Tagged: 賀年禮盒

0

【6大創意賀年糖餅+趣致點心 可愛福鼠「袋袋平安」】THE CAKERY、Twinkle Baker Décor、Ah Ma Recipe、Dim Sum Library、飲茶、John Anthony

食物嘅造型同設計心思,絕對可以令菜色更加「美味」。想今個新年試啲創意賀年糖餅同趣致點心,即刻睇吓呢6間店舖可唔可以俘虜你啦!   1. 新年找「素」 要搵賀年糖餅,先介紹啱素食朋友嘅無麩質純素甜品烘培店THE CAKERY。佢哋今年設計出一盒六款以農曆新年為題、造型可愛嘅有機翻糖曲奇禮盒(HKD398),包括小老鼠(HKD70)、爆竹(HKD65)、錦鯉(HKD65)、賀年柑(HKD65)等,想單獨買亦得。   THE CAKERY 地址:銅鑼灣恩平道28號利園二期一樓124號舖 電話:2816 1838 營業時間:星期一至六:10:00-19:30,星期日及公眾假期:10:00-19:00   2. 「袋袋平安」 平安包要等長洲太平清醮開始先有得買,但新年冇人唔想平平安安。Twinkle Baker Décor就用蒸籠造型包裝盒,盛載以平安包為設計概念嘅馬卡龍,仲印上「袋袋平安」同「蒸蒸日上」;前者係黑芝麻味,後者就係紅桑子味, *「蒸蒸日上」賀年禮盒:原價HKD228,早鳥優惠(1月17日或之前預訂)HKD188   Twinkle Baker Décor (旺角店) 地址:旺角彌敦道700 號T.O.P This is Our Place 1 樓117 號舖...