Tagged: 自駕遊

0

【Chill遊西九文化區食足全日 懶人野餐+全海景歐亞菜】Local自駕遊

西九文化區可以話係近期嘅文青集中地,雖然疫情令唔少文化活動暫停咗,不過呢度開始愈嚟愈多特色餐廳進駐,又有大片草地可以俾你邊吹海風邊野餐,最啱周末同朋友、情人、家人嚟放空啦!   新推懶人野餐組合 喺西九文化區自由空間嘅留白LiveHouse係由本地手工啤酒品牌麥子同一班音樂愛好者創立嘅特色餐廳,可以話係集音樂、美食、手工啤酒、咖啡於一身嘅地方,平時定期會有駐場音樂人、文化工作者喺度演出。而喺疫情期間呢度雖然就暫停咗現場音樂演出,但係佢哋都有新搞作㗎! 想野餐又唔想拎住一袋二袋,就可以試吓佢哋最近新推嘅外野餐盒Set(HKD288/兩人份)喇。成個Set有齊炸雞薯條配黑松露醬、各款沙爹串燒、甜品同飲品。除咗個木餐盒之外,仲齊幫你準備埋啱晒Feel嘅紅白格仔野餐墊,咁就可以兩手空空去野餐啦!不過記得野餐後要交還返個餐盒同餐墊俾餐廳呀。   留白 地址:尖沙咀西九文化區自由空間地舖 電話:2868 4333 營業時間:星期一至四:11:00-18:00、星期五至日:11:00-21:00   藍染cafe Chill住歎啡 唔野餐都有其他選擇嘅,呢間藍染主題cafe唞唞就好受文青歡迎喇。呢度可以隨你喜好自選咖啡杯同咖啡豆,而咖啡價格就視乎選用嘅咖啡豆而定,連咖啡都可以Tailor-made! 而店內亦有少量食物供應,連和牛三文治(HKD318)都有添,隔住個mon都流晒口水呀!   唞唞 Rest Coffee Gin 地址:尖沙咀西九文化區藝術公園地下GF-04號舖 電話:2697 8938 營業時間:星期一:12:00-19:00,星期二至日:12:00-00:00   飽覽西九夜景歎法菜 Hea到差唔多開始肚餓?想食得好啲,不如去同樣都喺西九文化區嘅PANO食餐豐富嘅法國菜啦。呢度幾乎可以睇到全維港海景,餐廳嘅行政總廚Ken更為新店精心設計咗一系列特色菜,唔少名人都係佢嘅捧場客嚟㗎。 行政總廚Ken設計嘅名人Tasting Menu(HKD888/7道菜,HKD1,188/10道菜)揉合咗歐亞飲食元素,每道菜都好獨特㗎。其中呢個椰子味道濃厚嘅香茅椰汁鮑魚花膠雞湯,靈感嚟自Ken細個成日飲嫲嫲煲嘅鮑魚雞湯,依家就用竹絲雞熬製3小時,再加入香茅、椰子同花膠。湯汁充滿精華嘅味道,香濃而唔會互搶雞湯同食材之間嘅味道;而蘋果木煙燻西蘭花燉蛋配馬糞海膽以玻璃蓋住蘋果木煙燻,令鹹香嘅海膽沾上煙燻嘅蘋果木香。連同底層嘅西蘭花同燉蛋一齊食,可以中和海膽嘅鹹味,而口感滑嫩之中更有層次添。   PANO 地址:西九文化區博物館道22號一樓1號舖及天台 電話:2361...

