Tagged: 龍蝦

0

【Red Lobster新推午市套餐 $78起歎龍蝦醬大蝦意粉】Red Lobster

銅鑼灣嘅龍蝦專門店Red Lobster最近平日11:30推出抵食午市套餐,HKD78起就食到佢哋嘅海鮮名菜!套餐包埋餐湯同清新檸檬茶一杯(冷或熱飲),主菜一共7款,除咗龍蝦手工薄餅(HKD98)、松露芝士蘑菇手工薄餅(HKD98)、焗波士頓龍蝦尾配特製椰子薑飯(HKD158)之外,仲有由招牌菜演變嘅午餐添,快啲睇吓邊款啱食啦! 店內嘅裝飾遍佈關於龍蝦嘅內容,例如牆畫、捕齜蝦竹籠、漁船設計等,仲有大大個龍蝦缸添! 加勒比烤蝦(HKD108)係主餐牌其中一道菜,依家放埋喺午市套餐俾大家揀。惹味又唔會太過heavy,啱晒輕食嘅OL。 金黃香脆嘅夏威夷椰子蝦配芒果莎莎醬(HKD98)係呢度其中一道招牌菜,大蝦入面夾有椰子肉片,加上面頭嘅菠蘿粒再蘸上酸甜嘅椰子醬汁,味道香甜微辣好開胃㗎。 想多重滋味可以又有烤三文魚配大蝦(HKD168),啖啖肉又有油香,配埋爽口大蝦可以一次食到兩款海鮮啦。 而鍾意食意粉嘅朋友一定要試大蝦意粉配龍蝦醬(HKD78)!龍蝦醬汁令意粉非常滑溜,加埋爽口大蝦鮮味又唔會過鹹。 想清爽啲亦有蒜香檸檬炒蝦意粉(HKD88),蒜香嘅惹味配上酸酸哋嘅檸檬汁,加上香草、蕃茄仔同少少芝士碎,味道層次夠晒豐富。   Red Lobster 地址:銅鑼灣Fashion Walk加寧街8號地下 電話:2261 2996 營業時間:星期日至四:11:30-22:00,星期五、六:11:30-23:00

