Tagged: 青口

0

【90分鐘任食韓式青口煲 升級仲任歎特色酒】THE JOOMAK

鍾意去尖沙咀、食海鮮同飲酒嘅朋友要注意喇,THE JOOMAK又有新優惠!由4月16日至5月31日逢星期一及二(公眾假期除外),可以每位HKD298喺90分鐘限時任食青口煲優惠享用兩款新推嘅青口煲,仲會送你一客香脆炸蕃薯條,唔夠喉可以優惠價每位HKD30無限加點炸蕃薯條或薯條。 今次兩款新嘅青口煲都係走韓風,第一款係牛油馬格利青口煲(原價HKD268)。馬格利酒口感清新帶微甜,平時多數用嚟調配cocktail,今次將佢混合清香嘅蒜蓉牛油,變成韓式濃稠白汁煮爽滑紐西蘭青口,甜甜香香嘅味道令人想一食再食。 第二款係泡菜蕃茄青口煲(原價HKD268),用韓國師傅醃製最地道風味嘅韓式泡菜,加上蕃茄汁,調配成秘製韓式泡菜蕃茄紅醬汁煮紐西蘭肥美青口。最後灑上大量Mozzarella芝士,有少少拉絲效果,辣中帶鹹香嘅味道會忍唔住想啤一啤囉!所以呢個任食青口煲可以俾大家有Free Flow Plan飲品任飲優惠: 選擇一) 每人加HKD38,可以無限享用手調咖啡、果汁、汽水、朱古力同茶類。 選擇二) 每人加HKD88,可以任飲多款韓式Cocktails、紅酒、白酒、啤酒同無酒精特飲(例如花漾果茶)。 簡單介紹吓特別啲嘅飲品啦: 韓Shake(兩位用)有四款口味:藍莓薄荷、爆谷荔枝、青瓜梳打同柚子梳打。呢款飲品會跟埋套調酒器,有木樁、長鐵匙、糖漿、新鮮水果同酒等等,專業調酒師會教你點樣製作Cocktail,真係又食又玩。 MAKGEOLLI有原味、葡萄同士多啤梨,係朝鮮半島用米發酵而成嘅濁米酒,酒精含量大約6-8%,甜甜哋幾啱女士飲。 水果覆盆子紅醋 (兩位用)混合韓國梨汁、新鮮橙汁、青檸汁、薄荷葉同紅桑子果醋,再加入新鮮水果,甜蜜冰涼嘅感覺都幾啱依家飲。   青口煲優惠供應時期: 日期:2018年4月16日至5月31日 逢星期一及二(公眾假期除外) 用餐時限:90分鐘 供應時段:全日   THE JOOMAK 地址:尖沙咀廣東道17號海港城海運大廈3樓LCX 34號舖 電話:2111 0851 營業時間:星期一至日:12:00-22:30

0

【小巷驚喜西餐 飲返杯歎青口料理】Scarlett Cafe & Wine Bar

柯士甸路附近有唔少韓食,估唔到喺小巷內都有驚喜西餐!位於尖沙咀小巷嘅Scarlett Cafe & Wine Bar,喺11月3日到12月15日推出咗新嘅Mussels & beer Madness,海鮮控聽住喇,有一人同四人餐俾你揀,仲可以有五款不同嘅烹調方法,真係聽到都流晒口水。 天氣開始涼涼哋呢種開放式嘅酒吧,對住街景,份外舒服。餐廳樓高兩層,下層可以揀圍住吧檯坐,又可以睇到調酒師嘅功力,一路食一路睇表演;如果想要靜少少,可以揀上一層,感覺上寧靜啲有多啲私人空間。 小編揀咗Chardonnay Mussels + 4 ”La Parisienne” Beer (HKD198),呢個set最啱4位好姐妹嚟傾偈放鬆吓,Chardonnay Mussels充滿青口嘅鮮味,食落夠晒清甜。”La Parisienne” 麥味比較香濃,入口微微苦澀,同青口有意想不到嘅配合。 喺五選一嘅青口煮法入面,呢款Blue Cheese Mussels (HKD198),最啱鍾意多汁濃味嘅朋友,食落濃濃嘅芝士香味,又唔會太膩,拎埋麵包點芝士汁,一滴汁都唔好浪費。 意大利雲吞Alaskan King Crab Raviol (HKD188)真係勁Creamy,啖啖蟹肉勁足料,再配合龍蝦汁,令到味道更加濃郁。 食完晚餐嚟返件Scarlett’s Cheese Cake (HKD88),食落係tiramisu同cheese cake嘅混合體,由頂到底嘅味道充滿層次感,平衡咗餅底嘅牛油味。...