Tagged: 豬太郎

0

【即煮蝦肉雲吞 借問聲啲蝦肉去咗邊?】伏務台

鍾意食雲吞嘅豬太郎,係會特登去深水埗食劉森記同文記嘅!不過唔想出街,就會落手煮吓雲吞,唔使出門口,5分鐘就食得!今次買咗四個唔同牌子嘅雲吞,即刻睇吓邊隻會俾我列入黑名單! CP 鮮蝦肉雲吞 HKD12/8粒 雲吞細細粒,食落蝦肉少,味道偏淡;餡料仲要都無塊皮卷埋咁大,雲吞嚟講無咩鹼水味。 價錢︰●●●○○ 味道︰●●●○○ 饀料︰●●○○○ 總分︰8 (滿分15分)   東東 鮮蝦雲吞 HKD15.9/8粒 香港製造嘅東東雲吞食落有少少鹼水味,最有蝦味就係佢,仲有啲鹼水味,似返平時出街食嘅味,係個湯唔夠甜,差少少。 價錢︰●○○○○ 味道︰●●●●○ 饀料︰●●●●○ 總分︰9 (滿分15分) 公仔點心 鳳城鮮蝦雲吞 HKD13.9/12粒 食落得豬肉味同蔥味,唔覺有蝦味,似燒賣多過雲吞,皮偏厚,食落無鹼水味。 價錢︰●●●●● 味道︰●○○○○ 饀料︰●○○○○ 總分︰ 7 (滿分15分) 灣仔碼頭 廣東鮮蝦雲吞皇 HKD19.9/10粒 一打開最肥最靚嘅就係灣仔碼頭,蝦肉同皮唔算差好,食落好爽口!明明佢係最後先煮嚟食,但一班同事都話佢無得輸,又係嘅,連湯都落咗大地魚,所有味都吊晒出嚟啦!...

0

【明太子味少少辣都冇 鹽味反而仲香口】伏務台

最近走入7-11,發現一路好鐘意食嘅House粟米筒原來有明太子芝士味喎!唔知係豬太郎Old news is so exciting,定真係新出呢?唔理咁多,兩包細細包,一齊食晒佢! 明太子芝士味 外表就少女心爆發嘅明太子芝士味,粉紅色仲要細細包,唔少同事都大讚好cute! 意想不到好淡色,差啲以為買咗原味,食落有淡淡嘅芝士味,不過明太子呢?諗住明太子辣辣哋,應該食唔停,但呢款就唔夠味啦!芝士味都唔上唔落,要引我再買,就要重手啲喇! 深層水晶鹽味 換咗細包裝唔使驚一次過食唔晒,作為House粟米筒死忠嘅我,今次一次過食一包都覺得輕鬆。 俾原味深色啲,但竟然都深過明太子?食落唔會太鹹,啱啱好,只係比原味多咗少少鹽味。老老豆豆,下次食原味算。 豬太郎點指兵兵 淨係睇色水都覺得鹽味顏色重,連食落都覺得鹽味重味啲,以為明太子會有微辣,點都會有啲紅色辣粉,不過一班同事食完都淨係覺得有芝士味,仲要唔多濃,唔話佢哋知都諗唔到係明太子味啊!

