Tagged: #蘿蔔糕

0

【自家製賀年糕點陷阱多 營養師教你點整健康啲!】懶健康貼士

喺屋企自家製賀年糕點嘅朋友應該都search晒點整,自己控制分量,感覺上又健康啲。冇睇錯呀,係「感覺上」咋,自家製未必真係有營啲㗎,分分鐘自己調校嘅油、鹽、糖同食材嘅分量,比買現成食品更重手「足料」呀!想有個健康豬年係好嘅,但誤踩「自製健康啲」嘅陷阱就得不償失喇。依家慢慢話你知,落咩料同點整會真係健康啲啦。   蘿蔔糕 陷阱位: 臘肉同臘腸都屬於高脂高鈉食物,傳統臘腸每100克就有400-500千卡,差不多等於兩碗飯嘅分量,而當中有超過60%嘅熱量係來自脂肪;而臘肉比臘腸更邪惡,每100克臘肉就含有628千卡。有啲人為咗令糕點更加足料同甘香,反而加好多臘肉同臘腸,更加弄巧反拙。 建議做法: 1. 以全瘦臘腸代替傳統臘肉同臘腸,因為全瘦臘腸嘅熱量最多可以比傳統臘腸少一半。當然都要視乎牌子,所以記住留意營養標籤,盡量選購「全瘦」而唔係「加瘦」,因為加瘦都一樣有肥膏㗎! 2. 減少臘肉同臘腸嘅用量,加多啲冬菇、乾瑤柱、鮑魚粒一樣令蘿蔔糕有味又有口感㗎!   紅棗糕 陷阱位: 不論係白糖、紅糖或黑糖都屬於蔗糖,係由甘蔗而嚟,唔會因為轉用黑糖或紅糖就低卡路里啲㗎。不過佢哋精製程度唔同,所以礦物質含量同味道都唔同囉。 建議做法: 1. 將糖份減半,或以甜菊糖呢啲代糖取代部分糖分。 2. 紅棗屬水果類,本身亦含有天然果糖、纖維及抗氧化物,大家可以在減少糖的同時,可酌量增加紅棗嘅分量補償味道。   椰汁年糕   陷阱位: 同紅棗糕一樣,大部分嘅食譜都寫要用好多糖,有啲食譜仲會加入椰汁,令年糕更香滑,但變相加入好多熱量囉。   建議做法: 1. 避免使用椰汁進入年糕,因為椰漿嘅飽和脂肪比較高,會增加患上心血管疾病風險。 2. 若想使味道及顏色更豐富, 可以用紫薯蓉製造部份年糕 (如:大紅大紫糕)及加入蒟蒻粉。紫薯含有豐富花青素,是天然抗氧化物,而紫薯蓉及蒟蒻粉亦是高纖維,幫助解決便秘。 3. 把糖份減半,或以代糖(如: 甜菊糖)取代砂糖或紅糖。...

0

【2019賀年糕點最後召集!精選4大新口味素糕都有】明閣、帝京酒店、奇華餅家、Green Common

踏入2019年好快又要辨年貨啦,因為仲有半個月左右就到豬年喇,時間真係快到嚇死人。過年必食嘅梗係各式賀年糕點啦,唔食過點似過年呀!為咗幫大家慳返啲時間,小編幫你做埋功課,睇吓呢幾款新口味嘅賀年糕點啱唔啱你啦! 米芝蓮粵菜食府 明閣 新年一定要好意頭,明閣今年嘅富貴金桔馬蹄糕(HKD268/1斤2両)淨係個名已經夠大吉大利。加入金桔整呢款馬蹄糕,味道更加清甜甘香,配上口感爽脆嘅馬蹄片,不論咬口、味道同意頭都攞滿分。   明閣 地址:旺角上海街555號香港康得思酒店6樓 電話:3552 3028 營業時間:星期一至日:11:00-22:30   貴氣之選 帝京酒店 蘿蔔糕可以話係賀年糕點嘅必食膽拖之一,用帝京酒店嘅松茸蠔豉蓮藕糕(HKD268/900g)送禮仲好有派頭添。大廚選用矝貴嘅松茸,令蘿蔔糕散發濃厚嘅菇菌香氣,加埋超級食物之一嘅藜麥,混入蠔豉、蓮藕同雞髀菇等食材,甘香同脆口嘅感覺食唔停口啦。1月21日或之前訂購仲有得平呀,只係HKD241,不過記得最少提前3日預訂呀。   帝京酒店 地址:香港九龍太子道西193號 電話:2622 6256 營業時間:星期一至日:24小時   老字號 奇華餅家 仲有奇華餅家推出新款滋補嘅香菇蟲草花素蘿蔔糕(HKD105/530g)。用大大粒香菇、新鮮蘿蔔條、清香爽口嘅蟲草花、爽脆嘅木耳同甘香鬆脆嘅腰果整成,仲用埋素食蠔油調味。講到素食糕點唔止佢有,Green Common都有㗎!   奇華餅家 地址:元朗安寧路2-6號2樓 電話:2476 9888 營業時間:從缺   潮食素糕 Green Common...

