Tagged: 自助餐

0

【花月庭白桃抹茶下午茶自助餐 日本食材演繹甘甜滋味】花月庭

Weekend想食個靚Tea獎勵自己嘅你,旺角花月庭實係其中一個選擇。最近新推出嘅「白桃‧純茶 下午茶自助餐」以日本山梨縣同長野縣白桃,加上宇治抹茶創作嘅鹹甜點都可以任食,白桃杏仁蛋糕、白桃果凍、紅豆麻糬抹茶麵包三文治、宇治抹茶芒果千層酥、綠茶天婦羅穴子壽司卷等等都落足料㗎!

0

【帝逸自助餐近百款環球美食 必試爐端燒×紅咖喱雪糕】帝逸酒店Alva House

位於沙田石門嘅帝逸酒店開業唔夠一年,已經吸引好多客人幫襯佢哋嘅自助餐,仲經常full booking添!究竟呢間Alva House有咩咁吸引?佢哋嘅「環球美食巡禮」自助餐有近百款各地嘅精選菜式、即製手工意式雪糕回歸之外,仲會時不時加入新元素。今個月尾就會推出鮑魚龍蝦粥、榴槤主題甜品等冷熱盤。不過咁多嘢食食邊樣先?即刻跟住小編睇吓有咩推介啦!   除咗有各式芝士、Ham等多款開胃前菜,餐廳嘅沙津菜係用同本地農民合作嘅水耕菜作為食材,有機之餘仲有品質保證,新鮮又爽口㗎。 自助餐必歎菜式當然有刺身啦!6款即切時令款式選擇都唔少,帶子、三文魚、舌拿魚等都好肥美,啱晒鍾意食刺身嘅人呀! 至於港人最愛嘅海鮮冷盤有基本嘅龍蝦同長腳蟹,不過連麵包蟹都有真係幾驚喜。海鮮啖啖肉,質素亦相當有誠意。 冷盤之中仲有即開生蠔專區,選用美國生蠔,每隻開出嚟都好肥美,食落仲好creamy! 講到帝逸自助餐嘅主打區域,不得不提即場燒烤專區,呢個區域有即烤爐端燒、厚切鴨肝多士、香煎金菇肥牛卷、即炸天婦羅等特色邪惡料理! 燒烤食物由於係新鮮即整,每道菜式拎上手都熱辣辣,食落去仲好juicy!小編推薦一定要食鴨肝多士,煎到金黃色嘅鴨肝非常甘香仲唔膩添! 即點即切嘅美國戰斧牛扒鮮嫩多汁,肉味濃郁。 呢度少有地提供兩款即點即切牛扒俾大家揀,實物比起相更加震撼,非常足秤。 仲有賣點之一係呢度嘅肉食特別多選擇,唔鍾意食牛肉可以揀烤原隻西班牙乳豬、蜜糖烤雞,或者比較中式嘅京式片皮鴨、沙田特色乳鴿、雞粥、海南雞等。 熱食區亦絕對唔馬虎,除咗基本粉麵區,亦設有新鮮牛肉同埋本地養殖嘅花尾龍躉做賣點嘅粥區, 大大條龍躉放喺你面前,你都咪話唔吸引呀! 食到咁上吓就可以嚟到甜品區,除咗有得任食Mövenpick雪糕,更加要試呢度即場自家製嘅意大利手工雪糕。雪糕質地軟滑之餘,味道亦非常多元化,除咗有蜜柑、榴槤等鮮果口味,其中一款竟然係泰式咖喱紅辣椒味,就咁睇同普通雪糕無異,但食落口就會有濃郁嘅椰香咖喱味,慢慢更會感受到一股辣味嘅後勁慢慢浮現,認真有趣喎! 甜品區仲有大把賣相吸引嘅甜品任你揀,好似呢啲用新鮮生果整嘅靚靚果撻咁。 由六月尾開始,自助餐會有新菜推出,到時過嚟試一定要試鮑魚蟹鉗弼呢啲咁鮮味嘅菜式呀! 仲有一系列榴槤主題甜品都係今個尾推出,榴槤控必試呀!呢度嘅酒店自助餐選擇真係唔少,而父親節慶祝優惠可以俾大家食平啲,想試嘅朋友快啲book枱喇!   「環球美食巡禮」自助餐 午餐供應時間:12:00-14:30 價錢: 星期日至五:HKD328/成人、HKD228/小童及長者 星期六:HKD388/成人、HKD268/小童小童及長者   晚餐供應日期: 18:30-21:30 價錢: 星期日至四:HKD638/成人、HKD418/小童及長者 星期至日:HKD698/成人、HKD448/小童小童及長者 *另須加一服務費   Alva...