0

【美國Red Lobster銅鑼灣開業 香港限定避風塘炒龍蝦】Red Lobster

1968年喺美國開業嘅Red Lobster進軍香港喇!啱啱喺銅鑼灣開業,仲有三道香港限定菜式添;當然人氣嘅無敵海鮮大餐、美式蒸活龍蝦等招牌菜都可以喺度食到啦,即刻睇吓呢度嘅北美龍蝦有幾正啦! 店內嘅裝飾遍佈關於龍蝦嘅內容,例如牆畫、捕齜蝦竹籠、漁船設計等。二樓就設有VIP房,感覺都幾氣派㗎。 店內嘅龍蝦缸養住由直運來港嘅北美活龍蝦,客人點完龍蝦菜式可以拎起龍蝦影相添。 按傳統點菜後會免費送上車打芝士鬆餅,餐廳話15分鐘內品嚐係最好食嘅。熱辣辣又有車打芝士鹹香味,質感仲好鬆化,幾有空氣感㗎。 三款香港限定分別有前菜、主菜同點品,黃金炸大蝦(HKD48)就係其中一款。有西式嘅牛油香,亦有微微嘅鹹蛋香。 想試傳統菜式就有夏威爾椰子蝦(HKD38/3隻,HKD68/6隻,HKD128/12隻),大蝦入面夾有椰子肉片,加上面頭嘅菠蘿粒再蘸上酸甜嘅椰子醬汁,味道香甜微辣好開胃! 主菜之中,港式避風塘炒龍蝦(HKD358/1磅,HKD718/2磅,HKD1038/3磅)暫時都係香港獨有,將大量麵包脆脆加入避風塘菜式獨有嘅炸蒜之中,香口得嚟有中西合壁嘅感覺。呢碟用上1磅龍蝦,啱兩個人慢慢歎爽滑彈牙嘅龍蝦肉呀! 不過要數餐廳嘅鎮店菜式一定係無敵海鮮大餐(HKD318),呢道菜喺每間分店都係大賣㗎!一份有齊北美龍蝦尾、蒸煮雪蟹腳、招牌蒜蓉蝦、酥脆炸蝦,配雞尾酒特製醬汁同熱牛油醬,幾個人share食就啱晒喇,可以一次試勻唔同嘅鮮味。 大蝦三重滋味拼盤(HKD148)係小編嘅獨食推介,有脆炸蝦、即叫即整蒜蓉焗大蝦同龍蝦醬大蝦意粉,有齊開胃、惹味同傳統味道。而且意粉非常滑溜,食晒成份飽肚㗎。 想有啲肉落肚就要點海陸雙鮮(HKD298-368),當中有肉眼牛扒(7安士)、西冷牛扒(7安士)或牛柳(6安士)配龍蝦尾或串燒烤大蝦俾大家自選唔同組合。不過無論係烤龍蝦定係牛扒,火喉都啱啱好,滑溜有肉汁。 而香港限定嘅甜品就有珍珠奶茶為靈感嘅奶茶意式鮮奶凍(HKD38),甜而不膩可以一試。 想邪惡啲又有愛溢布朗尼(HKD78),大大球雪糕配上兩大件充滿果仁嘅布朗尼,夠晒兩個人食呀! 經典芝士蛋糕(HKD42)比想像中冇咁甜膩,配埋cream一齊食,口感更加滑添。   Red Lobster 地址:銅鑼灣Fashion Walk加寧街8號地下 電話:2261 2996 營業時間:星期日至四:11:30-22:00,星期五、六:11:30-23:00

0

【翠亨邨逾十款限定龍蝦新菜 六式炮製爽口惹味龍蝦】翠亨邨

生猛鮮味嘅龍蝦可以變出乜嘢新花款?粵菜館翠亨邨最近就用蒸、炸、燴、炒、熬、焗六種粵式烹調手法,將十至十二両重嘅加拿大龍蝦炮製成七款晚市菜式同四款午市點心。呢個鮮嫩彈牙嘅「龍蝦珍味」系列由即日起至9月8日喺港九全線三間分店都食到,鍾意啖啖龍蝦肉嘅朋友一定要試呀! 晚餐梗係要飲啖湯啦!呢個以龍蝦殼同老雞熬成嘅鍋巴龍蝦濃湯(HKD88/位)配埋香脆嘅鍋巴俾你蘸濃湯,香口之餘又冇咁熱氣喎。 唔少人食龍蝦都鍾意食個鉗,呢款君度橙汁酥炸鮮龍蝦鉗(HKD98/件)就啱晒你喇!酥炸麵包絲外層咬落脆卜卜,入面嘅新鮮龍蝦鉗再包上蝦膠,啖啖肉又有雙重彈牙嘅口感。蘸埋用君度酒同檸檬汁調配而成嘅醬汁,酸甜中帶有酒香添。食完炸嘢,整返個木魚龍蝦肉蒸蛋白(HKD68/位)潤吓先,蛋白入面加咗鮮龍蝦肉同特製龍蝦濃湯,好足料㗎! 呢款黃金有米龍蝦(HKD268/隻)將成隻龍蝦浸喺蛋白入面攞去蒸,係咪好似蒸魚咁盞鬼呢?上碟之前,面頭淋上南瓜汁,再灑咗啲自製蛋香脆米,令口感同味道有多重層次。除咗食龍蝦肉,記住食埋啲滑嘟嘟嘅蛋白呀,因為龍蝦嘅鮮味滲晒入去,係呢個菜式嘅精華所在。 龍蝦伊麵食得多,刁草龍蝦伴黑松露醬稻庭烏冬(HKD248/隻)又食過未呢?以特製龍蝦濃湯同刁草燴煮而成嘅開邊龍蝦夠晒入味,而稻庭烏冬就掛滿黑松露醬同龍蝦汁;扁身嘅烏冬口感幼滑,西日fusion嘅配搭又別有一番風味喎。 講到中菜又點少得鑊氣十足嘅爆炒菜式呢?呢個香茅金不換炒年糕龍蝦煲(HKD238/隻)就係系列入面最有鑊氣嘅煲仔菜喇。將龍蝦切件泡油,再加香茅、金不換同沙嗲醬等配料爆炒,仲有煙韌嗦味嘅上海年糕,夠晒香口惹味呀! 芝士焗龍蝦唔止係西餐嘅專利,呢道香檳巴馬臣焗開邊龍蝦(HKD198/隻)喺芝士焗龍蝦嘅基礎下,以微酸嘅秘製香檳忌廉汁調味,可以突出龍蝦嘅鮮味同芝士嘅鹹香。 除咗晚市咁豐富嘅龍蝦主題菜式之外,午市都新推出四款以龍蝦入饌嘅精緻點心㗎,包括金箔魚子龍蝦蒸餃(左上:HKD68)、龍蝦灌湯餃(右上:HKD88)、脆皮龍蝦春卷(左下:HKD68)同埋加咗黑魚子醬嘅翡翠龍蝦燒賣(右下:HKD68)。   翠亨邨 地址:銅鑼灣波斯富街99號利舞臺22樓 電話:2409 4822 營業時間:星期一至五:11:00-15:00,18:00-23:00,星期六、日:11:00-16:00,18:00-23:00

