Tagged: 豬仔骨

0

【6吋厚!正到爆!大胃王最愛8層餡料漢堡】Fast Taste

食Burger最緊要梗係要皮脆餡多又爆汁,聽聞長沙灣有間Burger款款都勁大個,最勁果隻仲有成8層餡料,超大個超足料!為食小編梗係要即刻介紹比大家啦! 店內裝修以黑、橙同磚牆大混搭,帶點型格,啱晒食快餐。 嗱嗱嗱,嚟到千祈唔好亂咁嗌野食!因為個個Burger都超級大個!小編見佢menu咁多野都好似好好食咁,就叫咗個最多餡嘅公司漢堡(HKD99)試下,嚟到見到佢超巨形都有少少驚!牛肉超級Juicy,加埋煙肉、黑松露炒蛋、煙肉、火箭菜、蕃茄同雙重芝士,一咬落去即刻爆晒汁!跟漢堡再配埋薯格,真係大滿足呀! 士多啤梨汁燒豬仔骨(HKD75/半份)酸酸甜甜,味道啱啱好,豬仔骨食落唔會乾同痴牙,值得一試! 炸魚薯條(HKD60)炸魚內裡仍然保持嫩滑,外層脆卜卜,薯條入面嘅薯仔肉豐富,大大份同朋友慢慢食,呢個價錢都幾抵! Fast Taste 電話:9123 3262 地址:長沙灣元州街482-492號金碧閣地下4號舖 營業時間:星期一至日:12:00-22:00