Tagged: 西餐

0

【外賣中西日美食Stay Home 精選主食+甜品著數優惠】2020外賣抗疫

第三波疫情來勢洶洶,唔想去買餸減少同人群接觸就當然要叫外賣啦。小編精選中西日式嘅主菜同甜品,包保你嘅外賣一啲都唔hea,有啲仲低至6折添! 甜品 波仔×台灣超人氣Touched塔吉特 今次唔係想講波仔嘅叮叮飯,而係佢引入呧台灣最紅嘅千層蛋糕Touched塔吉特!一個8吋千層蛋糕可以分到12件,一家人週末做下午茶或飯後甜品就啱晒喇。期間限定推出三款口味之中,芒果多千層(HKD218[原價HKD240])以新鮮愛文芒果肉整成;芒果奶凍千層(HKD180 [原價$210])配搭焦香蛋皮入口酸甜開胃;仲有夾住煙韌珍珠、餅皮都充滿濃郁黑糖口味嘅黑糖珍珠千層(HKD198[原價D240]),總有一款啱你口味嘅。   波仔 專門店位置:https://www.eateasthk.com/retail   HABITŪ HABITŪ嘅Rosemantic Summer「瑰麗仲夏」,喺8間指定分店返嚟喇!雖然指定店舖會佈置成玫瑰花主題俾大家打卡,但主題餐飲買返屋企食會安全啲嘅。其中瑰麗草莓意大利芝士杯(HKD78)用上意大利芝士、以玫瑰蜜糖浸泡過嘅手指餅加入自家製玫瑰士多啤梨果醬,層次同味道都好豐富㗎;玫瑰水晶寒天(HKD68)喺微甜嘅水晶寒天注入了玫瑰花嘅幽香,可食用玫瑰花瓣配埋士多啤梨、葡萄、無花果、蘋果等新鮮水果,素食友都可以一齊食。仲有一系列玫瑰主題夏日飲品(HKD52起),冰搖玫瑰泡沫大麥葉茶、巴西莓玫瑰豆奶碎冰等等都好吸引人。   HABITŪ table 地址:銅鑼灣軒尼詩道500號希慎廣場8樓L804號舖 電話:3543 1313 營業時間:星期一至日:12:00-21:30   中式 楚撚記大排檔 唔去得大排檔,不如外賣返屋企啦!楚撚記大排檔西環同土瓜灣店開設外賣專線,西楚霸王雞、地道港式煎蠔餅、楚撚記黑栢葉爆炒雞腎花等等係佢哋熱點菜式之一,依家仲有加推優惠
,每消費HKD100即送老薑蕃薯糖水或清保涼糖水一碗添。想試嘅朋友留意佢哋嘅抗疫限時優惠
喇: – 外賣消費滿HKD600免一半運費 – 外賣消費滿HKD1,000運費全免 優惠細則: 1. 優惠期由即日至31/8/2020 2. 不得與其他優惠同時使用 3. 送貨地點不包括離島、馬灣、愉景灣、禁區及偏遠地區...

0

【全新意式餐廳隱身西營盤小巷 帶骨肉眼扒重磅登場】LucAle

依家難得出街食飯,想揀間性價比高又有氣氛嘅餐廳食好啲?最近新開嘅意式酒吧餐廳LucAle由兩位意大利名廚主理,喺度就可以合理價錢食到一系列正宗意菜,感受吓異國風情。由大大份巴馬火腿芝士拼盤,去到重量級帶骨肉眼牛扒,一啲都冇欺場。呢間酒吧餐廳隱身喺西營盤第三街嘅巷弄入面,私隱度高,喺度Chill吓放鬆心情都唔錯㗎! 打頭陣嘅係巴馬火腿芝士拼盤(HKD288),成盤滿滿嘅巴馬火腿中間放上一大嚿布拉塔水牛芝士,分量多到起碼夠3-4個人開心share! 有別於一般凱撒沙律,呢道反傳統凱撒沙律Caesar Salad Revisited(HKD168)係以原個羅馬生菜上碟㗎。面頭特製嘅鵝肝碎入口即融,非常creamy!而生菜配上意大利葡萄黑醋珍珠同榛子醬,味道夠晒獨特喎。 黑松露芝士手工意粉Cappelletti Di Bolognese(HKD158)都係呢度必食嘅招牌菜,所用嘅意粉係餐廳每日新鮮自家製嘅結他麵,口感煙韌有咬口。配上黑松露同意大利產羊奶芝士,再加啲核桃麵包碎,素食意粉都可以好吸引㗎。 成1kg嘅重量級Fassona帶骨肉眼牛扒(HKD988)出場喇!成塊扒真係大得誇張,食肉獸必試!而且旁邊配上三款配菜,兩、三個朋友share嚟食都夠晒飽。 牛扒選用上等帶骨肉眼部位,所以肉質係非一般咁軟嫩,牛味亦都係特别濃嘅。牛扒無特別調味,只係簡單灑上鹽嚟提味,咁就可以歎到佢本身嘅原汁原味喇。另外都有附上牛扒醬汁照顧埋重口味嘅朋友仔。 最後梗係要食埋個甜品至圓滿啦!呢款創意甜品Nutella Broken Pie(HKD88)擺盤精緻,賣相好似藝術品咁靚呀。以士多啤梨同荔枝配上Nutell同脆片,而中間嘅荔枝味自家製雪糕入口清新,仲食到果肉添。   LucAle 地址:西營盤第三街100號A舖 電話:3611 1842 營業時間:星期二至日:18:00-23:00