0

【約埋閨蜜過聖誕 超嫩火雞雪人糖果屋】Greenhouse

喺時代廣場食通天以溫室做主題嘅Greenhouse,係唔少一家大細享用晚餐嘅落腳點,嚟緊12月20至12月26日嘅聖誕套餐,大班朋友一齊食就記得打電話卜定位喇!無論環境定食物都令人有置身戶外嘅感覺,座位仲好闊落,正中位置仲有小屋造型嘅長枱,唔少人都會約埋朋友享受喺小屋位置享用晚餐,連打卡位都安排好,仲唔快啲去試吓! 頭盤Let’s Start一次過俾你試晒生蠔、大啡菇、煙肉帶子串、香辣雞翼同吞拿魚他他,樣樣都勁吸引,單係頭盤都已經好似聖誕禮物咁多驚喜,仲未滿足就要繼續食落去啦! 用慢煮處理嘅Slow Cooked Turkey with Tiger Prawn係主菜嘅其中一個選擇,保持多汁嫩滑嘅口感,再加上煎香嘅大蝦,配合微酸嘅黑醋,簡直係味覺享受。 一家大細嘅聖誕大餐又點少得甜品Happy snowman,有聖誕樹造型嘅朱古力布朗尼同得意到爆嘅雪人,用小鐵鍋裝住蘋果金寶,香甜嘅蘋果味同鬆脆嘅口感令人停唔到口。   Christmas Set Dinner Appetizers Let’s Start Teriyaki oyster, deep fried chicken wings, tuna tartare, robata porabello, robata scallop Soup Butternut Squash Soup...

0

【新開!$30啖啖蟹肉熱狗 平食新加坡正宗風味】The Hot Dog Submarine

要喺香港食到好食又抵嘅新加坡菜,就要去深水埗試吓呢間開咗唔夠一個月嘅The Hot Dog Submarine,原來老闆係新加坡人,喺香港生活咗廿幾年,一直都好鍾意落手落腳煮啲正宗新加坡菜俾朋友,終於決定走入深水埗,最近開咗呢間小食店。 一次過打通三個舖位嘅The Hot Dog Submarine,明亮嘅黃色令到成間舖都朝氣十足。老闆話,唔少客人都同佢反映話個熱狗包唔夠熱,佢就即刻買入焗爐,就係為咗整返個香噴噴嘅蟹肉熱狗俾大家,真係勁貼心!小編當日仲遇到幾位客人,個個都大讚老闆好有心。 熱辣辣無得輸,一路食蟹肉辣醬熱狗 (HKD30),啲蟹肉一流落嚟,咬落仲可以食到分量十足嘅蟹絲,淋上茄醬,同帶甜嘅蟹肉辣醬非常夾,老闆仲話:「唔想太在意成本,最緊要可以將地道嘅新加坡菜帶俾香港嘅朋友。」 惹味香辣嘅蟹肉黑椒醬熱狗 (HKD30)絕對可以改變你對黑椒嘅感覺,香濃嘅黑椒醬無搶咗蟹肉嘅風頭之外,仲令到蟹肉更加吸引。鐘意味濃嘅一定要試吓呢款,每日賣完就無㗎啦!仲唔快啲去試! 有別於平時小食檔嘅魚蛋燒賣,The Hot Dog Submarine精挑細選嘅蟹肉咖喱菠蘿魚蛋同燒賣 (各HKD15),魚蛋肥大彈牙、燒賣煙韌有口感,再淋上香噴噴嘅蟹肉咖喱菠蘿,酸甜辣都俾晒你食! The Hot Dog Submarine 地址:深水埗欽州街西九龍中心5樓蘋果商場5K86~88號 電話: 6291 3626 營業時間︰星期二至日11:30-20:30 (星期一休息)