0

【Google 2018搵食熱搜 葵芳桃膠蘿蔔糕最hit】食焦

年尾流流,又係一大堆回顧同頒吓獎咁啦!米芝蓮指南出咗籠,入圍嘅開心、被搣星嘅都唔使愁嘅,始終都係獲得大眾口味嘅肯定先係最實際啦!上星期都有另一個重要嘅排行榜公佈咗,就係Google 2018度熱門搜尋排行榜,當然延禧呀山竹呀任何人呀呢啲實上榜啦,而有關飲食界嘅都有㗎! 搵食地區嘅熱搜十大,冠軍係葵芳、亞軍係旺角、季軍就係銅鑼灣!三甲地區都係意料中事喇,單係喺正葵芳地鐵站對面嘅葵涌廣場,葵廣葵廣你唔係未去過呀?平靚正搵食熱點,要數小食真係不二之選呀!旺角呢,旺中就梗係多嘢食,今年仲有另一個美食廣場T.O.P誕生,擸咗唔少餐廳,乜菜都有得食;而港島班霸梗係老銅啦,一條渣甸街已飲盡今年最hit嘅黑糖乜乜乜啦! 搵食地點有喇,輪到十大熱搜食材喇!登登登凳,首位係今年hit爆嘅桃膠,滋陰養顏可說係平版燕窩咁呀,乜都要加桃膠先至叫健康咁款!比較估唔到係第二位係豆腐喎,第三位係雞翼!榜尾呢就係苦瓜! 仲有食譜熱搜㗎,十甲位置真係俾各糕餅類霸咗唔少喎!芋頭糕同芋圓分佔第三同第二位,冠軍係蘿蔔糕,睇嚟有唔少人都上網搵糕餅食譜嚟整喎,甜食佔咗八個位,得雞煲同羊腩煲係鹹食,霸咗第七同第九!至於年度熱爆夜市就爆大冷喇,深水埗夜市竟然力壓港人至愛嘅台北饒河街夜市,榮登榜首喎! Google 2018年度熱搜搵食地區 1.葵芳 2.旺角 3.銅鑼灣 4.長洲 5.佐敦 6.大圍 7.中環 8.大埔 9.太子 10.葵涌 Google 2018年度熱搜食材 1.桃膠 2.豆腐 3.雞翼 4.南瓜 5.牛油果 6.海參 7.豬扒 8.秋葵 9.茄子 10.苦瓜 Google 2018年度熱搜食譜 1.蘿蔔糕 2.芋圓 3.芋頭糕...

0

【中環粥品老店有風味 10蚊兩大件蘿蔔糕】平霸

今次平霸繼續進攻小店!其實細心啲搵,中環其實有唔少老店,而且價錢仲好親民㗎!今次嘅主角就係忠記粥品喇,不過就唔食粥,試吓其他小食。 蘿蔔糕(HKD10/2),本身諗住係平時新年食開嗰啲蘿蔔糕,點知完全相反。佢係兩大件蒸嘅正宗蘿蔔糕,入面唔會話有蝦仁、臘腸,全部都係蘿蔔蓉嚟㗎;加埋啲醬汁食,又係另一番風味;而且食落好清甜,兩大嚿夠飽喇! 炸兩(HKD12),咁嘅價錢食到炸兩真係好平,分量仲要唔細碟喎,不過美中不足嘅係,入面嘅油炸鬼凍晒,食落冇咁好食,不過值得一讚係啲腸粉好滑溜又彈牙,唔錯唔錯! 蛋黃鹹肉粽(HKD17) 呢個反而就有少少失咗水準喇,得半隻鹹蛋黃,而且唔夠鹹香,料就唔算話好多,普普通通啦!店員會問你點糖定點豉油,我就揀咗糖,跟返個人口味。 平霸小評:今次平霸搵食,不過不失啦!雖然老店係香港特色,不過呢次就發現衛生情況一般,檯面都有幾多食物殘渣,不過小編都係抱住大菌食細菌嘅心態,唔可以要求太多喇! 忠記粥品 地址:中環機利文新街32-34號A舖 電話:2544 0208 《平霸》平食四方,歡迎各界報料。

