Tagged: 蛋糕

0

【BAILEYS聯同星級甜品師 教你自製3款酒香甜品】BAILEYS

唔出街就食唔到星級甜品?依家唔使煩喇,因為BAILEYS聯同3位本地星級甜品師傅,公開3款以BAILEYS為題嘅甜品食譜,等你可以喺屋企自製BAILEYS Marquise、BAILEYS 木糠布丁同BAILEYS慕斯蛋糕慢慢歎。 如果想跟足食譜用埋BAILEYS Original Irish Cream同BAILEYS Chocolat Luxe,亦可以喺下面嘅指定網上購物平台買到㗎: Hong Kong Liquor Store 香港電視HKTVmall 網上購物 百佳超級市場 偉成洋酒 Watson’s Wine 惠康超級市場 1. BAILEYS Marquise 材料與分量: BAILEYS Original – 60g 忌廉 – 300g 砂糖 – 24g...

0

【西營盤小巷簡約文青Café 自家製純素甜點件件吸睛】素學堂

今次素學堂帶大家relax吓,去到西營盤一個小巷裡面嘅JOMO Coffee & Cakes放鬆同Chill吓。JOMO嘅意思係Joy Of Missing Out ,想帶出嘅係要享受當前嘅時刻,暫時放下平時工作中繁忙嘅一切。呢間café由三位年青人主理,由炮製咖啡到甜品都有豐富經驗,蛋糕全部都係自家製,賣相好精緻講究,3位店主都知道有唔少人對蛋奶敏感,所以亦都提供咗唔少純素嘅甜品同輕食,好貼心呀! 店內裝修簡約,開放式㕑房,加上Tiffany blue嘅牆色,整個感覺好文青好舒服呀!店裡面用嘅花邊蛋糕碟,每個都係用人手拉嘅陶瓷碟嚟㗎,襯埋件蛋糕真係一流呀! 含蛋奶嘅黑芝麻味戚風蛋糕(HKD52/件)夠哂吸睛啦!蛋糕面頭淋上自家製嘅黑芝麻醬,再放上杞子同桂花,顏色望落好豐富,而蛋糕質感就好鬆軟綿密亦唔會有滯嘅感覺,食得又睇得,小編都忍唔住要相機食先啦! 呢個純素海鹽焦糖蘋果烤酥批(HKD68/件)都好花心機㗎,蘋果切片後一層一層咁疊上去,每一啖都有蘋果肉好足料,而面頭嘅cream同焦糖醬都係人手做,帶少少椰香,令到整個蘋果批嘅豐富度提升。撻皮口感雖未至於好鬆脆,但喺無牛油蛋奶嘅情況下都能夠做到呢個程度真係唔錯㗎,食落仲無咁大罪疚感呢! 生可可撻(HKD58/件)都係純素嘅,用咗有機可可粉,中間嘅朱古力餡食落好似慕絲咁好滑,而撻皮嘅飽肚感就比較重。    草莓撻(HKD58/件)亦都係純素甜品,細細件好適合下午茶品嚐,不過呢個撻就唔喺餐廳menu入面嘅,要睇吓店主嗰幾日有無mood同時間去整啦,話唔定隨時有新味推出㗎! 小編都幾鍾意呢個意式番茄素芝士配酸種麵包(HKD88)。麵包面有一層自家製嘅素芝士,要用腰果浸一晚再發烤而成,味道同芝士相似之外,仲可以補充返素食者容易缺乏嘅營養,例如維他命B12、B6同葉酸。麵包比較硬身少少,切開要比平時用多少少力,但整個味道酸酸甜甜好清新有驚喜,做All Day Breakfast都幾適合! 薰衣草伯爵茶(HKD48/一壺)一陣陣嘅清香撲鼻而來,好適合配蛋糕一齊飲! 香蕉草莓沙冰(HKD50)用新鮮水果整成,而所有純素產品都無用精製糖,呢個就用椰棗代替糖,飲落好fresh有啲似奶昔。   JOMO Coffee & Cakes 地址:西環西營盤水街4號地下D號舖 電話:2762 0258 營業時間:星期一至日:11:00 – 18:00

0

【情人節叮叮甜品甜入心 DIY雙重朱古力蛋糕】mui mui家政課

平時同情人食甜品已然好甜蜜溫馨,如果情人節自己整個雙重朱古力蛋糕就更加甜入心喇!咪以為好難,整好配料入微波爐叮5分鐘㗎咋,冇焗爐都整到夠晒方便啦。加埋自製朱古力榛子醬,真係想要幾甜就有幾甜。步驟簡單,睇落去就知點整。 蛋糕材料與分量: 朱古力 – 50克 牛油 – 3小片 消化餅 – 2片 雞蛋 – 1隻 麵粉 – 120克 乳酪 – 60克 榛子醬 – 3湯匙 梳打粉 – 1茶匙 黃糖 – 2茶匙 鹽 – 少許 士多啤梨 –...

