Tagged: #蟹宴

0

【2019精選中西式大閘蟹宴 鮮味蟹粉融入各地菜系】十里洋場、東海薈、京饌、奧卑利、品

正所謂「不時不食」,近排就梗係食大閘蟹啦!今年同樣有好多唔同菜系嘅餐廳都推出期間限定嘅大閘蟹菜式,要傳統嘅有,要創新嘅都有。大閘蟹迷要把握機會去歎返場蟹宴喇。   1.十里洋場「金秋蟹宴」 最盡興嘅一定係食大閘蟹套餐,十里洋場嘅「金秋蟹宴」(HKD738/位)就有一系列大閘蟹菜式等緊你。成個套餐有八道菜,除咗有原汁原味嘅清蒸大閘蟹之外,仲有蟹皇翅、生拆蟹粉、淮揚蟹粉桂魚絲,變化夠晒多呀。 必試套餐入面嘅鮮蟹粉鍋巴,沾滿蟹粉嘅鍋巴脆卜卜,上面再放上新鮮大閘蟹蟹膏,充滿油香。唔食套餐都可以單點㗎,呢啲大閘蟹菜式會供應到11月尾,推廣期內嗌任何大閘蟹菜式配埋會稽山花雕酒 (五年)(HKD188)仲有買一送一優惠添。   十里洋場 地址:銅鑼灣恩平道28號利園二期101號舖 電話:2338 5500 營業時間:星期一至四:11:30-15:30、18:00-23:30,星期五:11:30-15:30、18:00-00:30,星期六:11:30-16:30、18:00-00:30,星期日:11:30-16:30、18:00-23:30   2.東海滋味蟹粉蒜蓉包 東海飲食集團嘅大閘蟹套餐就俾你平有平食,貴有貴食。想淺嚐嘅可以試吓每位嘅大閘蟹套餐(HKD368/兩位起),有三款特色嘅大閘蟹菜式俾你歎。但如果一家人想食得豐富啲,就要點四位套餐(HKD1,488)喇。 呢款生拆蟹粉蒜蓉包就突破傳統,客人可以自己將熱辣辣嘅大閘蟹粉搽落蒜蓉包,特別香口㗎!   東海薈 地址:尖沙咀北京道1號11樓 電話:2877 2938 營業時間:星期一至五:11:00-23:00,星期六、日:10:30-23:00   3.京饌大閘蟹融入京菜 傳統京菜Crossover大閘蟹又係點嘅呢?京饌就推出期間限定嘅蟹粉菜式,其中呢道石鍋蟹粉寧波水磨年糕就軟腍惹味喇!選用寧波特產嘅水磨年糕,米香十足,再沾上大量蟹粉真係色重享受。 呢道蟹粉白玉相映入面就以順滑嘅蛋白配上鮮甜嘅蟹粉,睇見都想食!   京饌 地址:觀塘觀塘道418號創紀之城五期(apm)3樓1號舖 電話:3580 1882 營業時間:星期一至日:11:30-00:00   4.奧卑利14道大閘蟹特色菜...

0

【美式意菜推滋味蟹宴 必食原隻「膏蟹之王」】Mezzo

無論中式定西式蟹宴,對鍾意食蟹嘅朋友都有種魔力。喺尖沙咀嘅美式意大利菜餐廳Mezzo,最近推出期間限定蟹宴,由前菜、小食到主菜都有勁量蟹肉!最好係可以散叫,獨食都冇問題囉。 餐廳佈置營造出熱情同歡樂感覺,同朋友聚會就傾得更加暢快啦。蟹宴有八款菜式,下面呢四道菜就最誘人。 先嚟兩款同啤酒係絕配嘅菜式!香辣蟹肉焗薯皮(HKD118)喺薯皮入面填滿鮮甜蟹肉,配清新嘅牛油果同辣粉調味,面頭加啲芝士烤焗,滋味到想叫多份囉。 軟殼蟹迷你漢堡(HKD198)一份有齊辣椒、車打芝士同千島醬三款口味,一個人獨食不知幾正。 想食鮮味就有香草忌廉蟹肉闊條麵(HKD248),用鱈場蟹腳煮成,肉質幼嫩,鹹鮮味亦冇俾香草忌廉闊條麵蓋過。 最重點嘅蒸原隻麵包蟹伴香草牛油(HKD638)出場喇!有「膏蟹之王」美譽嘅麵包蟹,一定滿足到蟹迷把口。配埋用帶子、蝦同青口一齊煮成嘅海鮮湯,配香蒜法包真係食唔停口囉。呢啲菜式供應至4月30日,仲有個半月時間咋,快啲訂枱喇。   Mezzo 地址:香港尖沙咀麼地道71號富豪九龍酒店一樓 電話:2313 8778 營業時間:星期一至日:12:00-15:00,18:00-23:00

0

【蟹迷朝聖新店 即燒鱈場蟹勁爆汁】蟹慶

食日本三大名蟹:鱈場蟹、毛蟹、松葉蟹,梗係要食日本風味啦!銅鑼灣蟹慶就請嚟北海道出身嘅料理達人Kei san監製蟹料理蟹慶,好似甲羅清酒就係當地特色菜喇。蟹慶嘅菜式糅合創新同傳統嘅烹調方法,由前菜、刺身、熱食同甜品都好講究。加上和風裝潢,令人有去咗日本嘅感覺。 Kei san同游水生猛鱈場蟹影相,啲蟹仲想爬走。 呢度有三款蟹宴俾大家揀,已經可以食到啖啖蟹肉嘅入門版蟹會席 彩(HKD688/人),即刻同大家介紹入面其中幾款菜式啦! 前菜三點會因應時節而轉食材,小編幾鍾意螺肉,肉質幾彈牙;另外,輕輕煎過嘅三文魚又好嫩滑。 蟹及精選四點刺身一定食咗蟹腳先啦,沾咗少少檸檬汁更加凸顯蟹嘅甜味;其他唔同款式嘅厚切魚肉勁新鮮,蝦肉都好爽口。 蟹肉海幸丼拆咗重量級蟹肉,仲配上晶瑩飽滿嘅三文魚籽同新鮮馬糞海膽提鮮,每一啖都大滿足呀! 其他蟹宴同單點菜式都好吸引,店員幫手煮理即燒鱈場蟹係日本傳統「浜燒」食法。用炭爐燒出最原始味道,睇住啲肉汁燒到「滋滋」聲流埋出嚟,小編啲口水都跟住流囉。 蛋白蒸松葉蟹(HKD138)將松葉蟹、飛魚籽、銀杏同純淨蛋白一齊蒸,味道清甜又口感幼滑。   蟹慶 地址:銅鑼灣軒尼詩道525號澳門逸園中心地庫 電話:2602 1600 營業時間:星期一至日:12:00-15:00;18:00-23:00