Tagged: 黑朱古力

0

【90後自家品牌整甜品 全港獨創爆炸朱古力】Patelly

Patelly呢個朱古力品牌係由一個90後開發,佢升上大學之後發現自己唔係咁鍾意讀書,但就鍾意煮嘢食,於是放棄大學學位,轉去讀國際廚藝學院,決心投身廚師行列。讀緊廚藝學院期間有機會到酒店實習,多咗接觸唔同嘅甜品,更夢想開一個自己嘅創意品牌,終於,夢想成真,爆炸糖朱古力就係咁出世囉。 33%比利時白朱古力荔枝爆炸(HKD90一樽/約40粒)白裡透紅嘅外形好少女呀!喺白朱古力加入荔枝味嘅爆炸糖,入口嗰吓食到白朱古力嘅甜;慢慢荔枝味嘅爆炸糖開始喺舌上爆開,到最後清新嘅荔枝味殘留喺口腔,幾重口感好過癮! 33%比利時白朱古力雜莓爆炸(HKD90一樽/約40粒)就好夢幻feel,紫色嘅外層好似寶石咁。雖然係雜莓味,但感覺比較似藍莓嘅酸酸甜甜。白朱古力嘅甜味加埋藍莓味,感覺有啲似食緊藍莓乳酪蛋糕。 33%比利時白朱古力青蘋果爆炸(HKD90一樽/約40粒)同青蘋果一樣係青色嘅外形,好似未食已經嗒到陣酸味咁。不過小編就覺得青蘋果味唔係好出,但係又唔會好甜。青蘋果味嘅爆炸糖有啲似果汁硬糖嘅味道,好過癮! 如果你鍾意食黑朱古力,呢個62%秘魯黑朱古力蜜瓜味爆炸(HKD90一樽/約40粒)就唔可以錯過喇!呢款係唯一黑朱古力做嘅爆炸朱古力,黑朱古力濃度高,但慢慢會滲咗蜜瓜味嘅清甜味出嚟,但仍然keep到唔會好甜,堅正! 唔爆炸都得啫,35%黑糖朱古力+黃金杏仁碎(HKD90一樽/約40粒)[左一]加咗黑糖,口感更加滑,仲有份獨特嘅香甜;杏仁碎令口感更加豐富,同有陣堅果嘅油香。 仲有禮盒裝,感覺都幾名貴。 呢度仲有可可茶,混合可可茶包(HKD50) 主要有可可仁同薄荷葉。 想訂造唔同類型蛋糕都可以,不過依家只可以喺網上同市集接受訂單,大家可以follow佢哋Facebook同IG(Patelly)。   Patelly 電話:9435 8876 營業時間:星期一至日:12:00-21:00

0

【送禮必備!朱古力控不容錯過】法國路易街

每到年尾,聖誕節、新年、農曆新年,一連串精彩節日一次過嚟晒,大把藉口同成班親朋好友見面吹吹水啦!12月大家一定煩緊交換禮物買咩好,想簡單而特別,可以跟住小編一齊去尖沙咀Rue Louis Blanc尋找獨家法式美味,佢地貨源全部都係來自法國,同一般我地喺商場見到嘅唔一樣㗎!同朋友仔一齊試下新口味,你一啖我一啖,一路食一路傾計就最開心! 天氣凍冰冰果陣,同親戚朋友仔一齊食朱古力就最窩心。唔知點揀好?可以試試Chevaliers D’ARGOUGES朱古力,香濃朱古力味道令冬日溫馨幸福感滿分。 Chevaliers D’ARGOUGES嘅朱古力圓形一片片,呢款黑朱古力--橙皮粒味,黑朱古力味道濃郁融化後帶點回甘,加上橙皮粒粒豐富口感,一塊一塊咁食好容易上癮自私食晒,識食一定係同朋友仔開心share啦!一班人狂搶就最開心! 大家見慣咗圓形嘅馬卡龍係咪覺得呢款水滴型,個樣有少少似史萊姆嘅馬卡龍好得意呢?呢款史萊姆型嘅FOSSIER朱古力馬卡龍有多種口味,其中呢款就係梨味,係咪同史萊姆一樣咁得意呢? 呢款馬卡龍上層好鬆脆,底層有一層薄薄嘅朱古力,享受完鬆脆口感之後仲可以感受到朱古力留喺口中嘅軟滑感受。     如果鍾意食酸酸甜甜味道嘅朋友仔,小編推介[N.A!*]NATURE ADDICTS Fruit Sticks,100%純天然水果條,而且絕無添加!健康又好味!小編特別推介士多啤梨味,因為佢唔似一般零食香甜得嚟假假地,反而似真正水果咁酸酸地,食落仲覺得果汁好豐富添!另外仲有紅桑子味同芒果熱情果味,鍾意食水果嘅大家一定要試下! 如果你身邊有班永遠滿足唔到嘅頑童,可以試下用法國版HARIBO嚟滿足佢地!法國版嘅HARIBO除咗食落口感更軟韌之外,仲有好多得意造型同埋口味㗎,想買禮物氹自己同氹朋友仔係咪好簡單呢! 延伸閱讀: https://goo.gl/1FByRG【集齊罕見haribo】法國路易街 Rue Louis Blanc 地址:尖沙咀美麗都大廈地下52號(近港鐵D2出口) 營業時間:早上10:00至晚上 8:00