0

【快整紅莓果乾香蕉蛋糕 清香低糖15分鐘搞掂】mui mui家政課

小編細細個就鍾意食有果乾嘅蛋糕,但原來自己整都超快超簡單喎!今次用香蕉做主料配紅莓果乾,焗完一出爐仲有陣陣清新嘅香味飄出嚟,做健康早餐又得,做下午茶亦得啫! 材料與分量: 香蕉 – 2 隻 雞蛋 – 1 隻 紅莓果乾 – 3湯匙 麵粉 – 1.5杯(300ml) 雲呢拿香油 – 半湯匙 乳酪 – 1/2 杯 梳打粉 – 1茶匙 黃糖 – 2茶匙 做法: 1. 首先將香蕉壓成香蕉泥,然後加入乳酪、雞蛋、雲尼拿香油、果乾、黃糖同梳打粉。 2. 麵粉分幾次逐啲加入,然後攪勻成麵糊狀。...

0

【女強人棄高薪賣素蛋糕 無麩質Tea Set鹹甜都正】素學堂

小編同朋友食Tea,最怕食完成set甜品蛋糕之後會好膩,所以今次介紹一個唔會甜死人嘅素cake tea set。The Cakery喺置地廣場同利園二期都有店舖,以為係集團式經營,原來老闆係一位放棄任職十年銀行高位嘅女強人Shirley。點解有咁大轉變?最初Shirley只係玩票性質整吓蛋糕俾自己囡囡食,點知連朋友、客戶試過都大讚,更有相熟嘅家長客戶問佢唔知知邊度有純素蛋糕賣添,慢慢搞到佢整餅興致愈來愈大,最後索性開店,仲要係開一間素蛋糕店整無麩質蛋糕,目的想幫到對蛋奶麩質敏感嘅小朋友!Shirley為開店,親自研究同設計各種蛋糕款式,佢話見到客人食得好滋味嘅滿足感係做銀行感受唔到嘅!今次小編就去利園分店試吓佢嘅蛋糕啦! The Cakery有兩款Tea Set,當中嘅cupcake可以自己揀款式。Cupcake可以單買,兩間店會每日轉唔同款式。不過要留意部分蛋糕係純素、部分只係無麩質,而有少量會有肉嘅餡料。 小編試咗呢款有鹹有甜嘅純素Tea Set(HKD388/2人用),每日14:30-18:00期間供應,不過純素Tea Set要提早一日預訂㗎!成個Tea Set有10款食物,食完感覺飽得嚟唔頂胃,小編就最鍾意呢幾款: No.1係頂層左邊第二件嘅Salted Caramel Popcorn,迷你一口cupcake面頭嘅爆谷落咗海鹽焦糖,少少鹹唔會好甜都幾提味。蛋糕口感鬆軟幾濕潤,配冇奶忌廉,感覺唔會好heavy。 No.2係Scone,無麩質鬆餅質感比平時食到嘅厚實啲,但唔會硬同乾。拎上手唔會一手油,配冇精製糖純素士多啤梨果醬紅桑子果醬,一口一件再飲啖素奶咖啡(Tea Set包兩杯茶/咖啡)係絕配呀! No.3係兩款惹味開胃鹹點,Sweet Potato Quinoa Bite同Mini Pizza。素蔬菜撻有滿滿嘅紅菜頭酸青瓜,撻底好脆,餡料有天然清淡嘅甜味,配埋面頭微酸嘅醃菜絲好開胃;而Pizza嘅麵包餅底都係自家工場製嘅純素餅底。 小編另外都試咗兩款純素cupcake,左邊嘅Day Dreamer(HKD45)係其中一款最受歡迎嘅朱古力味cupcake,加咗奇亞籽代替蛋做黏合效果,口感依然好濕潤軟熟。面頭係Dairy Free Cream,唔算好甜。 另一款小編推介嘅係Apple Crumble(HKD45),蘋果金寶係好多女士喜愛嘅甜品,但以cupcake方法整一樣好正喎!蘋果餡唔算多但好足味,食落有陣好香嘅肉桂味同焦糖香㗎!   The Cakery 地址:銅鑼灣恩平道28號利園二期1樓124號舖 電話:2816 1838 營業時間:星期一至六:10:00-19:30,星期日及公眾假期:10:00-19:00