0

【南區吹海風遊赤柱Kitty打卡點 數碼港野餐歎酒店外賣】Local自駕遊

最近疫情回穩,但大家都要繼續小心啲,想出遊玩吓都係去空曠啲嘅地方啦。依家開始至7月尾,赤柱廣場同美利樓舉行「Hello Kitty 與Dear Daniel的浪漫之夜」,有8大打卡位俾你哋影靚相。前後時間又可以去數碼港公園野餐,想方便啲可以喺數碼港艾美酒店買外賣搞掂,咁就保證新鮮地辣添。 赤柱廣場、美利樓、天幕廣場同卜公碼頭附近都會有Hello Kitty同Dear Daniel嘅浪漫場照可以影相。如果7日內喺赤柱廣場或美利樓以電子貨幣累積淨消費滿HKD1,800或以上,仲可以免費換領限量550 套嘅「浪漫滿杯」紅酒杯禮盒1 套(共2個酒杯),將呢份浪漫氣氛帶埋返屋企。不過換領日期由即日起至7月31日,先到先得,換完即止。 換領時間:10:00-22:00 換領地點:赤柱廣場一樓客戶服務台   「Stanley Plaza Hello Kitty.Dear Daniel Love by the Sea」Hello Kitty 與Dear Daniel的浪漫之夜 日期:即日至7月31日(LED燈海於2020年6月上旬開始,每日17:00-22:00亮燈) 地點:赤柱佳美道23號赤柱廣場及美利樓   喺南區野餐的話,數碼港公園都係熱門地點,而旁邊嘅數碼港艾美酒店有3間酒店餐廳推出外賣餐飲優惠,方便之餘又可以食平啲添。 外帶美食七折優惠(優惠有效期:即日至2020年6月30日) Prompt最新推出堂食或外攜薄餅服務,除咗有用蕃茄醬、水牛芝士、鮮羅勒同特級初榨橄欖油整成嘅傳統意式薄餅,或以蕃茄醬、水牛芝士、辣蝦、蘑菇、火箭菜同特級初榨橄欖油整成嘅香辣蝦薄餅,仲有每周限定款式㗎。(Prompt 餐廳菜單)   Prompt Bistro...

0

【尖鼻咀遊車河觀鳥睇日落 流浮山老字號歎海鮮】Local自駕遊

揸車想去啲遠離煩囂嘅地方?香港秘景之一嘅后海灣你去咗未呢?鄰近米埔嘅尖鼻咀左右兩邊有唔同景色,今次就一路向左出發,帶大家觀鳥睇日落,最後食埋海鮮再返屋企啦! 揸車入嚟嘅朋友可以喺唐夏寮附近泊車,然後沿路左右兩邊行吓。 如果喺地圖上沿海向右邊輞井圍行去元朗,會經過呢啲青蔥小道。 有啲人仲會專程嚟米埔后海灣拉姆薩爾濕地踩單車添。 如果向地圖沿左邊慢慢車行就會愈見愈多海景,甚至可以觀鳥㗎。 沿路去到流浮山,未食海鮮之前當然去碼頭影張風味相先啦,蠔民會喺度曬蠔㗎!如果時間尚早,可以揸多十幾分鐘車去埋下白泥,之後先返嚟流浮山食海鮮。   流浮山掃海鮮 View this post on Instagram Local oysters by the HK border. Hong Kong delicacy #hkdelicacy #laufoushan #流浮山 #金蠔 #driedoyster #hkfoodie #hkfoodblogger #hkfoodlover #hkfood A post shared...

0

【文青周末九龍城「大戲院」打卡 Chill遊藝展歎台式炸雞】Local自駕遊

其實舊區都可以發掘到好多好玩好食嘅地方㗎,土瓜灣有牛棚藝術村同新開嘅過江台式小食茶飲店;深入九龍城又有百年活化café同中式糖水老字號,九龍城廣場仲有關於電影歷史同文化嘅互動展覽添,啱晒文青放假去蒲。呢個周末一於揸車出發去九龍城區啦!   一站式台灣餐飲體驗 食飽飽先有力去玩㗎嘛!不如就去土瓜灣新開嘅台式小食店山雞部同飲品店初茶,歎返個靚早餐先展開一日嘅豐富行程啦。兩間相連嘅小店都係由台灣引入嘅,喺度絕對食到正宗嘅台灣風味呀! 台式早餐點少得蛋餅呢?山雞部嘅薯餅起司千層蛋餅(HKD25)就用台灣運嚟嘅餅皮,煎好包住蛋皮、薯餅同芝士再灑上海苔粉,口感煙韌微脆。而初茶熱賣嘅芋頭椰奶(HKD32[右])入面有大量芋泥,勁足料呀。另外,抹茶鮮奶綠(HKD32[中])同海鹽奶蓋雪戀蘋果(HKD30[左])都係人氣之選。   初茶×山雞部 地址:土瓜灣農圃道18號LG03舖 電話:6976 2328 營業時間:星期一至日:11:00-21:00   牛棚藝術遊  一場嚟到土瓜灣,梗係要去牛棚行返轉啦!一早轉型嘅牛棚藝術村入面由唔同嘅藝術單位組成,有唔少藝術展覽同劇場不定期喺度舉辦,最近就有關於城市景觀同面貌嘅「借景」展覽,展期去到今個星期日咋,把握機會喇。 除咗藝術村之外,隔離仲有上年新開放嘅牛棚藝術公園添。作為二級歷史建築嘅藝術公園,呢度當然保留咗唔少歷史痕跡啦,亦會有限定嘅公開藝術展覽喺度展出。而紅磚就係牛棚代表性嘅標誌之一,唔少人形容呢度有種「廢墟美」,仲專程嚟影相打卡添。   牛棚藝術村 地址:土瓜灣馬頭角道63號 電話:2364 2959 營業時間:星期一至日:10:00-22:00 牛棚藝術公園 地址:土瓜灣新山道39號 電話:2987 5997 營業時間:星期一至日:07:00-22:00   「龍城國際大戲院」賀新禧 揸十分鐘左右車入到九龍城廣場,最近因為有影藝戲院進駐,商場中庭舉辦咗一個名為「龍城國際大戲院」嘅香港電影歷史及文化展覽,呢個活動以九龍城舊貌做藍本,入面有「超等迷你戲院放映室」、「香江光影照相館」等等俾你感受吓電影中懷舊嘅氣氛。另外,「街頭小食樂口福」活動仲有機會俾你一嚐舊時小販零食嘅滋味添!有興趣嘅朋友可以上官網睇吓活動詳情。   「龍城國際大戲院」賀新禧 活動地點:九龍城廣場B1 樓層 活動時間:即日起至2月23日10:00-22:00...