0

【金鼠賀歲精選自助餐過肥年 勁食燒乳豬+海味盆菜】Lion Rock、花月庭、The Place、Promenade西餐廳、海灣餐廳

新年冇人唔想過肥年,要肥當食最多菜式嘅自助餐啦!小編精選咗5間酒店餐廳俾大家,西式有,中式亦有;要賀年菜嘅有,要食生蠔嘅都有,睇啱就快啲book枱喇。 1. 新春西式半自助午餐 新年又唔一定餐餐中菜嘅,旺角帝京酒店嘅酒吧餐廳Lion Rock就喺新年期間推出新春半自助午餐,除咗有自助田園沙律吧同自選特色主菜之外,仲有無限精美甜品供應。餐廳細心將主菜分開成人同兒童餐,成人有北海道忌廉汁燴松葉蟹肉意大利寬麵、Lion Rock露絲瑪莉烤春雞伴黑松露燒汁、普羅旺斯式比目魚配檸檬角、香煎澳洲羊架伴豆豉汁同香煎M5澳州和牛(6安士)伴鵝肝牛油可以揀;小朋友就有北海道忌廉汁燴烤野菌意大利寬麵同芝士牛肉漢堡伴香辣薯條,選擇都算多。 新春半自助午餐 供應日期:2020年1月25日至28日 供應時間:11:00-14:30 價錢:HKD248起*/成人、HKD198起*/小童 *另加HKD88配有蒜蓉焗龍蝦尾半隻,有加一服務費   Lion Rock 地址:旺角太子道西193號帝京酒店1樓 電話:2622 6256 營業時間:星期一至日:10:00-22:00   2. 正宗意頭賀年菜 想食返有意頭嘅賀年菜?冇問題,跟住就介紹精選幾間俾大家啦!同樣都喺旺角帝京酒店,但位於2樓嘅花月庭都初一至初四推出新春賀年自助晚餐俾你品嚐以意大利香草、胡椒等醃料調味,將比利時穀飼走地豬腩肉外皮燒到脆口嘅家肥屋潤福臨門;仲有以蠔豉、髮菜、大脷、鮮蝦、蠔油鮮魷、鮑汁豬腳、貴妃雞、燒鴨等炮製嘅福運齊來聚寶盤;加埋用花膠、瑤柱等熬煮嘅滋潤湯羹春風得意展鴻圖等菜式,食完一定過肥年呀! 喜迎白金鼠年自助餐 供應時間:2020年1月25日至28日 供應時間:18:00-23:00 價錢: 全時段18:00-23:00 | HKD668/成人、HKD508/長者、HKD448/小童 第一時段17:45-20:15及第二時段20:30-23:00 | HKD548/成人及長者、HKD358/小童 *另收加一服務費  ...

