Tagged:

0

【端午節巡禮五月糭精選 鮮味鮑餡×像真素糭】端午節

今年驟眼一睇就有唔少糭都以鮑魚入饌,既然係咁,不如買好啲獎勵親朋好友同自己。不過素友放心,小編都會介紹埋像真嘅素糭俾你哋㗎,依家先睇爆餡嘅鮑魚糭啦!   尚鮑 既然講鮑魚糭,梗係要提鮑魚專門店尚鮑啦!佢哋同本地馳名老店老三陽再度合作,推出特大原隻南非鮑魚瑤柱上海糭(HKD598/400g),限量500隻啫。同樣配搭金華火腿、日本瑤柱等矜貴餡料,咁同其他糭有咩分別?當然係南非慢煮鮑魚嘅重量啦,接近60g㗎,比平時15-20g嘅大好多,仲可以配搭俄羅斯Premium Osetra魚子醬10g套裝(HKD1,188)添。如果揀輕量少少嘅原隻南非鮑魚瑤柱上海糉(HKD298/350g),就會用大約30g南非慢煮鮑魚,同樣可以配搭俄羅斯Premium Osetra魚子醬10克套裝(HKD888)。不過配唔配魚子醬都好,老三陽嘅師傅將鮑魚骨膠原精華醬汁混入糯米中醃浸,令佢裡裡外外都充滿鮑魚嘅鮮味。   尚鮑 地點:梳士巴利道18 號K11 MUSEA, B2樓層Unit 18 B201舖 電話:3468 5188 營業時間:星期一至日:11:00-21:00 領取日期:即日至6月22日   逸東軒 米芝蓮一星食府逸東軒推出至尊鮑魚瑤柱裹蒸糭(HKD198/600g),將原隻鮑魚、原粒鹹蛋黃、頂級瑤柱、金華火腿同埋爽滑嘅花菇用荷葉包住,令你食嘅時候有清香同啖啖肉嘅滋味。   逸東軒 地點:九龍彌敦道380號Eaton HK B2樓層 電話:2710 1093 營業時間:星期一至日:11:00-15:00,18:00-23:00 領取日期:即日至6月25日(需2日前預訂)   明閣 同樣都係米芝蓮星級粵菜食府嘅明閣,今年可以網上訂購全新手工精製嘅原隻鮑魚裹蒸粽(HKD308),選用原隻12頭南非鮑魚、日本瑤柱、天白花菇、燒鴨肉、鹹蛋黃同金華火腿等肉餡,用料非常豐富。想惹味啲可以揀套裝(HKD498/套),咁就會連埋一樽佢哋自家製嘅XO醬。  ...

0

【2019端午糭新味吹養生風 6大靚糭優惠Last Call!】翠亨邨、奇華餅家、尚鮑、帝京酒店、鴻福堂、東海飲食集團

下星期就係端午節喇,點都要食返隻糭應吓節嘅,包唔切就睇吓小編精選幾款新口味嘅糭啱唔啱你啦!啲糭要經濟有經濟,要矜貴就好矜貴,今年仲特別多走健康趨勢嘅素糭添,有變又唔怕食濟添。   翠亨邨:兩款全新素糭 養生姬松茸×黃金柑桔 翠亨邨今年新推出呢款養生姬松茸百味糭(優惠價HKD98)以健康養生為主,用咗三色藜麥、栗子、鷹嘴豆呢啲健康食材嚟整,再加入姬松茸、蟲草花、昆布同海帶,用料好豐富㗎。 想食鹼水糭嘅話,不如試吓黃金柑桔糭(優惠價HKD53)。呢款獨創口味係以糖柑桔同埋自家製柑桔蓉整成鹼水糭,食落有淡淡柑桔果香添,蘸埋佢哋嘅蜜味柑桔醬一齊食就更開胃喇!   銷售點:翠亨邨全線分店 銷售日期:即日起現貨發售   奇華餅家:全推梅菜紅燒肉糭 創意口味突破傳統 奇華餅家新推兩款糭有鹹有甜,左邊嘅梅菜紅燒肉糭(HKD62)就將平時食開嘅家常菜同糭crossover,糭入面嘅肉以紅燒汁燉煮,加埋梅菜夠晒入味,呢款糭創新之餘又有一種熟悉嘅感覺喎。而右邊嘅蜜棗栗子麥米素糭(HKD58)放咗蜜棗同原粒栗子,味道清甜又有咬口,健康又飽肚。   銷售點:奇華餅家全線分店(北角港鐵站、海洋公園及香港國際機場分店除外) 銷售日期:即日起至6月7日   尚鮑:孝敬之選 60克南非鮑魚入「糭 」 鮑魚專門店尚鮑推出嘅糭當然以鮑魚做主角啦!佢哋嘅尚鮑南非鮑魚瑤柱上海糉(HKD498)選用60克南非鮑魚,慢煮後香軟易咬。呢款糭有傳統糯米同新出嘅紫米俾你揀,想吸收多啲纖維健康啲就試吓紫米啦。限量500隻咋,想食就快啲去預訂喇!   銷售點:尚鮑 地址:中環威靈頓街60號地舖 電話: 營業時間:   帝京酒店:三色素糭新組合 帝京酒店嘅三色養生糭(原價HKD148;5月31日或之前預訂HKD118)系列除咗有纖維豐富嘅黑松露雪蓮五穀糭同香甜嘅桂花藜麥甜豆糭之外,今年仲有新登場嘅松茸桂圓薏仁糭,用咗雲南松茸配搭桂圓、薏仁呢啲咁養生嘅食材,食多啲都唔驚膩啦。   銷售點:帝京餅店 地址:香港九龍太子道西193號帝京酒店一樓 電話:2622 6256...