0

【踩入3間世外桃源白色Café 遠離煩囂放空身心】Local自駕遊

經過長時間作戰嚟到年尾,梗係搵個地方俾自己沉澱吓啦。今次介紹三間白色色調嘅Café,唔止有文青嘅藝術氣息,入到去仲好似跨越時空去咗世外桃園,揸車入去又可以兜吓風。諗吓爽歪歪?即刻睇吓邊度最啱feel啦!   白色貨櫃屋 大埔近郊嘅Mr Cardigan其實係白色貨櫃屋嚟,全店由門口到入內都有大量綠色植物,望一眼減輕眼睛疲勞,再望多幾眼連人都放鬆埋。 呢度有大量打卡位,門口一排吧枱可以邊飲嘢又曬吓太陽;行過貨櫃旁邊就有外國式佈置嘅小空間,可以三五知己一齊坐低傾偈,無論邊個位置都俾人輕鬆、遠離煩囂嘅感覺。 店內餐飲款式唔多,花茶、柚子檸檬梳打(HKD30起)比較多人點,亦有多士、芝士蛋糕(HKD30起)等輕食,口味就要睇當日出咩喇,可以留意佢哋Facebook,順便睇埋有冇俾人包場添。 想再同大自然親近啲,向大美督方向行10分鐘左右就到龍尾灘,可以玩埋水吹吹風。   Mr Cardigan 地址:大埔汀角山寮路路囗 電話:從缺 營業時間:逢星期日:14:00-18:00   三級歷史建築 有近60年歷史、活化重開嘅前粉嶺裁判法院旁邊有間英式外貌嘅添飲咖啡館,落地玻璃加上店內嘅原木餐枱都令人感覺更輕鬆自在。 想領悟人生哲理?不妨研究吓呢幅打卡牆啦,樹形上有好多金句㗎。 呢度有早午餐、素食、海鮮同肉食,不過都以健康為主。好似呢個奄列、西班牙羊奶芝士、有機沙律(HKD55)夠飽又有營養。 嚟到梗係參觀埋以前嘅裁判法院,了解當年嘅歷史亦同時了解香港。   添飲咖啡館 地址:粉嶺馬會道 302 號 電話:6759 9141 營業時間:星期一至日:08:00-21:00   獨立屋Café 屋子空間係四層高嘅白色嘅獨立屋,仲將咖啡同美甲結合埋一齊添。門口同2樓都可以俾大家飲飲食食,3樓就係美甲,4樓有時會舉辦工作坊,希望大家喺度可以享受生活,又有一個可以放空嘅空間。 呢度嘅烏冬唔止有冷(HKD66)熱(HKD68起)之選,仲有蔬菜、明太子、山葵麻婆豆腐、味噌豚肉、關西牛肉等口味;襯埋杯咖啡(HKD35起)就更加悠閒喇,而且仲有少見嘅草莓拿鐵同鳳梨拿鐵口味。 3樓就同菓子甲研室合作,等大家可以喺咁舒適嘅環境整日系美甲。收費要視款式而定,不過依家至3月底,會有半價優惠俾持有有效學生證嘅本地大學生或大專學生,想過年有對靚手見人就快啲預約喇。  ...