0

【便利店鰻魚飯糰 邊間啲飯硬掘掘?】伏務台

唔少人去親日本都瘋狂食飯糰,香港雖然唔係周圍都有飯糰食,但愈嚟愈多地方有得賣喇!今次買咗最常見嘅7-eleven、OK便利店同華御結,用返同一款材料嘅飯糰,同樣用唔叮嘅方法,食佢最原味,睇吓邊個最唔掂! Circle K 鰻魚飯糰 (HKD13.5) 包裝寫明用珍珠米,話就話新鮮製造而且有效期得兩日,咁真係放多一日都唔新鮮啦?有寫埋Hot&In教你放入微波爐叮完好食啲,不過字就有啲細,未必個個會留意到啦! 埋嚟睇吓,啲汁都算幾多,但係啲飯!發生咩事?飯已經壓到好實,口感偏硬,食落去有醋味,鰻魚分量同燒汁味都多,但飯醋就有啲搶咗啦!紫菜就唔多掂,跟足指示去做,一打開啲紫菜碎甩晒出嚟,包起嚟都危危乎喎! 價錢︰▲▲▲▲▲ 鰻魚︰▲▲▲▲△ 米飯︰▲▲△△△ 醬汁︰▲▲▲△△ 總分︰14 (20分滿分)   7-eleven 御之簡食 照燒鰻魚飯糰 (HKD13.9) 出晒名話去日本取經嘅7仔飯糰,一樣可以叮嚟食,Logo設計本身已經同7仔完全唔同,同OK一樣即刻跟住指示開嚟食! 出事了,啲飯壓到睇唔到飯粒,連啲汁都好似封印咗流唔到去啲飯度,喂,又話同日本合作,搞到咁㗎?試埋啲鰻魚,腥味有啲重,仲要無咩汁,今次唔知點食好? 價錢︰▲▲▲▲△ 鰻魚︰▲▲△△△ 米飯︰▲△△△△ 醬汁︰▲▲△△△ 總分︰9 (20分滿分)   華御結 燒鰻魚御結 (HKD16) 旨在分享日本嘢食嘅華御結,用嘅係100%日本米,包裝同其他一樣以簡潔為主,雖然分店仲未有好多,但款式係咁多間入面最多,有效期一樣係即日要食,咁小編就即刻開嚟食啦! 華御結受歡迎都係有佢嘅原因,飯粒粒分明,三款都凍食,但得呢款軟硬適中,鰻魚唔會好多,咬落又唔會有細骨,但燒汁分量啱啱好,同啲飯一齊就very good啦! 價錢︰▲▲▲△△...

0

【正宗上海風味 俐落刀法片出松子魚】上海小南國1987

喺上海總店已經有30年歷史嘅小南國,進軍香港亦都有15年,位於銅鑼灣時代廣場嘅上海小南國1987分店,除咗秉承上海菜濃油赤醬嘅特色,亦照顧本地口味。講到正宗上海菜,令小編心動嘅絕對係豐富嘅前菜為一餐打響頭炮。 走入上海小南國1987,迎接客人嘅係典雅又摩登嘅格局,門口嘅酒櫃,就令人感受到上海氣派。餐廳仲有包廂提供,絕對提供咗一個舒適嘅環境歎美食! 前菜喺上海菜擔當咗重要嘅角色,而上海小南國1987亦都喺前菜方面花咗好多心思。以小碗上碟嘅紹興花雕醉雞(HKD80),一入口係濃烈嘅花雕香味,肉質仲好滑溜添! 賣相一流嘅當家松子桂花魚(HKD288),師傅以俐落嘅刀法將魚肉片出而不離皮,醬汁輕易就掛喺魚肉身上,每啖魚肉都可以食到酸甜味,直頭內外兼備呀! 一晚至少出三、四十盤嘅如意鍋燒黑豚肉 (HKD298),肉質完全唔會粗糙,非常滑溜,睇上去顏色雖然好深,但絕對唔會過鹹,皮脂肉分佈平均,食落口都唔會覺得油膩。注滿熱水嘅碗座保持溫度,非常貼心! 生拆蟹粉豆腐(HKD158)看似好易做,但要保持滑溜又唔炒到碎開係好考師傅嘅功力,將蟹粉同豆腐融為一體,每一啖都品嘗到蟹嘅鮮味。 上海小南國1987 地址:銅鑼灣勿地臣街1號時代廣場11樓1103號舖 電話:2874 8899 營業時間︰星期一至日 11:30-15:00;18:00-23:00