0

【本地星級大廚八道盛宴 鮑魚和牛炮製限定餐牌 】Test Kitchen×Butler

間唔中想食餐好?依家機會嚟喇!Test Kitchen同Butler聯手推出一連三日嘅八道菜晚宴以「追憶・尋回最初的味道」為主題,兩位大廚親自炮製八道精緻好味又有故事性嘅菜式,啱晒識食嘅你啦。一次過食到用多款矜貴食材,究竟將鮑魚、鵝肝、M7和牛等整成咩菜式?小編喺度率先同大家介紹其中幾道菜先! 炮製今次盛宴嘅兩位本地星級大廚原來都大有來頭㗎,Test Kitchen主廚Devon Hou(圖左)入廚15年,已經喺唔同嘅米芝蓮星級餐廳任廚,尤其擅長於西班牙菜。而Butler大廚Ray Choi(圖右)同樣有十多年入廚經驗,曾到訪日本大阪嘅La Cime學藝,所整嘅料理充滿個人風格。 平時食香煎鵝肝通常都會好油膩,但呢道鰹魚配鵝肝就唔同喇,除咗將鵝肝煎香,更加入鰹魚、意大利五花肉湯;配合酸瓜同日本生薑,減退油膩感仲增加味道層次添。 杏鮑菇雞肉配鮑魚呢道菜式集三種和而不同嘅口感,加上魚肝醬,令成道菜嘅鮮味更加提升呀! 清淡嘅娃娃菜都可以做主角?呢款紅椒堅果醬配娃娃菜喺娃娃菜加上鹹檸醋同杏仁碎,配合自家製西班牙紅椒堅果醬,兩者味道相輔相成又醒胃。 以「雙蝦」炮製嘅意大利餃子自然鮮味十足啦!餃子加入紅蝦之外,再以日本櫻花蝦、羅勒油提味。 Fine dining又點少得精緻嘅甜品呢?其中一款就係茶味蕨餅配麵包雪糕,加入脆皮酥嘅麵包雪糕同蕨餅,質感豐富。另外,仲有蔥油帶子同黑蒜M7都一樣好惹味㗎,想試就咪錯過今次嘅限定menu喇!   “If We were in Charge”盛宴 地址:西環西營盤干諾道西 158A 號地下3號舖 舉辦時間:2020年2月27-29日 19:00 / 20:30 價錢:HKD1180/八道菜 (HKD480配搭紅白餐酒;HKD380配搭非酒精飲品) 購買門票:https://www.testkitchen.com.hk/devonray  

