Tagged: 相機食先

0

【齊齊打Round】《太飽喇!》網上雜誌

同枱打冷都係架己冷,咁「打個round」你又聽過未?有說自從殖民地時代嘅香港人愈嚟愈鍾意將英文夾雜喺日常對話,將去街邊檔食潮州菜講成打round,慢慢就演變成依家嘅打冷。不過無論點都好,可以一班人大杯酒大啖肉食好嘢點都歡嘅,不如睇吓酒家式嘅「百樂潮州」,同最近重開而街坊味濃嘅「紅伶飯店」各有咩特色啦,佢哋各自都扎根香港逾50年㗎喇。

0

【全港首間酒廠餐廳二合一 釀酒桶列陣×英式居酒屋美食】GRAIN

潮人搵潮食唔一定要去外地搜羅嘅,位於西營盤、Woolly Pig Hong Kong餐飲集團旗下新開嘅GRIAN就俾到你「唯一」嘅感覺喇!餐廳分成兩個區域,前半部係酒吧區同本地手工啤品牌Gweilo Brewlab釀酒區,亦係全港首間喺餐廳釀酒嘅舖頭,大家記住把握喺成排釀酒桶前留影嘅機會喇。

0

【三層樓新店歎「家」味意菜 打卡新點嚐清新原味】Casa Cucina & Bar

想食住家意菜有咩新選擇?一定要試新開嘅@Casa Cucina & Bar呀!「Casa」有家嘅意思,獨立三層樓嘅舖位以威尼斯傳統意大利住屋為設計藍本極度Chill㗎。加上以法式精美攏盤襯托意菜原味道嘅清新感,令意式煮鱈魚、蘑菇燴飯、手工意粉、自製意式豆腐奶凍等菜式都充滿驚喜!

0

【新晉扒房眺望機場海景 自家熟成牛扒厚切肉嫩】The Upper Deck Bar & Grill

想偽旅行嘅朋友又有新選擇喇!東涌新開嘅美式扒房餐廳The Upper Deck Bar & Grill可以眺望機場海景,俾人超relax嘅感覺。而餐廳主打嘅U.S.D.A. Prime乾式熟成牛扒更加係大廚Chef Moujahid親自監控成個Dry-aged過程,確保牛扒會帶嚟堅果、藍芝士或巴馬火腿嘅香味。除咗牛扒之外,餐廳仲有海鮮、雞同少量素食,睇吓邊款吸引到你啦!