0

【冬日美食節搶先睇 激抵福袋美食任你揀】冬日美食節

每年冬日美食節都勁受歡迎,一個會場就可以搵晒世界各地嘅美食,仲有勁多唔同嘅福袋俾大家選購添!今次小編精選咗五個美食節攤位,等你溫定書,做足準備下個月出擊啦! A1福袋 話明係福袋,梗係有大把好嘢,一個袋有15樣食物,講少少俾你聽,入面會有喇沙麵、肉骨茶同鮑魚麵,最抵嘅係有1罐六至八頭嘅紅燒鮑魚,快啲mark低攤位,到時入場準備啦! 1蚊雪糕曲奇 唔好以為雪糕曲奇咁普通唔使搶,呢款Ice Cream Cookies全蛋白人手製造,鬆脆得嚟又入口即溶,下午茶一路食一路歎返杯咖啡就啱晒啦! 50蚊日本和牛肉眼/西冷 咁多位手足,留意呀!原價HKD300嘅日本和牛肉眼/西冷,差唔多一蚊一克,殺入冬日美食節只係賣HKD50咋!不過每日限定5塊,身邊有牛魔王就記得要提佢買啦! 「曾拌麵」 由台灣主持人曾國城研發嘅「曾拌麵」係唔少台灣博客推薦嘅拌麵之一,平時想買都缺貨嘅青蔥椒麻拌麵,唔知小編今次搶唔搶到呢? 千層蛋糕 由90後少男創辦嘅HoLam Bakery,由網店開到有實體店,仲有各式各樣嘅千層蛋糕,平時要去到觀塘先有得試,今次喺冬日美食節可以一次過試晒佢啦!   第15屆冬日美食節 地址:香港會議展覽中心 3展館 電話:2591 9823 展覽日期︰12月24至28日 開放時間︰12月24至27日:10:00-2100;12月28日:10:00-19:00 票價︰每位HKD20 早場優先券(只適用於12月24日):每位HKD10 (購票時間︰10:00 – 12:00)

0

【日本即日新鮮運送 刺身拼盤薄片顯功夫】鮨穴

日本料理食材當然要「鮮」,呢間喺時代廣場嘅鮨穴,無論係平時常見嘅串燒、刺身定係天扶良,都製作認真,除咗款式夠多之外,仲有每日由日本新鮮運送生猛海鮮到港,保證食得夠「鮮」! 入到去吧檯,少不免會被檯上嘅海鮮吸引,原來除咗用嚟做刺身,仲會有埋爐端燒,連唔太鍾意食凍嘢嘅朋友都照顧埋啊! 呢款精選特上刺身拼盤 (HKD688) 必有日本海膽、牡丹蝦、北海道帆立貝同好受香港人歡迎嘅厚切吞拿魚,話咗係特上,梗係仲有日本空運抵港的時令刺身,一共8款,連山葵都係手磨,絕對認真。左口魚就多人食,今次小編就介紹你試右口魚薄切,味道清甜易入口。 啖啖串燒啖啖肉,為咗食多幾款試真啲,小編散叫咗幾款串燒,包括有牛脷塩燒(HKD58)、羊扒 (HKD 88)、日本黑豚肉五花腩(HKD 48)、帆立貝 (HKD 68) 、雞軟骨(HKD 28)、日本銀杏(HKD 42)同青椒仔 (HKD 28)。小編最推薦羊扒同牛脷塩燒!唔會燒到乾身嚡口,入面仲Keep住Juicy,記得趁熱食啦! 為咗保持食材嘅新鮮同味道,餐廳仲特別喺日本購入恆溫炸爐,令到特上雜錦天扶良 (HKD398)每件都平均受熱,每次落單時再調配炸漿,保證每樣食物都新鮮處理。用上芝麻油,將天扶良炸到金黃色又不失鮮味,其中一款三蟹卷,用紫菜包住再炸,入面有齊蟹肉、蟹子同蟹膏,蟹味一次過衝入味蕾。 鮨穴 地址:銅鑼灣勿地臣街1號時代廣場12樓1202號舖 電話:2506 1232 營業時間︰星期一至日 12:00-23:00

