增加同維持體重。 之後研究員將同體重嘅無菌老鼠同野生老鼠做腸道細菌實驗,發現野生老鼠嘅總脂肪量比無菌老鼠多 47%;當無菌老鼠被移植咗野生老鼠嘅腸微生物之後, 體脂就增加60%!所以腸道細菌同體重、體脂有緊密關係。」 邊類腸道細菌同體重有關? 「研究員喺體型較肥胖同瘦削嘅人身上都觀察到類似情況。人嘅腸道菌群中主要嘅菌群(約90%)分為厚壁菌門(Firmicutes)同埋擬桿菌門(Bacteroidetes),但前者更有效率將營養素分解同吸收。瘦削人士就有較高數目擬桿菌門,而壁菌門嘅數目較少,所以體重偏輕;而肥胖人士嘅情況就相反,所以導致肥胖。」   補充益生菌幫助減磅? 「的確有研究指出過重人士食用某種益生菌可以幫助減去更多磅數,例如加氏乳酸桿菌(Lactobacillus gasseri)。但益生菌效用嘅持久度、劑量、食幾耐先有效都會因人而異,因為益生菌可唔可以喺腸道存活,同飲食、生活作息都有關,而學者都需要做更多研究。同時亦有證據指出一啲益生菌服用後可能令體重上,例如嗜酸乳杆菌( Lactobacillus acidophilus)。所以食益生菌嘅營養補充品都要睇返係針對咩功效,同埋有冇相關認證確定效用,買之前可以先咨詢你嘅營養師或家庭醫生。」   蔬菜同一啲天然發酵嘅食物都會有益生菌,同時幫助瘦身。 1. 以低脂低糖乳酪當作小食。 2. 用黃豆餅取代部分肉類。 3. 食經過發酵嘅蔬菜,例如泡菜、德國酸菜,但注意要少量進食,以防攝取太多鹽分。 4. 食多啲含豐富益生元(益生菌嘅養料)嘅纖維食物,例如蘆筍、洋蔥等。 留意返高溫會殺死益生菌㗎。   Moses Lee 現為“My Fitness”註冊營養師、澳洲營養及飲食治療碩士同澳洲營養師協會會員,擅長體重管理同運動營養。曾於醫院、社區中心、教會同非牟利機構等地方提供營養服務、舉辦營養講座同烹飪示範。依家為有需要控制體重嘅人士同運動員提供營養治療,制定飲食方案。

0

【李施嬅公開收腩湯食譜 2步曲煮高纖蔬菜湯】懶健康貼士

雖然《金宵大廈》已經做完一排,但係李施嬅(Selena)嘅魅力依然吸引唔少人留意佢。加強Alex同CoCo姐嘅造型盡顯佢纖瘦嘅身型,最重要係著空姐製服同旗袍都唔係好睇到肚腩,原來佢有收腩湯食譜呀! 冇花冇假,Selena真係幾纖瘦㗎,當然有部分原因包括佢食素啦,但又唔會過瘦,因為佢都鍾意做運動! View this post on Instagram 有點頸渴。🙊 Having a bit of fun…without the single use plastic! @byronmann1 remember this move in @bloodandwatertv ? It’s your turn! 😜 And @heungjacky @andrewgray you have been...