0

【Mr. Steak生蠔和牛自助餐 聖誕升級加推傳統美食】Mr. Steak

食開Buffet都知,銅鑼灣嘅Mr. Steak Buffet à la minute有生蠔、多款海鮮、韓美日牛肉壽喜燒同鐵板燒,仲有即製心太軟,CP值夠晒高。嚟緊由12月16日起至12月31日,更特別推出一系列聖誕主題食物,聖誕烤火雞、蜂蜜煙燻烤火腿呢啲傳統應節食物就梗係唔少得啦,仲有大量聖誕甜品俾你歎呀 ! 自助餐必食嘅生蠔同海鮮喺12月當然會有啦,呢度通常會提供兩款即開生蠔,而海鮮山就有波士頓龍蝦、長腳蟹、紐西蘭青口、藍青口、翡翠螺、花蟹、鮮蝦等,選擇夠晒豐富。 自助餐另一焦點就係任食韓美靚牛壽喜燒喇,另外喺第二節嘅晚市自助餐同星期六、日午市自助餐仲有同和牛鐵板燒添,簡直係食肉獸嘅雙重享受呀! 除咗自助餐本身嘅招牌菜之外,仲會由12月16日開始加入聖誕元素。慶祝聖誕節梗係要有聖誕烤火雞食啦,除此之外,仲有古羅馬式烤乳豬、普羅旺斯烤羊架、美國安格斯帶骨燒牛肉同蜂蜜煙燻烤火腿4款切肉俾你揀,充滿聖誕氣氛又啱晒食肉獸啦。 去到甜品時間喇!餐廳為今年聖誕節設計咗一系列聖誕主題蛋糕、甜品,最具標誌性嘅就有朱古力樹頭蛋糕、用泡芙推砌嘅飄雪泡芙山,仲有萬眾期待嘅火焰雪山添。 當然唔少得招牌嘅即焗Warm Chocolate Cake,仲可以請師傅幫你寫上心意句子,自訂啱你心水嘅甜品。 聖誕自助餐由今個月16日開始,12月31日更會增設Super Buffet(22:30-01:00),俾大家食住自助餐倒數迎接新一年。有興趣嘅朋友仔可以留意返上面嘅12月自助餐價目表,mark定日子就即刻訂位啦!   Mr. Steak Buffet à la minute 地址:銅鑼灣告士打道280號世貿中心6樓 電話:2881 5757 營業時間:星期一至日:12:00-14:30、17:00-22:00

0

【酒店周末下午茶自助餐推茶味主題 逾40款甜品+中西日熱盤】Promenade西餐廳

都會海逸酒店Promenade西餐廳嘅榴槤甜品好出名,依家至12月底嘅「醇茶香」下午茶自助餐除咗有唔少榴槤甜品之外,仲以各式嘅「茶」推出一系列茶味甜品添。仲有多款Häagen-Dazs雪糕、天婦羅、壽司、刺身、中西熱盤等食物,選擇多仲幾抵食㗎。 Promenade西餐廳入口喺酒店大堂旁邊,有唔少人未到自助餐時間已經喺門口排隊,務求食盡成個下午呀! 茶味甜品有唔少款式,亦會不定時轉口味。好似伯爵茶朱古力磚(左)、港式奶茶焦糖燉蛋(右)、伯爵茶朱古力磚同抹茶紅豆蛋糕卷都有機會食到㗎。 仲有熱門嘅烏龍茶朱古力泡芙(上圖)、冰皮香芒卷(下圖上)、士多啤梨Tiramisu(下圖下)等全部都細細件,俾你有空間試多幾款。 而且榴槤控更加要試呢度嘅榴槤脆酥(左上)同椰子榴槤蛋糕(左下),啖啖都係榴槤香呀!仲有焦杏仁撻(右上)、瑞士香梨批(右下)呢啲特別又用料十足嘅甜品都會不時推出。 焗布甸、榴槤西米露、燕窩杏仁露、即製榴槤班戟、豆腐花等都係不容錯過嘅熱門甜品,而且入口香而不膩,食多幾款都仲得呀! 收尾嘅必選甜品一定係食Häagen-Dazs雪糕,呢度仲用Häagen-Dazs雪糕杯同雪糕批嘅限定口味,絕對可以食雪糕食到回本㗎。不過未收尾之前,梗係食埋其他冷熱盤先啦! 凍盤有鮮味嘅冰鎮熟凍蝦、紐西蘭青口、多款刺身同壽司都係比較多人揀嘅食物,仲會大量供應添。 另外仲有燒烤醬排骨(上圖)、迷你豬肉漢堡(下圖)、薯絲蝦、即焗薄餅、天婦羅等中、西、日式熱盤,每樣食一件都飽到上心口。 中點部仲有蝦餃、燒賣、包點、粥麵等食物,帶埋長輩嚟食都實有嘢啱佢口味啦。   「醇茶香」下午茶自助餐 供應日期:即日起至12月31日逢星期六、日及公眾假期(12月25日除外) 供應時間:15:30-17:30 價錢:HKD308/成人、HKD188/小童(12月26日:HKD328/成人、HKD228/小童) [eShop預訂高達75折優惠,加一服務費以原價計算] **凡於下午茶時段消費滿HKD400或以上均可享用酒店3小時免費代客泊車服務,只限每檯乙輛私家車,名額有限,先到先得。   Promenade西餐廳 (Harbour Plaza) 地址:紅磡都會道7號都會海逸酒店7樓 電話:3160 6880 營業時間:星期一至日:06:30-01:00

