Tagged: 美食節

0

【冬日美食節搶先睇 激抵福袋美食任你揀】冬日美食節

每年冬日美食節都勁受歡迎,一個會場就可以搵晒世界各地嘅美食,仲有勁多唔同嘅福袋俾大家選購添!今次小編精選咗五個美食節攤位,等你溫定書,做足準備下個月出擊啦! A1福袋 話明係福袋,梗係有大把好嘢,一個袋有15樣食物,講少少俾你聽,入面會有喇沙麵、肉骨茶同鮑魚麵,最抵嘅係有1罐六至八頭嘅紅燒鮑魚,快啲mark低攤位,到時入場準備啦! 1蚊雪糕曲奇 唔好以為雪糕曲奇咁普通唔使搶,呢款Ice Cream Cookies全蛋白人手製造,鬆脆得嚟又入口即溶,下午茶一路食一路歎返杯咖啡就啱晒啦! 50蚊日本和牛肉眼/西冷 咁多位手足,留意呀!原價HKD300嘅日本和牛肉眼/西冷,差唔多一蚊一克,殺入冬日美食節只係賣HKD50咋!不過每日限定5塊,身邊有牛魔王就記得要提佢買啦! 「曾拌麵」 由台灣主持人曾國城研發嘅「曾拌麵」係唔少台灣博客推薦嘅拌麵之一,平時想買都缺貨嘅青蔥椒麻拌麵,唔知小編今次搶唔搶到呢? 千層蛋糕 由90後少男創辦嘅HoLam Bakery,由網店開到有實體店,仲有各式各樣嘅千層蛋糕,平時要去到觀塘先有得試,今次喺冬日美食節可以一次過試晒佢啦!   第15屆冬日美食節 地址:香港會議展覽中心 3展館 電話:2591 9823 展覽日期︰12月24至28日 開放時間︰12月24至27日:10:00-2100;12月28日:10:00-19:00 票價︰每位HKD20 早場優先券(只適用於12月24日):每位HKD10 (購票時間︰10:00 – 12:00)

0

【路線必去全攻略!】2016美食博覽

相信大家睇完TTTF前兩篇文章之後,一定,心大心細,唔知買邊樣先,邊樣後好。唔駛擔心!小編立即幫你擬定作戰策略,務求令大家滿載而歸! 第1,2站  由港灣道入口開始,一入到1號展覽館,就係HALL1D區域,面前好快就會見到大家矚目既日清攤位同奇華攤位,日清推出左$100出前一丁旅行套裝,包括大大個清仔旅行袋同15件日清產品,而奇華推出可愛熊貓月餅,兩個攤位既可愛公仔,一定大受歡迎,拿拿臨記得入手啦! 第3,4站 如果想集中搶走$1優惠,隔離HALL1C安記海味既1蚊鮑魚同冠華既$1撈起活動,只限數位,記住,手快有手慢無,大家記得快啲掃貨。 第5 – 8站 跟住HALL1B係擁有最多優惠既區域,$1優惠既包括高格行既1蚊青咖哩米粉同埋紐西蘭專門店既1蚊產品撈起,因為佢地既產品都有一班支持者追捧,所以大家要記得攤位位置集中掃貨。 第10 – 11站 之後係1樓既最後區域- HALL1A,如果大家錯過之前幾個區域既優惠,唔緊要,依個區域一樣有正貨,天匯食品1蚊青咖哩即食麵同埋陳記1蚊魚蓉燒賣都係小編心水推介。 第12,13站 之後上到3號展覽館一樣有好野,HALL3B入面山下菓子既甜點都係人手製作,加上同Sanrio合作推出印花瑞士卷,真係又睇得又食得!最後最後,來到最後一站,醉榴香1蚊免費貓山皇冰皮月餅,一定係榴槤愛好者首選。 小編幫大家總結美食博覽2016所以心水之中,希望各位可以買到自己心頭好,滿載而歸。記得所有優惠都有限定時間同日子,如果想睇返之前小編詳細介紹,可以上返以下網址: 【限定咪走寶著數!】2016美食博覽  ( https://goo.gl/e7hyXx) 【$1 必搶攻略!】2016美食博覽 (https://goo.gl/OVDBgy) 美食博覽2016 展覽日期:2016年8月11至15日(星期四至星期一) 展出地點:香港灣仔港灣道1號香港會議展覽中心 開放時間:8月11至14日 上午10:00至晚上10:00 ; 8月15日 上午10:00至下午6:00 票價: 「美食博覽公眾館」、「美食博覽尊貴美食區」、「家電‧家品‧博覽」及「美與健生活博覽」套票:40港元 「美食博覽公眾館」、「家電‧家品‧博覽」及「美與健生活博覽」:25港元 「美食博覽公眾館」、「家電‧家品‧博覽2015」及「美與健生活博覽」晚間進場票(下午6時後進場):10港元