0

【 肝臟要有「解毒酶」! 營養師醒5大排毒貼士】懶健康貼士

「排出毒素身體好」呢句說話由細聽到大,依家身邊朋友都話「間中食清淡啲俾條腸唞唞順便排毒」。日又排夜又排,究竟點先真係排到毒呢?首先明白有咩毒圍繞住自己先啦。 要排咩「毒」? 毒分為兩大類。第一類係「內毒素」,即係身體新陳代謝後嘅副產物,例如乳酸、尿素化合物同來自腸道中微生物嘅廢物;第二類係「外毒素」,會通過進食、飲水或接觸進入體內,例如食物添加劑、殺蟲劑或海產中嘅汞等等。 肝臟要「解毒酶」幫手排毒 肝臟係有好強大嘅排毒功能,會將毒素轉化為尿液、糞便、汗液等方式將毒素排出體外,但如果一個人吸入嘅毒素超過咗身體排泄嘅能力,毒素就有可能會儲存喺脂肪細胞、軟組織同骨骼喇!不過每個人嘅排毒能力都唔同,會受環境、飲食習慣、生活方式、健康狀況同遺傳等因素而受影響,所以有啲人需要更多外來支援去排毒。 不過坊間嘅排毒飲食法唔可以亂試,好似飲幾日蔬菜汁,甚至禁食幾日呢啲建議除咗唔安全之外,仲可能會抑制體內嘅排毒功能添!因為肝臟排毒嘅時候需要有「解毒酶」(e.g. glutathione),但攝取足夠嘅蛋白質令解毒酶維持喺最佳水平;而且長時間禁食,或淨食蔬菜有機會造成營養不良,如果想知排毒方法有冇效,可以搵一個受專業訓練嘅健康專業人員,喺外國就有註冊營養師專係讀「綜合和功能性醫學營養」添。 5步back up排毒功能 健康嘅人一般都唔需要一個嚴密嘅排毒飲食計畫,不過以下5個飲食小貼士如果每日堅持的話,都可以支援排毒功能㗎: 保持充足水分,每日飲最少8杯水幫助沖走體內廢物。 每天最少食五份水果同蔬菜(2份水果+3蔬菜),幫助排出腸道廢物。當中可嘗試每日最少一杯十字花科蔬菜,例如羽衣甘藍、椰菜、西蘭花或抱子甘藍,而多用蒜頭、洋蔥、迷迭香做調味料,都有助支持解毒酶正常運作。 攝取適量堅果、種子同多食全穀物,幫助攝取足夠纖維。 攝取足夠嘅蛋白質,幫維持解毒酶喺最佳水平。(每日蛋白質攝取量計算方法:體重(kg)×0.8得出嘅數字,就係每日要攝取蛋白質嘅克數。) 吃自然發酵嘅食物,例如乳酪同德國酸菜(Sauerkraut),幫助身體控制腸道內微生物嘅毒素含量。   Moses Lee 現為“My Fitness”註冊營養師、澳洲營養及飲食治療碩士同澳洲營養師協會會員,擅長體重管理同運動營養。曾於醫院、社區中心、教會同非牟利機構等地方提供營養服務、舉辦營養講座同烹飪示範。現在為有需要控制體重嘅人士同運動員提供營養治療,制定飲食方案。  

0

【齋啡減肥係咪真係有效? 怕傷胃飲無糖豆漿咖啡】懶健康貼士

話說小編想研究吓點解齋啡傷胃,點知彈出嘅資料多數係「齋啡減肥法」,仲見有報導話早排影到苟芸慧飲齋啡溝西柚汁減肥添。究竟齋啡減肥法堅唔堅?分量又點掌握?一齊睇落去啦! 齋啡即係將咖啡豆磨成粉,再用熱水調製,唔加任何調味嘅咖啡。好多人飲齋啡係因為提神,不過咖啡因含量低嘅咖啡就冇呢個功效喇,但飲過量齋啡會令人焦慮不安、心跳加速、血壓上升等等。歐盟食品安全局(EFSA)喺2015年建議,健康成人每日嘅咖啡因攝取上限為400毫克,單次攝入200毫克後直接做運動都冇問題;而台灣嘅衛生福利部就再安全啲,建議上限約為 300 毫克。不過記住呢啲數據計唔到對身體潛藏疾病隱患有幾大影響㗎。下面形象化唔同飲品,飲幾多等於400毫克咖啡因俾大家參考: 齋啡減肥3大因素 1. 運動前飲增加熱量燃燒15% 西班牙喺「 國際運動營養學與訓練新陳代謝」專業期刊發表嘅一份報告提及,運動員喺運動前飲齋啡會令鍛鍊效果更好,而長時間運動3小時後仲會令熱量燃燒增加15%。點解?因為咖啡因會促進血液循環、刺激腦中樞神經,令運動反應更靈敏。咖啡因仲可以降低肌肉痠痛,當做耐力訓練嘅時候可忍受更大強度訓練,所以加強運動強度要循序漸進呀。要達到瘦身效果,需要嘅咖啡劑量按體重每磅需要約2.04毫克嘅齋啡計算。假設你係110磅,運動前要飲大約225毫克齋啡喇。 2. 分解脂肪細胞 齋啡中嘅咖啡因、可可鹼同茶鹼能夠促進多巴胺同正腎上腺素分泌,令脂肪細胞開始分解,再轉化成脂肪酸釋放喺血液中俾其他器官利用。 3. 加快新陳代謝 咖啡因可以增加3-11%嘅新陳代謝率,令身體機能維持正常運作要用更多能量。   點先飲得啱? 1. 熱齋啡好過凍齋啡 熱齋啡嘅瘦身效果比凍嘅好,因為熱飲會令身體升溫,有助燃燒體內嘅脂肪同提升新陳代謝率。 2. 無糖豆漿咖啡 飲唔慣齋啡,但又唔可以加糖或奶可以點?可以試半杯熱無糖豆漿加半杯齋啡,整成無糖豆漿咖啡,因為豆漿可以調節內分泌系統同降血脂。   誤解:咖啡去水腫? 含咖啡因嘅飲品雖然利尿,但身體會先用水份沖淡體內嘅咖啡因。如果體內水份不足再飲咖啡,身體會唔夠水份排走多餘嘅鈉質,反而加劇水腫問題。如果你有飲緊齋啡減肥,記得都要飲足夠嘅水呀!

