Tagged: 美酒佳餚

0

【Wine & Dine埋單計數 龍蝦包賣斷 酒檔宣傳勁】食焦

今年嘅「美酒佳餚巡禮」(Wine & Dine Festival)尋晚收檔,連續四晚吸引咗唔少人去狂飲狂食,現場各攤位梗係要出招吸客,希望呢四晚有好成績啦!小編搵咗兩個攤位檔主,一檔飲、一檔食,佢哋為咗呢次美食節攤位究竟使咗幾多錢,成績又滿唔滿意先? 本身做開食品批發、主攻黑松露嘅「Fresco dal Mercato」,今次專登為美食節整咗個獨家龍蝦包,秘製醬料配龍蝦肉,估唔到反應咁好,上星期四第一晚已即刻賣晒!檔主Kathy話:「一晚賣咗三百幾個龍蝦包,斷晒貨!我哋公司本身係賣開黑松露醬,為咗呢次美酒節特別整咗呢款龍蝦包,用我哋自己秘方將黑松露醬撈落沙律醬度,再加埋龍蝦,個味好香好夾。」 Kathy話佢哋八月開始入紙申請,好快已經批咗,跟住即刻揀檔位籌備。問佢用咗幾多錢搞檔,佢就話唔方便透露喇,咁今次埋單計數賺定蝕?佢話:「其實冇話諗住會賺好多㗎!可能『打個和』囉!無所謂,最緊要反應好就得。」以往一直有做開市集擺檔,但係大型美食節就係頭炮,難得呢幾晚反應咁好,Kathy原來已經準備好下次喇,兩個月後會到糖廠街市集出擊,到時又有新諗頭啦! 同樣都係第一年參加美食節嘅Ming,身為「Y Cocktail & Mocktail」酒吧老闆嘅佢,知道今年大會新增咗「氣泡盛薈」賣氣泡酒嘅專區,Ming喺三個月前就已經入紙申請,佢話旅發局好快批咗,跟住佢就立即入新酒。「計埋租場同入貨,萬幾蚊一晚租,我又特別入咗啲德國提子酒,加埋入貨錢,成檔嘢使咗十零萬啦!」 現場有唔少人都等Ming親自調返杯特製氣泡酒,呢幾晚佢就每晚調足至少二百杯酒,咪話唔厲害!不過佢竟然話:「未係最勁喇,我試過喺酒吧一晚最高紀錄係三、四百杯!」調酒之王Ming話今次擺檔有得賺當然好,但佢估計可能埋單都係「打個和」!「其實擺檔最大目的都係想幫酒吧宣傳,想多啲曝光,咁今次我覺得係做到嘅!」下年會唔會encore?Ming就話未決定,但佢最想搞個沙灘音樂節,可以一邊聽歌一邊賣酒!

0

【蘭桂芳極致美景佳餚】Azure Restaurant Slash Bar

位處中環隆堡蘭桂坊酒店29-30樓嘅Azure Restaurant Slash Bar,位置尊貴優越。餐廳客人可以一邊細味精緻佳餚,一邊飽覽璀璨繁華嘅中環景色。餐廳獲獎無數,其中包括《Wine.Luxe酒派》月刊頒發「2015香港十大佳餚美酒配對餐廳大獎」、獲Asia Tatler評選為2008-2016年度「香港及澳門最佳食府」之一以及英國星期日泰晤士報評選為「全球20大最佳空中酒吧」第七位,係大家相約知己共聚,品味美酒佳餚嘅最佳奢華選擇! 最近Azure Restaurant Slash Bar正式宣佈Nigel Milson Guttridge成為新任總廚,以世界各地嘅優質食材為大家帶嚟獨一無二嘅新派歐式料理體驗!新任總廚Nigel Milson Guttridge,來自英國,擁有超過三十年烹飪經驗,曾於多間世界頂尖餐廳效力。其中包括享負盛名嘅英國牛津米芝蓮二星法國餐廳四季農莊餐廳 (Le Manoir Aux Quat’Saisons)以及頂尖甜品食府Nadells Patisserie!Nigel曾跟隨多位名廚包括Raymond Blanc及Michael Nadell學習廚藝,更曾獲邀擔任英國皇室重要活動嘅甜品師傅,真係好有實力㗎! Nigel熱愛旅遊、喜愛鑽研烹飪技巧以及不同飲食文化,佢所打造嘅菜單靈感源自世界各地嘅上乘食材,再配合簡約烹調方法,堅持保留食材鮮味。同時他亦會將經典特色菜餚加入創新元素重新演繹,誠意炮製出創新精彩嘅歐洲佳餚比大家品嚐。 大廚Nigel悉心炮製多款全新招牌菜式包括頭盤輕煎法國羊奶芝士(HKD178),羊奶芝士經過輕輕烤炙,散發住陣陣香氣。配上烤蜜桃、芝麻菜、松子、日本野菌同埋芒果蓉,配搭多樣,入口細嫩軟滑而且不羶不膩。 復古番茄沙律(HKD178)包括各樣新鮮高級食材:大廚Nigel精心挑選了荷蘭嘅復古番茄同埋來自澳洲嘅生蠔葉,加上菊苣、醃紅菜頭同埋日本富士蘋果。最後再配以意大利甜醋,每一啖都係營養與美味嘅共舞。 自家製花蟹肉意大利餛飩(HKD188)花蟹肉餡料非常鮮甜!配以忌廉菠菜蓉、柑橘香草牛油,加上三文魚子同埋荷蘭嘅食用花,講究又精緻,係視覺與味覺嘅完美結合。 香煎鱸魚(HKD248)嚴選澳洲鱸魚,配以輕煎過嘅歐洲菠菜、烤蕃茄同香脆蕃薯,入口感覺更清新。 36安士紐約客牛扒(HKD1688)選材自美國安格斯黑牛頂級牛肋骨,肉質極為鮮嫩,牛味馥郁肉汁豐富,而且份量十足!採用傳統法式做法並配以香草牛油將牛扒煎至香脆,配以烤蘆筍、忌廉黑松露薯蓉、烤大蒜同香濃嘅牛肉汁,香濃配搭更覺尊貴。最適合同埋一大班好友一同分享,體驗豐盛美饌! Azure Restaurant Slash Bar 地址:中環蘭桂坊雲咸街33號隆堡蘭桂坊酒店29-30樓 電話:3518 9330 營業時間:星期日至一:07:00-16:00...