0

【聖誕自助晚餐早鳥優惠 提早訂位低至7折好抵食!】帝都酒店、皇家太平洋酒店、香港康得思酒店、港島太平洋酒店、香港百樂酒店

仲有兩日就12月喇,平時食唔食自助餐都好,聖誕節都會大擦一餐。今次小編精選咗幾間有早鳥優惠嘅自助餐俾大家,有露天、有聖誕老人、小丑又有、要禮物同抽獎都有呀!   帝都酒店– 2+2 café    龍蝦海鮮自助晚餐 聖誕老人同小丑會喺平安夜同聖誕日,去沙田帝都酒店2+2 café嘅自助晚餐同你大搞氣氛,派禮物又有表演睇。呢兩晚每位女士仲可以免費獲贈Jurlique禮券一張,去指定門市換取草本輕柔防曬乳霜兩份(數量有限,送完即止),咁樣食龍蝦做主題嘅自助晚餐,係咪盡興啲呢?仲有聖誕燒火雞、火炙芝士美國生蠔卷、黃金龍蝦鉗、低溫慢燒美國肉眼、冰鎮海鮮等等。 特色燒波士頓龍蝦就有雲丹燒龍蝦同蜜糖芥末焗龍蝦兩味,先煎香後放入烤爐燒至金黃色,再淋上秘製海膽汁或蜜糖芥末醬以火槍炙燒,都係回本必食之選啦。 聖誕節連甜品都誇張啲,特大火焰朱古力星球(右)同星空甜品(左)都勁吸睛。   龍蝦海鮮自助晚餐 日期:即日至2018年12月24-25日  供應時間:第一節:17:30-19:30 ¦ 第二節:20:00-22:00 成人:HKD698;小童及長者:HKD468 日期:即日至2018年12月26日  供應時間:全時段:18:00-21:00 成人:HKD618;小童:HKD468 供應時間:第一節:17:45-19:45  成人:HKD558;小童:HKD448 供應時間:第二節:20:00-22:15 成人:HKD588;小童:HKD428 *2018年12月9日或之前向酒店購買節日餐券,可享8折提前預訂優惠(以原價計算加一收費)。   帝都酒店 2+2 café 地址:香港沙田白鶴汀街8號帝都酒店3樓 電話:2694 3886 營業時間:星期一至四及日:06:00-22:00,星期星期五六及公眾假期前夕:06:00-00:00   皇家太平洋酒店...