0

【香港港麗酒店餐飲優惠低至65折 Chill歎意式晚餐及自助餐】香港港麗酒店

近排各大酒店都有唔少優惠,去食嘢之前當然要research吓先啦。小編就發現香港港麗酒店Conrad Hong Kong有DBS信用卡餐飲優惠(唔包括貴賓卡同商務卡),就算去佢哋充滿情調嘅意式餐廳意寧谷,或者有勁多即煮美食嘅咖啡園食自助餐都有預訂Hungry Tuesday優惠,最平低至65折添,快啲趁呢機會獎勵自己啦! 1. 意寧谷招牌嚐味四道菜晚宴菜譜7折 喺酒店8樓嘅意寧谷有落地大玻璃眺望維港景色,可以喺咁浪漫嘅氣氛之下品嚐正宗意大利北部菜系夠晒氣氛。依家用DBS信用卡嚟食4道菜晚宴菜譜可以有7折優惠(優惠價HKD$621.6*/原價HKD$888*/位)。 鍾意海鮮嘅朋友記得點Capellini Con Astice,啖啖鮮味嘅龍蝦肉配上蕃茄汁煮天使麵,加埋羅勒幾香濃惹味㗎。想知埋其他菜式就記住留意預訂網站啦!   意寧谷 地址:金鐘道88號太古廣場香港港麗酒店8樓 電話:2822 5777 營業時間:星期一至六:12:00-15:00,18:30-22:30,星期日:11:00-15:00,18:30-22:30   2. 秋季自助晚餐 65折 想一餐食到唔同菜式梗係非自助餐莫屬,而喺酒店大堂低層嘅咖啡園就集合東南亞同傳統西方美食,同樣以DBS信用卡訂位都有晚市65折優惠! 自助晚餐啱啱換上秋日美食,除咗冷盤海鮮之外,仲有現煮嘅意寧谷芝士意大利燉飯配上即刨黑松露、香煎鴨肝配香梨、蘋果焗海鮮及意式芝士焗蠔等;糕餅主廚Billy Yuen亦為甜品區加入經典蘋果批、法式栗子白朗峰、焗南瓜焦糖布甸等甜點,記得留肚食甜品呀! 咖啡園晚市自助餐連無限暢飲指定汽水(DBS信用卡客戶專享65折自助晚餐優惠) 優惠期:11月6日至11月30日 原價:星期一至四:HKD738*/成人、HKD458*/小童(小童為6-12歲) | 星期五至日及公眾假期:HKD798*/成人、HKD478*/小童(小童為6-12歲) DBS信用卡客戶專享價:星期一至四:HKD479.70*/成人、HKD297.70*/小童(小童為6-12歲) | 星期五至日及公眾假期:HKD518.70*/成人、HKD310.70*/小童(小童為6-12歲)   咖啡園 地址:金鐘道88號太古廣場酒店大堂低層...