0

【粉嶺半日遊壁畫村打卡兼漂書 必食雞髀包+厚肉鰻魚飯】Local自駕遊

壁畫村可以話係打卡熱點,今次就帶大家嚟粉嶺嘅坪輋壁畫村,然後出返粉嶺市區漂書再刷返餐,感受呢度嘅慢活氣氛啦!   1. 壁畫村 – 坪輋壁畫村/坪洋壁畫村 呢度位處偏遠,無論揸車定搭車嚟都認住地圖上九記士多嘅位置,不過一定係揸車方便好多。村入面有唔同嘅壁畫,但多數俾人「靜」同可愛嘅感覺,幾融入村內環境。   坪輋壁畫村/坪洋壁畫村壁畫村 地址:坪洲坪洋村坪原路157號華逹園   2. 聯和墟名物 – 雞髀包 出返嚟記得先去協香麵包西餅買個馳名雞髀包(HKD8.5),成隻雞鎚咬落啖啖肉㗎,最好係唔會塞飽你吖嘛。   協香麵包西餅 地址:粉嶺聯和墟聯盛街24號地下 電話:2675 6251 營業時間:星期一至日:06:30-20:30   3. 漂書兼撐本地薑 Pezzi Bistro View this post on Instagram 老實說,漂書的活動反應出乎預料—好多讀書人都希望將自己家中堆陳的書籍,讓書籍漂流到更好地方。每一本書,都陪伴住唔同人係人生唔同既階段,縱使漂泊他鄉,它們總會找到屬於自己價值既地方。 “This...

0

【東涌探Line Friend歎果味下午茶 機場日落秘景+泡泡屋打卡】Local自駕遊

去東涌有咩做?東薈城名店倉擴建之後開幕冇耐,已經多咗好多新店進駐,更有全港首間LINE FRIENDS Store Outlet俾你買平價主題精品;附近嘅酒店又有得食周末限定嘅荔枝番石榴主題自助下午茶;想睇靚景,仲可以兜遠啲去機場維修區或者欣澳秘境添,放假一於揸車入去玩吓啦!   全港首間Line Friends Store Outlet 全港首間LINE FRIENDS Store Outlet喺上個月終於開咗喇!話明Outlet就梗係特別多平價嘅精品賣啦,店內有超過一半嘅Brown & Friends精品都以3至7折獨家發售。除咗一般嘅主題精品之外,呢度仲推出大嶼山主題嘅香港限定LINE FRIENDS精品添,各位粉絲一定要去朝聖呀!   LINE FRIENDS Store Outlet 地址:東涌達東路18-20號東薈城名店倉419號舖 電話:2987 7597 營業時間:星期一至日:10:30-20:30   歎荔枝番石榴主題自助下午茶 行到攰攰哋,不如去食個Tea差吓電啦!諾富特東薈城酒店餐廳Essence近期推出一個以荔枝同番石榴做主題嘅自助下午茶,以呢兩種咁清新、消暑嘅水果創造出一系列鹹點同甜品,有將近50款食物俾你任食。其中不得不試呢度嘅涼拌荔枝火鴨絲、荔枝咕嚕肉,同埋吸睛甜品法式芭菲三重奏。呢個期間限定嘅下午茶好受歡迎㗎,去之前記得book定先喇。   Essence 荔枝番石榴週末「夏」午茶 供應日期:即日起逢星期六、日及公眾假期 供應時間:15:00-17:00 價錢:星期六、日:HKD158/位;公眾假期:HKD178/位...

0

【大嶼山自駕深度遊景點攻略 無邊際海景+大澳掃街】Local自駕遊

假日入大嶼山都人山人海,但申請平日嘅「大嶼山自駕遊」計劃,揸車入去就易啲享受呢份寧靜喇。呢個計劃俾私家車喺星期一至五(公眾假期除外)08:00-19:00期間駛入封閉道路,可以去昂平、大澳、長沙同梅窩等地點作消閒同康樂用途。每日限25個名額,以先到先得方式發出。去得大嶼山都會去天壇大佛遊一圈,小編就以呢度為出發點,搵咗向長沙同大澳遊走嘅兩條線路,話你知沿途有咩景點同必食推介! 南行 海景打卡   1. 石壁水塘 View this post on Instagram #石壁水塘 #大嶼山 #香港?? A post shared by William LO (@william.lo.hk) on Mar 31, 2019 at 3:23am PDT 沿大澳道向海邊進發之前會經過石壁竪井塔,水天一色都幾靚㗎。 水塘仲安裝咗全港首個浮動太陽能板發電系統,順便睇吓捕唔捕捉到啦。佢會覆蓋部分水塘面積,減少水源蒸發同藻類生長,可以改善水質。   2. 水口灣沙泥灘 再行前啲經過鳳凰徑可以考慮停一停,落車步行入水口灣沙泥灘。呢度有啲後海灣feel,都幾壯觀㗎,不過唔可以游水。...

