Tagged: 軟硬天師

0

【星級捧場有保證 米芝蓮推介正宗泰菜】泰潮

泰潮係食泰菜嘅名牌,深水埗總店更曾獲米芝蓮推介添,全店員工都著住綠色制服,唔講以為去咗曼谷食海南雞飯!今次泰潮又有新搞作,竟然踩入元朗八鄉,開咗間近萬呎嘅旗艦店,一樣有唔少明星客仔走去捧場!店內廚師全是泰國人,正宗泰菜有晒保證,旗艦店仲可以容納超過100人,早前仲特登訂咗60呎長嘅彈床,小朋友嚟到有得玩,大人嚟到好似度假咁,都咪話唔爽! 講返食物,泰式椒鹽鮑魚配柚子沙律(HKD80)原來係炸鮑魚,仲要唔乾身,椒鹽調味亦冇蓋過鮑魚嘅鮮味,加埋好香椰子味嘅柚子沙律一齊食,呢個前菜無得彈! 用咗泰國入口臭草混合蛋漿厚煎嘅泰式香草煎蛋(HKD68),雖然叫臭草,但食落一啲草腥味都無,仲好香添! 冬蔭功海鮮豬肉丸湯(HKD88),豬肉丸係人手打造,爽口彈牙,啲湯酸辣得嚟仲唔會飲到流晒鼻水,真係食到小編舔舔脷。 個個都熱飲薑蜜,呢杯泰式香茅薑蜜(HKD32)凍飲,勁新鮮呀,原來佢哋提供俾客人嘅水都係香茅水嚟,實在係泰認真喇。 唔得閒飛轉泰國,八鄉旗艦店仲可以有得包場同泰菜自助餐,多款正宗泰菜任你食。好似小編咁唔識搭車,泰潮仲有七人專車來回接送!仲唔即刻約朋友去「度假」? 上車地點︰ 1)泰潮元朗分店門口(建業街88號地下) 2)錦上路西鐵站 3)上水火車站   泰潮 地址:元朗八鄉粉錦公路新隆圍竹坑村50號 電話: 2430 3333 營業時間︰星期一至五︰11:30-15:00;18:00-22:15;星期六至日︰12:00-15:00;18:00-22:15