0

【教練修身拒減碳水化合物 食麵唔食飯效果又點?】懶健康貼士

上集星級教練Ivan教咗大家肌力+帶氧嘅交叉訓練,有冇跟住一齊做先?要有效瘦身,配合運動之餘,其實點樣注意飲食都好重要㗎!Ivan話有好多客人開頭都會節食先,但後來去到樽頸位點節食都減唔到,始終要做運動先可以再減多啲。點解會咁?佢話因為好多人第一樣就減食碳水化合物,梗係唔得啦! Ivan話:「有啲人覺得唔食碳水化合物會減脂得好快,一節食就唔食飯。其實碳水化合物係為身體提供能量嘅來源,咁冇咗點維持健康嘅身體呢?最初身體咪燃燒脂肪嚟提供能量囉,所以開頭會覺得有效。喺缺乏碳水化合物嘅同時,身體會減慢新陳代謝速度去減低消耗能量,之後燒脂速度會愈嚟愈慢。呢個時候如果繼續節食,你會覺得好難突破樽頸位;如果覺得有成績就食返飯,反彈速度會更加快,因為新陳代謝速度未去返高水平。所以不論瘦身定keep fit都要均衡嘅飲食同運動互相配合,咁效果會比較理想。」 Ivan修身教學有片睇:https://goo.gl/2zxuxm 究竟食幾多碳水化合物先足夠呢? 連世衞及糧農組織都為碳水化合物攝取量設定下限,睇你仲敢唔敢忽視佢!小編明白有啲人想控制攝取量就會轉食麵,咁麵比飯係咪真.低碳水化合物呢?今次我哋隨機抽樣,check咗8款麵嘅碳水化合物含量俾大家睇真啲! 註:同類型產品唔代表所有牌子。 嗱,一碗白飯大約有50克碳水化合物,同一包上湯米粉差唔多啫,但上湯米粉嘅鈉含量仲超過一日所需添,如果揀錯麵嚟食真係得不償失呀!今次搜集完數據,小編就對烏冬改觀呀,估唔到佢肥嘟嘟反而最少碳水化合物,以後如果要控制食量可以考慮佢。不過最易令人跌入陷阱嘅都係低脂蕎麥麵,每100克有1445千卡,點低脂都彌補唔到啦!買嘢食真係唔可以就咁睇個名,記得睇標籤幫到好大忙呀!其實食飯唔係致肥關鍵,反而高鹽高油嘅餸先最致命囉,各位飯桶唔使有罪惡感喇。 *鈉:每日唔好攝取超過2000毫克(即5克鹽),排唔走就變水腫喇!相關資料: 【點解水腫減唔到? 高鈉食物要睇真啲】 / 【7大茶記小菜王 咕嚕肉鈉含量最低!】   Ivan做健身教練之前只係個做文職嘅打工仔,原來佢當年仲係個瘦仔嚟!究竟佢變身大隻仔嘅健身之路,要食啲乜做啲乜?留意下星期六嘅懶健康貼士啦!  