0

【十大致肥賀年食品 卡路里排行榜大檢閱】懶健康貼士

新年堪稱肥美節之首,好多人都唔介意食多啲應節,但係成個新春咁長日子,冇人想返工俾人話肥咗嘅!想知道咩嘢食物最致肥之前,不如睇睇你一日可以攝幾多卡路里先啦:   大家Mark低自己可以食幾多,我哋就進入肥食倒數喇!   第十位 糖蓮子(17卡路里/一粒)係最細Size,咁佢排最後都好應該。 第九位 糖冬瓜(37卡路里/一件)係小編最愛,好彩佢排第九,仲可以食多幾件。 第八位 糖蓮藕(50卡路里/一片)大片啲,感覺冇糖冬瓜咁甜,但係食晒糖蓮子、糖冬瓜同糖蓮藕,卡路里唔爆標都糖份爆標,糖尿病人士一定要忍口呀! 第七位 笑口棗(55卡路里/一粒)雖然炸過,但冇餡料救咗大家一命先。 第六位 油角(130卡路里/一件)有糖、花生碎、芝麻同椰絲做餡已經好肥?仲有個皮都唔嘢少㗎!要落豬油搓皮先甘香,細個見媽媽搓完皮要洗好耐先還原返個廚房。 第五位 煎蘿蔔糕(130卡路里/100克)會肥就大家都知,但提提大家,依家嘅蘿蔔糕標榜勁多料,相對會愈肥囉。 第四位 煎馬蹄糕(140卡路里/100克)真係估佢唔到可以爬蘿蔔糕頭,其實咁清甜嘅糕點又做咩要煎呢?蒸咪冇咁油囉! 第三位 蒸年糕(156卡路里/100克)主料係糯米粉、椰汁、蔗糖同片糖,呢個無敵高糖組合真係幫你提供勁高卡路里。佢蒸都高卡過煎蘿蔔糕,大家為健康著想煎嘅就食少兩件啦。 第二位 成日話「煎堆碌碌,金銀滿屋」,呢款意頭食品就算平時唔食,但新年必食。點解咬個小煎堆(250卡路里/一個)都已經成口油?佢主料係糯米粉,炸嘅時候勁吸油㗎,真係一個起兩個止好喇。 第一位 紅、黑瓜子(567卡路里/100克)係全盒嘅膽,寓意「搲銀」,好易傾陣偈就去消滅一堆!紅、黑瓜子以西瓜子製,經鹽、油等醃料加工,鹽分較高。黑瓜子更加以醬油炒製,鹽分除咗黏喺外殼亦會滲入瓜子,鈉質非常高!   講完一輪好似樣樣都唔係極高卡路里?你只要跟上面嘅分量,每樣食一份就已經有1532卡路里,佔一位成年女性每日所需卡路里60%左右,一位成年男性每日所需卡路里50%左右!仲有大大小小嘅聚餐要食呢,都咪話唔嚇人,究竟邊啲要食少啲大家計計喇!

0

【賀年糕點禮盒逐個睇 黑糖普洱年糕茶味濃 】奇華餅家、鴻星食品、香港美心、明閣

話咁快又過年喇,大家準備緊賀年糕點同禮盒未呢?等我哋介紹啲傳統得嚟又有新意嘅糕點同禮盒俾大家啦:   傳統之選點少得奇華餅家,不過佢哋今年有新搞作,睇吓啱唔啱你。 今年新出嘅金華火腿腰果糕(HKD105)以甘香煙韌嘅金華火腿,加上自家製嘅奇華鮮肉臘腸,再加上原粒頂級越南腰果,口感豐富有層次,鍾意鹹香口味嘅朋友不妨試吓呢款啦! 另外仲有新出嘅什錦蝴蝶酥禮盒(HKD80)有牛油、咖啡同黑白芝麻三款口味嘅蝴蝶酥,紐西蘭牛油做材料,陣陣濃郁嘅牛油香加上鬆脆口感,食到停唔到口。   酒樓之選都係不可走雞嘅,鴻星食品就繼續發揚傳統糕點,你食過未呀? 山芋千絲糕(HKD148)用芋絲而唔係芋蓉製作,口感極佳,濃郁芋香味令人欲罷不能。 金絲貢棗糕(HKD138)係唔少長輩都鍾意食,貢棗紅噹噹又滋潤養顏,係孝敬佳品。   仲有香港美心,佢哋嘅糕點同餅都同樣出色。 椰汁奶黃年糕 (新年優惠價 HKD98)預先烘焗嘅鹹蛋黃,再融合椰奶同吉士,金黃糕面有粒粒鹹蛋黃,入口軟腍煙韌。 今年新出嘅美心盛意禮盒 (新年優惠價 HKD155),內有開心果紐結糖(8粒)同夏威夷果仁南棗糕 (8粒),粒粒香甜煙韌,仲有192層香鬆脆嘅杏仁條(原味同朱古力各3件);曲奇(原味同榛子各8件)。   想尊貴啲就試米芝蓮星級粵菜食府明閣全新賀年糕點啦,佢由2009年至2018年連續十年攞到米芝蓮星級榮譽㗎。 鮑魚瑤柱臘味蘿蔔糕(HKD288)以上乘瑤柱、臘味同鮑魚做配料,口感豐富,亦令蘿蔔嘅清甜味道提升到極致。 鍾意中式茶嘅朋友必試黑糖遠年普洱年糕(HKD238),以健康嘅黑糖取替蔗糖,再加入矜貴嘅雲南遠年普洱茶。陳香馥郁醇厚,入口回甘而不膩。