Tagged: #補血

0

【夏天到要騷吓個靚body 5大豐胸食物夠天然】懶健康貼士

夏天係出動比堅尼嘅時候,唔單止要練美腿,都要豐胸一吓先會著得好睇啲。 以前食木瓜豐胸嘅傳說已經打破咗,咁到底食咩會比較好?首先大家要記得,胸部係其中一個儲存脂肪嘅位置,所以想豐胸首先要有均衡飲食,唔可以過份減肥。依家齊齊睇吓邊5種食物可以幫你豐胸啦! 經期前胸部嘅血流會逐漸增加,所以平時如果食紅棗補氣血,促進血液循環對胸部發育都有幫助㗎。 松子仁有豐富嘅亞麻酸,可以幫助刺激體內雌性激素合成。想知其他含有天然雌激素嘅食物,可以重溫返【雌激素低老得快 5大天然植物護子宮】。 同操肌肉一樣,食雞蛋吸收蛋白質同豐富嘅胺基酸都係需要嘅。 荷爾蒙對身體都有影響,蜂皇漿除咗可以調理鼻敏感,仲含有刺激荷爾蒙分泌嘅物質㗎。 牛油果含維他命A,可以促進女性荷爾蒙分泌,而維他命E都可以豐胸。

0

【唔食紅棗點補血? 海鮮、堅果一樣得】懶健康貼士

煲紅棗水補血好老生常談,但總會有人唔多鍾意呢種古早味,咁係咪就冇得補血呢?咪傻啦,仲有其他正嘢食㗎! 食之前都講講血虛有咩症狀先: 面色蒼白 唇色較淡 易頭暈眼花 心悸多夢 健忘 手腳容易麻痺 女性經期流量少 花蛤有4高:高蛋白質、高微量元素、高鐵、高鈣但少脂肪!低熱量都適合Keep fit人士。花蛤滋陰潤燥又利尿消腫,但易胃痛腹痛人士就要少食喇。 蠔喺中醫角度通水氣、滋潤肺部、利於腎水、滋補壯血;西醫就指出蠔係含鋅量最多嘅天然食品之一,係男性生殖系統中重要嘅礦物質。 黑芝麻含有嘅鐵同維他命E可以預防貧血同消除血管膽固醇,中醫藥理亦指黑芝麻可以補肝腎、潤五臟、益氣力,改善肝腎血氣不足所致嘅頭暈症狀。 核桃含有豐富嘅不飽和脂肪酸、亞油酸、維他命B雜、維他命E、鈣、磷、鐵等微量元素,有助順氣補血、止咳化痰、潤肺補腎同潤腸通便添。 紅豆有豐富嘅鐵質,令氣色紅潤,可以補血同促進血液循環;另外,紅豆有利尿嘅功效,所以尿頻嘅人唔好食太多喇。