0

【全日能量靠晒佢 活力早餐要食啲咩?】懶健康貼士

由細聽到大話「一日之計在於晨」,阿媽成日都話早睡早起先會頭腦清醒,醫生又提醒大家一日嘅能量係來自早餐,可想而知早餐對身心係幾咁有益!不過最近就有調查發現,逾兩成港人放棄食早餐,原因係想減肥Keep fit喎。 其實,食早餐食得有營,唔止可以有效控制體重,更加可以預防低血糖同心臟病,甚至患胃癌風險添!今次我就教大家點樣食早餐可以食出活力同健康嘅體魄啦!早餐嘅組合中,碳水化合物同蛋白質都要有,而且最好食複合性嘅碳水化合物,例如全麥麵包同燕麥片等,血糖比較穩定。   點先係活力早餐? 蔬果 + 奶類製品 + 穀類 水果蔬菜提供足夠嘅維他命同纖維,減少便秘嘅現象;而奶類製品就含有豐富蛋白質、穀類就含有豐富碳水化合物,有助於脂肪燃燒。如果買早餐,要盡量選擇全麥多士、全麥芝土蛋飛碟、全穀漢堡,例如:      健康活力A餐:全麥芝土蕃茄蛋飛碟+無糖或低糖黑豆漿      健康活力B餐:全穀水煮蛋牛油果多士+脫脂奶咖啡   小貼士 1. 早餐前最好先飲一杯暖水,可以補充水分仲有清理腸道作用。 2. 食早餐切忌邊走邊食,造成消化同吸收障礙。 3. 早餐熱量不宜過多,攝取量依本身體型、年齡不同會有啲差異,不過建議約400-500大卡係比較適當嘅,約佔一天需要量嘅四分之一。 4. 避免油炸、油煎、油炒同重口味油脂過多等食物做早餐,例如:薯餅、蔥油餅同炒麵等,以免造成胃腸有太大負擔、增加血脂過高嘅危險。   Michelle Lau 營養諮詢公司NUTRILICIOUS創辦人及首席營養師(加拿大人類營養學碩士)。專注範疇包括運動營養學、體重管理、兒童和婦女營養學。致力推廣均衡營養飲食概念,為多間機構提供營養飲食服務及為顧客提供度身訂造的飲食計劃 。作為一個熱愛跑步和烹飪者,她深信 “Life is so endlessly...

0

【細味大坑素食天地 自家製餡餅原汁原味】素食微調

平時食得太多肉,有時真係會忍唔住想Green Monday一吓!今次小編帶大家嚟到大坑呢間素食微調,入面有多款自家製嘅特色素食,等大家食素都唔會好似淨係食菜咁慘,其實素食都可以有好多選擇、好精彩㗎! 素漢堡包(HKD88)入面有有機豆腐、大蘑菇、南瓜蓉、蕃茄同素芝士等。其實係一個超大分量嘅burger,食完先發現原來burger冇肉食都可以好好味。小編本身係食肉獸,但食完素burger一啲都唔抗拒,反而仲愛上咗佢添!你唔會覺得自己食緊素,味道非常好味,重點係好飽肚。 微調流心餡餅(HKD128),餅皮係自家製,非常有心思!醬汁用咗西芹頭、核桃同腰果等打成,再加上紫心蕃薯、波菜同素芝士等,相比其他餐廳嘅餡餅,真係好味好多添!事關佢食落一啲都唔膩,完全零負擔,切開層次分明,好靚㗎。 土耳其卷-清新素卷(HKD53),好多外國人同香港人都好鍾意食。入面會有牛油果、鮮茄、青瓜同雜菜等,食落口非常清新!而且佢啲牛油果係非常新鮮,超好食,一嚟夠飽,二嚟方便消化,小編like爆呀! 薯蓉堡壘(HKD60/3件),可以自選款式,小編就揀咗芋蓉堡壘、薯蓉堡壘同甜粟紫心蕃薯。芋蓉堡壘會先將芋頭打成蓉,然後再用焗爐烤到香香脆脆;而薯蓉堡壘入面加咗有機藜麥,再配啲黑松露喺上面,感覺夠fresh又夠營;最後就係甜粟紫心蕃薯,本身紫心蕃薯已經好清甜,再加上又爽又甜嘅粟米,加晒分呀! 飲品方面,小編試咗兩款鮮榨果汁,一款係左邊番石榴+紅菜頭+蘋果(HKD30)可以幫助抗氧化,飲落酸酸甜甜;紅菜頭又唔會有腥味,反而多咗蘋果嘅清香,飲完即刻覺得自己健康咗;而另一款就係右邊羽衣甘藍+香蕉+菠蘿+波菜(HKD45),呢款飲落有少少檸檬味道,加咗香蕉所以好飽肚㗎!   素食微調 地址:大坑銅鑼灣道144號 電話:2802 6126 營業時間:星期一至日:10:00-22:00