0

【一燈豪賣$238一碗沾麵 師傅教黃金十分鐘食法】麵屋一燈

以破紀錄連續5年高踞日本最高公信力食評網站Tabelog嘅麵屋一燈,終於登陸香港喺尖沙咀正式開業喇。今個月仲有海外分店開業先有嘅「一燈龍門」沾麵,只此一家喺香港食啦! 裝潢好日本風,如果坐窗枱位仲可以對住個海食添,都幾爽㗎。 睇住師傅煮熱騰騰嘅湯頭,真係引死人呀! 一燈龍門(HKD238)每日限量供應,因為湯頭每日新鮮製,賣晒就要等第二日喇!有原隻新鮮火灸波士頓龍蝦,有少少芝士提味,啖啖肉點埋特製嘅海膽汁就更加鮮甜香口。湯頭以波士頓龍蝦頭同鮮雞熬足八個鐘,再配以四種魚乾精華嘅魚介風味雞湯,精華湯頭非常鮮味! 創辦人阪本幸彥先生即席示範點先係正宗食沾麵,佢話日本店嘅客人有80%都食沾麵㗎: 沾麵已過冷河,所以唔建議將整個麵放入湯度,因為會令湯汁變凍。最好喺10分鐘內食完碗沾麵,如果傾偈耐咗,可以搵店員幫你熱返碗湯。 首先唔點汁夾一、兩條麵食,感受一吓麵嘅質感。 夾兩、三條麵落湯碗,沾汁幾秒就夾起食。 海膽汁可以幫龍蝦提鮮,亦可以遂少倒入沾麵撈勻食。 撈咗海膽汁嘅沾麵再放入湯頭點湯食。 如果剩餘嘅湯頭覺得太鹹,可以問店員加入魚介風味雞湯,按個人口味沖淡嚟飲。 招牌沾麵 —— 特製 濃厚魚介沾麵(HKD168)嘅湯頭以鮮雞再配合四種魚乾熬製超過十小時而成,鮮味得嚟冇豚骨湯咁漿口。雞肉丸子口味清新,仲有少少軟骨增加口感,再配塔嫩滑叉燒、雞肉,都幾飽吓。 想食拉麵都有兩款,特製 濃厚魚介拉麵(HKD158)將沾麵轉成幼身拉麵,軟硬度適中,都唔錯。 另一款係特製 芳醇鹽味拉麵(HKD148),味道相對清啲,湯頭以低溫慢煮成清雞高湯,但都仍然好夠味。   麵屋一燈 地址:尖沙咀廣東道3-27號海港城海運大廈3樓LCX 32號舖 電話:3102 3299 營業時間:星期二至日:11:30-22:30

