Tagged: 蘇豪

0

【蘇豪區文青酒吧餐廳 脆皮鴨髀酥×燒芝士蛋糕】Doubleshot by Cupping Room

蘇豪區嘅酒吧餐廳Doubleshot by Cupping Room,因為呢個金色嘅特大玻璃窗而成為文青嘅新蒲點,但係呢度唔止「打得」,仲有唔少主菜同輕食都一樣食得㗎。餐廳以環保為概念,將Cupping Room嘅烘焙咖啡結合二次創作嘅杏仁牛角包浸酒,令食物可以多元化地運用。而一系列嘅西班牙菜俾大家嚟飲杯嘢又得,同朋友聚餐亦得。 呢個特大玻璃窗吧檯特在太受歡迎喇,想坐到呢個位最好先預約。 Crispy Duck Leg Confit(HKD198)嘅鴨髀比平時嘅大隻!而且外皮香脆,肉嫩入味;就連配菜紅蔥頭都煮到好軟腍,配埋鴨肉一齊食會更香甜惹味。加埋招牌嘅Spent Martini(HKD118),可以同時品嚐以Expresso Anasora Samii、自製咖啡粉、杏仁牛角包浸酒混合而成嘅咖啡酒,甘香同酒香加埋一齊令味道層次更豐富。 Wagyu Bavette(HKD298)都幾大份,仲可以自選和牛嘅熟度。和牛煎香後灑上鹽同鋪上蔬菜,就咁食會light啲;想濃味啲可以蘸碟內嘅醬汁,或者另上帶點酸爽嘅香草醬。 平時食嘅炒蝦意粉,蝦嘅分量都會好多,但呢碟DOUBLE Prawn Pasta(HKD268)唔止蝦嘅分量多,仲有西班牙紅蝦同大Size甜蝦兩款呀!嗦晒蝦汁嘅意粉,配上啖啖爽口嘅蝦肉真係令人好滿足呀! 如果只需要輕食,Avocado on toast 2.0(HKD118)係呢度招牌菜之一。大量牛油果粒加上唐辛子芒果、蛋黃、水牛芝士同西班牙Chorizo香腸俾你自由配搭充滿橄欖香嘅麵包,實啱晒鍾意健康飲食嘅你。 Katsu Sando(HKD98)嘅三文治先塗牛油再烤,令佢外脆內軟,再夾住吉列西班牙黑毛豬唔止惹味啲,咬落仲有肉汁㗎。 甜品一定要試Burnt Cheese Cake(HKD68)!面層燒到有微微嘅焦糖香,入口軟滑香綿,仲充滿芝士同奶香添。   Doubleshot by Cupping Room 地址:中環蘇豪荷李活道49 號鴻豐商業中心1...

0

【意悠未盡在SOHO】NOM

難得到中環,當然要去蘇豪區覓食!小編繼續搵抵食好東西,喺呢區係選擇多,但價位相對夠高,行左一個圈,小編就見到一間價位OK,又好吸引我的餐廳NOM – Not Only Meatballs,名字已夠得意,講明除左招牌肉丸外,意大利菜都係拿手呀,就等小編發掘下到底係咩來頭! NOM 走Old School風,雖然開在樓上,但門面夠晒吸引! 餐廳格局好有7、80年代復古風,走紐約風精緻路線,黑白棋盤的地磚,長長木枱,空間很寬敞。而樓上分為用餐區及酒吧區,悠閒輕鬆又有格調小編就坐左圓形梳化位,可以同朋友坐得close啲! 夏天比較悶熱,菜式都要更開胃先得,而小編又太喜歡芝士! Burrata Cheese with Anchovy (HKD178)完全是我的菜,見住個流心芝士就興奮,雖然芝士本身味道較淡,但配鹹鮮美味的鯷魚,又好夾!於芝士底下係清爽的西蘭花菜蓉,變得更清新,是適合夏天的味道。 講明Meatball好出名,當然要試下Bell pepper & chilly mayo (HKD118),加芝麻籽的Meatball配薯條,再點埋芥末醬就最完美! 精緻菜式份量不多卻剛剛好,很喜歡Burnt cauliflower puree(HKD188)!平時食帆立貝食得多,但椰菜花化糊真係好特別,配夠鮮甜厚身的帆立貝,多左份蔬菜的清甜,真係不得了! 終於來到主角Meatballs,今次試的是 Pappardelle with Beef meatballs (HKD178),要讚的除左肉丸,寬意粉也有驚喜,有口感配肉丸質感軟滑又夠晒juicy,愈食愈開胃,要同朋友share真的嫌吃得太少! 食過精緻意菜,歎返杯VERMILION RUSH(HKD68),檸檬味清新又惹味醒胃,適合炎炎夏日,又可以刺激我繼續食! 想更清涼,可以點BERGAMOT FOREST(HKD68),清新薄荷味配蜂蜜感覺好fresh,輕鬆涼快地過一個下午! NOM – Not...