0

【爆趣氣球沙律 韓式café食得又玩得】小火焰韓式咖啡餐廳

咪以為韓國淨係食炸雞,呢間喺觀塘嘅小火焰韓式咖啡餐廳,以韓國菜做基礎而設計咗好多新款嘅Fusion菜,仲帶咗幾款韓國新派料理,無論主菜定甜品都可以滿足到你個胃呀!成間鋪都播住韓國流行曲,迷妹絕對心花怒放,用咗螢光橙色嘅唔知又係應援緊邊隊人氣組合呢?無論室內室外,座位都好足夠,多幾個朋友一齊食都無問題啦! 大廚介紹嘅呢款水牛芝士氣球沙律 (HKD128),係由細細嚿嘅水牛芝士充氣而成嘅,佢哋仲話可以last到24小時!呢款沙律將材料分開幾份,要食啲咩大家隨便揀! 有無人都見過呢款瘋狂打卡嘅雪糕筒黑松露芝士扁意粉 (HKD78),食嗰陣都好疑惑點解個雪糕仲未溶嘅?原來係cream cheese嚟,撈落個扁意粉度仲會更加香滑。 同朋友食嘢點可以唔嗌個拼盤樣樣試啲,小火焰拼盤 (HKD168)有齊晒薯條、豬肋骨、雞翼同餃子,一次過滿足晒你所有願望。啲薯條仲要係小編最愛嘅波浪形厚薯條,正! 又到咗少女打卡位嘅雪山班戟 (HKD78),將蛋白打成霜狀,再淋上糖漿,連埋班戟一齊食,蛋白霜食落好似綿花糖,但又唔會有食咗都唔知嘅感覺,仲可以自己揀落幾多糖漿,咁就唔驚甜得滯啦。 小火焰韓式咖啡餐廳 地址:觀塘觀塘道410號觀點中心1樓1號舖 電話:3549 6060 營業時間︰12:00-22:30

0

【新蒲崗隱世小店 懷舊風歎fushion菜】Le Sucre

大多數人對新蒲崗嘅印象可能係舊工廠區,無咩嘢好食,但其實喺Mikiki商場對面嘅越秀廣場都可以搵到真‧隱世小店,就係Le Sucre,為食嘅小編決定嚟試一試佢! 用黑膠唱片做裝飾嘅Le Sucre,feel得到嘅懷舊風,地方雖然唔係好大,但座位好舒適,幾個朋友一齊嚟,一路傾偈一路享受美食,啱晒放工聚會休息吓。 鹹鴨髀就食得多嘅小編,見到呢款法式香酥油鴨脾伴日本太陽蛋及法包 (HKD148)咁大隻都有啲驚喜,切開咁誘人嘅太陽蛋同鴨髀放上多士上面一齊食,原來味道係咁夾! 又有驚喜,啖啖都係肉嘅香蒜辣汁忌廉蟶子皇扁意粉 (HKD168),怕辣嘅朋友記得嗌小辣,扁意粉同忌廉完全依附喺一齊,食落好多汁,入面嘅辣味更令人停唔到口添! 未上檯都聞到黑松露香氣嘅雞翼配黑松露醬 (HKD58),咪以為炸嘢一定好乾身,外脆內Juicy,食落就知大廚有心思。小編點住黑松露醬咁食雞翼,真係停唔到口。 大廚極力推薦我哋嘅意大利蛋提拉米蘇配雲呢拿雪糕 (HKD98),真係用咗意大利蛋嚟整,食落香滑又唔膩,口感仲好似食緊蛋餅添啊!叫小編正餐食呢個一樣無問題。 Le Sucre 地址:新蒲崗寧遠街3-23號越秀廣場地下G01號舖 電話:96838484 營業時間︰12:00 – 23:00 (註︰每月第二及第四個星期三營業時間為12:00 – 17:00)