0

【狂食片皮鴨龍蝦回本 中國八大名菜自助餐】THE PLACE

有時食得西餐多都幾想食返餐豐富嘅中菜,不過淨食一個地方嘅中菜又未必個個鍾意。依家喺旺角香港康得思酒店嘅THE PLACE就破格呈獻「中國八大名菜」主題自助餐,帶你食盡中國大江南北唔同嘅菜式。 THE PLACE開放式嘅空間,色調柔和,用上大量白色、青綠色同橡木陳設,夠晒親切溫和。 中國最具代表性嘅八大菜系包括粤菜、川菜、蘇菜、浙菜、閩菜、湘菜、徽菜同魯菜,佢哋各有代表菜式㗎! 粤菜:點心、鼎湖上素、梅菜扣肉、八珍豆腐、菊花蛇羹。 川菜:魚香肉絲、酸辣薯粉、怪味雞。 蘇菜:香煎小籠包、砂鍋雲吞雞、松子魚、無錫醬排骨。 浙菜:東坡肉、杭州醬鴨、油燜春筍、香炸響鈴。 閩菜:香菇竹筍、香蔥煎薯餅、生煎明蝦。 湘菜:東安子雞、乾燒香辣茶樹菇。 徽菜:黃山燉鴿、雪冬燒鷄。 魯菜:蔥爆羊片、湯爆雙脆。 自助餐有多款特色前菜有花雕醉雞、手撕雞、拍青瓜、麻香菇芹、涼伴黑木耳、涼伴綠豆粉等等,仲有唔少重頭菜式: 肥美嘅即片北京烤鴨啖啖肉,不過係用包唔係用薄餅包住,呢樣就視乎個人喜好喇。 四川辣椒芝士焗龍蝦呢個fusion幾搞鬼,睇樣就唔覺好辣,但好過成日都龍蝦伊麵咁悶吖嘛。 創意「中式」甜品夠晒破格,按中菜造型特別製作多款吉祥甜品,包括「鮑魚」造型嘅朱古力慕絲蛋糕、「海參」造型嘅咖啡蛋糕同烏龍茶布甸。其他精緻嘅傳統甜品有糖不甩、椰汁桂花糕、冰糖湘蓮及紅豆啫喱等等,食味道之餘食埋個樣,又可以打卡啦。 餐廳都照顧鍾意西餐嘅朋友,即開生蠔同即煎鵝肝會繼續供應,回本依然冇難度。   自助晚餐供應時間:即日至2018年3月31日 (18:30-21:45) 星期日至四及公眾假期: 成人:HKD618;小童及長者:HKD438 星期五、六及公眾假期前夕: 成人:HKD658;小童及長者:HKD478 所有價錢另有加一服務費,食物或會因應季節變化及供應而改變。   香港康得思酒店 – THE PLACE 地址:旺角上海街555號香港康得思酒店L樓層 電話:3552 3028...

0

【一蚊雞大優惠 勁擦龍蝦海鮮鍋】醉胡爐

每間餐廳個名都會有唔同嘅意思,好似呢間醉胡爐咁,取名醉其實係諧音字,想用「醉」嚟表達「聚」,希望客人可以相聚喺胡爐,一齊食飯飲酒放鬆吓,確實幾有意思,連林丹嚟香港試過連續食足5日,你就知有幾好味啦!老闆仲話醉胡爐奉行「只要你鍾意,什麼都可以」嘅宗旨,無論係客人定同事本身,做得到嘅都會盡量滿足。 依家餐廳推出1蚊海鮮鍋優惠,客人只需要點餐牌上嘅火鍋料超過一百蚊同埋茶芥醬料等附加費,就可以用1蚊食到原價HKD388嘅主打海鮮鍋,好抵喎!點解會咁平?老闆就話即使推出優惠都唔會計較成本,一推就要推最多人鍾意、最受歡迎嘅海鮮鍋,可以睇得出待客之道同用心之處。海鮮鍋入面有半隻龍蝦、卜卜蜆同時令海鮮,湯底都熬咗好耐,飲落真係超級鮮甜! 配料方面,經理第一時間推介飛驒和牛肉眼(HKD338)就咁睇牛肉嘅紋理切得好靚,淥一淥就熟仲依稀睇到啲紋路,果然高質! 另外,餐廳嘅牛柳粒都好好食,軟腍唔嚡口,令人好滿足呀! 黑松露蟹肉餃(HKD108)又係超好食!第一次食到松露味咁濃郁嘅餃子,真係啖啖都係黑松露,食到小編停唔到口! 仲有甜品呀,醉胡爐嘅水信玄餅(HKD38)都好出名,整到晶瑩剔透,入口有淡淡嘅花香,相對嚟講冇咁膩,打完邊爐食呢個就啱晒!餐廳每星期都會推出唔同嘅優惠,食客有口福啦! 醉胡爐 地址:醉胡爐尖沙咀柯士甸路20號保發商業大廈地舖 電話:2606 2106 營業時間︰星期一至日:11:00-15:00;18:00-02:00 優惠日期:即日起至1月31

