【氣炸鹽酥小食免外賣 撲熄旅人夜市掃街癮】氣炸師
冇得去台灣旅行,又想食到當地嘅夜市小食可以靠自己!為咗幫大家同自己解決掛住台灣嘅苦,今次就氣炸台灣兩味夜市小食,如果想做到台式嘅脆口口感就一定要跟當地做法用木薯粉,快啲即學即整啦! 氣炸鹽酥雞×氣炸鹽酥雞髀菇 氣炸鹽酥雞 材料與分量: 去骨雞胸肉 – 1塊(約350g) 蒜蓉 – 適量 醬油 – 30g 砂糖 – 15g 五香粉 – 2g 木薯粉(即蕃薯粉) – 適量 食用油 – 適量 做法: 1. 將雞胸肉切成小塊,用蒜蓉、醬油、砂糖同五香粉醃20分鐘。 2. 沾上木薯粉,然後等5-6分鐘 3. 以160度氣炸10分鐘,反轉再用200度,氣炸6分鐘。 氣炸鹽酥雞髀菇...