0

【荃灣意粉小店足料外賣 $30高質意粉配大碗薯蓉】平霸

今次去到荃灣,又俾平霸搵到高質好味嘅平價西餐喇!呢間喺小巷中嘅小混混主打西式意粉、小食,一間咁低調嘅小店竟然有高質西餐水準,價錢仲夠晒親民,20蚊就食到各式意粉,認真估唔到喎! 呢間意粉外賣店隱身喺荃灣鱟地坊嘅小巷當中,規模都幾細,當日都只有一個店員看舖,由落單到炮製食物都係自己一腳踢。而且呢間小店只做外賣生意,冇堂食位㗎,淨係得一張高身枱俾你喺度立食。 由於呢間小店規模細,Menu上嘅菜式選擇的確唔多。全店食物簡單分為A、B兩區,A區食物每款HKD20;B區可以食物每款HKD12。想試多款嘅,就可以A+B咁揀,都係HKD30咋,仲可以自由配搭添。 今次就嗌一個A+B餐(HKD30)嚟試吓先,揀咗卡邦尼芝士煙肉意粉(單價HKD20)同黑松露野菌芝士煙肉薯蓉(單價HKD12)。呢度啲嘢食全部都係落單後新鮮即煮嘅,不過當時唔多人,店員亦好快手,等咗十分鐘左右,全部食物就到手喇。 先講卡邦尼意粉先,雖然裝意粉嘅外賣碗唔算太大個,但啲意粉裝到滿一滿,分量都幾多,Lunch食都應該夠飽。而忌廉汁沾滿每條意粉,煙肉碎夠多,入口Creamy,意粉亦軟硬適中,有高質西餐廳嘅食物水準。 呢款黑松露野菌芝士煙肉薯蓉同樣都係超晒班!一打開蓋就有好香嘅黑松露味,偏橙黃色嘅薯蓉質地幼滑,面頭淋滿黑松露野菌汁,仲有細細塊嘅煙肉片增加口感。不過略嫌煙肉比較少、芝士味唔夠突出。而裝薯蓉嘅外賣碗比裝意粉嘅細少少,但分量就同KFC個大薯蓉差唔多,單食呢個做下午茶都幾滿足喎。 平霸仲額外買咗碗蜆肉周打忌廉濃湯(單價HKD12),一樣充滿驚喜呀!雖然只係十幾蚊,但質素一啲都唔Hea。一潷就有勁多蜆肉同細細粒嘅帶子仔,仲有大量粟米同薯仔呢啲配料喺入面添。每一啖都濃稠足料,非常抵飲!   小混混 地址:荃灣鱟地坊80-84號華成樓B座地下B3號舖 電話:5922 8600 營業時間:星期一至日:12:00-22:00 (星期三休息)  

0

【情人節精選8間西日葷素餐廳 浪漫晚餐×甜蜜下午茶】2020情人節

情人節食咩好?甜品下午茶、西餐、日本菜甚至自己煮都唔緊要,其實都係想同另一半過個溫馨浪漫嘅晚上啫。不如睇吓小編精選嘅8間餐廳邊間啱feel啦!   1. Camellia 想喺花海過情人節,可以去尖沙咀嘅Camellia喎。依家凡預訂即日至2月16日嘅紅寶石朱古力下午茶套餐(HKD398/2人),就會送你Too Faced螢光閃耀唇膏旅行妝一枝。喺粉紅玫瑰花牆嘅浪漫打卡環境,食住以紅寶石朱古力做主題嘅甜品,女朋友一定甜入心啦!   Camellia 地址:尖沙咀梳士巴利道18號Victoria Dockside K11 Musea 地下033號舖 電話:2885 2320 營業時間:星期一至五:12:00-22:00,星期六、星期日及公衆假期:11:00-22:30 2. Alibi – Wine Dine Be Social 今年日本嘅櫻花會早啲開,如果唔想外遊可以先食旺角香港康得思酒店Alibi – Wine Dine Be Social嘅「奇幻旅程下午茶: 東京賞櫻篇」(HKD488/2人)止癮,不過每日供應10份咋。呢份下午茶有清酒鮑魚伴海膽沙巴翁、三文魚伴紫蘇及柚子醬、燒汁手撕OBE草飼草牛肋骨法包、味噌黑鱈魚伴牛油果蓉同烤果仁香菇鹹批做惹味鹹點之外,仲有櫻花士多啤梨卷蛋、綠茶紅豆歌劇院蛋糕、黑芝麻意式奶凍、沖繩紫薯撻、傳統英式焗鬆餅伴奶油忌廉及焙茶蘋果醬做甜品,款式夠晒豐富;配埋兩杯「櫻花綻放」雞尾酒同免費令枱一隻嘅「PAPINEE小貓菲利思動物玩偶」,仲唔係又食又拎?! 「奇幻旅程下午茶: 東京賞櫻篇」 供應日期:即日至3月31日 供應時間:15:00-17:30...

