Tagged: 聖誕大餐

0

【2019聖誕節食好西吃貨必睇 酒店經濟下午茶+奢華大餐】Madam S’ate、The French Window、8度海逸酒店、Assaggio Trattoria Italiana、Beerliner German Bar & Restaurant、Häagen-Dazs™

好快就踏入12月喇,準備好今年聖誕去邊度食好西未呢?未有頭緒嘅就不妨睇吓小編精選嘅聖誕主題美食推介啦!   抵食浪漫法式午餐 – Madam S’ate午巿聖誕套餐 聖誕節想浪漫啲又點少得法式餐呢?不過食法國菜都唔一定貴,好似尖沙咀Madam S’ate嘅午巿聖誕套餐(HKD168起)最抵食嘅配搭都係二百蚊有找;可以自選吞拿魚大蝦沙律配醃漬茴香辣椒、火雞胸火雞腸配栗子、香煎三文魚配香草醬及甘筍、草飼安格斯西冷牛扒伴蘆筍、石板街布朗尼蛋糕配紅莓雪葩、傳統合桃批等特色菜,仲唔趁今個聖誕節歎返個法國餐?!   午巿菜單 供應日期:12月2日至24日逢星期一至星期五 兩道菜午巿聖誕套餐:HKD168/每位成人 三道菜午巿聖誕套餐:HKD198/每位成人 全日套餐 供應日期:12月24日至12月26日 聖誕四道菜全日套餐:HKD338起/每位成人   Madam S’ate 地址:尖沙咀柯士甸道西1號圓方3樓平台R009號舖 電話:2537 7555 營業時間:星期一至日:08:00-00:00   節日限定下午茶 – BAILEYS醉人週末下午茶 中環IFC海景餐廳The French Window今次就聯乘超人氣嘅BAILEYS推出節日限定嘅BAILEYS醉人週末下午茶(HKD598/兩位),有鹹甜茶點有各5款俾你歎。不過焦點梗係喺5款以BAILEYS為主題嘅甜點身上啦,包括有甜酒海鹽焦糖芝士蛋糕、甜酒棒棒糖蛋糕、酒香吉士脆泡芙、酒醉焦糖蘋果薑餅撻同咖啡酒奶凍,再配埋加入BAILEY厚忌廉嘅英式鬆餅同餐茶,淨係睇都覺得常豐富呀!不過呢個Tea Set就得週末同公眾假期先有,想食就要早啲預訂喇。 BAILEYS迷更加唔可以錯過呢度一系列4款「聖誕倒數12日」BAILEYS雞尾酒(HKD80/杯),賣相夠靚之外,飲落仲有濃郁嘅百利甜酒香味;如果食佢哋嘅節日限定下午茶仲可以用優惠價(HKD50)升級其中一款BAILEYS雞尾酒添。   BAILEYS醉人週末下午茶...

0

【聖誕自助晚餐早鳥優惠 提早訂位低至7折好抵食!】帝都酒店、皇家太平洋酒店、香港康得思酒店、港島太平洋酒店、香港百樂酒店

仲有兩日就12月喇,平時食唔食自助餐都好,聖誕節都會大擦一餐。今次小編精選咗幾間有早鳥優惠嘅自助餐俾大家,有露天、有聖誕老人、小丑又有、要禮物同抽獎都有呀!   帝都酒店– 2+2 café    龍蝦海鮮自助晚餐 聖誕老人同小丑會喺平安夜同聖誕日,去沙田帝都酒店2+2 café嘅自助晚餐同你大搞氣氛,派禮物又有表演睇。呢兩晚每位女士仲可以免費獲贈Jurlique禮券一張,去指定門市換取草本輕柔防曬乳霜兩份(數量有限,送完即止),咁樣食龍蝦做主題嘅自助晚餐,係咪盡興啲呢?仲有聖誕燒火雞、火炙芝士美國生蠔卷、黃金龍蝦鉗、低溫慢燒美國肉眼、冰鎮海鮮等等。 特色燒波士頓龍蝦就有雲丹燒龍蝦同蜜糖芥末焗龍蝦兩味,先煎香後放入烤爐燒至金黃色,再淋上秘製海膽汁或蜜糖芥末醬以火槍炙燒,都係回本必食之選啦。 聖誕節連甜品都誇張啲,特大火焰朱古力星球(右)同星空甜品(左)都勁吸睛。   龍蝦海鮮自助晚餐 日期:即日至2018年12月24-25日  供應時間:第一節:17:30-19:30 ¦ 第二節:20:00-22:00 成人:HKD698;小童及長者:HKD468 日期:即日至2018年12月26日  供應時間:全時段:18:00-21:00 成人:HKD618;小童:HKD468 供應時間:第一節:17:45-19:45  成人:HKD558;小童:HKD448 供應時間:第二節:20:00-22:15 成人:HKD588;小童:HKD428 *2018年12月9日或之前向酒店購買節日餐券,可享8折提前預訂優惠(以原價計算加一收費)。   帝都酒店 2+2 café 地址:香港沙田白鶴汀街8號帝都酒店3樓 電話:2694 3886 營業時間:星期一至四及日:06:00-22:00,星期星期五六及公眾假期前夕:06:00-00:00   皇家太平洋酒店...

0

【聖誕大餐有咩揀?火焰龍蝦手工Pizza夠搶鏡】The Point

好快下個月又到聖誕喇,係時候諗吓今年去邊擦餐勁!小編發現意大利手工Pizza店The Point已經出咗聖誕Menu,如果喺12月10日之前落訂200蚊,仲可以有9折喎!優惠限於預訂12月24至12月26日及31日之火紅烈焰四道菜聖誕晚餐(HKD698/2位用)。 頭盤以紫紅色為主,最上層有家鄉火雞肉丸伴雜莓醬,味道酸甜開胃,火雞係聖誕必備菜單之一,不過食成隻好Heavy,所以餐廳就將佢製成肉丸令大家既可以應節之餘又試吓新口味;另外小紅莓石榴意式烤麵包同巴馬火腿伴無花果意式烤麵包亦相當特別,Bite Size超貼心,啱晒胃口細細嘅女士們!底吓嘅羽衣甘藍紅菜頭伴香橙片沙律感覺超Fresh,橙片被紅菜頭染成紫紅色,好吸晴喎! 主菜係9吋原隻火焰龍蝦pizza,超巨型呀!除咗睇得,味道亦相當唔錯。龍蝦肉彈牙,配埋招牌手工pizza冇得輸! 第二道主菜小編就推介呢個香煎帶子扁意粉伴牛油果香草醬,通常食意粉都係墨魚汁、忌廉汁,牛油果醬真係未試過喎!食落相當清新,一啲都唔膩! 紅酒燴羊膝真係鍾意食羊嘅朋友必試之選呀!羊膝用紅油熬足個半鐘,然後再放入焗爐焗,嫩滑多汁,底下嘅薯蓉索晒味,食到唔停口呀。   The Point 地址:銅鑼灣登龍街52號G/F 電話:2947 3866 營業時間:星期一至五:11:30-23:00;星期六至日:11:00-23:00