0

【手掌咁大隻龍蝦鉗 食盡海鮮餐日與夜】Day and Nite by Master Kama

食得開心,食得滿足,人人期望可達到!食新鮮龍蝦夠唔夠爽呢?旺角嘅Day and Nite by Master Kama就大推龍蝦餐喇,點解要介紹佢?其中一個原因係佢哋選用活生生嘅龍蝦,唔係雪藏㗎,所以龍蝦肉質特別彈牙同鮮甜,仲有淡淡嘅海水鹹味添。 明白有唔少人都係芝士迷,呢度嘅流心芝士龍蝦三文治(HKD108,Day Menu 18:00前供應)一定令你心心眼!爆漿芝士加上一堆龍蝦膏同魚蛋咁大粒嘅龍蝦肉,滿足程度可以掃走所有鬱悶;仲有外脆內軟嘅薯條,而鮮菜沙律混咗微酸嘅醬汁,幫你清清喉嚨。 晚餐會有多啲款式,清新口味必屬龍蝦玉子燒(HKD88),厚厚嘅蛋肉內裡又creamy又juicy,內藏粒粒龍蝦肉増加口感。 龍蝦芝士Mac N Cheese(HKD208)勁吸睛,細細碟已經蘊藏1隻半每日新鮮空運到嘅波士頓龍蝦肉,再配三種芝士同龍蝦汁一齊焗大長通粉,所有鮮味同湯汁都吸收晒。最正嘅係佢留返隻手掌咁長嘅龍蝦鉗冇拆肉,俾你慢慢歎,大啖咬! 大龍蝦鉗仲未夠震撼?意式龍蝦海鮮薄餅(HKD188)又點睇呢?成隻龍蝦頭同薄餅一齊焗,龍蝦膏慢慢滲透落薄餅度,惹味得嚟唔會膩。薄脆餅底係自家手製,除咗繼續用龍蝦肉做膽,仲有唔同嘅海鮮,鮮味十足。 飲品推介左邊嘅Smoothies系列嘅Unicorn Dream(HKD58),透過分層倒落樽嘅方法,令你輪住飲到波子汽水同提子味。小編起初都怕會好甜,但飲落都幾清新!想感覺Lady啲可以揀右邊嘅Ms. Cakery(HKD58),有士多啤梨、芝士蛋糕、燕麥糠同滿滿嘅cream,勁足料!     Day and Nite by Master Kama 地址:旺角山東街50號1-2樓 電話:3106 0900 營業時間:星期一至日:12:00-22:30

