Tagged: 藝術蛋糕

0

【精選五大藝術蛋糕花樣百出 梵高星夜+3D造型】BYJ、M Patisserie、Call Me Chef、Bunphant Cake Studio、Patelly

生日、紀念日呢啲特別日子想有個蛋糕慶祝吓,又唔想買連鎖蛋糕店嘅普通蛋糕?想有啲心思不如訂製啦!其實唔少本地蛋糕小店都好有heart,可以度身訂造一個屬於你獨一無二嘅蛋糕。小編幫大家搵咗五間藝術蛋糕小店,間間都各有賣點㗎,即刻睇落去啦!   1. BYJ 你以為佢係一幅畫?佢係一個鏡面蛋糕嚟㗎!呢間蛋糕網店BYJ專門製作呢類型嘅藝術蛋糕,客人可以將自己嘅意念或故事同店主分享,創作出嘅每個蛋糕都獨一無二,全部都係食得嘅藝術品嚟! 除咗鏡面蛋糕之外,類似呢款裱花立體蛋糕都係呢度嘅招牌之一。店主Jay就有「KCDA 韓國豆蓉裱花蛋糕導師資歷」,上面啲玫瑰花全部都係人手以豆蓉一朵朵咁唧出嚟,極花心機又有信心保證啦。   BYJ 地址 :九龍觀塘成業街成運工業大廈9樓22室 電話:5566 8595 (Whatsapp查詢及預訂) 營業時間:從缺   2. M Patisserie 做藝術蛋糕嘅M Patisserie近期由網店轉型開實體店,喺跑馬地有自己嘅門市。除咗有別緻嘅件裝蛋糕賣,仲有得訂製大型嘅藝術蛋糕,全部都由店主親自設計㗎。每款蛋糕仲有背後故事添,想了解多啲就同店主傾吓計啦。   M Patisserie 地址:跑馬地成和道65號豐和大廈地下A舖 電話:5720 0813 營業時間:星期一至日:08:30-19:30   3. Call Me Chef Call...