Tagged: 聖旨

0

【朕の御宴!享盡中環中日fusion菜】吱吱朕Chi Chi Cham

身邊總有一個朋友好鬼鍾意自稱「朕」,香港地咁多個皇上,究竟邊度用饍先襯得起佢地?唔怕,今次小編轉身射個三分波,變身成為「朕」帶晒咁多位卿家一齊微服出巡,去中環一個啱晒我地吱吱朕吹水嘅好地方! 吱吱朕無論係擺設定係食物都混合中日元素,由裝潢到食物都你彷如進入後現代帝王生活。 皇上嘅御宴正式開始啦,眾卿家準備好未呢? 聖旨到!餐廳嘅餐牌叫做「聖旨」,用佢點菜真係好盞鬼!首先呢個極上夜光杯(HKD108),其實係拖羅蓉加三文魚子嘅海膽杯。每一啖都混合晒三種海鮮嘅鮮甜味道,入口融化為一,御饍廚房真係做到野㗎! 皇上嘅江山點少得肥美嘅海鮮!呢一個冒出白煙嘅就係吱吱朕生蠔(HKD228/半打),入口滑溜鮮甜,加埋少少香蔥同蟹籽,脆卜卜又帶點清香,確實係奢華嘅體驗。 嘩,呢個三文魚刺身(HKD58/3件)真係超厚切!肥美嘅三文魚一啲雪味都無,極級鮮甜爽口。咁多位卿家想食真係要帶夠銀兩,因為真係好容易上癮! 臥虎藏龍(HKD128)朕微服出巡咁多次,用煲仔嚟放沙律真係第一次見。眾卿家如果鍾意食加州卷一定會鍾意呢個牛油果三文魚魚子沙律煲,入口第一啖感覺好清新,生菜同牛油果配合好清爽,食完之後三文魚子同三文魚嘅鮮甜味道仲會留喺口入面,真係臥虎藏龍! 吱吱朕Chi Chi Cham 地址:中環蘇豪卑利街53號地舖 電話:2386 9718 營業時間:星期一至六:17:00-01:00 星期日:18:00-01:00