0

【排毒降脂抗氧化 彩虹卷捲出3個願望】懶健康貼士

依家咩都講高效,食彩色蔬菜就可以多元化令腸道更健康。彩色啫,唔係真係嗒彩虹,間唔中食齊紅、黃、綠燈籠椒就搞掂啦。原來唔同色嘅燈籠椒有唔同功效,孖住一齊就好似Kinder出奇蛋咁滿足你三個願望! 紅燈籠椒 —— 含有大量辣椒紅素,比胡蘿蔔素更具抗氧化功效。紅燈籠椒比綠燈籠椒多5倍維他命E同2倍維化命C,呢兩種維化命都係抗氧化劑。維他命E有助防止多元不飽和脂肪酸同磷脂值被氧化;維他命C可以減輕抗壞血酸過氧化物酶基底嘅氧化。 黃燈籠椒 —— 辣椒素加快脂肪嘅新陳代謝,防止體內脂肪積存,有利降脂減肥,小朋友都啱食。 綠燈籠椒 —— 含有豐富嘅葉綠素,幫助排便順暢,加促廢物嘅排泄,對改善便秘好有幫助。 彩虹米紙卷可以一次捲晒咁多種燈籠椒,如果有小朋友,仲可以一齊整添,親子樂之餘多啲顏色又食得開心,氹佢哋食多啲蔬菜都易啲啦。 彩虹米紙卷 材料: 米紙 隨意 燈籠椒 紅、黃、綠各一隻 粟米芯 5-7條 粉絲 一扎 芫荽 少許 蝦 6-8 隻 魚露 1湯匙 辣椒 2隻 青檸 半個 胡椒 隨意 鹽 隨意 1. 燈籠椒及粟米芯切條;浸發粉絲;蝦切件並用鹽及胡椒醃好; 2. 灼熟蝦、粉絲、燈籠椒同粟米芯; 3. 米紙濕水幾秒後鋪平,灑上芫荽碎,鋪上食材包好; 4. 攪勻魚露、辣椒粒、青檸汁做成醬汁,食得。 營養均勻有肉食,瘦得精神迷死人。

0

【食得鹹搞到水腫? 7大高鉀食物強效去水】懶健康貼士

好多人以為水腫係因為飲得水多,其實啱啱相反!飲唔夠水就排唔走身體內嘅廢物,再加上飯餸偏鹹會加劇水腫問題。小編都食得重口味,唔想戒鹽可以點?原來吸收足夠嘅鉀可以幫助排走鹽份,變相減輕水腫問題。 美國DRI(營養參考攝取量)對成人每日的鉀建議攝取量為4700mg,下面就介紹7大高鉀食物俾大家啦! *過量嘅鉀經由腎臟調節排出體外,而腎病患者或腎功能欠佳嘅朋友未必能夠調節到,有機會出現「鉀血症」,所以飲食事項要聽返醫生意見呀。 龍眼乾鉀含量:1300mg/100g 龍眼乾有補血功效,可以改善更年期嘅心煩多疑,出汗不止嘅症狀。 開心果鉀含量:979mg/100g 開心果都係滋補食材,有溫腎暖脾、補益虛損同調中順氣嘅功效,減輕浮腫、貧血等問題。 花生鉀含量:940mg/100g 花生含有豐富嘅不飽和脂肪酸,可以促進體內膽固醇嘅代謝同轉化,增強排瀉能力。 無花果鉀含量:898mg/100g 無花果含有豐富嘅酶類,以蛋白質分解酶最多,其次係脂肪酶,可以幫助消化同潤腸通便。  黑朱古力鉀含量:757mg/100g 黑朱古力有抗氧化功效,但脂肪含量都相對比其他朱古力高。 黑棗鉀含量:600mg/100g 棗含有鈣同鐵等微量元素,可以預防骨質疏鬆。 紅棗鉀含量:597mg/100g 紅棗含有蛋白質、脂肪、胡蘿蔔素、維他命C、維他命P等等,有效降低血清膽固醇,提高血清白蛋白,保護肝臟。

0

【餓住嚟瘦人都癲 識揀輕食都一樣咁飽】懶健康貼士

小編身邊仲有唔少人用節食方法嚟減肥,但係一到肚餓嘅時候就好似跌咗落人間地咁,開始痴痴呆呆或者發癲反檯。其實想瘦唔洗咁辛苦嘅,只要揀啲低卡輕食嘅食物一樣可以食到飽。粟米有纖維素可以幫助腸道運作。6湯匙粟米熱量大約有100千卡,幾時食都唔會有罪惡感。 10粒小番茄熱量大約30千卡,但佢嘅纖維素已經等於半個橙嘅含量,食多幾粒都可以食飽飽。 100g芹菜熱量大約12千卡,仲有利尿功效,可以緩解腸胃壓力,有效起到護胃作用。 100g蒟蒻麵熱量大約20千卡,但亦可以補充少少澱粉質同蛋白質。另外,仲有降血脂、降血糖同預防便秘等作用。   1杯杏仁奶熱量大約35千卡,又有鈣質,對奶敏感的話可以試下飲杏仁奶。提一提佢嘅蛋白質偏低,記得要喺其他食物攝取足夠蛋白質呀。