0

【木系家俬×文青Café 食cake歎果茶chill到爆】廿一由八

觀塘有唔少樓上Café,想搵間有新意少少?今次有好介紹喇!關於廿一由八嘅歷史,其實之前係一間開喺火炭嘅木具工作室,當時好多客人都話環境好舒服,如果有埋咖啡/小食供應就更加好喇!一不做二不休,趁今次搬新店就決定加入Café元素,俾大家享受吓又舒服又有美食嘅環境。 廿一由八呢個名原來都有段故㗎!由於店舖最初以做傢具起家,名字上想由唔同組合建構而成,而三位創辦人都姓黃,所以將廿、一、由、八,呢四個字打直拼埋,正正就係個黃字,幾咁有創意呢! 店舖主要分成三個區,一邊係木具工作室;另一邊係用餐區同木具陳列廳,店內所有木具傢品都係自己製造,客人上到去除咗可以食件cake、chill一chill仲可以順便睇埋傢具,全部可供訂造㗎!用餐環境被木具包圍住,聞住啲木香,真係好relax! 主廚Shena啱啱喺法國藍帶廚藝學院畢業,所有menu同甜點都由佢一個人包辦一腳踼!大約個半月就轉一次menu,希望可以保持新鮮感俾熟客。 法式紙包焗檸檬香橙三文魚配迷迭香烤榛子馬鈴薯+意大利黑醋沙律(HKD138),因為太多客人想食三文魚,所以主廚就諗咗呢道菜式。三文魚味特別加咗檸檬同香橙嚟調味,再連同香草一齊焗,將魚嘅味道帶返出嚟,魚肉勁嫩滑!薯仔連皮切粒,用石榴籽配搭,入口酸酸甜甜,加埋棒子果仁,口感層次好豐富。 芝士辣肉腸墨西哥餡餅(HKD68)好受客人歡迎!餡餅比薄餅食落更有咬口,芝士辣肉腸仲好惹味! 餡餅外脆內軟,加咗辣蕃茄醬、杏仁碎片、芝士同辣肉腸,芝士味都幾出,上面仲有芥末醬,成個餡餅材料嘅配搭match得啱啱好,話咁快件件清呀! Peach Tea (HKD40),主廚話發覺有啲客人一係好鍾意飲咖啡、一係就唔飲咖啡,所以決定加果茶。蜜桃茶嘅茶底用果蓉打出,之後再加紅茶,飲落清新爽甜,飲完一啖之後陣蜜桃味仲喺口中停留,果然係店內王牌飲品呀! 香梨薑黃吉士蛋糕(HKD38),每日最多只會供應8件,想食要撞吓彩數!用乳酪代替牛油,食起上嚟口感冇咁甜膩!就咁睇賣相好似「硬崩崩」咁,其實內裡非常軟熟㗎! 香梨用薑黃煮過,除咗顏色上同蛋糕match返,仲帶有淡淡薑黃香味,呢個甜點真係完美收場! 廿一由八 地址:觀塘鴻圖道59號鵬光大廈11樓 電話:2321 1738 營業時間:星期二至日:12:00-18:30(星期一休息)

