Tagged: #雜誌

0

【啤咩呀啤 中環精釀靚啤導賞】《太飽喇!》網上雜誌

精釀啤酒愈來愈多人飲,仲堅到當中嘅比利時啤酒列入「人類非物質文化遺產」。就連今期封面,俾各地酒友公認為世界第一嘅修道院啤酒都係精釀啤酒,不論香氣、口感、aftertaste等等,比大品牌商業啤酒嘅層次變化多好多囉。講到咁勁,梗係去搵靚酒試吓啦!唔止有「精釀靚啤導賞團」,去中上環搵出唔同嘅餐廳同店舖,由專賣店、CP值爆燈、chill隊到打卡靚位等都有!仲有HK Brewcraft嘅Warren教大家點品評啤酒好壞,佢係香港少有嘅Certified Cicerone®(認證啤酒鑑賞師)兼釀酒師之一,順便提埋你自釀啤酒要注意咩添。團友跟實喇!

0

【翟凱泰 泰臣的味道】《太飽喇!》網上雜誌

泰臣 Tyson Chak 翟凱泰讀完大學先讀演藝,2001年畢業後正式入行,眨眼踏入第18年喇!當年憑舞台劇《潮性辦公室》送水輝哥一角成功彈起,獨特誇張嘅演繹風格令人印象深刻。不過泰臣演藝之路都唔係順風順水㗎,佢話:「我真真正正唔係『沙沙滾』、唔係貪慕虛榮,唔係話諗住過吓癮咁樣呢去接觸呢一行。」。真心愛演戲,由舞台轉戰電視圈,依家瓣瓣掂電視劇、電影,連飲食節目都撈埋。一係唔出手,一出便知有沒有! 泰臣話:「開返個《泰臣的味道》都唔錯喎!」。最近鍾意煮返兩味嘅佢,唔通同煒哥陣煒主持完《煒哥的味道》,開發咗廚藝細胞?佢話:「我好鍾意食泰國菜同海鮮,海鮮又易煮添。」。咁泰臣嘅味道,唔止煮餸,都可以有好多種嘅!

0

【毛舜筠 毛姐的米芝蓮曲奇】《太飽喇!》網上雜誌

毛姐毛舜筠,入行咁多年夠晒江湖地位,講演戲,冇嘢難到佢,由電視台好戲女一做到電影界頂級女諧星,上年更憑《黃金花》攞埋金像獎最佳女主角,正式榮登影后級。 影后都係人,原來回歸家庭生活,講煮飯,一樣難唔到佢!同區丁平結婚23年,毛姐喺屋企就做足廿幾年煮飯婆!由零開始學,到依家連法國藍帶廚藝課程都畢咗業,攞埋最高級課程文憑。 59歲毛姐「登六」前又要創另一高峰,就係整餅開曲奇餅店喇!目的只係還一個心願:「想大家都食一啲我認為米芝蓮級嘅曲奇餅」,仲有,高要求嘅毛姐喺訪問中提咗好多次「用料要過到我嗰關!」。想聽故?等藍帶廚神影后話你知啦!

0

【麥長青 麥包變食神】《太飽喇!》網上雜誌

提起「麥包」麥長青你會諗起咩?仲記唔記得《閃電傳真機》先?今年入行31年,前年約滿TVB變成自由身,佢有啲無奈咁講:「其實我好鍾意做戲,但冇劇本搵我做都冇計。我一早知呢行搵朝唔得晚,所以一直都有投資唔同行業,有機會就搵多啲錢。」。近年麥包拍綜藝節目反而愈來愈多,近來最大迴響梗係《街市遊樂團》,依家仲自資開拍網上節目《包友食神》介紹唔同餐廳,放喺自家平台宣傳,向飲食KOL之路進發喎!50歲嘅麥包,最近減肥瘦咗13磅嘅佢,自細個已經要學整一餸幾味,佢話:「跟我食嘢係教識你點樣食!」

0

【周志文 周志康 孖仔各有各搵食】《太飽喇!》網上雜誌

周志文同周志康呢對孖生兄弟,最初一齊演戲真係好難分到邊個打邊個!由巨聲幫入行,到依家兩人各有搵食地盤,慢慢行出各自新天空。大孖志文去年重返TVB,簽約邵氏旗下拍咗《飛虎之潛行極戰》,最近回歸初心再唱歌;細孖志文就專注拍劇,喺新劇《過街英雄》仲首次挑戰喜劇加感情戲。孖仔孖心肝但各有發展,叫佢哋用一樣食物形客對方,答案竟然係:「阿文係生蠔!阿康係盆菜!」。點解?睇埋落去就知!

0

【盧覓雪 跟住覓雪去整餅】《太飽喇!》網上雜誌

一街都係為食鬼,但為食到好似盧覓雪(Michelle)咁,以「覓食天下」為天職就唔係你同我可以相比。Michelle由娛樂記者做到傳媒高層、轉戰電台節目主持、演員再到飲食節目,真係百足咁多爪!咁都未止,先排仲要開多瓣,推出自家品牌曲奇—「覓食傳承」。 曲奇都有嘢傳承咩?Michelle話:「我想重組返舊時嘅味道!」。食過唔同級數嘅美食,依家做埋生意,佢都好認真話「一定要試咗先知!」。所以呢,最新搞作係,試埋月餅!

0

【譚小環 魚蛋皇后】《太飽喇!》網上雜誌

42歲先轉行唔係好多人敢做,4年後嘅今日,小環話:「大家唔再只係喺電視見到我……」。小環參選1994年香港小姐嘅主題係「尋找鳳凰傳說,寫出你的新故事」,由華富邨嘅街坊小姐變成香港小姐,的確令佢開展人生新一頁,不過當中嘅起起跌跌你又點知吖?呢個鳳凰傳說幾時會完?肯定有排啦,小環嘅「渣哥」仲要攻晒18區㗎!想知佢點出擊,你又跟唔跟到佢搵食?快啲Click入嚟等魚蛋皇后話你知啦!