0

【酒店自選海鮮自助餐周日買2送2 狂食3款生蠔+海膽回本】普慶

佐敦Eaton酒店自從翻新之後推出唔少停新變革,今次就到普慶餐廳喺自助晚餐推出自選即煮海鮮市場,成為8大冷熱盤食物區之一。而且過百款食物款款高質,定價非常合理抵食。依家做緊嘅普慶餐廳海鮮市場自助餐晚市時段仲可以喺「海鮮市場」自選海鮮同煮法,加上周日凡兩位成人就送兩位小朋友嘅優惠,啱晒一家人假日食餐好。 每次食自助餐都必去嘅第一個區當然係冷盤區,呢度有齊波士頓龍蝦、長腳蟹、爆膏麵包蟹等款式之外,連生蠔都有3款咁多!一次試勻重海水味、creamy同兩者中間嘅層次。另外仲有唔少火腿、芝士同沙律添。 跟住就要去海鮮市場喇,只要攞住你嘅枱號竹籤,就可以喺度自選海鮮同烹調方法,煮起就會攞去你張枱。師傅會挑選當日三款新鮮食材,而煮法都會有蒸、炒、燒三種。 旁邊仲有唔少海鮮熱盤每日更新,其中辣酒煮花螺好大隻,煮得入味仲有咩沙添。另外,燒龍蝦、青咖喱蟹、泰式大蝦、海鮮濃湯、海鮮粥等都好鮮味,仲會時不時轉款。 香港人鍾意嘅日式料理除咗有刺身同各式前菜之外,壽司、即煮串燒同天婦羅款式都俾人好大驚喜!好似甜蝦壽司、花之卷、海膽手卷、燒蒜子、燒飯糰等都唔係一般自助餐食到㗎。 燒烤區就唔止有肉眼扒,仲有烤黑毛豬同各式烤蔬菜,滿足埋戒牛人士同素友需要添。而旁邊嘅東南亞美食就有咖喱、薄餅等熱食。 中菜區就不得了喇,有鑊氣小炒、蒸魚、各式燒味。其中米芝蓮一星叉燒同19.30推出嘅片皮鴨係一定要試㗎!不過片皮鴨只有兩隻,而且好多人排隊,最好早少少去等喇。 呢度嘅甜品區超大!入面仲細分咗朱古力、雪糕、蛋糕、中西甜點、凍餅款式。仲有師傅喺度即整班戟,想好玩啲可以自己唧雪糕筒。 飲品方就有啲懷舊feel,維他奶、各式汽水同啤酒都係任飲!   食自助晚餐有住宿優惠 依家每2位成人嚟食普慶海鮮自助晚餐仲有住宿優惠添,可以揀入住「逸.雅」(優惠價HKD388),或「逸.家」家庭套房(優惠價HKD588)一晚,同時可以享用酒店設施㗎。 入住的話可以玩埋酒店設計,重新裝修後嘅露天泳池充滿摩洛哥風情,唔游水都要嚟打卡啦。   「普慶餐廳海鮮市場自助餐」 午餐供應時間:即日起至11月30日:12:00-14:30  價錢: 星期一至五:HKD308/成人、HKD198/小童及長者 星期至日:HKD378/成人、HKD278/小童小童及長者 晚餐供應日期:即日起至11月30日:18:30-21:30 價錢: 星期一至五:HKD568/成人、HKD398/小童及長者 星期至日:HKD618/成人、HKD448/小童小童及長者 普慶餐廳 地址:九龍彌敦道380號Eaton HK B1樓層 電話:2710 1901 營業時間:星期一至日:06:30-21:30

0

【$298意式半自助午餐任刷海鮮 無限食烤肉+厚切蛋糕】Velo Italian Bar & Grill

自助餐食得多,但意式就唔多餐廳有。不過小編發現尖沙咀嘅Velo Italian Bar & Grill就有唔錯嘅意式半自助午餐,海鮮、烤肉同蛋糕都係任食,想豐富啲又可以加個主菜,絕對食到捧住個肚走呀! 餐廳環境好寬敞,仲有陽光射入嚟,感覺幾chill喎。 先睇冷盤,海鮮有青口、大蝦、螺、帶子同蜆。size幾大,仲會不時補充俾你任食。 旁邊仲有煙三文魚、各式火腿、Parma Ham同長長嘅沙律吧,真係多到入唔晒鏡囉。 想暖吓胃就有烤牛扒同烤雞可以任食,肉質都幾嫩滑同惹味。 食完一輪肉,最後梗係要食甜品啦。餅櫃嘅蛋糕全部都可以無限encore,絕對滿足到你第二個胃!如果咁多食物都未滿足到你,仲可以揀連一個主菜,款式大約一星期轉一次,不過唔要自助餐部分,想單點都可以,依家睇吓有咩選擇啦。 小編當日試咗其中三款,香煎頂級日本和牛扒配忌廉蘑菇汁(HKD368/單點)肉味濃又夠香滑,配埋忌廉蘑菇汁都唔會覺得好膩。 地中海香草蕃茄龍蝦意粉(HKD348/單點)唔係好大碟,但一大啖咁食龍蝦肉又好爽喎,而已呢款味道幾開胃。 意式辣肉腸薄餅12″(HKD168/單點)share食都夠大份!Pizza係薄皮款式,唔會用澱粉質塞飽你,面頭鋪滿芝士同辣肉腸,夠晒鹹香惹味!   海鮮半自助午餐 星期一至五:HKD298/位,連主菜HKD328/位 星期六、日:HKD328/位,連主菜HKD368/位   Velo Italian Bar & Grill 地址:尖沙咀梳士巴利道18號Victoria Dockside K11 Musea 1樓103號舖 電話:2117 0983 營業時間:星期一至日:11:00-22:00