0

【整衰咗補鑊衰多次 網購翻糖蛋糕一肚氣】食焦

買蛋糕同人賀壽本來係開心事,但結果搞到又嘥錢又要嬲!呢次唔係收到個「生日快乐」殘體字祝賀牌喇,係訂咗個完全貨不對辦嘅蛋糕,仲要係好核突吓!有事主喺網上大控訴,叫人「大家小心,唔好訂呢間既(嘅)蛋糕」!然後po齊有相有字嘅對話出嚟,真係睇見蛋糕個製成品都冇晒胃口呀! 係咁嘅,事主喺間蛋糕網店訂造蛋糕,仲要兩個星期前俾咗原圖佢,講明公仔唔使加㗎喇,但出到嚟嘅翻糖蛋糕係變咗泥膠公仔咁,完全唔似樣,仲要收成760蚊添!事主梗係即刻投訴pm佢啦,結果店主就話係個朋友整嘅,佢自己睇見都O哂嘴喎,又話點都會補鑊整返個新嘅蛋糕俾事主! 好,事主再send多咗張圖俾店主,講一大輪總之係話一定整到啦,電光火石間已經即刻報咗價,又話做漸變色要加錢乜乜乜,最後係$420,唔計嗰$760,即係俾返$340事主,一聽個價,事主就話不如hold一hold,但係店主秒回佢話已經焗緊喇,咁即係焗要啦!結果,補鑊呢個所謂蛋糕都係慘不忍睹囉! 重點係,又有網友說出重點來,「有無可能由預備焗蛋糕材料去到完成一個蛋糕一小時可以起貨?」仲有位自稱係做咗十幾年師傅嘅網友踢爆,話佢「根本係用後備蛋糕!」俾人連番追擊,其實店主都有還吓手嘅,喺ig度po咗段委屈文自己發洩吓,不過眼見個火愈燒愈大,最後fb專頁同ig都收咗檔!咁潛水避吓啱嘅!

0

【素蛋糕三大精選推介 無蛋奶素都咁香滑好味】素學堂

素食唔係得正餐先有,甜品選擇都有唔少,其實有好多地方都有素蛋糕㗎!今次我哋揀咗3間做精美素Cake嘅餐廳,全部都係無蛋奶素,有啲仲係無麩質添,健康指數唔係一般蛋糕可以媲美!部分蛋糕仲可以訂造,以後有素食朋友生日就唔使頭痕啦!   氣派之選  LN Fortunate Coffee 位於西營盤嘅LN Fortunate Coffee係一間專售賣素食食品嘅cafe,除咗正餐仲有多款西式小食同素食甜品,最驚喜係可以因應客人要求訂造純素/無麩質/無蛋奶素嘅蛋糕呀! 呢度有原個素食蛋糕可以訂,幸福冷泡咖啡朱古力蛋糕(HKD588/8吋)味道主要嚟自自家品牌嘅冷壓咖啡。蛋糕用亞麻籽、椰子油同腰果等製成,比一般蛋糕重身。面頭放咗大量唔同種類嘅果仁同生果做裝飾,口感非常豐富。 龍舌蘭腰果凍餅(HKD398/6吋)仲有唔同款,唔同size嘅蛋糕㗎。 當然仲有切餅件裝蛋糕啦,仲係每日唔同款式添。今次我哋試到兩款都用素忌廉同荳奶製成嘅抹茶芒果切餅[左]同朱古力香蕉切餅[右](HKD58/件)。抹茶好多時都係配紅豆,呢度就夾新鮮芒果,感覺更加清新。朱古力就用咗素可可粉製成,唔會太甜,甜味主要嚟自香蕉,都幾香㗎。 仲有好多款素食Cupcake(HKD36/件),呢幾款Cupcake 都冇用雞蛋,所以店舖都叫佢做素糕而唔係蛋糕。素糕比一般蛋糕厚實,由亞麻籽、椰子油、果仁等等製成,口感濕潤,而且會食得出一陣椰子香味。師傅都好有心思,好似朱古力素糕面頭舖咗杏仁醬加腰果打成嘅醬,扮成榛子忌廉芝士。呢幾款Cupcake冇平日食完甜品嗰種肥膩感,但就相當飽肚!因為用嘅材料比較厚實,最好係唔落化學食材。 另外吸睛嘅係素果撻(HKD58)呀!唔同嘅時令鮮果令到果撻七彩繽紛,最驚喜係撻底冇牛油成份,改用椰子油製成,椰香味好濃郁!   LN Fortunate Coffee 地址:西營盤第二街118號懿山地舖 電話:2858 3898 營業時間:星期一至日:09:00-22:00   悠閒小店  Sweetpea Cafe 喺中環嘅Sweetpea Cafe全間餐廳都係售賣無麩質食物,除咗甜品蛋糕,仲有一系列嘅三文治同意粉供應。遲啲佢哋將會喺佐敦開分店添,九龍區素友好方便喇! Double Chocolate Vegan Cake (refined sugar...