0

【周末玩盡馬鞍山礦場探索館 暑期限定光影展+水上樂園】Local自駕遊

邊個話馬鞍山冇嘢好玩㗎?依家即刻介紹三個呢度嘅周末好去處俾你啦,想文青又得,想瘋狂玩水又得,甚至有埋考古feel都得!因為新港城中心暑期限定嘅「FLOWERS PIECES」繁花光影互動感官展有埋周末藝遊導賞團滿足一眾鮮花控,呢度新開嘅英皇戲院仲有早場優惠;白石就有B. Duck主題充氣水上樂園俾大家玩水消暑;而馬鞍山近郊嘅鞍山探索館內藏隱世礦工cafe,仲有各式開於礦石場嘅活動,仲唔係滿足晒大家嘅願望?!   1. 新港城中心:和風櫻花主題互動展+英皇戲院早場優惠 唯美「花」世界7月絕美登場? 【唯美「花」世界7月絕美登場?】先後喺東京、京都、名古屋、沖繩等地方進行嘅人氣日本數碼互動光雕藝術展覽「FLOWERS BY NAKED」?,將會喺今個暑假,於MOSTown新港城中心舉辦全球首個國外展覧「FLOWERS PIECES」?!透過呢個繁花互動感官展? ? ?,你可以欣賞到盛開嘅櫻花、聞到花香以及聽到日式和歌,為你帶嚟「賞花」新體驗!想知道展覽嘅詳情?記得密切留意我哋個Facebook專頁喇?!想知多啲MOSTown新港城中心嘅最新優惠或資訊?快啲上我哋全新嘅網站 www.mostown.com.hk 啦!#MOSTown #新港城中心 #LiveLifeToTheMOST #FLOWERSBYNAKED #FLOWERSPIECES #一場繁花與光影視覺之旅 Posted by MOSTown 新港城中心 on Wednesday, 5 June 2019   鍾意花嘅你一定要去最近喺新港城中心舉行嘅「FLOWERS PIECES」繁花光影互動感官展!呢個展覽以櫻花做主題,仲係全球首個日本國外「FLOWERS BY NAKED」嘅虛擬實境互動展添。入面有8個互動藝術裝置模擬出唔同感覺嘅繁花場景,係一個真真正正睇到、聽到、聞到同摸到嘅繁花感官展,記住度影多啲靚相喇。而且逢星期六、日仲有好搶手嘅周末藝遊導賞團俾你更深入了解日本嘅花道、和歌文化,有興趣嘅就要早啲報名喇!...

0

【週末揸車玩轉大埔 滑草打卡歎老字號蟹粥】Local自駕遊

放假唔一定要去外地嘅,留喺香港都有大把好玩好食嘅選擇,週末短短哋嚟個本地一日遊都夠晒充實㗎。今次就喺大埔瘋狂打卡食嘢,再殺入沙頭角滑草,保證大家玩到唔捨得走,即刻出發! 活化打卡熱點 綠匯學苑前身係舊大埔警署,呢個一級歷史建築物活化之後成為文化保育中心,亦還原咗唔少舊警署昔日嘅面貌。報案室、羈留室、槍房等唔止可以參觀,有啲位仲可以打卡添,鍾意懷舊風嘅一定要嚟喇。呢度間中會舉辦導賞團或工作坊,有興趣就留意佢哋官網啦。 綠匯學苑 地址:大埔運頭角里11號 電話:2996 2800 開放時間:星期一至日:10:00-17:00 [最後登記入場時間:16:30](星期二休館) 費用:全免   午逅星馬菜 都算區內新店嘅果子Life Café主打新加坡同馬來西亞菜,有得食經典嘅海鮮喇沙(HKD66)同埋肉骨茶(HKD88),味道突出之餘分量都幾多㗎。 果子Life Café 地址:太和汀角路11-13號啟昌樓地下13號舖 電話:2812 6038 營業時間:星期一至日:11:30-22:00   四驅滑草 食完晏可以揸大約30分鐘去禾田喜山種植園,入面有70米滑草道俾你風馳草道嘅滋味,大人細路都玩得㗎! 呢度仲有得餵羊仔、玩高卡車、泡泡足球等等添,買全日(HKD120/位)或半日套票(HKD90/位)就可以任玩園區設施。不過呢度冇得wallk in,想去就要預約喇。 禾田喜山種植園 地址:沙頭角塘肚村 電話:6010 5978 / 5118 1740 營業時間:星期五至日:10:30-16:30,星期一至四休息 停車場:HKD80/日泊(園區內)...