Tagged: 登龍街

0

【啜爆你手指 唔用餐具徒手狂食龍蝦宴】Hungry Lobster

想瘋狂豪食海鮮大餐?而家登龍街就有主打龍蝦嘅Hungry Lobster,唔止有得狂食大熱龍蝦包、烤龍蝦,仲有超多海鮮擺晒上檯嘅海鮮大餐!真係不得了! 餐廳裝修配色特別,喺柔和自然色之中加入鮮紅色同藍色,醒目搶眼。細心留意仲會發現燈飾同其他小擺設都同海洋有關添! 嘩!一攤出嚟,成堆海鮮差唔多霸晒兩張檯呀!想食真正嘅龍蝦大餐,就要試下呢個Hungry Table(HKD1288/4人用)。參考咗美國南方食法,成堆海鮮擺晒上檯,任你慢慢食!餐廳每期都會精選時令鮮到爆燈嘅海鮮同新鮮蔬菜放落去,而且一定會有龍蝦喺入面,帆立貝、青口、蝦,樣樣海鮮都勁鮮味呀!有2種醬汁泰式辣醬同蒜蓉牛油任你撈嚟食,仲為你準備埋手套、圍裙,包埋4杯有汽白酒,今次仲唔大食特食! 龍蝦真係好新鮮,蝦肉豐富又鮮嫩。成個Hungry Table仲有得揀2人(HKD688)包埋2杯有汽白酒,海鮮迷真係唔好錯過呀! 喺香港大受歡迎嘅龍蝦包,呢度都一樣有,仲出埋變奏版黑松露龍蝦包(HKD138)!大大舊龍蝦肉擺喺麵包入面,配埋沙律菜同黑松露醬,清新而不失惹味。為咗個麵包唔會蓋過龍蝦肉厚實口感同獨特嘅鮮味,麵包係餐廳特登研究過食譜再送去訂製,軟綿嘅麵包質感加埋牛油煎過嘅香味,真係只此一間㗎咋! 如果想食扒,呢個烤龍蝦牛扒組合(HKD378)就啱晒你啦。仲可以揀肉眼、西冷或者牛小扒。點完之後廚師將龍蝦同牛扒放於烤爐度燒,除咗鹽同黑胡椒之外就唔會再加其他調味啦!龍蝦肉啖啖鮮味,牛扒Juicy得嚟牛肉味超級香濃,仲有埋厚切薯條添! 香辣味同海鮮一向都係絕配,呢個蒜片橄欖油辣椒蟹肉意粉(HKD128)略帶清新嘅香辣味道配埋蟹肉,意粉啖啖都帶有蟹嘅鮮甜味道,微辣令蟹肉更惹味! Hungry Lobster 電話:9330 5378 地址:銅鑼灣登龍街18號V Point地下3號舖 營業時間:星期一至日:11:30-22:30

0

【發現巨型青口!登龍街樓上雅致意菜】Basilico

嚟到銅鑼灣想食特色菜,就一定要到登龍街,呢度樓上嘅特色食肆應有盡有。如果想食意大利菜,就不可不到Basilico試一試佢地嘅海鮮同特色cocktail啦! 室內佈置簡潔雅致,檯與檯之間空間充足,唔會覺得迫,可以好好暢談。 相信好多人都鍾意青口,呢道Holland Mussels(HKD289)一定會令你流晒口水。白酒奶油煮青口,青口隻隻都超大隻而且肉質飽滿,配合白酒同奶油味道溫和而鮮甜,配上香草,聞落好香,令人食慾大增! Salmone Affumicato Pizza(HKD169)薄餅脆薄而帶有少少煙韌,食落唔油膩。配上芝士、洋蔥、煙三文魚同火箭菜,煙三文魚鹹香肉嫩之餘,配合火箭菜感覺更輕盈。 BBQ Sticky Ribs(HKD149)豬肋骨配上燒烤醬非常惹味,豬肋骨一切落去就輕鬆切開,唔會硬,入口亦唔痴牙,肉質感覺鬆軟帶嫩滑。 小食好多人都鍾意食雞翼,鍾意佢嘅香脆滋味。呢款Honey Garlic Wings (HKD119)有齊蜜糖甜蜜味道,仲有陣陣蒜香,食落甜香肉質嫩滑,再配埋薯條一定啱晒鍾意食雞翼嘅你。 嚟到想飲返杯,呢款味道清新嘅Mojito(HKD280)由Rum酒、薄荷葉、青檸同雪碧混合而成,容易入口,女仔都啱飲! Basilico 電話:2526 6168 地址:銅鑼灣登龍街28號永光中心9樓 營業時間:星期一至六:12:00-23:00 星期日:休息