0

【$288四款凍蟹自助晚餐 任食生蠔+即炒三味辣蟹】香港九龍諾富特酒店The SQUARE

依家酒店自助晚餐都出現劈價潮,但記得睇真啲啲條款攞最抵優惠呀。好似佐敦香港九龍諾富特酒店The SQUARE嘅「滋味蟹宴•生蠔海鮮自助晚餐」,本身喺官網預訂已經有7折優惠,但原來每日首50位成功預訂就有6折優惠呀!折後成人(HKD288/位)加埋用折扣價計算嘅加一服務費都係HKD316.8/位。而且食物方面都冇hea你,冷盤除咗有即開生蠔之外,當然要有三點蟹、藍蟹、石頭蟹同加拿大雪場蟹腳先似蟹宴啦!熱盤仲有薑蔥辣椒炒三點蟹、泰式咖哩炒蟹、新加坡辣蟹、香煎蟹肉餅、蟹肉伊麵、蟹肉濃湯等以蟹入饌嘅菜式,事不宜遲,即刻睇吓有咩唔可以錯過啦! 食自助餐當然先去冷盤司啦,呢度率先食到三點蟹、藍蟹、石頭蟹同加拿大雪場蟹腳!蟹雖然唔係好大隻,但幾鮮味,好多人搶,不過都補充得幾快。 另外,仲有龍蝦仔、大蝦、蜆或青口同即開生蠔。 刺身方面會有6-7款時令款式,當日就有三文魚、希靈魚、北寄貝、八爪魚等熱門款式,亦有部分做咗壽司款式。 沙律同小食都有八部分,種類幾多,其中炸羽衣甘藍、脆炸冬蘑、芝士、鴨肝醬多士等都係必食之選。另外,仲有蟹肉冷麵、牛油果蟹肉沙律、蟹肉蛋卷等以蟹入饌嘅款式。 熱盤方面梗係食咗蟹肉菜式先啦!薑蔥辣椒炒三點蟹、泰式咖哩炒蟹同新加坡辣蟹睇同食都一樣惹味,每件都算大隻有肉。不過放耐咗會唔好食,所以廚部每次出得唔多,但會做多幾轉,盡量俾大家食到。 想飽肚感重啲就有香煎蟹肉餅、蟹肉伊麵、蟹肉意大利粉同蟹肉濃湯。呢幾款都有啖啖蟹肉,味道相對三款辣炒蟹清啲,不過都幾香口,滿足鍾意食唔同蟹菜式嘅朋友。 其他必食熱盤就有新鮮即製嘅印式厚餅,配雞肉咖喱或巴東羊肉就啱晒feel;啱晒食肉獸嘅燒安格斯西冷牛扒;又有中式啲嘅燒排骨同即點即煮台灣湯麵,不過記得留肚食甜品呀! 6款Haagen-Dazs雪糕有少見啲嘅奇異果芒果乳酪同藍莓味,其他就係大路嘅芒果、士多啤梨、朱古力同雲呢拿味。另外,仲有唔少蛋糕甜品、飲品多到未能盡錄呀!   「滋味蟹宴•生蠔海鮮自助晚餐」 供應時間:即日起至10月13日:18:30-21:30 價錢: 星期一至五:HKD480/成人、HKD240/小童 星期六、日及公眾假期:HKD500/成人、HKD250/小童 *官網預訂享7折優惠,而每日首50位成功預訂享6折優惠。如成功取得優惠,加一服務費按折扣價計算   香港九龍諾富特酒店The SQUARE 地址:九龍彌敦道348號1樓 電話: 3965 8788 / 3965 8782 營業時間:星期一至日:06:30-23:00

