Tagged: #蔬果

0

【排便之迷思! 食得蔬果多都仲便秘? 】懶健康貼士

究竟幾耐冇排便先叫便秘?有得去就唔當一回事?定係你已經成日食蔬菜都係去唔到廁所呢? 便秘係指: 排便唔暢順、屙唔清、要用力屙 唔能夠每日排便1次 每日都有排便,但係每次都覺得屙唔清 可能你已經食咗好好好多菜,但仲係會便秘,咁就要睇吓你有冇食啱分量喇! 每人每日最好攝取20-30克膳食纖維,即係大約兩個飯碗或三個拳頭大嘅蔬果。 當然大人細路嘅分量比例都唔同啦: 小孩:3份蔬菜+2份水果 成年女性:4份蔬菜+3份水果 成年男性:5份蔬菜+4份水果 點解食得多蔬果仲有便秘呢? 1. 攝取非水溶性纖維而飲唔夠水 有啲蔬果係「非水溶性纖維」,食得多會增加便便體積,但係保水力不足,如果你飲唔夠水就容易便秘喇!例如竹筍、鳳梨同依家流行嘅全麥麩麵包等等。所以每天日盡量飲2000cc水就最好喇。 2. 短時間過量攝取高纖食物 飲食習慣嘅轉變最好循序漸進,如果突然增加纖維分量可能造成腸胃不適,例如脹氣。高纖食物例如粟米、紅豆、毛豆、香菇、金針菇、牛蒡同青椒等等。 食咩可以幫助排便呢? 1. 多飲水同補充適量油脂 攝取足量嘅膳食纖維係有助便便成形同腸道蠕動,但係缺乏水分同油脂滋潤腸道嘅話,便便都係難以排出㗎! 2. 食水溶性膳食纖維 大麥係其中一款,性質溫和,對經常性便秘同肚屙嘅人都有幫助。