Tagged: 養顏

0

【80後女中醫點養顏? 「每朝一杯百花蜜檸檬水」】懶健康貼士

中醫成日都話唔好飲凍嘢,但又係中醫師又係潮人嘅Cinci又點睇呢?「我都唔係聖人,天氣熱都會想飲凍嘢嘅,但背後我做咗好多嘢令自己有呢個quota囉。」咁點樣幫自己儲quota,又點樣keep住靚靚皮膚?睇埋落去你就知! 讀完中醫後,飲食習慣有咩轉變? 「除咗中醫身份之外又係媽媽,身兼多職有時都避免唔到夜瞓,所以我都屬於都市人常見嘅氣滯血瘀體質。讀完中醫之後明白背後嘅理論,更加明白戒食生冷食物對我嘅身體有幫助,都會飲多咗有疏肝理氣功效嘅茶飲同湯水調理身體。就算食都會自我調節食少啲,同時食其他嘢調和返,因為好多臟腑都唔鍾意凍嘅食物。例如食刺身都會食多啲伴碟嘅薑同紫蘇;食生冷嘢會飲返有暖胃作用嘅茶療或湯水。情緒同壓力對健康嘅影響都好大,最重要係學識放鬆心情,搵方法好好宣洩情緒。如果感覺到身體開始有啲唔舒服,好似感冒起嘅時候,我都會盡早用中藥調理,因為中藥唔係有鼻水醫鼻水,而係由根源調理囉。」 堅持飲米水係對你有咩改善呢? 「其實CheckCheckCin鼓勵大家飲嘅『米水』用咗紅米、白米同生薏米煮成。紅米同白米屬性平和,補中益氣,加入少量生薏米就攞埋健脾滲濕嘅功效。呢個配方屬性平和,男女老幼都啱飲,每日一杯米水就可以減輕脾胃負擔。我十年前開始飲米水都有感覺到減低脾胃負擔,一直堅持亦助吸收營養,其實面色同精神都愈來愈好,都冇咁易水腫添。而且中醫理論認為。『脾胃為後天之本』、『脾為氣血生化之源』,即係我哋自出娘胎都依賴脾胃嘅消化吸收同轉化功能,身體先可以攝取飲食中嘅營養,令身體暢順咁運作。所以養好脾胃等於養好消化系統,係擁有健康嘅基礎。」 養生貼士係咩呢? 「除咗每日飲米水之外,我都會每朝早飲一杯百花蜜檸檬水。檸檬可以生津止渴;蜂蜜可以潤腸通便,滋養臟腑,幫助強身防病,亦有養顏功效。」

0

【養顏荔枝冬瓜雪葩】Dickson Yoga Vegetarian Kitchen

美容養顏,除咗作息要定時,飲食都好重要㗎!之前同大家介紹過嘅Dickson Yoga主張健康素食。今次佢地推出健康養顏餐,好味道再加充滿營養,實行要大家食到由內靚到外,身心靈都靚爆! 觀塘店行政總廚Tommy設計嘅最新養顏餐單,唔只食材搭配出色,仲會非常細心考慮過營養成份同食材選料。唔單止會越食越靚,仲老少咸宜,幫助大家美容同食出健康!    海珊瑚沙律(HKD88)海珊瑚即係海燕窩,含有豐富酵素膠原蛋白及多種礦物質,仲可以補血、瘦身、除皺紋,要由內靚到外,絕對唔係問題!新鮮嘅海珊瑚質感煙韌富有彈性,配埋新鮮蔬菜同自家製鮮榨芒果醬汁,食落一啲都唔寡,仲越食越開胃!另外附帶嘅多士亦非常香脆,食完整個沙律充滿飽足感。 想食熱野可以試下養生雲吞(HKD52),都係自家製㗎!一份入面一共有五粒,選料有鮮淮山、香菇、粟米,仲一反傳統無加入任何素肉,係由全天然食材製作!淮山含有多種維生素同礦物質,有降血糖,滋養皮膚等等嘅保健作用,再加埋香菇粟米等等健康食材,營養自然滿分啦!小編食過,自家製嘅雲吞皮薄餡多,雲吞裡面好多湯汁,食落味道有啲似小籠包。另外蘿蔔清湯再加上生菜絲,清清甜甜,完全唔油膩或重味精。 飲品方面,小編都有養顏好介紹樂天果香蜜奶昔(HKD36)由一整個牛油果、香蕉、蜜糖、低脂奶混合而成。牛油果同香蕉都含有豐富維他命,有美容抗衰老功效。 食甜品都一樣可以越食越靚嘅!荔枝冬瓜雪葩(HKD58)荔枝含豐富維生素C,係防雀斑同增強免疫力嘅好幫手;而冬瓜就有幫助去水腫,抗衰老功效。兩者合成嘅甜品,清新怡人。冬瓜部分口感有少少似綿綿冰,輕身得嚟入口即溶,全個甜品都係選用黃糖製成,夠晒健康! Dickson Yoga Vegetarian Kitchen (觀塘店) 地址:觀塘成業街6號泓富廣場5樓全層 電話:2138 2666 營業時間:星期一至五:0830-21:30 星期六至日:11:30-21:30