0

【海鮮主題自助餐平食2款生蠔 爆膏龍蝦+得獎拿破崙】8度餐廳

土瓜灣8度海逸酒店旗下嘅8度餐廳自助餐一向出名性價比高,而今個夏天嘅全新主題係「夏日海鮮狂熱自助晚餐」,當然唔少得任食即開生蠔、波士頓龍蝦、皇后蟹腳等高質海鮮冷盤;熱盤就有煲仔白酒煮藍青口、香煎鵝肝、清甜燉湯呢啲即煮高質菜式都係任食㗎。除咗主菜,呢度啲甜品都係自助餐嘅重頭戲,即製榴槤班戟、Häagen-Dazs雪糕窩夫,連得獎嘅芒果拿破侖蛋糕都喺甜品吧任你攞,識飲識食嘅你一於去試吓啦! 呢度其中一個賣點梗係任食即開生蠔啦!而且每日會推出兩款生蠔,唔只得一個品種,滿足晒大家嘅生蠔癮。小編當日嘅款式係American Pacific Rock同埋Irish Gigas Rock,前者海水味較淡,肉質爽口肥美,入口creamy;後者海水味同蠔味都重啲。 冷盤區仲放滿另外五款特色海鮮,分別有波士頓龍蝦、皇后蟹腳、海螺、青口同大蝦。全部都好新鮮靚仔,而且大家重點KO嘅龍蝦隻隻都勁多膏,蟹腳又啖啖肉夠鮮味。 食完啲生冷嘢一於拎碗燉湯飲暖吓胃。呢度嘅花膠北菇螺頭燉雞湯一出大家就排隊攞,因為每碗都有齊晒咁多樣材料,飲落清甜味濃,幾滋潤㗎。 旁邊就有廚師喺度即場煮青口,呢款意式煲仔白酒煮藍青口用咗白汁忌廉煮,再加入白酒調味,令到藍青口一食就有淡淡酒香又creamy。 即煎鵝肝油香十足,再放喺香脆嘅薄片法包上,淋埋黑松露汁;一啖一塊嘅松露鵝肝法包,鵝肝表面香脆,入口即融,正呀! 同場仲有啖啖肉嘅燒特級牛肉、香草烤羊架、大大條清蒸海斑等熱門熟食菜式,多到不能盡錄囉。 嚟到萬眾期待嘅甜品區喇!首先要介紹嘅係兩款即製甜品:榴槤班戟同Häagen-Dazs雪糕窩夫。呢度嘅榴槤班戟連班戟皮都係即製,再加入鮮榴槤肉同忌廉,各位榴槤控可以食幾多都得。而雪糕窩夫就喺即整嘅熱辣辣窩夫上面,放上兩球Häagen-Dazs期間限定口味嘅雪糕。 另外,皇牌芒果拿破崙當然係呢度嘅必食之選啦:佢用咗香甜嘅呂宋芒嚟整,酥皮夠鬆脆又有牛油香,入面啲吉士忌廉仲係秘製㗎。呢個蛋糕好食到攞過「香港國際美食大獎2015」嘅烘焙大獎,嚟到要食多幾件! 呢度嘅高質蛋糕同甜品勁多款,記得留肚呀!   「夏日海鮮狂熱自助晚餐」 供應時間:即日起至9月30日:18:00-23:00 價錢: 星期一至四:HKD478/成人、HKD408/長者、HKD338/小童(另收加一服務費)[e-shop購買可享8折優惠] 星期五至日:HKD508/成人、HKD458/長者、HKD388/小童(另收加一服務費)[e-shop購買可享85折優惠] *加一服務費按原價計算   8度餐廳 地址:香港九龍土瓜灣九龍城道199號酒店大堂 電話:2126 1960 營業時間:星期一至日:06:30-23:00