0

【啜爆你手指 唔用餐具徒手狂食龍蝦宴】Hungry Lobster

想瘋狂豪食海鮮大餐?而家登龍街就有主打龍蝦嘅Hungry Lobster,唔止有得狂食大熱龍蝦包、烤龍蝦,仲有超多海鮮擺晒上檯嘅海鮮大餐!真係不得了! 餐廳裝修配色特別,喺柔和自然色之中加入鮮紅色同藍色,醒目搶眼。細心留意仲會發現燈飾同其他小擺設都同海洋有關添! 嘩!一攤出嚟,成堆海鮮差唔多霸晒兩張檯呀!想食真正嘅龍蝦大餐,就要試下呢個Hungry Table(HKD1288/4人用)。參考咗美國南方食法,成堆海鮮擺晒上檯,任你慢慢食!餐廳每期都會精選時令鮮到爆燈嘅海鮮同新鮮蔬菜放落去,而且一定會有龍蝦喺入面,帆立貝、青口、蝦,樣樣海鮮都勁鮮味呀!有2種醬汁泰式辣醬同蒜蓉牛油任你撈嚟食,仲為你準備埋手套、圍裙,包埋4杯有汽白酒,今次仲唔大食特食! 龍蝦真係好新鮮,蝦肉豐富又鮮嫩。成個Hungry Table仲有得揀2人(HKD688)包埋2杯有汽白酒,海鮮迷真係唔好錯過呀! 喺香港大受歡迎嘅龍蝦包,呢度都一樣有,仲出埋變奏版黑松露龍蝦包(HKD138)!大大舊龍蝦肉擺喺麵包入面,配埋沙律菜同黑松露醬,清新而不失惹味。為咗個麵包唔會蓋過龍蝦肉厚實口感同獨特嘅鮮味,麵包係餐廳特登研究過食譜再送去訂製,軟綿嘅麵包質感加埋牛油煎過嘅香味,真係只此一間㗎咋! 如果想食扒,呢個烤龍蝦牛扒組合(HKD378)就啱晒你啦。仲可以揀肉眼、西冷或者牛小扒。點完之後廚師將龍蝦同牛扒放於烤爐度燒,除咗鹽同黑胡椒之外就唔會再加其他調味啦!龍蝦肉啖啖鮮味,牛扒Juicy得嚟牛肉味超級香濃,仲有埋厚切薯條添! 香辣味同海鮮一向都係絕配,呢個蒜片橄欖油辣椒蟹肉意粉(HKD128)略帶清新嘅香辣味道配埋蟹肉,意粉啖啖都帶有蟹嘅鮮甜味道,微辣令蟹肉更惹味! Hungry Lobster 電話:9330 5378 地址:銅鑼灣登龍街18號V Point地下3號舖 營業時間:星期一至日:11:30-22:30

0

【法日元素極致結合! 銅鑼灣高雅Fine Dine】Le Rêve

庸碌嘅生活,好容易令人忽略生活中嘅每個小幸福。間中獎勵下自己,品嚐用心製作嘅佳餚美點可以重拾對生活嘅熱情。Le Rêve位於銅鑼灣,以法國菜為基底再配以日本新鮮食材同元素,非常講究細節、食材同食物製法,務求大家可以享受到與別不同、完美嘅一餐。 裝潢以木為主,地板同牆身都用木材,帶比大家溫暖嘅感覺。露台仲可以眺望馬場景色,大家可以喺度chill 一 chill,仲可以食水煙同雪茄放鬆一下。每張檯上面嘅擺設一樣落足心思,用嚟放置餐具嘅石頭碟係富士山火山石,而樹葉裝飾係來自日本嘅樸葉 (hoba leaf),原本只係用嚟包裹食物嘅樹葉,花過心思之後喺度為大家帶嚟現代感覺。 今次小編去試試佢地Lunch Set,一個set有Garden salad with Fig或Soup of The Day,再唔係可以兩樣要晒加(HKD20)再加Main同甜品、餐飲。前菜當然要達到開胃效果啦,呢份可愛而不失精緻嘅Fourme D’Ambert (Blue Cheese) with Fig marmalade and Pumpkin seed,以藍芝士作為基底,再加上柑桔醬嘅酸甜味,味道口感融和,酸甜芝味互相輝映,同時夾雜南瓜種子,令口感更加爽脆。 Beef Cheek(HKD208) 慢煮神戶和牛,醬汁非常開胃,以酒汁微微酸味帶出和牛濃香。廚師建議將牛肉混和白色嘅椰菜心醬汁、紅色燈籠椒醬同啡色牛肝菌醬一齊品嚐,更能食得出牛肉鮮味。牛面頰非常嫩滑,細膩口感,配上別出心裁嘅醬汁令人好滿足。 Lunch Time想食個飯,呢道Lobster Creamy Rice(HKD168)一樣令你大感滿足!龍蝦份量非常多,食落夠晒鮮味。整個飯以龍蝦汁做base,龍蝦嘅濃香滿佈整個飯,龍蝦同飯量都非常豐富,食完呢份午餐真係差足電! Le Rêve 電話:2866...