0

【2020 玩轉新年食到盡】《太飽喇!》網上雜誌

就到新年喇,今年假期仲去到年初四,除咗拜年之外梗係要玩到夠本兼食餐好啦!咪以為新年來來去去都係嗰幾味,小編為大家精心挑選咗初一至初四各式好玩好食嘅地方。仲有A5和牛壽喜燒、北美直運活龍蝦、英式經典下午茶等過江龍名菜,又可以去chill到爆嘅白色Café同增添本土色彩嘅香港藝術館;book埋特色Party Room新年假期成班人圍威喂,今年一定有個好開始呀!

0

【Tea WG農曆新年限定早午餐 三道意頭菜帶清新茶香】Tea WG

新年幾日假期,梗係要搵日歎吓茶食好啲,俾自己好好放鬆啦。Tea WG西式茶又有,中式茶又有,而今個新年仲推出期間限定嘅農曆新年限定早午餐、盛璽秘製普洱同禮盒,特你可以食嘢同時入貨! 三道菜農曆新年限定早午餐(HKD314/位)頭盤先食呢道大蒜薯仔湯伴金蠔,以蕃薯、帝王普洱泡沫同摩洛哥薄荷綠茶油點綴,清香開胃又帶有「好事」嘅喻意。 主菜可以三選一,想邪惡啲有香脆魚餅,以三文魚、鱈魚同蝦肉製成,炸到外脆內嫩亦有啲彈牙。配以紅蘿蔔、紅菜頭沙律 佐幻香果茶特調香醋汁解炸魚餅嘅油膩感。 另一道主菜手工意粉就俾大家有少少「撈起」嘅感覺,拌勻加入蟹肉同蟹籽再鋪面嘅薄荷松露巧克力紅茶茶香辣椒醬,令意粉入口爽辣鮮味。 仲有新年切食嘅蘿蔔糕都有得揀!平時唔係點心就係XO醬炒蘿蔔糕呢啲款式,但Tea WG就將佢融入西菜,炮製出煙燻鴨胸伴香脆蘿蔔糕。烤過嘅蘿蔔糕香脆惹味,配上軟腍有肉汁嘅鴨胸同醒胃嘅美式伯爵茶龍珠果醬汁,又估唔到幾夾喎。 甜品就有呢道奶韻烏龍茶香慕斯內藏桂花凍、配紅桑子醬、芝麻脆片同可可茶雪糕,甜中帶茶香;加上唔同嘅口感,層次非常豐富! 想特別啲可以另外單點節慶限定嘅法式糕點白朱古力帝王普洱慕斯(HKD48),紅卜卜嘅炮仗造型啱晒打卡。特別注入頂級帝王普洱 (Emperor Pu-Erh)中和白朱古力慕斯嘅甜,而朱古力脆杏仁餅底就增加口感。不過一場嚟到,梗係睇埋有冇心水茶葉可以送禮或者自己飲啦!   農曆新年限定早午餐 供應日期:2020年1月26日至2月2日 供應時間:2020年1月26至28日、2月1至2日|10:00-15:00,2020年1月29至31日|11:45-15:00 供應分店:Tea WG又一城沙龍及精品店及Tea WG國際金融中心沙龍及精品店   Tea WG Salon & Boutique (又一城店) 地址:九龍塘達之路80號又一城LG2層40號舖 電話:2725 6930 營業時間:星期一至日:10:00-22:00 Tea WG Salon &...

