Tagged: 黑豚肉

0

【打邊爐必去!尖咀極上靚料靚湯底】敍亨軒

位於尖沙咀嘅敍亨軒,座落於河內道K11隔離。附近食肆林立,敍亨軒依然可以突圍而出,原因係咩?兩個字--質素。敍亨軒食物質素非常之高,而且價錢算係相宜,大家嚟到可以享受到極上質素而不失霸氣。 酒樓氣派嘅裝潢,天花板嘅燈飾絕對震懾全場。檯凳用料亦極具質素,令人坐得十分舒適。 如果嫌大堂大多嘈雜嘅話,呢度仲設有包廂,仲有唔同大細可以比大家享受自己嘅空間。一邊傾計,一邊享受精緻嘅食物。 活魚刺身(時價) 今次食嘅係立魚。平均每條都係400至500蚊,廚師喺市場選擇新鮮嘅魚,再將佢開邊起肉。一條刺身仲分開左三食,一種原味,一種加蟹籽,另一種加姜蓉。三種風味各有不同,原味最能夠食出魚肉鮮甜味,另外兩種調味同魚肉鮮甜味道十分調和,滋味非常。 獨創大亨湯底(HKD138)強烈推介,湯底無味精,用金華火腿同老雞熬足1日1夜。湯底材料有花菇、竹笙和蘿蔔,入口清甜,無論灼什麼食材都大大提升其味道。 有一個好湯底,都絕對需要好食材,手切特級本地肥牛(大)(HKD298)就完全滿足依個要求。肥牛紋理分明,呈現鮮紅色,十分新鮮。經過十多秒灼熱,牛肉已經變了半生熟,入口嫩滑,牛味濃郁,加上火鍋湯底幫助提鮮,極級享受。 日本黑豚肉(HKD128) 黑豚肉用嚟打邊爐真係正,黑豚肉肉質細嫩,味道鮮美,證明用料絕不兒戲。 手打鴛鴦滑(HKD88) 鴛鴦滑係指墨魚滑同蝦滑,兩種滑各有不同。墨魚滑相對上軟滑,但仍然食得出墨魚鮮味;蝦滑入口彈牙,蝦味久久留在口腔不散。 炸魚皮(HKD68)餐廳招牌菜之一,唔係買現貨,而係即炸!食落完全唔腥唔油膩,入口鬆脆又惹味,令人驚喜! 新鮮炸腐皮(HKD58) 平時打邊爐大多都係現成,好少鮮炸,因為鮮炸需要功夫和時間。但係呢度嘅腐皮同炸魚皮一樣都係鮮炸,食落極之香脆!無論就咁食,或者沾上火鍋湯,都滋味非常! 敍亨軒 地址:尖沙咀河內道3-4號世紀商業中心1-2樓全層 電話:23111908 營業時間:星期一至日:17:30-05:00

0

【韓國專利獨門烤肉】朴將軍全韓烤

嘩!韓風大熱,香港果啲韓式烤肉其門如市,但點樣楝一間好食嘅烤肉嚟襯我小編識飲識食嘅身份,食烤肉點樣先食得招積,梗係食啲有專利嘅烤肉 – Sioyakki,依種菜式係朴將軍全韓烤獨有,無論係烹調方法,自製醬料同食譜都擁有韓國專利權,梗係要去試一試先! 餐廳裝備基本係用韓國傳統烤肉店風格再加入現代元素,空間亦算充裕,令客人更加舒服。 吊燈帶有少少中國大紅燈籠嘅味道。其實佢仲可以吸走油煙,睇得又用得。 一場嚟到,一定要試下佢依個拎咗專利嘅朴將軍鐵板秘製黑豚肉 (HKD198/+惹味芝士飯HKD288),首先佢配菜包括有泡菜,包肉嘅生菜,其他醬料等等。 黑豚肉來自西班牙直送到港,肥瘦均等,現場仲有OPPA幫手,真係好幸福啊!首先將豚肉烤熟,然後再混入韓式秘製醬汁同埋配菜,炒熟之後就搞掂啦!食落去豚肉略帶爽口,配菜亦好爽脆鮮甜加埋醬料嘅甜辣,令人有爽辣嘅感覺。 當然唔只得黑豚肉咁簡單啦,仲有個惹味芝士飯!一樣都有OPPA代勞,好細心為你慢慢煮。首先佢會將豚肉、秘製醬料,紫菜、蔬菜同飯混合埋一齊,將佢地炒到金黃之後再加上芝士,熱力令芝士有少少溶化,緊緊黏住飯粒。入口嘅時候除咗食到飯同菜多重層次之外,仲可以食到半溶芝士,真係極級享受。 依個朴將軍鐵板秘製黑豚肉+惹味芝士飯套餐,最適合兩三個人嚟食,一定可以食到飽飽返屋企! 朴將軍全韓烤 地址:銅鑼灣駱克道491-499號京都廣場9樓 電話:2898 7001 / 2898 7717