Tagged: 香港國際七人欖球賽

0

【利園Sevens美食節 加7蚊換抵食薯條】BRICK LANE

上星期預告3月23日至4月7日七人欖球賽期間,銅鑼灣利園區內有15間餐廳做7蚊起「Sevens美食節」優惠。除咗Reserva Ibérica以HKD7買原價HKD88德國手工啤,BRICK LANE都一樣有HKD7抵食優惠。 球賽期間惠顧任何食物,可以加HKD7換購薯條一份。有咩精選食物?繼續睇落去啦! 先嚟兩款獨食難肥推介,招牌Bricklane牛肉漢堡配啤酒一杯(HKD207),漢堡肉汁多又嫩滑鬆軟。 炸魚柳薯條配啤酒一杯(HKD207)更加係必點邪惡美食。 兩個人食飽啲有啤酒雞配啤酒兩杯(HKD437),食之前將啤酒淋落雞肉,酒香更加突出。想緊貼「Sevens美食節」飲食優惠,除咗睇Lee Gardens Facebook專頁,可以download佢哋嘅App。新登記成為Lee Gardens Plus會員(免費)會有1小時免費泊車添。   BRICK LANE 地址:銅鑼灣禮頓道111號利園第六期地下G01號舖 電話:2736 8893 營業時間:星期一至四及六:09:00-22:30,星期五:09:00-23:30,星期日:09:00-23:00

0

【$7買原價$88德國手工啤 利園×7人欖球期間限定】Reserva Ibérica

3月23日至4月7日又到一年一度「滙豐香港國際七人欖球賽 2019」嘅日子,今年賽場內雖然冇特別美食區,但係同利園區內15間餐廳做咗HKD7起嘅優惠,其中西班牙餐廳Reserva Ibérica就推出激抵嘅啤酒優惠喇! 由3月23日至4月7日,只要俾HKD7就可以飲到原價HKD88嘅德國手工啤。白色呢款係經過四倍發酵,味道濃郁但唔會好苦。黑色嗰款就經過三倍發酵,味道相對甜啲,都易入口㗎。 當然仲有其他套餐優惠啦!平時要HKD416嘅Sevens Food Festival 特色套餐只需要HKD328就食到喇。雙層芝士漢堡配大蒜薯條同西班牙沙甸魚沙律都大大份,漢堡厚肉又juicy,睇見都想即刻食囉。想緊貼七人欖球賽期間嘅利園區飲食優惠,除咗睇Lee Gardens Facebook專頁,仲可以download佢哋嘅App,新登記成為Lee Gardens Plus會員(免費)仲有1小時免費泊車添。   Reserva Ibérica 地址:銅鑼灣新寧道1號利園3期3樓316-318號舖 電話:3188 6608 營業時間:星期二至五:09:00-23:00(星期一休息)