Tagged: 藍田

0

【藍田新開平價外賣店 $12激抵雙拼冬蔭功湯麵】平霸

平霸嘅中學年代,好鍾意去藍田匯景廣場掃街,貪佢多食店,價錢又平,係學生哥嘅天堂! 最近平霸重遊舊地,平價小店一樣咁多,行行吓發現161麵大阪站,密麻麻嘅餐牌掛晒出嚟,行過都忍唔住望多兩眼,有齊小食、飲品,麵食甚至零食,包羅萬有,不過就冇得堂食,只有外賣,唔係住附近嘅朋友仔可能要邊行邊食喇! 餐牌上面有個冬蔭功湯麵(HKD6),撈麵賣6蚊唔出奇,冬蔭功湯麵都係呢個價,搞到平霸心思思想食啦!話就話係「下午茶滋味」,不過店員話其實冇特定分下午茶時段,只要有食客order,咩時段都係6蚊,嘩,堅抵呀! 麵就同普通公仔麵冇乜分別,口感算彈牙,不過小編低估咗佢嘅辣度,冬蔭功味酸得嚟辣度一啲都唔嘢少,食完第一啖麵之後,差啲辣到噴火咁滯!雖然愈食愈辣,但都忍唔住會食唔停口喎,即係辣得有魔力啦!呢6蚊抵俾呀! 唔想淨係食麵咁寡,仲有冬蔭功扎肉/雞絲湯麵(HKD12),本身諗住各嗌一碗,點知店員話可以一碗有齊兩款餸,變咗雙拼都係收12蚊價錢咋喎,又覺得抵咗喇! 眼見餸料都幾多,不過雞絲就變咗雞肉,雖然幾大嚿,但就有少少嚡身; 而扎肉就有兩大塊,味道ok,食落幾爽口,12蚊有兩餸一麵,仲想點先? 除咗麵食,仲見到有個花雕蒜香雞翼尖(HKD20/15隻),雖然就咁睇個賣相好似麻麻,但成兜裝滿晒雞翼尖真係好滿足囉,成15隻鋪到滿,每隻雞翼尖又沾滿蒜蓉,食落仲帶有淡淡花雕酒香,雞翼尖好嫩滑,不過略嫌辣味有少少蓋過咗蒜香味,如果蒜蓉味再濃啲仲正! 平霸小評:呢間161麵大阪站,價錢平得嚟味道又唔差,簡簡單單兩餸一麵都只係12蚊就醫飽個肚!嚟緊開學,學生哥快啲mark定呢間小店,放學食返碗冬蔭功湯麵啦! 161麵大阪站 地址:藍田匯景廣場5樓89A號舖 營業時間:星期二至日:11:00-20:30(星期一休息) 《平霸》平食四方,歡迎各界報料。

0

【尊貴體驗!日本直送水果】名果店

當你買餸或者買其他農產品既時候,你會去邊度買?街市?超級市場?的確,街市同超級市場種類應有盡有,而且十分方便。不過,除左依兩種之外,依家仲有另一個選擇。一聽到 “名果店”三個字 ,你可能會諗,一定只係賣生果既地方,但其實唔止咁樣,佢還有其他農產品供人購買。無疑讓附近既街坊可以平日落商場,一邊飲杯果汁,一邊買埋個餸先。 店舖內蔬菜種類十分廣泛,總有一款可以將佢帶返屋企。 當然,店舖主打既係各款外國生果,每款都係均從該地直送抵港,包括保持新鮮同該品既質素,令顧客享受到最好既原味。 青森縣群馬名月蘋果 (HKD38/2) 果皮以黃綠色底為主,經由陽光的照射,太陽面的果皮呈現橘紅色,酸度較不明顯,汁多,口感較鬆,而且充滿蘋果味。 日本淡雪白士多啤梨 (HKD288) 小編諗紅色既士多啤梨大家都食唔少見唔少,但櫻花色士多啤梨就一定比較罕見,係當地係比較高檔的品種。入口酸味和甜味適中,係男女老少皆宜的美味草莓。 日本青森縣特大西洋梨 (HKD68) 日本製造西洋梨,比一般的較為清甜,而且多汁,無論四季進食都非常解渴。 日本熊本縣蜜瓜(HKD258-298) 網紋細密,入口Juicy多汁,甜得嚟又唔會有膩既感覺,反而愈食愈上癮。此外,果肉亦有咬口,唔會太軟腍。 日本香川縣香綠奇異果 (HKD25) 果型較一般奇異果細長,體型都比較大,甜度高,可達到17度。由於品種係日本多年精心研發,無酸澀味,香甜多汁,果肉細緻。   如果人貪方便既話,又嫌洗生果麻煩,又唔想脫皮,果杯(HKD15/S, HKD17/L) 絕對適合你,一杯有3-4款水果,內有當日時令水果,而且每款果杯水果各有不同,總有一款岩你選擇。 美の果汁(HKD15/S, HKD17/L, HKD31/Bottle) 所有果汁100%鮮榨出黎,而最受歡迎就係鮮橙汁(後),酸甜度適中,開胃之選,而火龍果X雪梨汁(前) 甜度適中,既有潤肺作用,而且對便秘絕對有效。 田園沙律野菜(HKD29) 如果大家夜晚做運動後,絕對不適合食咁多野,所以野菜沙律絕對適合健康人士,內裡有時令蔬菜,每個沙律配上醬料,而大熱就係和風油醋沙律醬,甜甜酸酸,特別開胃。 名果店 電話:5407 2761 淘大分店 地址:九龍灣牛頭角道77號淘大商場二期地下GK1-2 &...