0

【90後自家品牌整甜品 全港獨創爆炸朱古力】Patelly

Patelly呢個朱古力品牌係由一個90後開發,佢升上大學之後發現自己唔係咁鍾意讀書,但就鍾意煮嘢食,於是放棄大學學位,轉去讀國際廚藝學院,決心投身廚師行列。讀緊廚藝學院期間有機會到酒店實習,多咗接觸唔同嘅甜品,更夢想開一個自己嘅創意品牌,終於,夢想成真,爆炸糖朱古力就係咁出世囉。 33%比利時白朱古力荔枝爆炸(HKD90一樽/約40粒)白裡透紅嘅外形好少女呀!喺白朱古力加入荔枝味嘅爆炸糖,入口嗰吓食到白朱古力嘅甜;慢慢荔枝味嘅爆炸糖開始喺舌上爆開,到最後清新嘅荔枝味殘留喺口腔,幾重口感好過癮! 33%比利時白朱古力雜莓爆炸(HKD90一樽/約40粒)就好夢幻feel,紫色嘅外層好似寶石咁。雖然係雜莓味,但感覺比較似藍莓嘅酸酸甜甜。白朱古力嘅甜味加埋藍莓味,感覺有啲似食緊藍莓乳酪蛋糕。 33%比利時白朱古力青蘋果爆炸(HKD90一樽/約40粒)同青蘋果一樣係青色嘅外形,好似未食已經嗒到陣酸味咁。不過小編就覺得青蘋果味唔係好出,但係又唔會好甜。青蘋果味嘅爆炸糖有啲似果汁硬糖嘅味道,好過癮! 如果你鍾意食黑朱古力,呢個62%秘魯黑朱古力蜜瓜味爆炸(HKD90一樽/約40粒)就唔可以錯過喇!呢款係唯一黑朱古力做嘅爆炸朱古力,黑朱古力濃度高,但慢慢會滲咗蜜瓜味嘅清甜味出嚟,但仍然keep到唔會好甜,堅正! 唔爆炸都得啫,35%黑糖朱古力+黃金杏仁碎(HKD90一樽/約40粒)[左一]加咗黑糖,口感更加滑,仲有份獨特嘅香甜;杏仁碎令口感更加豐富,同有陣堅果嘅油香。 仲有禮盒裝,感覺都幾名貴。 呢度仲有可可茶,混合可可茶包(HKD50) 主要有可可仁同薄荷葉。 想訂造唔同類型蛋糕都可以,不過依家只可以喺網上同市集接受訂單,大家可以follow佢哋Facebook同IG(Patelly)。   Patelly 電話:9435 8876 營業時間:星期一至日:12:00-21:00

0

【生日快樂變殘體字祝賀 餅店補鑊網民鬧冇誠意】食焦

一個生日蛋糕嘅祝賀牌,竟然都可以貨不對辦喎!事緣係有人喺大埔間餅店買咗個生日蛋糕,仲加咗十蚊加個祝賀牌,喺訂單度已經清楚寫明係「姨丈 生日快樂」,點知第二日事主去攞cake嘅時候,竟然發現變咗簡體字嘅「生日快乐」,O嘴之餘梗係唔收貨啦! 據事主po喺Tai Po 大埔群組嘅內容,嗰位餅店嘅店員確係妙問妙答嘅!事主眼見變咗殘體字梗係嬲爆,佢即刻問個店員點解啲字會咁核突同變咗簡體字,點知店員答佢:「你無講明寫繁體字!」、事主再問佢知唔知呢度係邊度,佢竟然答:「昌運(餅店位置)!」。笑死定嬲死先? 呢啲中港矛盾位實引嚟網友熱烈討論㗎喎,最多反應係寫簡體字固然令人眼凸啦,重點係,幾乎每個網友都話個蛋糕真係好核突,自己喺屋企求其整個都靚過佢,仲俾眼利網友發現,呢個蛋糕同餅店喺網站po出嚟嘅蛋糕樣,完全係貨不對辦!而事主原来當日係訂咗兩個蛋糕,一個for生日、一個係母親節,擾攘咗大半個鐘,「昌運姐」先肯退返錢! 出事餅店就係大埔昌運中心嘅「238°C Bakery」,知道瀨咗嘢搞咗場公關災難,梗係要即刻救火啦!喺fb專頁度就出po道歉,「因本公司最近出現人事變動,昨日蛋糕牌事件屬第一日入職的新同事不熟悉公司運作所引致,已作出內部處分及會加緊培訓新入職同事。本公司對此事致萬二分歉意。」不過網民一樣唔收貨,話佢冇誠意喎,原来又係衰del人留言囉!其實都道得歉,不如好好哋答吓人留言,好過del咗俾人唱啦!