0

【美國Red Lobster銅鑼灣開業 香港限定避風塘炒龍蝦】Red Lobster

1968年喺美國開業嘅Red Lobster進軍香港喇!啱啱喺銅鑼灣開業,仲有三道香港限定菜式添;當然人氣嘅無敵海鮮大餐、美式蒸活龍蝦等招牌菜都可以喺度食到啦,即刻睇吓呢度嘅北美龍蝦有幾正啦! 店內嘅裝飾遍佈關於龍蝦嘅內容,例如牆畫、捕齜蝦竹籠、漁船設計等。二樓就設有VIP房,感覺都幾氣派㗎。 店內嘅龍蝦缸養住由直運來港嘅北美活龍蝦,客人點完龍蝦菜式可以拎起龍蝦影相添。 按傳統點菜後會免費送上車打芝士鬆餅,餐廳話15分鐘內品嚐係最好食嘅。熱辣辣又有車打芝士鹹香味,質感仲好鬆化,幾有空氣感㗎。 三款香港限定分別有前菜、主菜同點品,黃金炸大蝦(HKD48)就係其中一款。有西式嘅牛油香,亦有微微嘅鹹蛋香。 想試傳統菜式就有夏威爾椰子蝦(HKD38/3隻,HKD68/6隻,HKD128/12隻),大蝦入面夾有椰子肉片,加上面頭嘅菠蘿粒再蘸上酸甜嘅椰子醬汁,味道香甜微辣好開胃! 主菜之中,港式避風塘炒龍蝦(HKD358/1磅,HKD718/2磅,HKD1038/3磅)暫時都係香港獨有,將大量麵包脆脆加入避風塘菜式獨有嘅炸蒜之中,香口得嚟有中西合壁嘅感覺。呢碟用上1磅龍蝦,啱兩個人慢慢歎爽滑彈牙嘅龍蝦肉呀! 不過要數餐廳嘅鎮店菜式一定係無敵海鮮大餐(HKD318),呢道菜喺每間分店都係大賣㗎!一份有齊北美龍蝦尾、蒸煮雪蟹腳、招牌蒜蓉蝦、酥脆炸蝦,配雞尾酒特製醬汁同熱牛油醬,幾個人share食就啱晒喇,可以一次試勻唔同嘅鮮味。 大蝦三重滋味拼盤(HKD148)係小編嘅獨食推介,有脆炸蝦、即叫即整蒜蓉焗大蝦同龍蝦醬大蝦意粉,有齊開胃、惹味同傳統味道。而且意粉非常滑溜,食晒成份飽肚㗎。 想有啲肉落肚就要點海陸雙鮮(HKD298-368),當中有肉眼牛扒(7安士)、西冷牛扒(7安士)或牛柳(6安士)配龍蝦尾或串燒烤大蝦俾大家自選唔同組合。不過無論係烤龍蝦定係牛扒,火喉都啱啱好,滑溜有肉汁。 而香港限定嘅甜品就有珍珠奶茶為靈感嘅奶茶意式鮮奶凍(HKD38),甜而不膩可以一試。 想邪惡啲又有愛溢布朗尼(HKD78),大大球雪糕配上兩大件充滿果仁嘅布朗尼,夠晒兩個人食呀! 經典芝士蛋糕(HKD42)比想像中冇咁甜膩,配埋cream一齊食,口感更加滑添。   Red Lobster 地址:銅鑼灣Fashion Walk加寧街8號地下 電話:2261 2996 營業時間:星期日至四:11:30-22:00,星期五、六:11:30-23:00

0

【亞洲首間湖水藍玻璃屋14/10開幕 Tiffany Cafe歎夢幻下午茶】The Tiffany Blue Box Cafe

亞洲首間、全球第二間嘅The Tiffany Blue Box Cafe下星期一(10月14日)喺尖沙咀開幕喇,依家仲可以率先網上預約添。想睇吓呢間湖水藍色嘅玻璃屋點樣重現電影《珠光寶氣》嘅氛圍?跟實小編睇埋落去啦! Cafe同Tiffany北京道一號旗艦店毗鄰,陽光滲透入玻璃屋,深深淺淺嘅湖水藍色令人感覺更加高貴夢幻。 另外仲有間房好似入咗湖水藍色嘅寶庫咁,帶啲神秘感。Cafe供應Breakfast & Brunch、Afternoon Tea、All Day Dining同Beverages,配埋富藝術感嘅骨瓷、銀器,純白配Tiffany Blue色調嘅Tiffany & Co. Color Block餐具,無論嚟打卡、談心定係用餐都係一大享受呀! 嚟到必食嘅梗係Tiffany Afternoon Tea(HKD688/兩位起,額外每位HKD358)!下午茶本身配茶或咖啡,亦可以升級為巴黎之花特級乾型香檳(HKD150/杯[原價HKD188/杯])。三層鹹甜點再加鬆餅共十二款精緻食物,頂層有Tiffany鳥巢朱古力蛋、白桃入饌嘅香檳珍珠、咖啡忌廉閃電泡芙、士多啤梨三重奏同玫瑰忌廉慕絲;中層就有微辣嘅魚子醬撻、鴨肝醬凍球、火腿芝士脆盒、黑毛豬火腿同吞拿魚他他三文治;底層嘅包點就係小紅莓鬆餅同檸檬瑪德蓮配三款奶油忌廉、果醬。 另一款人氣嘅The Blue Box Cake(HKD588)要喺網上訂枱時同時預訂,只限堂食。湖水藍色嘅禮物盒造型蛋糕,內層係海鹽焦糖慕絲、白芝麻慕絲、杏仁朱古力脆片同朱古力戚風蛋糕相間,訂定同好友、愛人慶祝就啱晒啦! 特色BLUE BOX吐司(HKD198)係方型吐司;注滿香蕉焦糖醬嘅丹麥麵包配上特製嘅Tiffany Blue Box忌廉芝士慕絲,伴香甜微脆炙過嘅焦糖香蕉同蛋白霜,入口感覺好sweet。 而全日供應嘅All Day Dining(HKD358/兩道菜,HKD458/三道菜)可以揀一道前菜、主菜或配埋甜品。注意部分主菜跟套餐需要另外加錢,例如呢款榖飼三百日嘅澳洲安格斯西冷牛扒(加HKD240),配上意大利青瓜菜卷、油漬蕃茄同洋蔥蓉,配合一齊食會fresh啲,減低油膩感。 龍蝦扁意粉(加HKD120)就有已剝殼嘅龍蝦,啖啖肉真係好滋味。意粉嗦埋干邑龍蝦忌廉汁,味道更加香濃。 為咗紀念亞洲首間The Tiffany...

