Tagged: 香港機場

0

【超豪佔地3萬呎貴賓室!】國泰玉衡堂

傳聞入得國泰貴賓室就有非一般嘅享受,小編今次就趁起飛前仲有時閒,一於去親身體驗。其實「玉衡堂」商務貴賓室係去年開始進行全面大翻新,直到上星期先正式恢復服務。新貴賓室别具匠心,除咗裝潢處處洋溢香港風情,佔地面積更達3,306平方米,較以往貴賓室大逾一萬平方呎,可容納550位乘客,係國泰現時最大嘅機場貴賓室。 簡約獨特嘅裝潢以木爲主,墻上布畫鱗次櫛比,呈現藝術感嘅溫暖感覺。 想提提神可以黎咖啡餐車,點杯由專業咖啡師新鮮沖製嘅咖啡。 暖色調燈光下,靜靜地品嘗一杯暖到心嘅咖啡,夠曬享受~ 如果好似小編咁,自己一個人就可以坐Bar檯, 同調酒師交流下。 各種酒精飲品任君選擇,小編為咗避免未上機先不適,都係忍一忍啦! The Noodle Bar 「風味坊」深受歡迎,除咗中華美食色香味俱全,環境中都散發出中國風味。 作爲地道香港人,唔會未食過「細蓉」吧。「風味坊」 盛名雲吞湯麵,點可以唔試!不得不讚下,雲吞皮薄又夠滑,鮮蝦爽口彈牙,麵底更是彈牙,令人回味無窮!悄悄話:小編食兩碗先滿足。 魚蛋粉源於潮州,係光緒年間開始傳入廣州,時至今日,魚蛋粉已成爲香港嘅生招牌。隨著近年世界各國美食駐入香港,連魚蛋河粉都有埋泰式風味。泰式魚蛋河粉究竟係點架?食咗咪知囉~ 花生味擔擔麵,你聼過未?湯底味道濃郁之餘, 適量蔥粒同頭菜粒混進湯更是配合得天衣無縫, 可能你會覺得食完會好濟,但其實精華就係個湯底。 除咗Noodle可以選擇外,仲有各種富有中國特色嘅點心供應。 食得太飽嘅小編,好想飲杯消化下嘅健康飲品。三種色彩繽紛嘅果汁就好似實驗室入面嘅元素, 講到好似飲咗會即刻充滿電咁,不過事實又真係幾掂~西柚同檸檬嘅酸感有鳳梨嘅甜去調和,加上香茅更令人醒神!非常適合朝早飲用。 中午梗係順其自然飲番杯有益身心嘅紅色蔬果果汁,有紅蘿蔔、蘋果、薄荷葉、檸檬成份。 一聼搖籃曲必定會訓著,又形容得幾貼切喎~有香橙、芹菜、生菜、檸檬,想唔綠都唔得啦! 唔黎Relaxation Room 恬靜間點可以算黎玉衡堂享受過,係旅程前可以悠然一刻,感受香港城市特色,同時體驗宛如置身家中舒泰。 Cathay new lounge 地址﹕一號客運大樓6樓,鄰近65號閘口 營業時間﹕每日早上 5 時 30 分至最後一班客機出發。開放時間或會因航班變動而相應延長,並只提供有限服務 電話﹕ 2747  3311...