0

【Afternoon Tea TEAROOM襲港 必食籐籃下午茶+Short Cake】Afternoon Tea TEAROOM

喺日本有成90幾間分店嘅Afternoon Tea TEAROOM,終於嚟到香港尖沙咀開佢哋日本以外第一間海外分店,今個星期六就正式開業喇!依家率先睇吓佢哋招牌嘅Tea Set同埋日本熱賣嘅餐點先啦。 新店貫徹日本品牌嘅風格,以木質同綠色做主調,入到去感覺都relax啲㗎。特別一提,呢度所以餐點都係全日供應,想夜晚過嚟High Tea都仲得喎。 唔好聽佢哋個名就以為淨係得下午茶食,香港店同日本一樣有唔少主菜選擇。其中唔少得有季節限定嘅菜式,好似呢道Grilled Vegetables Plate with Smoked Duck(HKD138/單點;HKD168/套餐),烤鴨胸配以7種唔同嘅烤蔬菜,而蔬菜食材都係日本直送,食落新鮮。面頭淋上開胃嘅黑醋,蘑菇汁就另上俾你自己蘸嚟食。 Green Cream Pasta with Shrimp(HKD118/單點;HKD148/套餐)係用青醬加入蝦肉、西蘭花煮嘅意粉,食落超creamy。跟餐配埋mini salad、餐包同一款自選茶飲,CP值比單點嘅高。 重頭戲嚟喇!嚟Afternoon Tea TEAROOM點可以唔食呢度嘅Afternoon Tea Set(HKD168)?!呢個經典嘅籐籃下午茶俾你喺8款甜品當中任選3款,慢慢歎你鍾意嘅甜品款式。Tea Set仲會包埋一款自選嘅茶飲,又幾抵食喎。當中招牌嘅Strawberry Short Cake(HKD88/單點)就梗係必食之選啦,所用嘅士多啤梨醬汁同鮮忌廉都係每星期由日本空運到港㗎。而Tea Set入面嘅蛋糕size會係單點嘅一半,咁就有quota試埋其他兩款啦。 而呢款Sweet Potato Pudding(HKD88)係每日新鮮焗製,質地軟身嘅布甸食落有好香甜嘅蕃薯味,仲有唔少蕃薯粒喺入面添,真材實料㗎。而淋上面嘅焦糖醬都好香濃,加埋雲呢嗱雪糕好match呀! TEAROOM嘅茶飲全部都以日本優質茶葉沖出嚟。其中小編大愛呢款Chai Tea(HKD78/單點),以日本紅茶沖成嘅奶茶入口順滑,奶香十足,仲可以按自己喜好落啲以肉桂、豆蔻、丁香等混合而成嘅香料,令奶茶味道層次更豐富。 日本嘅Afternoon Tea除咗TEAROOM之外,仲有主要賣一啲生活精品同家品嘅LIVING區。香港店今次都引入咗少量同茶相關嘅精品,例如日本茶葉、茶具、杯等等,睇啱就可以帶返屋企喇。...